再見廣康區TD豪・VOLVO TD102KF

近日，開始為一批放在紙箱幾年的盒蛋重新入盒同埋包裝番成為入手時的模樣，既然平時都無乜充足時間拎晒咁多位角色出黎欣賞同拍照，所以都唔好埋沒左批盒蛋的精美包裝吧... 本編將會將其搬入倉庫！背後常想著始終搭車太貴，存倉成本確實會有所增加... 如果將D珍藏擺晒入倉庫的話無錯屋企多左空間呀，但無得想望就望果種牽掛感覺，唔係個個人都會體會及明白得到！始終D野係用辛苦錢換番黎，對本編而言唔係一般貨物咁簡單。不過本編承受的壓力自覺已經好高，所謂玩"勿"喪志，享受玩具係應該將所有煩惱放低而非增加煩惱！今次為左要令D人無藉口再出聲，本編作出最大讓步！就算一個月去望一兩次、都總好過擺係個箱度限制多多又成日俾人話我D 玩具阻住佢D地方咁Q慘！我要令D人無藉口再出聲！！！

諗番下，本編可以將D 收藏放係無冷氣倉庫而唔洗再因為無位而割愛賤賣，已經很幸運了嗎?? 諗番之前蝕放的模型而家又買唔番，都真係有D心痛... 早知唔放好過。今日拎番D 盒蛋出黎入盒，諗起當日千方百計為左省位而拆盒... 而家搬走批蛋亦都係為左應付復古大襲擊，急需空間擺車... 

再見‧TD 83X~

今個星期呢4個工作天真係過得唔容易... 人手得番一半... 仲要係咁督數... 老實講早排已經有人跳左樓，好心間野檢討下啦... 幾個月就已經走左十幾個人！有關部門都唔知係咪食屎的！好彩有一日紅假俾人抖下氣！題外話，上年暑假尾上掛 83X 的3架GN牌TD豪到今個月已經退晒... GN6758 係10月11日到期，10/10 意想不到仍然搭倒6758^^ 比著熱狗時期的沙廠，將D熱狗提早一個月退都夠膽的... 渣GN6758 的司機表示呢架車係83X 咁多架車之中冷氣最凍的一部~

GN6758 應該係3部入面搭得最多的一部，早2個月壞車之後果幾日無晒冷氣... 係熱到出汗果隻！去到退役前果幾日就凍到雪櫃咁... 上層凍到哎救命！難道薑不老不辣？

GN6758

10月10日，GN6758 最後一日行83X 仲用塊格格不入的官塘碼頭牌!!

GN6976... 原來掛左83X咁耐6976 我得1張only... 唔係之前放學要跟游水班落觀塘，都影唔倒6976 添...

GN7875... 掛左幾個月就換左金巴... 原來都有影過！

GNX2，2架都係GN牌，你又會上邊架呢?? 我就應該會上GN2217!!

睇番頭批TD豪車尾相，見倒車尾上層燈位係一樣高，後期果D富豪牌箱去左窗下面排燈先拉番上去！越睇越鐘意呢隻擺得較低的尾燈！希望模型有機會的話出下呢款3AV 啦... 唔好成日用晒同一個模係咁出... 

另一條樓下線82X 的3架12米TD豪：GP8306、GP4633、GP5367... 而家甩淨5367... 難怪最近見倒82X 有金巴... 其實GP8306 的甩牌消息呢幾年都已經聽左起碼3次，一係就cut車、一係就話轉掛牌，好彩都仲留得住！當時5367、4633都未上82X，8306係82X唯一一架12米TD豪！

好可惜4633 掛82X得幾個月時間... 未影就已經甩左... 話說有一日星期6 長週放工係四美街坐82X返歸，坐中GP4633，沈生操刀！怒爬11號線果個碌車王真係超爽快！沈生一路爬頭一路啤住11果個碌神！大快人心！就好似當年坐82M-GL431 的肥司傅上小瀝源怒爬82X 3AV一樣^^。老實講82X 無乜邊個司傅咁進取，所以非常難忘，跟住玩CS仲改左名叫GP4633 以示尊敬添！82X TD淨係得8306 門位呢1張咁大把... 早知之前搵日去大老山掃晒82X 83X 唔洗煩！

巴給

季節已經走到微涼秋天。當習慣月的亮 再也看不見渺小的星光~  

電子野損壞率真係高，連續2塊底板都係用3年就壞，3年保養就係暗示產品的使用限期？

312 81C吉龍^^" 9月份少入手~ 
砌完機仲要入模型真係有D吃力！對81C的印象... 係由1X年前自己買的第1架，儲左好耐錢先買倒的老虎頭模型說起了... 都係老虎頭81C 最深印象，起碼自己搭過先，吉龍時期就無搭過81C啦，但312 好難先肯出沙田區路線，所以還是入手~ 雖說呢架81C係同101、6F 同一批貨推出，但零零舍舍呢架係由2間D model 同312合作出品，價格唔洗問就出名海鮮... (其實早係出M仔99果時已經擔心呢D 以私人模式的推出手法越黎越多，變相越整越貴！) 以呢部車黎講雖然小弟相對係靚價入手，但呢架車始終都創左小弟歷年入手眾巴模之中的最高價格... 

鐵吉龍效果確實係令小弟有D失望，有時真係想追番多幾部312 吉龍黎改番85K 86 甚至82M！但312 的內籠同埋車頂太薄呢個存在已久的問題又的確令人唔值得入咁多... 至於自己點解寧願只入312 吉龍都唔想入鐵車(即使價錢後者仲平少少)?? 我自己都諗唔明... 或者証明人係注重外表?? 唔通係當習慣月的亮 再也看不見渺小的星光？？ 

合指一算，Wmb 自從6月起連續數個月的開支都是遠超預算！某日花左幾個字時間認真檢討一下呢個貼身問題，但結論一定會係咩都做唔倒... 因此在即日起發出盈利警告！但為了應付恐怖的復古大襲擊，預期短期內Wmb 財政壓力仍然處於緊張水平...

上個月部機底板無啦啦又打柴... 之前換底板亦都係因為底板打柴！生產商注重利益間接又製造唔少電子垃圾了...

換一樣野有唔少連帶關係，就好似舊機用緊DDR2 記憶體，轉過D 靚D的底板開始用DDR3 記憶體，所以連記憶體都要換埋... 轉設計無非都係迫人定期要俾錢買姐，生產商不如諗下咁樣做無錯係賺倒錢呀，但每日製造大量的電子廢物，污染環境，D 臭錢真係賺得安樂嗎？

手機、電腦日常確實無法避免使用，但浸過電子垃圾的污水倒在農田上，農田立刻失去種植功能... 對環境的破壞非常巨大！上個月唔知邊間廠話燒左，記憶體價格即刻提升... 睇黎都係加快減慢的pk賺錢策略... 只怪塊板壞得唔合時啦唉。為避免超支，所以而家都係迫住玩住4GB ram先... 硬碟都係加隻1TB 先... 


砌機後又喚起巴給backup的重要！因為近日發現遠至早幾年近至只有1年前燒的幾隻DVD 損壞讀唔倒... 呢度起碼又有一批原相無左... 所以決定將隻500GB硬碟用黎做backup。而隻1TB就應付日常運作... 遲D 亦都要將所有相、片再燒多一份出黎...

近幾日見 83X 架GN6758  由其他車取代行走... 可能已經甩牌了...

返左1個月新工，除左講打機之外幾乎每次lunch D人都係 sun 的！而幾位前輩又離左職，仲調左2個去中環，搞到人手不足... 星期一有位新人到職，哈點知即日辭埋職... 同我同一日入職的靚女又辭左職... 原來舊公司代我個位的靚女又辭埋職... 感覺上好短時間入面周圍離職的人勁多，超乎想象！莫非D工真係唔係人做？？ 

Sam陳 真係一個仆街黎！本來都費鬼事貼文都浪費我的篇幅仲要講粗口！5:5X 分交野俾佢就屌尻人話阻住佢收工！因為條友態度差所以人地交野俾佢反而會令人地覺得好似自己煩倒佢咁的，但條友係咪調轉左個角色呀？係人地幫佢手收野番黎，唔洗佢去收喎！真係正一仆街！一日搵呢條友3次三次都唔係位，都唔知係咪去左蛇王！正一仆街唔洗恨！希望條友快D俾人炒！唔好阻住地球轉啦~


個人分享，不喜勿插~

再見九巴66號線...

曾是九龍塘先鋒的80M、81M、82M、88M、62R，現只餘下80M 提供服務...  係取消62R 的同時，狗巴66、263M 亦停止服務... 與其話經營客量少的路線導致蝕本，不合符成本效益，狗巴為何不全面退出市場？咁咪乜成本都唔洗囉？

1978年5月5日，屯門公路通車，66 線便於1978年5月8日提供服務，係屯公首期通車而提供服務的路線，66 亦都係屯公最後一條提供熱狗服務的路線！2013年9月28日起，66全線停止服務。

或者因為屯公的路線n年前全冷得7788，66、62X 就成為遊熱狗河的熱門選擇，雖然66 線唔係樓下線，乘搭的機會較少，但本人坐過66 的熱狗車型都有：坦克蘭、ES龍、密龍、老虎頭等等。算是充滿回憶吧！

07年因為返黃克競原故，開始接觸66 線，可惜當時吉偈熱狗已經退晒... 影到的已經係老虎頭、密龍居多！是次貼文即管post 幾張66 劣作上黎當做懷念呢條係狗巴以利益為大前題之下同熱狗一樣下場的犧牲品吧...

EH9097-66。話說2006年10月，當時EH牌坦克蘭開始退役，老實講以康偈的表現本人非常希望呢批車續多一年... 但始終狗巴、運輸署政策上的失當... 無話可說。這輛U廠的EH9097 極少影，所以某日放學就的起心肝影下同坐下EH9097... 可惜個司機碌車... 速度同路線一樣...

FT9910-66。標準相就無啦，果陣唔識影咁多，所以係得張車頭！

FX密龍-66。搭過一次FY3145-66，車長駕駛態度進取，加上車上無乜人，行屯公表現非常理想!!

GA5505-66。攝於62X 熱狗最尾果幾日及前屯門西鐵站。

GK2926-66。老虎豪係66 熱狗時代的後期... 當時66 已經好少熱狗了...

老虎頭表現雖然強勁，不過上層車尾個窗好高，次次坐呢個位想望後面都要企高的！

FP6583-66。

GK9112-66。9112係66最後一架熱狗掛牌，相片是某日9112經過大窩口的情景。

FH2110-66。2011年11月，66 全線改派空調巴士行走！自此本人再無乘搭66... 估唔到66全冷唔夠2年，連路線都保唔住了...

最後忍唔住post番4年前同66 的合照出黎~ 當日FB9469行66，唔少人去追66，當時FB牌坦克蘭即將退役！而9469係最後一架坦克蘭，所以本人亦趁這個難得的機會坐番轉坦克蘭66~

從前認為有排都未得退的TD豪 VOLVO TD102KF

中秋節一到，除左天氣已經走到帶微涼意之外，原來又係狗巴十二米TD豪(3AV)開始退役之時了...

十二米TD豪係1995年投入服務。去年暑假，頭50部康明斯引擎的4前速3AV 除了部分改為(非載客)訓練巴士之外已經全部退役。今年秋天，另一批為數有一百一十幾部並使用Volvo TD102KF引擎的3AV亦已經陸續服務市民滿18年，首先踏入退役的係GN牌的十二米豪！其餘陸續將在2014年底前到期！

真係唔覺唔覺呢批車已經18年了... 如果最後一批熱狗肯續到18年的話，其實呢批GN牌3AV 的車齡同S3V相約... 呢批TD 3AV外表與同型號的首50部康偈3AV除了車尾有明顯分別之外車身其餘部分大同小異，不過車箱座位就完全唔同！首50部康偈3AV 上層使用3+2座式；而由1995年開始引入的TD 3AV 起始上層改為使用座位較闊的2+2座式。此外首50部康偈3AV 的機械配置是康明斯LTA10引擎及ZF 4PH500 四前速自動波箱；TD 3AV則是配置富豪TD102KF引擎及Voith DIWA863 三前速自動波箱。

而家平日放6點，踏入秋天6點已經開始入黑，根本無乜時間影倒車... 所以本編仲有唔少11米、12米TD豪都未影相信都無乜機會影得齊全集了... 所以話唔多唔少係要靠平時掃車執倒的貨儲落黎。

GN6122-3D~

GN4157-11B~

GP7359-11D~ 仲記得當日影GP7359 係因為車牌同當年一輛老虎頭 FP7359 只差一個字...

GP7387-80X~ 影呢張相果陣自己好白痴，本來其實係影GB牌大康豪-83X門位! 因為呢個位可以見倒架車出左隧道左轉上迴旋處，準備定影架車落黎果下！唉可能自己太緊張原故啦，事關呢個位好窄，左邊係燈箱、右邊係大樹，早影少少同遲影少少都會炒，姐係類似射龍門... 所以架車衝落黎一出就要影！又加上83X 出大康豪喎，同中六合彩一樣咁少有，難免會驚住對唔切焦又或者無啦啦有車阻果D！點知當架富豪出現的時候我影左GP7387-80X... 起初以為係成功影左大康豪83X... 當我一放低相機就見住架大康豪83X 推住80X尾落黎...！下！姐係影Q錯左囉... 即刻舉機亦為時已晚... 就係咁本來影83X變Q左80X... 唉真係不禁要大聲講番句粗口先得！(如果係熱狗時期的坦克蘭同老虎蘭車身有這樣明顯分別，我就唔會認錯車啦...)

GN7875-277X~ GN7875後來轉掛83X，但只有幾個月時間就換左做JE1006... 所以83X都無影過...

泊在火炭廠的十二米TD豪

雖然時至今日，熱狗退晒，而TD豪亦開始退役，畢竟無論熱狗或者係白板冷馬，都充滿美好回憶，所以退役係有點可惜！但大約十年前左右其實本編有段時間比較討厭TD豪，可能係因為康豪的行車表現比較理想的原故，有時等車黎TD豪，都唔係好想搭。與康豪、冷蘭相比之下當時的TD豪行車表現實在非常之差，間中都聽倒唔少司機自己都話D車踩油起步都唔郁的，力水差之餘加速又慢... 部分更加"唔覺"有冷氣出... 的確地曾經有一段時間本編返學都寧願行35-45分鐘路而唔俾$3.7搭呢D廢車... 將呢幾蚊用左係小息用8仔買野食...^^

如果大家有印象搭過TD豪行83K，係小瀝源草地滾球場綠燈起步，去到插桅杆街路口右轉的呢段路仔需要經過3個交通燈，第1個綠燈起步去到第2個燈剛好時間轉綠燈唔洗停車，但第2個燈同第3個燈係一齊轉綠燈，TD豪去到第3個燈要過埋其實已經係衝黃燈邊緣，相反康豪甚至係冷蘭基本上保證係綠燈情況下過倒，轉埋個彎望住個燈都未轉黃燈^^  

而當年TD豪行車表現差往往係夏天時出現，冬天唔知係咪因為散熱好左批車表現係好D... 近呢幾年批TD豪同當年相比好似真係快左，唔知批車的機件係咪調整過呢...?? 而家夜晚有時返完教會之後搭80X返屋企多數坐TD豪，批車的表現唔錯！加上夜晚司機駕駛態度比較進取，有少少搭緊坦克蘭的影子!!! 自從自己買左架Voith 波箱的大比例模型之後，對於現役使用緊和富波箱的巴士又增加左好感~ TD豪都係其中一款吧~


黃色巨鴨經過數月的太空旅程，終於在最近遊到一個地表好似地球的星球！這個星球原來是光之巨人將一班戰敗的邪惡超人軀趕去到的地方。巧合地黃色巨鴨身上的某種能量正是呢班邪惡超人正想取得的，因此為了保護黃色巨鴨，光之巨人與之發生了一場大打鬥！ 

下面係參與打鬥的人物：

Rubber Duck(Bath Duck)

札拉布星人

機械Ultraman Ace

Evil Tiga

Dark Mephisto

Ultraman

Ultraman Seven

Ultraman Ace

Ultraman Tiga

Ultraman Dyna

Ultraman Mebius

賞月節

末日後的中秋節，幸好有3日假期放，真係難得了！假期太少呢個確實係事實黎... 

本年繼 MSN 玩完之後，本編玩左5年有多的xanga 亦在本月初燙下句點... 跟住電腦又壞埋...

本年可見的超級月亮已經係6月出現左... 本編都未有時間好好欣賞... 下一次要等2014年8月先會再有...

月球圍繞地球公轉的軌道是圓橢形，故此地球與月球的距離大約在35至40萬公里之間，因此最大相差距離足足有5萬公里！就係因為相機焦距有限的原故，才更期待超級月亮的出現!!

2013年9月8日晚上的月亮~ (1440mm)

2013年9月19日，中秋節晚上的月亮~

我都係覺得黃黃地色的月亮有氣氛D，正如傳統月餅一切開就好似望上夜空一樣！加送2段賞月片段~

用慣左Xanga 貼文，而家無左xanga，yahoo blog 又話年底前停止運作，本編唯有用google blog 延續這種樂趣吧！用慣左xanga都係覺得xanga的版面同功能係最好的... blog好難用，貼相貼片無咁靈活，連文字都無lala 移晒位...！