挑戰少入! (挑戰財政能力的入手)

從前到80T，望見1:24 汽車模型，都會被其精細做工吸引，但望一望個售價，告訴自己還是多來80T 望算了，不要發夢買一台回家，何況都無位擺！

不過認真望下架1:24，其實都無想象中咁精細，賣千幾蚊還覺得物有所值，但加價加到去二千幾蚊就會覺得失望！所以點好都唔夠1:1 咁好，因為1:1 就連車箱的凳都係細個坐開，充滿感情。不過架1:24 唔係我的，轉手前一日點都要拎出黎欣賞欣賞。1:150 拎過、1:76 拎過、1:1 坐過，係1:24 未拎過，未拎過的朋友可以想象一下自己係超人，拎起成架雙層巴士^^"。

1:24 巴士 vs 1:76 hiace。巴士係馬路上已經大大架，模型都大大架真係好有氣勢，不過我就玩唔起咁貴的模型，屋企都無位擺，但今次全世界共只生產180架，非常珍貴，網上的炒價亦倍數上升... 作為賣模型的山禾模型公司亦帶頭加價，加到去一萬二千八百蚊，真係好心佢啦，做壞晒D規矩，本編非常討厭呢D 行為！

前軸轉向功能太正了，成架模型即刻變成栩栩如生的真車！不過轉向幅度就得果少少地...

1:24 巴士 vs 1:76 hiace，同為BC的出品。

縮圖黎睇個內籠，好有真車感覺！一台模型有實物感覺係好緊要，唔通而家buzes 的S3BL 都叫得做模型咩？

下層及上層

天花的光管怪怪地，不過未見過呢款車，未能判斷。

車門大開~

司機位，可以見倒車速計的刻度！好正，但可惜的係司機位呢個窗無做到開關，變左梗窗...

熱狗巴士用的長凳，凳上的銀色鐵扶手已經成為不能忘記的特點。不過真車的凳在扶手位應該較倚背直立，因此模型的凳有少少扣分。

入油位~

吉拿引擎???

當年呼籲市民巴士超載犯法的訊息廣告：超載屬違例 乘客請合作。前排還有網民不滿山禾炒高模型價，改為：超貴屬違例 三婆請合作！三婆、山禾是某模型店的近音。而家交通營辦商年年加價，交通票價實在太高，巴士公司大可考慮整番個廣告：超貴太無良 港鐵請合作！

唔影番近期少入作總結，都唔自覺原來近月入車係咁瘋狂！但都以追舊車為主，早排追番bc 的富豪奧林匹克，近日又追番carz 的丹尼士禿鷹同jumpwell 的N364 及312 亞比安、BL...

一直覺得 bc 的貨車類模型出得唔錯，就算自己對貨車無特別好感，都會被模型吸引要買番部。

風機3N... 幾年前官方出3N 果陣，覺得個模同312 的3N 實在相差太遠，聽聞個模係舊模改出黎，所以始終買不下來，就算一套彩虹色係幾咁壯觀都唯有無視！但就正如當習慣月的亮再也看不見渺小的星光，基本上所有官方巨龍都無可能同312 的巨龍有得揮，咁係咪姐係永遠都唔洗買？直到bc 呢個模改出風機及某些不明原因變為非官方出品，仲要出89C，先捨得科水買一部，點知陸續有黎... 而家仲要追番之前出左的風機1A...

而當年官方出開龍果陣，一睇已經覺得個模同312 的S3N 實在相差太遠，但假設你接受到Buzes 的S3BL 玩具模的話，開龍、密龍、禿鷹呢D 相信無理由接受唔倒，但買新城模型又無乜優惠，所以一直未入。點知等咁耐都係無其他靚價途徑入手，還是要到80T...

另外ATENU 出果時完全無購買意慾，但而家出的都變晒精細版，售價更貴，所以自覺普通版更加珍貴，反正自己又無E50D，買一部絕不過份吧！不過可惜谷模...

黎緊有一款幾有感情的車會出：AD... 日前見倒幅圖真係要講粗口！我寧願你用番ADS的數據加長變番11米，都好過搵本身已經唔多像真的密龍改... 實物未出現還可以安慰自己是影相角度求其導致效果欠佳！但又無法說服自己其實個模假設做得好，理應任何角度都無問題... 失望！

一直以來，我都認為一個星期得星期日一日紅假係太少，唔知係咪同人唔願郁的本性有關。5月過了一個連踩的月份，連日朝九晚九、六及日朝九晚六甚至朝七晚八都試過，除左無左坐坦克蘭的時間之外，夜晚番到屋企食完飯已經好夜，玩OMSI 的熱情也減少左。黎緊更加大挑戰，連日朝七晚二三！減左交通時間、沖涼時間，幸好每日應該都有四小時可以訓覺的... 對於一些需要放假休息的人民來說，是超大挑戰！不過即管試下，我非常落意接受呢個挑戰！反正對上一次咁FULL TIME 已經係當年頻密做老臨的時期，要夜晚開工，日間番學，生活都好正架！凌晨利蘭奧林比安出旺角再搭小巴，個天仲係黑的，番到屋企已經天光，第二朝? 又要番... 黎緊成個月都無假放，所以將會減少貼文(反正其實寫完無人睇，志在自己生活上有點紀錄同埋一個不錯的照片分享平台)。

bc 最近推出的1:76 貨車類模型起初話賣75，臨出之前又改左做83...。不過對上一次因差佬車、火粥車賣98，票價曾有同樣比例上調，故與是次$83相比，票價將會有所"下調"！乘客請留意，切勿多付車資，不設找續！

新票價(短途$3.7；長途$5.2)：

是次票價"下調"約為15%，是自2014年11月以來的第一次，也是連續8次上調以來的第一次，可見市面物價上升驚人！另外非常不滿港鐵將於下月全面加價4.3%，根據票價自動加減機制，屆時Wmb "需要"按相同幅度上調票價！

寫此文時有唔少事想分享，但過程中好多都唔記得左，無謂辛苦諗番起。文尾分享一段自己錄的Need For Speed 9 遊戲片段，首歌係錄game 時背後 youtube 播的，估唔到唱完果陣咁岩衝線！每次睇都好有賽車鬥志...

近月少入及再見熱狗2012小回顧

5A、16、93K、98A 全空調巴士服務至今已三年，其實對當時為趕及2012年將所有路線全冷，每隔幾日就有一條線全冷呢個做法實在感到好無奈，而最後這4條線亦被提早於5月9日全冷... 每年去到5月都習慣要睇番當年的熱狗相，呢個集體回憶可以話係永留心中千百印！但仲未有時間拎佢地的模型出黎認真影相... 況且93K 都未出開龍... 真係無奈！最起碼都同我出番5A 原色開龍、93K 原色開龍(GA6107車頂同其他巨龍不同，所以如果出非GA6107亦可)啦！

印象中93K在全空調服務前的很長時間，一直沒有派出熱狗行走，直到2012年5月9日正式全冷前的一日才有限度派出熱狗行走！ 

當其時坐左2次GL258~ GL258 行車証是同年11月才屆滿，因此16 在5月全冷個人認為是太早！

HC1507 無影，莫講話而家HJ2127 油番條紅線上去，都完全無去影的power，或者如果熱狗最後一日無去影的話真係會後悔一世！只能說保留舊巴士是相當重要！

2012年5月9日，九巴說是香港巴士服務的新一頁，因為全面以空調巴士行走，熱狗成為歷史，說得多麼漂亮，但對於全面空調巴士服務，本人就認為是巴士公司加價的手法並非真心有意改善服務。2012年5月9日可以說是香港巴士服務的黑暗一頁！因此今次亦都以"絕望的暗雲"為題材，紀念服務了香港九十多年的熱狗巴士歷史(1921-2012)。

架GK9063 QC真係好差，車尾黑油出晒界，GL258 廣告都唔對位！真係模已經唔靚，QC又咁差，苦的都是收藏家了！

近月少入~ 因應近期巴模推出再次頻密，Wmb 預期開源措施仍要維持一段時間。

有Carz 丹拿、AEC、DM28、10.6米短身鐵巴、Buzes S3BL@81及14、Jumpwell 3AV、312 AA2以及追番幾年前 bc 富豪奧林匹克十一米。

Buzes S3BL 目前仍然不停出，不過心目中只想追番當年出的吉蘭81 黑軸大退步logo，而家有埋 EJ4474 黑軸大退步logo，以後應該唔會再買呢件Toy了！重申，我買buzes S3BL/S3V 是個人對熱狗的愛好而絕非模型比例精確！

雖然相比起利蘭、巨龍，富豪並唔係最喜歡的車型，不過08年出的富豪奧林比安十一米新模卻令小弟感到滿意，而家能夠用二百幾蚊的票價買倒一部自己覺得滿意又未升值的模型已經唔易了。所以確實有必要追番晒中、新、城VA ！話買就話左好多個月，只是平時好少專登去80T 入，但近日原因不明，唔少人接連買番幾年前出的呢款富豪奧林匹克十一米，加上明白而家炒家當道，難免擔心會被炒家搶購一空導致大幅加價，所以都係買左先。

其實真係好羨慕D 富有車迷，凡有模型推出都有能力入手，相反自己就成個窮nun 咁看菜吃飯，有時想如果自己見有野想買就科水買，我諗目前連一台退役巴士都留不下來，對我來說這可是更大的損失。故此對於一些不合格的模型產品，是絕對不能入手以示對於無誠意的出品表達不滿，因為購買的話就間接表示接受這些不合格的貨品，浪費地球石油及塑膠，故絕不能再科水支持！

黎緊應該都有唔少心水車會出，咁捐錢法都真係幾甘！因應來月有新紙推出，本月起字軌需增加工時... 睇黎未來一個月會是相當忙碌，此blog 或需暫停貼文。另外，因應最近新出的bc 1:24 巴模定價提高，按票價自動加減機制，Wmb 即日起調整票價！是次是Wmb 自去年11月起第7次調整，可見市面物價提升驚人！

以對上一次定價$1980 計算，這次售價加幅高達30.3%，因此Wmb 短線長線的票價亦調整如下：$4.4、$6.1