BHTXWmb

2022年10月14日星期五

MiniGT 1/64 Lamborghini URUS 蘭博基尼原牛-超級野牛SSUV (橙色)

年初分享過MiniGT 出過的三款蘭博基尼超級SUV URUS 的1/64模型，事隔半年有多，終於再有另一隻色的出現"橙色"，並有左右駕駛室版本，作為URUS 愛好者，當然是兩款都要齊，反正唔貴，MiniGT 的1/64 蘭博基尼性價比頗高的！黎緊仲有隻銀色會出，當然也是必入的~

先送上開箱短片：

B站影片：

https://www.bilibili.com/video/BV1ge4y1o768?share_source=copy_web&vd_source=09596363f179a7b641336163e34c5783

蘭博基尼創辦人曾表示，生產最佳賽車是毫無意義的，因為人們只會記住賽車手，只有生產出最佳汽車，人們才會將它銘記於心。因此蘭博基尼一直研發超跑級別的車輛，以確保他們生產的汽車，是世界上最頂尖的汽車！蘭博基尼成功了，他們生產的汽車的確是世界上最頂尖的汽車！TOP CAR

先來右駕駛室"香港"版本：

然後是左駕駛室"意大利"版本：

後助噴燃，橙色熱情如火，全速前進就像戰鬥機一樣噴發火焰~

URUS 是地上最強SUV，2012年發佈至今，它讓休旅越野車超跑化，讓各大名廠紛紛加入競爭發展高性能SUV，雖然已經有其他品牌的SUV貼近甚至在特定模式下超越了URUS，但無疑這些都是為了超越URUS而誕生，爭取世界第一名銜，十年前，他們還未到！

VT3923 近期調到沙田廠之後，四圍走，期待行多d廣康區路線

不過個司機唔知係咪手多，出左52S... 原本係行49X，下一轉補飛又人阻車阻，所以再行都要再影... 期望會行多d 82X~

VT3923

近十年的巴士幾乎已經全部係E500MMC、Volvo B9TL，多d 唔同車身的都係好事，免得架架一模一樣！

曾經的蛇年巴士RG9525

UU2557

TE3947

快將退役的LZ5771

TV4001

PJ5797

下一轉的VT3923前車TV4001，呢d 唔係主角的車就實有貨既...

SN8669

巧遇龍運巴士E281~ 個人估計呢批車應該都唔會翻油，但如果翻油，會唔會油紅色呢？

有人話巴士公司好諷刺，私人保留的舊巴士車主就肯花錢翻噴、維修，但噴黎無錢賺，背後可能仲要節衣縮食先搞得掂；行出街賺錢的巴士就唔願翻噴... 又真係喎... 所以點解本人一向都好尊敬一班車主，尤其自己一架車既車主，所有開支要一人承擔，真係唔係講笑，香港仲有人咁有心咁長情真係要珍惜啊~

Wmb 宣布盈利警告仍然生效，近期巴士模型只買了74A O305平治一架...但另一邊箱Autoart 竟然玩野，將會出3架1/18 URUS，顏色分別是綠、橙、紅，其中橙色就是今次分享既呢隻色一樣，其實個模無改到，只係同模換色... 亦聽聞會加價，所以就算再鐘意都暫時唔訂住，當然希望唔好加價，加價可能不買了！唯有寄望MiniGT 1/64 玩多幾隻色，取代1/18，事關1/18都無位擺...

近期發現越做越多唔係自己職責範圍內的野，本身已經人手不足加上上頭安排越見失策，無好好劃分邊d應該做，邊d唔關事唔應該做，其他team A字膊又越見明顯，引致往往浪費人力資源在非合約列明的事項上，上頭成日Yes man 上身但又唔會落手落腳做，淨係識叫其他人做，搞到好多野吃力不討好，部門咁既架構，唔蝕錢就假啦，肥上瘦下，唉度度都有d 咁差既制度，d管治班底同以前的差幾丈遠，其實成日話蝕錢，點解唔檢討一下有d職位根本做唔倒野，但做倒野既post又話因為省錢而要cut...

最近睇倒單新聞真係笑左，"例如"而家海岸公園話想改建山下園區，將入場區域改為免費開放，設施獨立收費，而大部分現有的建築物想改為商場，結果原來係無承建商投標，事實証明邊d人做實事，邊d人諗野離晒地，大家一睇就知... 所以好多時d錢咪蝕晒係班高層人工度，就好似幾個上年9月話停用的機動遊戲，擺左成年都無郁過又無話拆，其實好心就繼續開番俾人玩啦，想玩機動遊戲的人越黎越無選擇仲叫人點繼續入場呢... 而家好多人都改去迪士尼... 迪士尼話加價，有d傻西話海岸公園都可以加，我心諗你米岸尻啦，你自己d設施越開越少仲加價？人地入到黎見你d野唔開仲會唔會再想黎呀？你想無人入場、員工多過遊客咪加囉，用腦諗下野唔撚該！

唯一覺得今年哈囉喂幾正，4間鬼屋氣氛都好過去年，而且道具的像真度高，值得入去玩！近日開始秋涼，加埋維他奶又出左橙朱古力，氣氛好好~

亦配合到今次分享主題，橙色！

騙徒呂中舜、陳志杰不得好死！

2022年9月20日星期二

弊弊弊, 有好多怪獸, 你看看你的背後! 正義大朋友英雄勇像・Ultraman Dyna Flash Type・超人帝拿(戴拿奧特曼)閃亮型 BANDAI Banpresto TDG25th

Wmb盈利警告繼續生效！

自從英雄勇像推出迪加以來, 一直希望會推出平成年代最受歡迎的三套片集角色, 8月推出的帝拿正好集齊平成四傑!

平成四傑英雄勇像是稲上信行的出品, 這些角色以前出過HDM盒蛋, 因此勇像的設計都是以盒蛋做藍本, 減少開發成本, 好聽的就係盒蛋年代的食玩姿勢有代表性, 唔會似新角色咁出埋d奇怪pose不倫不類, 但唔好聽的就係新系列用盒蛋放大, 姿勢同型態都接近一模一樣~

先睇睇帝拿外盒, 同上次佳亞一樣無左TDG25th一字

超人迪加作為首個英雄勇像的超人角色推出後, 個人一直希望眼鏡廠可以將迪加往後的角色全部推出, 這系列經歷兩年, 帝拿勇像終於推出, 千呼萬喚的平成四傑終於集齊！造型方面, 這次有稻上信行的設計, 平成四大超人可謂以高質登場!

但今次帝拿的qc 普遍都話好差, 同上次佳亞一樣, 開盒是否中奬真係睇彩數!

因為佳亞、帝拿産地都是越南, 質素竟然比made in China的更差... 有更差的對手, 方知中國製造的美好... 討論區越來越多人唔想再由越南做...

一直都估如果帝拿出勇像的話都會係呢個pose, 係對恃招牌動作, 英雄勇像始終都高度還原了超人的身形比例, 甚至覺得腰太幼, 身材太好...

今次額頭水晶無用透明件, 變了上實色, 眼睛邊縁上色都較為參差, 最明顯但無乜人發現的係腋下位置, 與主體接合位銀色紅色部份竟然唔對位, 低炒角度清楚可見!

但並唔係右手過份旋轉, 因為背面其實正常, 問題可能是心口附近及手擘内側畫線各有偏差, 導致銀色同紅色部份接不上, 睇番以前盒蛋帝拿係無呢個問題... 帝拿勇像似有退歩情況...

手擘背面是正常的

都理解始勇像終是景品, 不能期望太高, 拍攝模玩總要找個角度以免暴露瑕痴~

還有個小問題就係面具和頭套之間有條空隙, 有些礙眼

帝拿的色彩, 仍然是新一代超人沿用的主色, 平成TDG 開創了多個作戰形態的模式, 超人顏色也至少有三四款...

然後當然是TDGA 平成四傑的合照~

平成年代登場的超人多了很多元素, 顏色、造型都非常豐富, 但如果與新生代比較, 新生代的誇張得太過份, 所以回顧平成年代的超人, 我會覺得恰度好處, 至少超人都係人, 唔應該加太多屈機的武器一招就可以KO強敵, 呢樣我最接受唔倒, 如果係咁勁, 為何一開始不直接出招秒殺？

去年是TDG 25週年, 作為鹹蛋超人歴史上最重要的TDG三歩曲, 無論出多少次玩具都總有人買, 而熱播TDG那些年還是小學生的, 轉眼25年後都已經年過三十, 回顧那些年陪伴大家成長的鹹蛋超人, 一百多元一隻的英雄勇像, 無論大小、造型都稱得上性價比最高, 你們會買嗎?

帝拿、迪加

佳亞V1、帝拿

同佳亞一樣, 旁拿腰間上色出界, 因為有摺曲位...

佳亞V1、帝拿、迪加

佳亞V2、帝拿、迪加

佳亞V2、阿古魯V2、帝拿、迪加

最後都想講講今次買帝拿遇上玩具店吞訂事件, 事源本人在現時點268號鋪(Toy _ _ hot)以現金下訂, 同時訂了帝拿、X及X透明版三隻, 唯只收到X的收據, 其餘兩隻店員用黃色紙手寫表示會跟進，及後本人一直有私訊該店要求補回單據, 但一直已讀不回(起初還有選擇性回覆, 後來直情隻字不回)！帝拿現貨發售時再親自前往詢問, 當日收錢的店員否認有收過訂, 更召喚了另外兩個店員(應該係店主)一同表示無可能有收過本人訂金, 還說根本無証明會留貨！

Toy_ _hot 黑店！油麻地現時點268號鋪！諷刺的是上面除阿古魯之外, 佳亞、迪加都是在油麻地現時點268號鋪購買, 一直入手愉快, 今次竟然吞訂, 真係對呢間野好撚失望！如果真係無訂到貨, 會唔會走去白撞話自己訂左咁0N9呀？何況真係真金白銀俾撚左錢...

It's time to let go! 唔會再係呢間店度訂野!

問心, 都買左英雄勇像系列近兩年, 勇像上色水準真係比較差的, 亦有偏色問題, 我淨係會覺得係個模做得似、身形比例似、動作(稻上信行)還原度高, 加上童年情懷及售價唔貴令大家都覺得勇像好吸引。不過每次買英雄勇像都會上網睇埋其他人的開箱片, 因為想睇下大家同一件貨的qc 係咪真係咁差, 雖然有時見有d人中伏, 但亦會有d人開箱出來上色好好, 直投有少少迷你xplus的感覺, 証明英雄勇像的品質臨控係好參差, 可能有人話賣90蚊人仔的景品你仲想有品控？亦有人覺得其實批勇像根本無做過qc, 但坦白講英雄勇像成本其實好低, 因為夾公仔機抽一隻好平, 只不過係現貨貴, 其實BANDAI 花少少功夫做下qc 係咪好過份先？點解有d上色靚但有d又出晒界又唔夠色呢？話買家要求高個d 係咪BANDAI打手？可能要自己抽中花面貓先會識講番句公道說話？

最後加送開箱片：