想起當日唐英年先生向梁振英先生質問：香港始終有一日要出動防暴隊同催淚彈來對付示威人士？你(梁振英)有無講過?!
在電視機上確實見倒警方使用過份武力對付遊行人士，其實大家都是同處一方，絕對無必要使用武力！我就唔信無差佬去遊行啦！
時常見別人在苦苦勸說不要上街，不要讓家人擔心，不要破壞社會秩序，有時都會覺得有扮晒理性的成份，說得出這些來咪就已經係表明左立場，何必在扮中立扮和平呢？唔在現場也不多說警方和遊行人士是否理性克制，總之自己知自己做緊乜就夠，旁人也別作無謂的勸說了！
有時睇得科幻片多，反而想一些壯觀的場面及大規模的暴動真實出現！包括燒汽車、襲擊警車、引爆炸彈、佔據公共運輸系統等等元素。當然我相信遊行是和平，以上畫面不會出現，但所謂受了教訓，得了書經的指引，始終要有一次超大規模事件出現，才可讓後世知道香港歷史上的這件事件之始末，讓後人吸收教訓，越慘痛的教訓才越有作用！
近日秋風起，能見度非常差，中環可以望不見北角的，高能見度的日子又這樣快地離去，我還未有在真正高清日子在山上觀賞香港景色...
秋天是一個令人容易思念的季節，可能是因為四季以冬天作結，秋風一起便讓人醒悟一年的時間又過去了大半，有些歌曲在秋天聽更加進入意境。借題分享以下歌曲。
通常，有決心儲錢的月份，都有唔少正車殺出黎，不過既然D車要出，都係早出早著，早入早享受。
今次主要入了都普勝利二型、石油汽車、亞比安~ 都普雞都算係突然殺出，比預計早推早，亞比安都算係驚喜，而石油汽車因市面難尋，追番到手，所以唔係新推出。
因歡迎中巴勝利二型推出，Wmb 為車隊髹上與當年勝利二型相似的色彩。
而家買模型比起十年前又何止難左十倍，有時唔搵人幫手留車，都唔知有無機會入手，我呢D 小買家唔係有錢佬，邊食得起網上的炒價先得假... 其實都係生產商增加產量最為實際！
今個月仲入左隻小輪^^。其實都諗左好耐，因為1:230 隻船咁細架，都要成三百多個大洋，同埋cars 的模型有時都係覺得誠意欠奉，見上層都係錯模的！因為呢期過海次數多左，深切體會交通票價實在係太高！正所謂節省一元得一元，以低票價方法到達目的地多年前已成為Wmb的習慣^^。
為歡迎小輪模型到達本廠，Wmb 特意為車隊其中一部雙層巴士繪上了有天星小輪船身特徵的色彩。
無聊果陣計過，假設每日由尖沙咀搭地鐵過海每程要$9，來回則花上$18，當一個月20天搭地鐵，需繳捐$360。而假設每日由尖沙咀搭船過海每程要$2.5(平日上層票價)，來回即$5，當一個月20天搭小輪，需繳捐$100。再假設是使用小輪下層，平日每程$2，來回即$4，當一個月20天搭小輪，則需繳捐$80。以一部正價328元的小輪模型來說，在這個差額之下，堅持1個半月便可把這個差價換一部模型番黎XD，所以有時買模型係一D 都唔奢侈！唯一付出最多的係轉船過海需時較長，加上而家維河(前維多利亞港)已經填海修窄了三份之一，所以行去碼頭路程的遙遠，也需用時間換取... 碼頭遠左亦相等於自己要步行維河的三份之一路程，呢一點亦都係小輪客量下降的主因，2009 年之前搭一程船下層票價只是$1.7，就係因為政府執意填海，又正值油價貴，令船公司已經兩度加價彌補損失，假日連同星期六的票價加幅更加驚人，所以最後受影響的又係市民... 連同近日警方的暴力行為，對梁振英非常失望！
連續4個week 番長週，放假個人真係墮落左... Wmb 過去曾為多輛巴士髹上經典車身色彩，或者有部分沒有廣告口號，但只要看見不同的顏色配搭，已經記起是什麼廣告，深入民心，現在回顧一下~
本月努力節省開支，相信古時的一句說話，積少成多，聚沙成塔。雖然作為打工的工資的確有限，但就是有限的收入卻可讓人養成節儉呢種你我都是人但不是人人都有的美德~！回看從前未有最低工資時，人工水平真係慘絕人環... 但唯有當係一種訓練，因為當你人工高時，便不懂得應洗則洗，可能相信千金散盡還復來呢D 歪理！
Wmb 總結本月開源成功，lunch 絕不超過36元一餐！在中環高消費區黎講，要保持這個措施是有相當難度！預計來月的巴模攻擊將不會造成大衝擊^^
