呢排有些秋風起，中秋都過左，好像有一些秋愁。上星期唔知係咪好彩啦，海鷗帶給一個8號的早上，雖然李力場的存在令無數颱風包括海鷗無法正面吹襲，今個星期本向南海前進的颱風仲更加90度轉彎！不過都要講幾句，香港位於亞熱帶地區，受颱風吹襲是正常的大自然規律，但現在氣候似乎有所改變，一些人還在慶幸沒有颱風吹襲。雖說打風令經濟有所打擊，但正常的氣候卻是維持萬物運作的根源，所以還是珍惜颱風的來臨了！想想氣候反常，人類最後還是步向末日而已！
中巴勝利二型終於再出，今次限量只有600架，仲難過人地去搶奶粉！還記得十多年前出呢款車係即刻儲錢去買，大大話話已經隔左十年有多。今次的入手，相信為黎緊到年尾的大襲擊展開序幕！因為黎緊有唔少想要的車陸續推出... 就算平時入車策略是多麼選擇性，黎緊都是避無可避，又再一次証明積穀防飢的重要性... Wmb 表示來月仍然需要開源，減少飯局，午膳的開支亦需控制！但中環地區要價廉物美實在太難了。
Wmb 為車隊其中一部利蘭巴士塗上與當年LV149 接近的色彩，亦以88號碼為路線，以歡迎LV 模型再推出~
九一一十三週年，又想起世界貿易中心從前在紐約的英姿，所以低成本整左兩座世貿出黎玩下。畢竟我認為世界貿易中心呢兩座大廈是全世界最堅固的大廈！否則都唔需要炸到變成粉沫！根本就係驚大樓屹立不倒，要炸到連証據都找不到的地步。
剛落成時模樣，當時North Tower 未有電視塔天線。
加上電視塔天線後的Twin Tower~
從高空照片看曼哈頓，全部都是建築物，就同香港一樣所有大廈都密質質，世貿建築群的土地都是六十年代清拆原址的住宅而得來，世貿的西面(高速公路對開)本來已經是海邊，但後來亦填海興建世界金融中心，有D似香港中環，而家的維港比幾十年前已經窄左三分一，由電車路行去small 天輪都起碼花你15分鐘，天星小輪的誇海距離越來越短，係咪應該減價先係??^^。
對抗通脹，近日過海都有坐船的習慣，突然又想連天星小輪的模型都買埋，不過還是忍手為妙，而且cars 的出品給人的感覺都是無乜誠意，如是對仿真度有所要求，也就較難出手購買了。但已經開始為水上交通的布景作嘗試，可惜影出黎感覺還是未夠！
以藍色作海水~
雨景是PhotoImpact 後加，但好似唔多似隻鴨係海面上高，或者用灰綠色做海面色水會更好，全藍色給人一種晴天的感覺，不太似下雨！
Wmb 自7月尾發出盈利警告以來，雖然開源措施做足，但至今仍發覺開支非常巨大，原因不明！唯有本月積極OT... 以應付短期內的各方面大襲擊，而家已經連續幾星期長週，仲做到下晝先走得... 夜晚更加經常OT... 所以番到屋企其實已經播緊使徒行者！有時電腦都唔洗開，食完飯夠鐘沖涼，已經11點幾又要訓教... 全日時間無晒啦！星期日都係俾番我釋放一下好過啦。自發出盈警的連續兩個月以來，交租都是被迫放車套現... Wmb 預期經營困難，未來面對襲擊的情況仍然嚴峻！Wmb 高層發出警告，如襲擊持續，或有需要考慮要發出二次盈利警告！
沒有留言:
張貼留言