1:76 差佬車 | 人人話你死差佬 差佬權力比天高

三部差佬車被首次引進本廠~ 並交由 Wmb Transport Department 管理。

有3x2 的Saxon 剎神裝甲車，推出日期不詳，估計模型係2005年出...

對差佬車無認識，還以為呢款裝甲車仲用緊，原來已經係2009年退役。1988年，警務處引入7部Saxon 剎神裝甲車。每部剎神裝甲車車頂兩旁均設有8支炮管，各邊4支，用作發放催淚煙。有需要時，可以在車身安裝銅管，以釋出電力防止有人接近車身以至攀上車頂偷擊。剎神裝甲車被譽為防衛力攻擊力極高，只會在重大事件才會出動！

剎神裝甲車面面觀：

不過自己一次都未見過呢7部剎神...

有bc 的Hiace 差佬車，模型近月新出，不過bc呢隻差佬車好細隻，加左價覺得好貴...

大撕殺！裝甲車狂撞Hiace差佬車~ 用PI 加左適量雨景，無可避免要用後製，暴力、殘忍、黑暗、醜惡，流淚悲鳴。

另一部Hiace 差佬車向裝甲車攻擊，以蛋撞石牆？

今次入呢幾部差佬車，完全唔係因為認為香港警隊的形象正面，純粹只係支持模型公司出肯唔同車種！所以之前bc出貨車都有支持。Hiace 出得好的話，應該有唔少車可以玩，希望會出埋防火圖案消防車XD。不過今次1:76 模型黎講都係中規中舉唔算特別吸引，加上加左價，所以再出都只能夠少入。但值得讚的係隻Hiace 車身的凹凸位做得唔錯！

車頂的燈好正，外光之下更有真實感！

隻Hiace模型好奇怪，車尾塊蓋可以拉起，但開得少少，半桶水，個較位好礙眼... 不如唔做開關好過？單看Hiace 你會覺得貴，因為咁細架都建議售$98；但泊係剎神裝甲車隔離你會覺得平，因為裝甲車售價同一架巴士模型差唔多... 由此可見3x2 的模型真係好貴！生產商起模出得果幾百架，又唔可以一模多用，貴係可以理解，但都係果句太貴話之你限量幾多，通通唔買！好彩2隻我都用靚價bid番黎^^ 

翻查資料，剎神裝甲車真車應該係皇室藍 ( 有少少似藍罐曲奇色 )，不過模型睇落似黑色多過藍色... 今次第一次影差佬車，亂影，睇黎下次要影番好D。除左尾2果張相，其餘照片用左減低飽和度及適當懷舊化調整，少少似舊報紙上面的圖。

新年就到，小弟開始忙於執屋，所以短期內唔影模型住了... 不過都會post 番之前影左未post的模型相，都有幾多未post！

今個月發生左幾單燒巴士意外，其中一單最不幸的係退役巴士被波及！收藏舊巴士本身已經要付出唔少心機，一旦被破壞心血無晒，加上市面上已經無晒熱狗，燒一架就少一架，唔似出模型咁樣一個模可以出成千上萬架... 好心D人啦，仲講風涼話...

網上報稱被火警波及的係FZ8028、GS9019、DA6422、DH8672及接近全毀的ES4007... 

終於都黎到呢日，雖然一早知道係幾個月的pj 好快有完的一日，但同上年係病夫果邊比較係舒服好多，因為負責的野少左。最後一日同事請食lunch、tea、請埋搭九巴，有D唔捨得添。大大話話番左中環區都有半年，某些日子漫長的281A 加無冷氣天星小輪旅程已經成為生活一部分！

辛酸事自己最清楚，冷言冷語、熱情款待乜都經歷過，而家仲話要削減車費津貼，真係奇怪囉，福利係應該越來越改善，點解反而越來越衰的，無回程差價津貼就最好唔好叫我周圍走囉，所以每一蚊都不易賺。經歷呢家野每個人都唔同，有唔同領會，最好唔好同其他人比較咁多，但有些經歷就像一生何求、順流逆流、沉默是金、幾許風雨... 

一月少入

雖然1月仲有幾日，但回顧本月的入手在金額方面實在有點震驚，仁慈的本編又丈義幫兩個唔係太熟的行家接收左幾部車以共渡難關，加埋追番上個月幾部想入但未入的模型，所以本月的支出已經是超出預算！未來半個月要休養生色，故此提前總結本月入手，要入野都留番遲D先。

雖然best chose 非巴士類的交模相當吸引，可惜售價加幅實在太大，一部差佬車同消防車咁細隻，拎上手總會令人認為"唔抵玩"。又轉個觀點講，如果係俾312出的話，售價一定更加貴，所以買車唯有都係適可而止，無謂捐咁多錢俾生產商。

追番幾部2005年出的312 車，唔覺唔覺玩左312 車都有N年，今次無亞比安！

仲有追番都城2部，本來12月出，但個人對於Buzes 的定價唔係咁滿意，如果用開優惠價入官方車，而buzes 竟然定出398，自然覺得唔合理，間接推高晒D物價！bc 出3N 即刻貴左廿蚊... 姐係賺錢還賺錢都唔好推高晒D 車價先得假...！而且buzes內籠都係普通貨色，座位都無好似bc 咁油番熱狗凳上面果條銀扶手，加上窗距太闊而車窗銀框又起角，賣398實在唔太合理，所以唯有搵二手，叫做條氣順D。

呢幾部就係丈義接收的車，日後或有需要物歸原主?? 不過本字軌暫時服務去到月尾，下個月咩環境都未知，有時仁慈對自己黎講都唔係一件好事，除非大把$ 真係唔介意收晒人地D車的。

仲有兩部車無係上面幾幅相出現，分別係AA2 and 過海100，之前整花左個窗，拎去整又索價不非，迫住索性入多部... 個人感受：有時見網上D人唔知係咪想晒命，同一部車買十幾廿部，他們在炫耀的背後可有想到或者會有人想買又買唔倒(俾炒家掃清光)?

以下Wmb一則票價調整事項：

Wmb 票價目前受到票價自動加減機制管制，可因交通模型售價的升降按相同幅度調整票價。故此因應最近一次官方推出的Dennis E50D 所謂模型精細版之加價幅度達到14.4%，按照票價自動加減機制將以相同加價幅度調整票價！但由於這次大幅加價的是精細版模型，非精細模型售價仍有待觀察，所以是次票價調整將實施在長途路線上，短途線票價維持不變。新的票價如下：

目前票價：短途劃一$3.0、長途劃一$3.7

調整後票價：短途劃一$3.0、長途劃一$4.2

物價上升得好快，11月時票價才是$2.1/$2.6。目前已是$3.0/$4.2，與當年熱狗、冷馬的車費出現巧合！至於年底票價的水平仍是未知之數，目前Wmb 正密切監察物價變動，如再有加價情況即在票價上反映。

反對港鐵加價！反對港鐵加價！反對港鐵加價！

1A 巴士模型小集會

前幾日，睇番D舊模型相，記得有批N年前用S6500fd 影的巴士模型相無post 過出黎，然後先有意識係床底下個鞋盒入面搵番部6500出黎... 搞左成個鐘終於讀得番6500 張獨一無二的XD卡，幾驚壞左，事關6500唔支援SD卡！適應左HS D掣用番6500 幾乎全完唔識用... 機身D 塑膠可能因保存不良伸手一及就已經碎裂爆開左，幸好今日再用黎影模型依然都係唔錯的選擇！

今年羊年，老九生肖模型會唔會又車頭水貼了事?? 橙蛋的登場希望不會令綠蛋模型成為歷史！故日前衝動地入左架 PH6346 番黎... 有D 激氣的係之後再上auction 睇飛龍蛋個價仲低多廿蚊... 近期見倒蛋都有想入的衝動，不過Wmb 正值開源，唯有將價格降低，一過水心價就唔再理。不過到目前為止我都未有原色版... 老九80週年果4架蛋都係有拉花、虎兔龍蛇蛇馬呢6部蛋都係有"講告"、最近入的PH6346 飛龍都係"講告"車...、ASBWS1 亦都有"假復古"拉花！莫非原色難求?? 反而堆熱狗就架架都原色，遠望埋去好似一式一樣，淨係堆312 熱狗就已經全部米黃色！

遲早有一日，買唔倒原色281A 的話，當然希望搵倒，如果無的話一定都會求其平平地搵架AVBWU 自己改車頭路線做281A！話晒樓下線又經常乘搭，買番部都好合理，但太貴又買唔落。Jumpwell AVBWU 的好處係個路線係印係個殼而唔係貼水貼係個窗度，方便自己拆開個大銀幕改路線又不用剷走本身路線^^"

飛龍面面觀~

呢個巴士站係咪好少見? 無錯，佢唔係老九的車站，也不是天星碼頭，而係Wmb 的交通站，現實中Wmb 交通站島應長64米，共有11支柱！相應1:76 模型島應長84.2 cm 及11柱，但因為生產商表示物料技術上無法製做這隻巨型車站，所以只有島長30cm及10柱！如果80T 肯俾少少誠意出唔同種類的巴士站而仿真度有番一定水準的話，我都會支持...

牌箱開燈係靚好多的~~

https://www.youtube.com/watch?v=EIbqvyXO1H0
今次要share 一首真心覺得幾唔錯的歌：愛與夢同行。呢首歌應該係90年代的一隻專輯"我與夢"的其中一首，呢隻專輯真係唔易搵倒(有時行CD鋪唔見有)，或者可以講話唔太出名，但其實我反而更有興趣聽羅文一些唔出名的歌。愛與夢同行的歌詞都好正，印象中十幾年前聽過... 但唔記得歌名，估唔到近日係youtube 搵得番!! 




1A 限定集會~

1A 限定集會如期舉行，特別嗚謝：Wmb。1A在九巴(九巴上年已經80歲，可以叫做老九)眼中係咪賺錢路線作為乘客的我就唔太了解，亦無乜興趣知道！事關老九常稱自己有超過7成路線係蝕本。所以就算條條線話蝕本早已見怪不怪，目前1A的空調巴士票價已經高達 $7.2，雖然裕民坊出尖沙咀有分段$6.9，但由尖沙咀往觀塘就需付全程票價！因老九獨營路線票價的上升驚人，就算要係中環番觀塘，都寧願搭101 $9.3，而不會選擇坐船$2.0/$2.5 再去尖沙咀轉1A $7.2。

今日起新巴城巴獨營路線，即日第二程有優惠，減2蚊或第二程8折！去將軍澳的話就有更大動力選搭798！！ 相反老九...

歷年1A 票價加價紀錄：
1A 在1968年6月4日開辦，當時全程票價$0.4，設雙向分段收費由$0.1-$0.3。
1970-7-1日，取消九龍區所有路線分段收費，劃一收費$0.2。
1971-9-15日，路線由裕民坊延長到秀茂坪，票價由$0.2加至$0.4。
1980-2-3日，由$0.4加至$0.7。
1981-4-12日，由$0.7加至$1.0。
1983-5-8日，由$1.0加至$1.2。
1985-2-24日，由$1.2加至$1.4。
1987-2-1日，由$1.4加至$1.7。
1989-1-29日，由$1.7加至$2.0。
1990-3-18日，由$2.0加至$2.3。
1991-2-10日，1A 加設空調巴士並加設"空調巴士分段收費"。空調票價全程加至$4.5；非空調票價維持$2.3。(以全程計算1A空調巴士票價是熱狗的一倍！)
1991-3-31日，非空調由$2.3加至$2.6、空調由$4.5加至$5.0。並加設非空調巴士分段收費。
1993-4-5日，非空調由$2.6加至$3.0、空調票價維持$5.0。
1994-4-1日，非空調由$3.0加至$3.5、空調票價維持全程$5.0，是次空調收費分段也有加價。
1995-4-2日，非空調由$3.5加至$3.8、空調由$5.0加至$5.4。
1996-4-4日，非空調由$3.8加至$3.9、空調由$5.4加至$5.5。
1997-12-1日，非空調由$3.9加至$4.2、空調由$5.5加至$5.9。
2008-6-8日，五巴聯合加價，1A 非空調由$4.2加至$4.4、空調由$5.9加至$6.2。
2011-5-15日，非空調由$4.4加至$4.6、空調由$6.2加至$6.5。
2012-5-7日，1A 提早全線轉為空調巴士，空調票價卻沒有下調而維持$6.5。
2013-3-17日，加價至$6.9。
2014-7-6日，加價至$7.2。

1A由$0.2 加到$7.2，可見票價的爬升驚人，而加冷初期曾派AL 及AD1行走1A，空調票價也明顯比熱狗高出不少百分比，九巴在之後每次加價時增加熱狗票價去拉近與空調票價的差距，卻沒有調低過空調票價，即使是在路線全冷為止...！以1A作為路線的模型其實真係有唔少，但我唔係全部買，所以咁多年黎只得4部...

先有1A飛龍代表，宣傳香港的廣告來往尖沙咀碼頭就最適合不過！今次背景同地面都無刻意佈置，只加上巴士站同尖沙咀的大鴨仔增加真實感。 

飛龍面面觀~

從來都無為左要有飛龍廣告而買飛龍模型，兩者都可以話係無心插柳。當時開龍呢個模我覺得都係買唔落，但後來auction 的二手價可接受先入部1A；而 PH6346 就正如上面所講驚呢款車唔再出所以係唔過份的情況下衝動地入番部。兩部車廣告都幾靚，不過QC方面就好頭痛了，因為無得揀車，要硬食！

有時貪得意係網上post D模型合照都會問一句，如果兩部車一齊開，你又會選擇搭邊架呢?? 當然呢D情況大家都知邊部車市面上較珍貴，結果多數人都會選擇熱狗^^ 

之後有大風機3N 凳場~ 3N面面觀~

之後有老虎登場，唔係熱狗... 係2010農曆新年的生肖主角：老虎~ 

然後4部1A 再擺位俾現場參觀人士拍照^^

嗚謝Wmb 及協助製作巴士站的鍾生。


2014年11月Wmb 加入票價自動加減機制，當時Wmb 退出了以行路線長度作計算收費的Bowdenham 區，運輸司以一次調整票價作交換條件，當時Wmb 票價由$2.0(短途)加至$2.1、$2.5(長途)加至$2.6。這是追溯2014年九巴加價的幅度計算。

 

 

2014年12月，老九CS的特價車由$228加至$248，因應票價自動加減機制Wmb 也有相同幅度調整票價，由$2.1加至$2.3、$2.6加至$2.8。

踏入2015年，市面上的物價加幅已見驚人，KFC最近先加左價，近日勿當奴亦加價，9蚊包變10蚊... 加幅遠超通脹水平！反而打工仔的工資卻沒有增加，真係豈有此理！日前best chose 的1:76小巴、貨車類模型亦大幅度加價，由早前的建議售價$75 加到$98，加幅高達30%！因此因應票價自動加減機制，Wmb 亦會作出相同幅度的調整！

調整後票價由$2.3 加至$3.0、$2.8加至$3.7，是2015年首次調整也是自動加減機制之下第二次調整。是次調整是參best chose 模型的加幅，而年中將會有唔少模型、交通工具會加價，注意這些加價都是票價自動加減機制所包括的範圍，因此即管看看2015年年尾的時候Wmb 的票價會升到幾多！！！