BHTXWmb: 12月少入及路過2014荃灣區道路安全嘉年華數攝

一年過去，要回顧的野其實有好多，但正如姬矢先生所講過去左的野無辦法改變，唯有展望未來，在新一年有很多目標！如果要回顧番一年之中入左邊D巴模，我諗我都記唔晒，唔係太多數唔晒而係太耐已經唔記得咁多，要用一個數量詞去形容的話最貼切的就係全年入左"唔多"。

12月少入，12月的入手竟然變了富豪天下...

時至今日，使用volvo TD102KF 引擎的富豪奧林比安十一米、十二米越退越少！呢批車不知不覺已經行左18年，十幾年前搭呢批車覺得非常慢又無力，冷氣又唔多夠，搭呢批車簡直係大受苦！相反用康明斯引擎的就表現理想，不過無論十一米、十二米康豪都已經退晒，而家TD 偈的十一米、十二米豪亦陸續退到尾聲了，近幾年坐TD豪比N年前表現好左好多，所以都要入番2款富豪模型。

以下是Wmb 給車長的一則指引：
由於燃料成本高企，懇請各車長在駕駛時盡量減少踩大油門起步及減少踩空油叉風的習慣，並在踩油加速時宜循序漸進。

荃灣道路安全嘉年華在12月28日舉行，當日九巴派出披上路道安全廣告的GD605到場展出，宣傳道路安全意識。而GD605在2012年5月退役後車身廣告沒有拆下也一直沒有翻新... 想象如果605係非九巴保留的話，日曬雨淋又食街邊塵，個廣告應該變左夾白色了！

九巴派出一新一舊巴士展覽，但我的焦點全落在熱狗身上，對呢隻而家開始周街都成日見倒的Dennis E50D 不感興趣...

相比起新車設計，巨龍的車頭沒有特別的流線形設計。

GD605 巴士模型就無啦，唯有借師兄的照片同真車合照幾張~ 當年行過12A

聞車人士太多，又有唔少人走埋車前同605合照，影完又唔走開，對一些想企遠少少影的人士說，真係阻住晒！

唔同時代的Dennis 巴士。我都係鐘意左邊果部多D~ 密龍本來都係空調巴士設計，那時用3+2座提高載客量，後來的巴士採用較闊的2+2 座位提高舒適度，到現在又好似還原第一步使用座位間距較迫的設計增加載客量... 係咪都係舊車實用D呢??

現場展覽的畫作，好似係都城嘉慕同富豪奧林比安!!!

當年GD605 行40~

當年GD605 行38A~

下午6時，活動結束，GD605 不久便開車離開...

4波密龍對我呢個住沙田的人黎講，其實唔係咁多機會坐倒，當時我要坐倒呢批熱狗多數都係在74A！舊時D車同一款車但機械配搭可以唔同，唔同批次馬力都有分別，但而家D新車各方面好似一城不變！諗番當年的D-E牌熱狗，又有馬力比同期大的鬼蘭、又有康水龍、康水蘭，都城除左部分用245匹之外部分用282匹以應付斜路；不過ES-EY龍、EH-FB坦克蘭就只有245匹而無282 匹版本，如果各有一批都係282匹版本的話... 我諗力水方面真係無得批評！但奇怪E牌冷氣巨龍就有280匹版本，但ES 熱狗就無... 密龍也有3波有4波，果陣番學放學坐74A 基本上叫做搭倒ES、康都、密龍、開龍、老虎。但觀塘番沙田果程就俾全價好貴，志在因為熱狗實在太少所以貴都照上！如果當年批 EJ-EU坦克蘭係282匹而極速有番咁上下的話.........^^"

加送2012年熱狗最後一天行走的GD605-5A~