Ultraman Ginga 片尾曲，當時睇完Ginga 聽左呢首歌成晚都記起。個網又係幾日先擺一集上去，好似細個追超人睇一樣，一個星期先一集，一集得果半個鐘唔夠... 不過以前超人多數一集打死一隻怪獸就收工，後來的劇情互相連接多左，有心睇的話都唔會等電視一星期播一集了！下年2016年係光之巨人50週年紀念，唔洗去日本，都有機會一睹Ultraman Zero 的英姿，非常高興今次光之巨人到香港，讓粉絲們可以近距離一睹超人的風采，唔洗再"曾經只係齋睇電視"。
雖然網絡發達，就算電視唔播，都有方法睇倒日本的特撮片，但自從09年無X電視播完梅比斯之後就無再播打後的超人，究竟有幾多人識Zero、Ginga 呢?? 諗番梅比斯係2006年光之巨人40週年的作品黎，到而家都有成十年... 話咁快就到50週年了...。而且超人黎香港真係機會難逢，以小弟所知除左2013年Mebius 果次之外，就無聽過有其他類似活動了... 所以今次Ultraman Zero 食玩都話要出動同Zero 合照^^
睇番小弟D相，應該會發現唔少Zero 的存在，但當然唔及巨人之下的震撼！
銅鑼灣希慎廣場南面的6米高超人賽羅(Ultraman Zero)，外型同真Zero 可以話非常相似！而且姿勢係其他玩具未出過的！Zero 係七星俠(超人七號)的兒子，身上都有七星俠的特徵，頭上的飛刀就是其中一樣。Zero年少時是被認為最有潛質的戰士，但與Ultraman Belial 超人貝利亞一樣對Plasma Spark Tower的力量存有異心，在接近核心前的一剎那被父親七星俠阻止，因此被剔除戰士資格並放逐到K76星，其後被配上裝甲，封印力量，由超人尼奧Ultraman Leo 親自執教，超人尼奧的身手也是在超人七號指點下訓練出來，在超人七號面臨危險的一刻，決定把Zero 召喚，最後打倒了黑暗貝利亞。
Zero在(2009年?)劇場版"大怪獸！超銀河傳說"入面大顯身手，睇過的話無可能唔認得佢，因此對於悉識Zero的人士絕對能感受到他的氣勢、囂張一面！
巨型的模型令我諗起尖沙咀海港城出面果度，心諗如果尖沙咀都有隻的話咁就可以唔洗過海咁遠^^。
今次4寸半高的Zero 話要同6米高的Zero 會一會面，所以本編就帶左佢出黎XD。話說BANDAI 的光之巨人食玩、頭像都已經無出幾年了，當中還有很多角色未出過，鹹超食玩都唔知係咪成為左歷史... 自從Zero 之後的角色都無再出... 咁你係咪姐係叫玩開果D行家爛晒尾先？
6米高的賽羅手上拿住頭上面的兩把經過進化而成的弓箭形飛刀，係對住黑暗機械人賽羅曾經使用！
食玩有出過左手拎一把弓箭形刀的版本，不過成箱盒蛋入面一時間找不到，所以用住手持兩把刀的姿勢合照住先~
場內設有同光之巨人合照環節，不過極少見光之巨人真人的我還是爭取時間影多D真超人(因為排隊排好耐)，下次再去絕對需要要搵人幫我影合照！！！
光之巨人作為歷史上第一套科幻連續劇，經歷半世紀至今，唔同角色的造型進化有目共睹，有時一些新超人的造型睇落去好似太花巧太誇張，但睇完套劇場消化左之後又會覺得係各有特色！這個卡通人物系列陪伴小弟成長！其他相片下次再post~
大帽山櫻花開左，有無師兄一齊去睇、影??
沒有留言:
張貼留言