Wmb(We are Model Bus)採購部2015大事回顧：
已經唔知連續第幾年聖誕節咁上下假期就病，搞到變病假...
近日多人討論微影1:76巴士廠，不禁令人回顧番一年以來的入手，好似每逢歲晚，都係特別多巴模出，今年入車數量比以往多出好多！今次一於回顧番全年的少入，回顧番由1月至12月的少入，透過回顧就好似重新回味番當時的經歷一樣。通常見其他行家都係正正式式拆膠為每部模型影番張標準相，不過小弟就無咁多時間每部車都影標準相，打算重貼一次之前貼過的相就好了...
今年除左不停有模型出之外，自己有時又追番之前想買但未買或遇到適合價格之下入手。其實除左買車要$$ 之外，儲放空間都好緊要，呢兩樣小弟都好缺乏！
月初太子80T 搬遷減價，雖然最後櫃內的巴士模型大部份都七折特價，但實際上想買的車早已被掃空或想買的交通工具模型始終未有理想的票價... 就以天星小輪同飛機為例，船最平都只得95折，同我平時買無分別、飛機更加0折扣！平時呢兩種模型都相當貴，難得清貨都唔特價確實是相當失望！
入左2款十二米熱狗~ 人地話呢3架QC好差，但呢三架我睇左各一部就科水！3BL 就睇左690，QC唔太掂，骨位甩油... 相信存在一些少問題日後拆膠影相會發覺... 始終而家D車QC 唔太掂，買的時候通常都走漏眼！
太陽花巴士仔、混能、三叉戟特價八折$318。混能本來想要1A，好似代表性大少少，但1A 仆街無特價，迫買619，咁岩619 好彩係ATH1，總算是歡笑多於唏噓，唏噓的係QC比較差！318其實同上網bid 差不多，因為平時用証都要$348 其實我都覺得太貴，不過以80T 極少有特價的做法，肯賣318 似乎已經讓我有購買意慾，加上店員再加多兩句話買啦買啦，呢2部車就係咁入左手... 當然想佢做番298... 298 的話可能再掃多幾款... QC方面... 都係唔太掂！
平入高達巴士模型... 其實而家應該二百幾蚊有交易，如果想改自家創作廣告的話可以忍心少少去左個廣告佢再改全車廣告，咁樣可以節省買原色ATENU 的開支...。以高達巴士模型為例，對呢批高達模型無乜感情，事關真車上廣告的時間太短，小弟自己都只係見過部真車幾次，相都未得閒去影就話落左廣告了，加上本來每部索價470... 根本上唔會買！彌敦購物線三菱也是特價入手，因為本來果部個退步logo 甩左色... 乾脆再買...
ADS同白色ML 都比心水價還高的水平入手，但比市面上賣的價錢就較低，尤其ADS約交收真係令我頭痛，但明白都總會有些交收係浪費時間的，相信賣方平日都要上班大家都辛苦的了，所以我忍耐一下就算，呢2部車成為Wmb 採購部2015 最後入手！
係引入上面呢批車的前兩星期，先入左另一批車，呢排入車太頻密... 原預計12月中可以解除盈利警告，但Wmb 現在宣布盈利警告繼續生效！直至情況有所改善，威脅等級下降才可考慮解除。每逢年尾，大時大節又有人生日又多模型出，開支都係明顯增加，專家再次警告目前的進度遠比預期落後，12月才剛達成9月份的指標，但過去已經是積極OT... 估唔到仍然落後！加上過去租金上升，如未來巴模車海式推出，單靠意志力是無法抵抗！因此將無法達成2017 的指標！期望Carz、Buzes、3x2、Toy1、Tony 等等生產商將就少少黎玩... 放一條生路...
2015 回顧，一月少入：
3、4月少入：
記得小弟2月到4月呢段期間，上班時間不穩定，部份日子亦被迫收車，所以入車已經係忍手，無事不上拍賣網，無事不去80T，希望無事不出街少破財。不過記得當時出EJ4474，出自己車邊有可能唔買先得假？出到鬼怪樣都要俾下面的... 又傳有批富豪奧林匹克得番貨尾，有加價風險，所以買左先...(結果最近太子80T 八折、七折、而且望過QC 仲好過我自己買果部... 我買都係得果9折... 激鬼死！)
5月少入：
記得2部禿鷹本來想特價先買，但等左勁耐都無做特價，市面又少人放，又傳城巴訓練禿鷹無貨，有加價風險情況下結果果排成日去80T 望D車，望梅止渴當然好，止唔倒先買囉。最後都用左原價9折入左...(結果不久同一間80T同最近太子80T 先後8折、7折特價，另一架N364都係一樣，激死我！)
6月少入：以追舊車為主。
7月少入：以追bc 模型為主。
8月少入：中巴結束，VC1 真係無得唔買，CX本來都想買，但太貴最後放棄！
9月少入：
10月少入：
10月入手比較灑脫同埋中伏... 如果再來一次，呢5部入面我只會要蛇蛋同布牌巨龍！
忘我的消費背後，亦都要負出相對代價，由於Wmb 資金有限，最後於30/10 發出盈利警告！
11月少入：
本來乖乖的不上拍賣、不逛80T，盈警的威脅根本不大... 但太子80T 的清貨呼喚了芊綺雯及其他特價品出現... 同時又要追番適量舊車！
12月少入：
11月-1月出車相當多：ML1、AL、超人、妖怪手錶、3BL、ML、BL、廣告珍寶、312...、(傳說中ATR1？)、生肖及一些突然出現的車輛e.g. 290...
Carz BL、bc 珍寶、312 中巴... 通通都值得買，嘩點掂? My Tony 巴士廠又索價700起，不過睇過人地參觀玩具展的九巴廠，發覺比想象中差，之前自己仲傻左幻想會買十個八個廠起高佢，由地面起到上天花板當模型櫃用，但原來一層都擺唔倒幾多車，咁姐係幻想完美，現實一場空，或者期待有日大減價，半價或者考慮下... 2016 購車方向是四個字：減少入車！
聖誕節，分享一首聖誕歌：1994年羅文首好歌獻給你加入了聖誕元素，非常應節！
沒有留言:
張貼留言