恭喜發財，BHTXWmb 祝各位學生哥學業進步、人人橫財就手身體健康、家家戶戶出入平安。
一月少入：
由於Wmb 的盈利警告仍未解除，代表開源仍需繼續，減少入車是首要任務！一月黎講力保不失，以上兩部短蘭、珍寶都係12月的出品，而九友、將荃、生肖因為市面上貨源被制裁，索性都暫不入手了...
一月份，上班、停工、轉工都經歷過，有悲有喜，而新年前大掃除總會聽到很煩厭的說話，就係屋企人不停地說家中無用物品多，日日都講一餐，令小弟覺得非常討厭，只能忍受，自知呢D 氣係無謂的，人生唔應該有咁多呢D氣要受的，但可以唔忍？唔忍咪同佢嘈過囉，嘈唔掂咪武力解決囉，最後佢實會收聲格！既然對方係咁唔化，明知自己不停嘈其實都無解決過件事的時候佢都仍然係要係你面前嘈，同佢嘈無錯可以令佢收聲，但隔幾日咪又搵其他野話囉，但呢D局面真係好咩？唔出現呢種局面就唯有自己忍左佢，好多時明明唔係自己做錯，但就受左好多呢類無謂氣、看無謂的面色！人始終是人，聽得討厭的說話太多遲早呢個世界上又多一個痴線佬，係我被迫到痴線！同埋D人真係迷信得好交關，當正係生活守則咁，我真係無佢辦法！你話做人幾難？自己本人每日都有唔少事情要面對，係屋企仲要就晒你，又要你想點就要點，唉要一個普遍人承受太多無謂的束縛，真係人都就顛啦！落街見倒D狗洋洋得意扒係地下，我都唔知幾想有得乜都唔諗訓係地下到時到候夠鐘食野然後訓覺...
講番正題，一個自己期待已久的短身車小集會一直因為欠缺車輛而從未進行，大約半年前，決心追番312 部96R BL，因為一直都差呢架就入齊312 出過的僅存數部BL！一直都奇怪官方點解唔出BL，直至上上個月終於有官方BL面世！起初好高興，同buzes 相比，如果buzes 的S3BL 買得落手的話，相同票價之下carz 呢架當然收貨啦，可惜車頭上層變形好嚴重，一個新模原來變形的，有乜辦法唔鬧？所以扣好多分！最後carz 的出品都係劣評如潮！carz BL唔掂，間接使312 BL 更珍貴！
Vitasoy維他限量版橙朱古力味豆奶：
Vitasoy維他限量版橙朱古力味豆奶：
一邊欣賞模型，一邊品嘗季節限定，實在是相當愉快，享受一個時刻其實維他奶都可以，無需一定追求貴價飲品！
某日，在超人七號、超人希卡利、超人力斯的協助下，展覽順利舉行！先介紹幾位光之巨人出場先~
Ultraman Seven 超人七號。
Ultraman Hikari 超人希卡利(2009年TVB播出的超人梅比斯劇中稱為光明)。
Ultraman Tiga 超人迪加。
Ultraman Nexus 超人力斯。一提起力斯印象就深了，TVB 於2006年播出劇集，當時逢星期日下午5:55分播出。除非熱狗有大特見，e.g. EH2736@70、EV5641@72 之類，否則小弟都準時回家開電視收看，轉眼已經十年... 力斯到目前為止都是描寫得最神秘的光之巨人，因為劇中只有適能者及防衛隊黑暗組織知道有超人的存在，適能者作戰時會使用次元空間，因此一般市民並不知道有超人存在！加上有記憶警察的出現，將曾經被怪獸襲擊的人進行追捕而非拯救，目的是要消除該段記憶。2015年Ultraman X 其中一集有力斯出場，仍然充滿神秘的氣氛！雖然只係出一集，但相當精彩，令喜歡力斯的朋友拍案叫絕！
介紹完超人出場，介紹番今次出場的短身客車先。一直以來九巴同中巴都互相競爭，即使聯營路線九巴都是最先改以空調巴士派車，如果當初調轉中巴係九龍新界區又無被結束專營權的話，而家係咪仲有熱狗坐呢^^? 真係好想坐番熱狗，而家批3AD、ADS都就黎退，坦白講好唔捨得！
某日，在超人七號、超人希卡利、超人力斯的協助下，展覽順利舉行！先介紹幾位光之巨人出場先~
Ultraman Seven 超人七號。
Ultraman Hikari 超人希卡利(2009年TVB播出的超人梅比斯劇中稱為光明)。
Ultraman Tiga 超人迪加。
Ultraman Nexus 超人力斯。一提起力斯印象就深了，TVB 於2006年播出劇集，當時逢星期日下午5:55分播出。除非熱狗有大特見，e.g. EH2736@70、EV5641@72 之類，否則小弟都準時回家開電視收看，轉眼已經十年... 力斯到目前為止都是描寫得最神秘的光之巨人，因為劇中只有適能者及防衛隊黑暗組織知道有超人的存在，適能者作戰時會使用次元空間，因此一般市民並不知道有超人存在！加上有記憶警察的出現，將曾經被怪獸襲擊的人進行追捕而非拯救，目的是要消除該段記憶。2015年Ultraman X 其中一集有力斯出場，仍然充滿神秘的氣氛！雖然只係出一集，但相當精彩，令喜歡力斯的朋友拍案叫絕！
介紹完超人出場，介紹番今次出場的短身客車先。一直以來九巴同中巴都互相競爭，即使聯營路線九巴都是最先改以空調巴士派車，如果當初調轉中巴係九龍新界區又無被結束專營權的話，而家係咪仲有熱狗坐呢^^? 真係好想坐番熱狗，而家批3AD、ADS都就黎退，坦白講好唔捨得！
首先出場的熱冷短身客車係109，紅藍的對立陣營~！
真車資料：
型號：利蘭勝利二型(都普車身)
型號：利蘭勝利二型(都普車身)
車牌：CU4529、車隊編號：LV166
體積：長9.63米 / 闊2.45米 / 高4.5米
引擎：吉拿Gardner 6LXB
波箱：Voith DIWA851(三前速)
馬力：180匹？
服役年份：1982年
載客量：上層60+下層38+10=共108人(3+2座)
1:76模型資料：
生產商：Best Choose
限量：600部
推出日期：2014年9月
1:76模型資料：
生產商：Best Choose
限量：600部
推出日期：2014年9月
真車資料：
型號：丹尼士巨龍(都普車身)
型號：丹尼士巨龍(都普車身)
車牌：JC3853、車隊編號：ADS213
體積：長9.9米 / 闊2.49米 / 高？？米
引擎：康明斯Cummins M11-235E
波箱：Voith DIWA 863.3(三前速)
馬力：235匹
服役年份：1999
載客量：上層45+下層32+27=共104人(2+2座)
1:76模型資料：
生產商：卡士工場
限量：900部
推出日期：2011年12月
1:76模型資料：
生產商：卡士工場
限量：900部
推出日期：2011年12月
N個月前用草地影過呢2部車，呢2架車都係用都普車身，睇落去又幾似相同型號，今次唔用草地發覺都唔太差~！
而家物價高脹，過海巴士又已經無非空調巴士選擇，一上車就盛惠最少$9.3！中環地區一客炒麵外賣上年可以貴到要$48仲無野飲！小巷那些粥店唔聲唔聲改餐牌，全部都加左價！大渣樂當時推出的30蚊餐而家都變左33蚊... 麥當勞當時推出的20蚊餐都加到23蚊、肯德基都唔好得去邊，單人餐之前$36.X 而家都已經$39.X... 但人工呢? 連500蚊都加唔倒... 姐係通脹的幅度都追不上，換句話講人工其實正在減縮！再次重溫109 過去的票價變動：
1986年5月5日，過海線109開線，全程收費$2.5。由中巴及九巴聯營，來往何文田至中環。
1987年2月初，全程票價加至$2.8，分段收費$1.2維持不變。
1989年1月，全程票價加至$3.0，分段收費追加差價加至$1.5。(分段的加幅反而比全程高！)
1990年3月中，全程加至$3.5，分段加至$1.8。
1991年3月底，全程大幅度加價至$4.5，分段加至$2.3，是超過三成的加幅。
1993年4月，全程加至$5.3，分段加至$2.7。
1994年4月初，全程加至$6.2，分段加至$3.1。
1996年3月3日，全程加至$6.8，分段加至$3.4。
1996年3月4日，九巴班次加入空調巴士行走，空調全程票價$8.3，分段$5。(分段空調巴士票價比熱狗價高出47%！)
1996年6月18日，109的九巴班次率先改為全空調服務！
1997年12月，熱狗全程加至$7.3；空調全程加至$8.9。分段熱狗加至$3.7；空調加至$5.4！
1999年??月，新巴班次部分改為空調巴士。
2000年??月，新巴班次全部改用空調巴士。
2008年6月，五巴聯合加價，109 票價增至$9.3！
跟住出場的熱冷短身客車係46。
真車資料：
型號：都城嘉慕
型號：都城嘉慕
車牌：CZ5866、車隊編號：M14
體積：長9.7米 / 闊2.5米 / 高？？米
引擎：吉拿Gardner 6LXB
波箱：Voith DIWA851(三前速)
馬力：180匹？
服役年份：1983年
載客量：上層58+下層34+18=共110人(3+2座)
1:76模型資料：
生產商：312
限量：160部
推出日期：2011年7月
1:76模型資料：
生產商：312
限量：160部
推出日期：2011年7月
真車資料：
型號：丹尼士巨龍(都普車身)
型號：丹尼士巨龍(都普車身)
車牌：GS8098、車隊編號：ADS54
體積：長9.9米 / 闊2.49米 / 高？？米
引擎：康明斯Cummins L10-B252
波箱：Voith DIWA 863(三前速)
馬力：252匹？
服役年份：1996
載客量：上層51+下層34+29=共114人(3+2座)
1:76模型資料：
生產商：卡士工場
限量：900部
推出日期：2011年7月
1:76模型資料：
生產商：卡士工場
限量：900部
推出日期：2011年7月
有人話46係蝕本路線之一，當然呢句說話講得無錯，九巴自稱七成路線蝕本，隨處找一條巴士線話係蝕的應該都無錯的了！回顧一下46 過往的票價變動：
1977年1月17日，46線投入服務，當時來往麗瑤及深水埗碼頭，全程收費$0.3。
1980年2月3日，全程加至$0.5，加幅超過六成。
1981年4月12日，全程加至$0.7。
1983年5月8日，全程加至$0.8。
1985年2月24日，全程加至$1。
1987年2月1日，全程加至$1.2。
1989年1月29日，全程加至$1.5。
1990年3月18日，全程加至$1.8。
1991年3月31日，全程加至$2.1。
1991年10月3日，全程加至$2.3。
1993年4月5日，全程加至$2.6。
1994年4月1日，全程加至$3。
1995年4月2日，全程加至$3.2。
1996年4月4日，全程加至$3.3。
1997年12月1日，全程加至$3.5。
2000年7月16日，加入空調巴士行走，空調收費$4.7。
2002年7月14日，46改為全空調巴士服務！
2008年6月8日，全程加至$5。
2011年5月15日，全程加至$5.2。
2013年3月17日，全程加至$5.5。
2014年7月6日，全程加至$5.8。
後感：2008年國際油價創新高，因巴士公司時常自稱油價是經營的最大成本，所以加價個人認為也是可以接受，當時從電視新聞聽到如果政府唔批加價，九巴將不能維持當時的服務。不過近年油價已大幅回落，但可見2011年至今亦有三次頻密的加價事件(因聲稱工資、維修成本上升)，日常脫班情況嚴重所以根本就算加價其實都維持唔倒日常服務的啦...
跟住出場的熱冷短身客車係96R。
真車資料：
型號：利蘭奧林比安
型號：利蘭奧林比安
車牌：CZ9917、車隊編號：BL13
體積：長9.56米 / 闊2.45米 / 高？？米
引擎：吉拿Gardner 6LXB
波箱：Voith DIWA851(三前速)
馬力：180匹？
服役年份：1983年
載客量：上層57+下層32+22=共111人(3+2座)
1:76模型資料：
生產商：312
限量：200部
推出日期：2013年4月
1:76模型資料：
生產商：312
限量：200部
推出日期：2013年4月
真車資料：
型號：丹尼士巨龍(都普車身)
型號：丹尼士巨龍(都普車身)
車牌：GU8136、車隊編號：ADS136
體積：長9.9米 / 闊2.49米 / 高？？米
引擎：康明斯Cummins L10-B252
波箱：Voith DIWA 863(三前速)
馬力：252匹
服役年份：1996
載客量：上層51+下層34+29=共114人(3+2座)
1:76模型資料：
生產商：卡士工場
限量：900部
推出日期：2011年7月
1:76模型資料：
生產商：卡士工場
限量：900部
推出日期：2011年7月
96R是假日才提供服務的路線，全長31.7公里。一直覺得呢類叫郊遊定係特別路線的收費實在太貴... 加上沒有非空調巴士選擇，票價更貴！雖然全空調派車係巴士公司的方向，但郊區線保留熱狗的話個人覺得都好合理，最理想的班次應該係一冷一熱夾住咁開，不過以利益為大前題之下，全冷又幾乎大多數人支持，便宜的收費成為歷史... "同一條路線、同一個距離，點解要俾貴D先？"呢句說話係當年44 全冷有乘客咁講的！回顧一下過往96R的票價變動：
1982年1月3日，93R (彩虹↔北潭涌)及95R(北潭涌↔海下) 開辦，收費為$3及$1.5。
1990年8月5日，93R及95R線合併為96R，來往彩虹及黃石碼頭，全程加至$6。
1991年3月31日，全程加至$7.5，加幅達兩成半。
1993年4月5日，全程加至$8.7。
1994年4月1日，全程加至$10。
1995年4月2日，全程加至$10.9。
1996年4月4日，全程加至$11.2。
1996年9月8日，96R 加入空調巴士行走，空調全程$15.9。
1997年12月1日，全程加至$12(非空調)；$17(空調)。
2003年5月18日，96R 改為全空調服務，並調低全程收費為$15.6。
2008年6月8日，全程加至$16.4。
2011年5月15日，全程加至$17.3。
2013年3月17日，全程加至$18。
2014年7月6日，全程加至$18.7。
此時有一輛212客串車到場
真車資料：
型號：丹尼士巨龍(都普車身)
型號：丹尼士巨龍(都普車身)
車牌：JC8018、車隊編號：ADS228
體積：長9.9米 / 闊2.49米 / 高？？米
引擎：康明斯Cummins M11-235E
波箱：Voith DIWA 863.3(三前速)
馬力：235匹
服役年份：1999
載客量：上層45+下層32+27=共104人(2+2座)
1:76模型資料：
生產商：卡士工場
限量：900部
推出日期：2011年12月
生產商：卡士工場
限量：900部
推出日期：2011年12月
1991年2月10日，212線投入服務，開辦時已是以全空調巴士行走，當時來往深水埗碼頭至黃埔花園，全程收費$3.5。
1991年4月5日，全程加至$4，加設一項分段收費$3.5。
1995年4月2日，全程加至$4.2，分段加至$3.8。
1996年4月4日，全程加至$4.3，分段加至$3.9。
1997年12月1日，分段加至$4.2。
2008年6月8日，全程加至$4.4，分段同時加至$4.4(取消分段收費)。
2011年5月15日，全程加至$4.6。
2013年3月17日，全程加至$4.9。
2014年7月6日，全程加至$5.1。
(以上四條路線的資料從書籍及網上取得)
ADS 小聚片刻~
由於聚會時間只是短短的兩小時，Wmb 讓大家影完合照又準備收隊了！
ADS 係九巴最後一批非低地台 / 白板，小弟非常珍惜每次坐倒巨龍的旅程，除了平時坐開的路線極少巨龍出現之外，2015年初十一米版本的巨龍已經全部退役，十二米版本亦接近尾陞，加上去年已有報導指2017年九巴所有非低地台巴士將會全面淘汰！批ADS得番1年半都唔夠，雖然3AD、ADS 俾我感覺係比較慢，有D似吉拿時期的感覺，但巴士本來都係好慢... 小弟又唔太介意批車慢，只知坐倒的機會越黎越少... 感覺同當年冷蘭一樣，力水欠佳但數量少所以就係難坐得倒佢地，目前每次坐倒巨龍都靠運氣...
呢3隻短車越睇越正，由唔知幾時開始自己買車係想每部買兩架，312 的更加唔會嫌多，但可惜官方車QC 太差，有時入一部都已經好難，加上炒家當道好多被人掃清及近年又成日加價，變多有D 車推到貴左就唔值得再買；312 的熱狗衰在產量太少，加上炒家當道，市面上買到一部都已經係盡晒力，仲諗住買多架？實在難上加難！
加送96R 專輯：
香港警務處用過的車型超過五十款，有時巴士站等車都會無端端有架差佬車係度，所以影模型擺多部差佬車係度又唔會覺冗赘。
真車資料：
型號：豐田Hiace
車牌：AM6853、車隊編號：EUKE49
體積：長4.7米 / 闊？？米 / 高？？米
動機：？？
馬力：109匹？
服役年份：？？
1:76模型資料：
生產商：Best Choose
推出日期：2014年
bc 出的1:76 汽車模型的確好正，雖然近年"My Tony" 亦推出不少與街道有關的交通模型，但如果以1:76 黎講，個人都比較認為bc 做得較好，加上"My Tony" 的售價相對海鮮，如果想平玩或用黎做陪襯品的話都不會考慮... 1:76 Hiace差佬車拎上手只有手指公咁大，但都算係錯得唔錯，做背景坦白講浪費了吧！係車尾的開關較位太核突了，唔係白色可能無咁明顯同埋好似關唔埋個蓋，始終都係繞出黎少少應該同膠紙無關掛？希望bc 繼續會推出更多同類汽車！
書本記載無數智慧；模型同照片帶著不滅的回憶/感情，尤其是交通工具每日外出往返都乘坐，好難想象有一日平時需要的交通工具無左會變成點。以前影模型喜歡單獨影，現在則喜歡幾部擺埋一齊影，但土地供應嚴重不足令所有車都迫在一起，甚至向上發展... 有機會的話，再影埋手頭上另一條有熱冷短身客車的606~
有人話Wmb新一年財源滾滾... 希望真係啦！財源無人嫌多只會覺得不夠，但目前Wmb 盈利警告仍然生效，仍然需要開源，減少入車是首要任務！積少成多聚沙成塔，雨滴匯聚便成塘！上個月是百多年以來降雨最多的一月，短短兩星期從空隙滲透所收集的雨水量也很驚人！如果能夠有效接收降雨再儲起，可為日常一些小清潔提供用水！
Wmb 票價自動加減機制於2014年11月生效，是按市面物價變動而按相同幅度調整的機制，次數不限，以反映實際票價的升降，由當時 $2.1/ $2.6 到現在已經增加至$4.9/ $6.8。係大多數打工仔人工上調不大的情況下其實期望踏入2016年物價、票價可以維持唔好加。
2015年2月6日，因應新城生肖巴士模型由$328加至$348，加幅達6%，故此啟動機制由當時票價$3/0 / $4.2 上調相同幅度為$3.2 / $4.4。一年後今天，新城生肖巴士模型再度推出，售價由去年的$348 加至$368，加幅達5.7%，相信連續兩年加幅都高於通脹，因此票價自動加減機制啟動，調整前的$4.9 / $6.8 已加至$5.2 / $7.2！可見近年巴士模型的加價相當劇烈，年年加價，shxt！
調整前：
調整後：
除了新城生肖巴士加價外，312 早前推出的中巴佳牌UF 亦大幅度加價，單層巴士由對上一次的紀錄$468 (這個價錢是向模型鋪查詢，因為自己印象中是$438定$448)加至今次的$488，加幅達4.3%，因此票價自動加減機制需要再按相同幅度上調票價！由$5.2 / $7.2 調整為$5.4 / $7.5！即時生效，敬請留意！
312 單層車都488，不敢想象雙層車會否突破半千大關... 以312 內籠做得咁求其黎講，賣呢個價其實已經... 除了312 加價外，某網絡店 / M1 的金屬模型亦由$398 加至$428... 這個加幅都會再啟動票價自動加減機制！本人擔心M1 肆意加價，影響日後三間主要巴士公司的官方模型售價... 尤其現時已經有部分型號由M1 生產... 當然唔希望加啦，減價先係！
按以下時鐘圖示，時間不早了，多謝觀看，祝各位新一年橫財就手。
沒有留言:
張貼留言