獅子山下: 筆架獅索行(上) | 多圖

筆架獅索行，顧名思義係筆架山及獅子山之行，不過講到獅子山，一定係諗起獅子山下呢首歌！因為獅子山下係香港精神的代表！角歌可以唔識唱，但獅子山下就無理由唔識唱了...！

現在已經過了夏至一個月有多，黃昏太陽的落點已經明顯向南移。夏天的壞處就係太熱；但冬天又唔一定好，因為日照縮短，每日放工天已黑，感覺一日時間已經完全被侵略！

今次跟幾位高人參與筆架獅索行已經一段時間前的事，現在才有時間分享！出發前，一直煩惱係咪應該買左Nikon 18-140mm 鏡先好行山呢？最後都係未買，局用18-55/55-300 算數了... 當中的不便我係完全能夠體會... 

先從黃大仙地鐵站出發，沿沙田坳道而上

中間呢隻咩蟲黎呢？

對上兩次行獅子山都係樂富果邊上，由沙田坳道上都係第一次。但沙田坳道上慈雲山一段係大斜路，加上當日腳痛，是一項非常大挑戰的行程...

回望沙田坳道的大斜路

經過慈雲山道，這裡地勢較高，幾乎已經可以看見藍灣半島果幾幢屏風...

越過電塔

這條不知是否被車車死的了...

沿路而上

開始看見港島、東九龍的景物

多得片雲遮一遮太陽

飛鵝山

繼續沿路而上！

不久來到一個S形彎，是沙田坳道與衛奕信徑交會點，不過獅子亭四周的樹生得太高，遮掩了風景！這裡的士多店小弟N年前都光顧過豆腐花~

士多店附近有些座位，雖然身無分文只有八達通一張，所以不光顧士多店了，然而短暫停留座下休息一會還是無問題的。樹叢中看見遠處的ICC 及太平山，但維港實在太窄，幾乎看不見維港的存在，視角上尖沙咀前面便是中環！

高處回望黃大仙(出發時的位置)

由一小路前往獅子山，這裡開始是斜度大的梯級，不像沙田坳道行起來這麼舒服！

九龍

行左不足一分鐘已經非常吃力，要停一停，看見剛才沿路而上的沙田坳道，由於獅子山斜度大，一路由沙田坳道上都覺得好斜好長好吃力，但在這裡回望沙田坳道幾乎是垂直向下望，這時便知道走石屎路根本不算什麼難度...

隨著高度增加，港島的風景開始出現眼前

九龍灣、北角

黃大仙至九龍城

鑽石山、啟德、九龍灣，行山自然發覺香港樓宇密度相當高，遠處的大廈就好似模型一樣迫埋一齊！

沿路再上，又到一個很小的開揚位置

便走到石頭上面再影！但下臨山崖，拍照切勿忘形！

東九龍

彩虹、彩雲、坪石、九龍灣、觀塘、藍田、油塘

九龍中部

慈雲山

風景開始開揚，長鏡需要出動了！這時才換上55-300mm 應付！

地上發現一隻生物！小弟小心地越過！

港島西與青洲、長洲、石鼓洲

黃泥涌峽，遠處的島嶼相信是三十五公里外的擔杆島

安達臣石礦場

華景山莊，遠處隱約可見珠江口

不細心一點都不發覺原來看見荃灣如心廣場，樓高318米及遠處的青山，海拔583米！

炸彈？

美林、美松苑

繼續向西面前進~

沙田、狗肚山、八仙嶺

船灣淡水湖。以前好好奇，所有水塘都收集淡水，點解其他水塘就咁叫水塘又唔叫淡水湖？

經過一個機槍堡，由於55mm 欠廣角，又無謂換鏡為左影一張相，手機又覺得質素差所以費事影了...

戰時遺留下來的告示？

蟻路

看見獅子山頂的路牌，以為攻頂有望，點知領隊說不上山頂，有點失望！同行有2位專家已經一早拋離領隊到達山頂...

菇？

機槍堡，日軍入侵香港時，這裡曾是守軍的防禦據點。

再經過另一條可以上獅子山頂的小路，這條也是最多人上山頂的路線。

到涼亭，既然領隊唔上山頂，其中兩個上左山頂又未落番黎，可以用55-300mm 盡情掃一掃九龍東的風景，其實與八年前第一次係呢度望九龍東，已經變左唔少！而家周圍都起樓，唉真係無言...

呢日的能見度都係還差一點點，陽光之下好似有一層薄霧，始終碰不到雨後超清的時刻，但遠望東南方，都可以看見水平線。

55mm 鏡頭之下的合照^^

御豪門。人門形容這些又高又窄的樓宇為牙籤樓，實在形容貼切！

東九龍石屎森林。想象夜晚時份，這個角度可見樓外有樓，一幅圖成千上萬樓宇，場面壯觀！但卻不是一件好事，真想看看100年前未填海，未剷山時的模樣...

郵輪碼頭

九龍城，牙籤、屏風將海都遮掩了！

柏架山，海拔532米。前面是港島東中心，樓高308米

觀塘道。早十年八年，中間條橋可能仲未起，而家起下一D起下又一D 阻住晒個景！

竹園、鑽石山、彩雲、四順、安達臣，前後兩山都被削坡，真係慘！

安達臣石礦場。遠處是釣魚翁山，海拔344米，是香港三座最尖的山鋒之一！

大上托，海拔399米。據記載，大上托山體廣闊，又名過背山，未知是否因為石礦場進行開採把山體超過一米範圍也削去而得名，原本高度為海拔419米，可是開採期間把山鋒最高部分也剷走，1974年後高度減至不足400米？大上托是全港唯一一座失去主峰的山鋒！

飛鵝山(左)，海拔602米及大上托(右)，海拔399米

大上托雖然不算高，但前往的路途陰險難行、危機四伏，其實如果係裝備充足有經驗的話，行大上托應該唔係太高難度，但新手冒險行的話，幾乎是死亡遊戲：
http://eh4005.blogspot.hk/2015/08/blog-post.html

九龍城、何文田

維河兩岸天際線

建築中尖沙咀東香港洲際酒店，樓高65層，建成後幾乎到達中環廣場高層水平... 夠啦唔好再起啦，過多幾年無風景睇啦仲起！

被稱為甲級金融中心的國際金融中心II期... 從尖沙咀睇就直指天際，係山上面睇點解咁矮的？後面D屋都高過佢...

窩打老道。好似見倒有一輛富豪奧林比安十一米281A！

上面呢張圖判斷唔倒係邊度黎...

對面牙籤...應該係曉廬，樓高252米 / 73層住宅。

牙籤... 嘉皇臺

彩雲

上圖下方為鑽石山星河明居，上方為順利紀律部隊宿舍，兩者大約相距2公里。無記錯的話順利紀律部隊宿舍有7幢呈U字形排列，每次見倒呢幾座野都覺得好樣衰，破壞風景...

飛鵝山主峰，海拔602米。

55mm 的情景相...↑

東九龍

九龍灣(海)

都不知有多少石屎是從大上托上開採出來的... 甚至成個觀塘都應該係因為大上托而存在！

再來合照一張！

東頭村

龍翔道(彩虹村對開)

淘大、樂華

黃大仙下村

有一片刻，可以看見遠處的地平線。除了濕氣、陽光照射會影響能見度外，香港全年超過一半日子受著中國大陸吹來的污濁空氣所影響也引致大氣能見度大大降低，確實難以在行山時看得見遠到盡頭的水平線！但當然在沙灘上所看見的海平面情況是不同！假設一個正常人身高1.7米，在水平面上可大約看見4.7公里遠的地平線，那麼年中能見度有4.7公里的日子還很多吧...。而隨著高度上升，理應看見的地平線距離也會增加，不過又並不是說一個人身高1.7米可看見4.7公里遠的地平線，身處107米就可以看見47公里遠的地平線，因為地球是圓的，所以高度越高，能看見最遠地平線的距離數字上的加幅度也會收窄。根據公式，在海拔107米的位置最遠可看見37公里外的地平線！現在根據地圖上等高線顯示觀景台(涼亭)位於海拔310-320米之間，設定當時位置是海拔315米，根據公式計算出這高度與地平線距離為63.4公里，換句話說照片中的海平面最遠距離本人大約63公里。

然後，向筆架山前進。

本人的內功一出，石頭應聲裂開！使出十成功力的話，地震都似了^^！

一隻蝴蝶靜靜在地上

窩打老道、九龍塘、油尖旺、灣仔

香港天際線，中銀大廈、國際金融中心、中環中心、環球貿易廣場... 不過中銀、中環中心呢D 樓高遠遠不達400米的大廈已經變得黯然無光！

一輛81C 正經過窩打老道與太子道西交界

昂船洲大橋

交椅洲

中途發現地洞，但由於手持55mm，未能從正面拍照！

中途有些開揚位置，可以看見九龍，可見九龍樓宇密度已經非常高，遠睇就好似lego 咁，針吉都吉唔入... 中間深色的係旺角朗豪坊，樓高255米、西隧口的則是環球貿易廣場，樓高484米。

朗豪坊(樓高255米)與遠處的國際金融中心II期(樓高412米)，海旁還看見高60米的摩天輪！

九龍塘、又一城

龍翔道

九龍石屎平原

牙籤...名鑄，樓高261米。遠處是中環廣場，樓高374米、右面是曾是香港最高的大廈合和中心，樓高216米。

九龍城牙籤群

九龍塘，記得九十年代初期曾經係九龍塘沙福道等82M熱狗，抬頭便看見747 客機飛過，九龍塘亦曾經係重要的轉車地點，可惜鐵路網絡擴展，巴士路線削減，當年的81M、82M、82S、88M、62R 經已全部取消...

遠望鯉魚門海峽，鯉魚門海峽是維河東面的入口

遠望鯉魚門海峽，鯉魚門海峽是維河東面的入口，舊機場向住東南方，呢個佈局又真係幾正！唉如果啟德機場仲用緊，係山上面望飛機升降一定十分棒，不過廿年前了... 最近睇中左一批飛機模型，正有全部入手的衝動！

藍灣半島，遠處是南中國海，那些巨型船隻相信是在五十公里外。

堅尼地城

外伶仃島(大東灣)

維河兩岸

係高度望住咁的景，香港的繁榮，人人有功，所以掛住沉醉風景係咁影，同行的幾個遠足高手早已拋離了... 筆架獅索行(上)完。

前兩日發夢，姓蒲的騙子竟然聯絡我俾番六仟幾蚊我... 仲話當時佢自己未搞清楚，無心呃錢，而家搞清楚件事所以俾番錢我！坦白講，呢幾仟蚊真係唔易搵番黎... 好似今日咁，5點鐘先有lunch 食，雖然辛苦，但為左彌補番近日向航空公司的捐款及日後的捐款，現在所做的自覺很明確！

但話到明發夢，姓蒲果個賤喱又點會咁好死俾番錢我呀？一覺醒來，才失望地明白世界上係無良心發現的騙徒，只有貪得無厭的騙徒！你要呢D 死不足昔的騙徒將得到手的錢俾番出黎姐係等於無人會肯將已經食左落肚的獵物吐番出黎一樣... 希望姓蒲的騙徒全家不得好死！呢D人真係唔好話自己以前係讀 FWFT 添呀，映衰成個教育界！

近日少入：

國泰航空飛龍廣告747、777及1:400空中巴士。拎上手都幾重手下！

1:200 及1:400 飛龍。講到飛龍真係唔係幾滿意國泰出唔齊1:400 兩款機，1:500同1:200 就有齊747同777，偏偏1:400 就只有747 無777，姐係迫我入1:500?！但眼見1:500 的size 實在太細，一架飛機實物咁巨型點可能拎上手仲細過手板？加上精細度不足，價格又唔係平好多，所以個人一直比較喜歡1:400 scale。今次多得師兄幫忙，1:400 同1:200 差百幾蚊，既然1:400 無777，咁就寧願俾貴D入1:200 飛龍啦！係呢個時候，無理由入1:200 的777，所以又入埋1:200 的747，另外1:400 的747都照入！所以就有上圖的三架飛龍出現！有人問飛龍真係咁靚咩？只能說國泰都無乜邊個塗裝特別靚，既然巴士、天星小輪都已經有飛龍模型，今時今日先買埋飛機其實遲左了，再唔買驚連1:400 747飛龍都話賣晒...

1:200 飛龍與1:400 飛龍比較，如果有1:230 或1:300 就完美了，細微地方既可以做到幼細，又不會像1:200 超過一尺長咁佔用空間，但可惜無呢兩個scale！如果1:500同1:400 擺一齊，1:500 真係感覺縮左水，格格不入！其實如果生產商想省成本越出越細，最後作為買家的可能唔買算，無謂為左買某一部機而迫買細scale，寧願佢主力出1:400 同1:200！

國泰自己出的1:200 係膠機，希望日久不會發黃啦！大大架飛機拎上手真係正到飛起！折左1:200 都係貴1:400 百幾蚊... 所以抵玩！出面D鐵太貴了！暫時無意儲機隊，不過如果有一日自己有錢玩的話都唔會介意租個大的地方停放飛機的，話唔定整埋個機場景，容納成百上千的飛機！傳聞國泰航空的747 客機今年內全部退役，目前只餘下最後一輛？？