鹹蛋超人踏入50週年！今年香港唔見有活動搞，反而上年就有少少... 好彩上年有去真人show...！而家日本又有新超人出場！咁快又有新超人，我連超人銀河列傳都未睇晒喎... 上年出的Ultraman X 更加未睇！今次Ultraman Orb 係50週年紀念作品，7月9日在日本播出第一集，似乎比X 更加好評，Orb 集合了阿鄉、太郎、迪加、梅比斯、Zero 的特徵，個人係非常期待早日有人上載以供觀看！因為自從梅比斯之後，電視已經無播光之巨人，淨係播埋晒D 幪面超人，要收看光之巨人已經越黎越難！
不提也不記得，1966年7月10日係日本超人首播日期，2016年7月9日剛好誇越半世紀了。一齊懷念一下初代超人的片段，呢集唔知做乜個超人咁容易就俾隻怪獸走甩左，仲被怪獸打到死死下！
除左吉田係最經典的超人之外，自己亦非常喜歡力斯，一齊重溫力斯的精彩片段，呢場咁岩都係俾隻怪獸走甩左！自己都死死下！其實個人認為力斯係最強的超人，不過因為人性化左所以多左體力上的局限，以下段片係兩次對戰剪埋一齊...
2016年夏至已過，代表今後日照將會一天比一天短，步向寒冬！今年颱風特別少，好心天氣台就米鬼神早講到好似好多風打咁啦，想平息大家對於無風打的不滿所以一早講定今年有風打？！日前在Canon Hong Kong facebook 的一個發文中看到今年夏至剛好又是月圓之夜，所以就出現了有「草莓月亮」之稱嘅天文奇觀。不過可惜本人還是期待超級月亮多少少！
55mm 下的月亮
6月20日影的月亮比21日夏至當晚的更圓，不過天空有一層薄霧，影響了賞月效果！
300mm 下的月亮，雖然相等於以前用數碼相機HS25的450mm，但月亮距離地球實在太遠，影出黎根本同個一毫子無分別...
以300mm及解像度達6016X4000 拍攝，再裁至HS25的常用解像度3264X2170，得出552mm相約的效果，即HS25的大約829mm！但望落比以前HS25用720mm影的月亮細少少，究竟條數係咪咁計呢？定一話以前影的係超級月亮所以大D呢？
300mm 下的木星？定火星？之前只知夜空中能清晰用眼睛看見的就只有月亮、火星，但原來有些報導話木星都可以看見，但300mm 相對短鏡，影倒的都只係一點光！
唉，無長焦距真係令人感到頹廢... 以前HS25 2X數碼變焦質素係就係差，但大大個月亮確實係令人興奮呢！
早前尖沙咀鐘樓封閉，原來進行翻新，還以為逃不過清拆命運！
一輛天星小輪正在靠岸，搞乜個頂咁恐怖的？？
觀塘市中心，隨著安達臣的住宅越建越高，從維河看整個觀塘又添一份石屎氣息，大上托已被建築物遮掩了2/3...
佐敦匯翔道遺址，現是西九高鐵大白象工地之一，據說整條高鐵以每公里作單位計算是全宇宙造價最貴的鐵路，加上未落成已經超支及預期通車後實用價值非常低，所以今時今日搭281A 經過都無眼睇佢，成個車站連形狀都未見有，話2015年通車但睇怕2017，一定唔得！
九龍灣
香港洲際酒店，樓高65層，又遮住後面D景... 遠處是順天及安達臣地區。隔住塊玻璃影效果係差好多，香港數得出最高果幾幢大廈無一座係有露天觀景台設計，全部垃圾設計！
兩輪相遇一刻，都係長鏡影出黎特別靚，尤其背景的大廈全部巨大起來，完全被石屎森林包圍！
唯一開逢的係天星維河遊 ‧ 輝星號 Shining Star，除了開逢之外，中間煙通特別高！
銀星號 Silver Star
熒星號 Twinkling Star，翻新後的鐘樓，上白下黑，唔知似乜！
最近放左4部鐵3N出去，而家自己手頭上有的3N 已經係無再重複，有時諗一部巴模如果有2架係手好似安全感大D！但呢個時候，為左買更大的模型，重複的巴模真係被迫要放，否則周轉不靈...
徐寶路3N都出左超過一年，記得上年咁上下時間，徐寶路一出就即刻去買，因為80T無賣所以唔係咁易買，加上數量少，曾一度被炒到4XX... 不過因為之後越出越多款，炒價因而越黎越低，最近終於有時間影相，係去相前，一定要表明本人立場：吸煙危害健康 切勿吸煙！今次以禁煙為題材宣傳禁煙意識！自己都有親戚吸煙，曾經試過勸戒煙，不過當然無效，只能說一句吸煙的好自為之！
Carz 的組合香港街修路設施，4件水馬、2件欄杆、4件雪糕筒，咁就賣$38... 靚係幾靚的，不過真係貴左D... 九折都平唔得幾多...
在W地區的一幅空地上，工人擺放了一批建築用的石柱，外型看似香煙，並用水馬圍住以免途人靠近(意思其實係想講吸煙害人，切勿接觸！)
某日，呢批建築用的石柱竟然發晒霉，百思不得其解... 不過唔緊要，反正又不會食用，咁樣反而更似染左沙泥的效果^^"
汽車資料：
型號：丹尼士巨龍十二米
車牌：DJ9751、車隊編號：3N122
體積：長12米 / 闊2.5米 / 高？？米
引擎：吉拿Gardner 6LXCT
波箱：Voith DIWA851(三前速)
馬力：220匹
服役年份：1986-2003年
載客量：上層75+下層33+樓下企位53=共161人(3+2座)
1:76模型資料：
生產商：Best Choose
限量：450部
推出日期：2015年6月
產品顏色的配搭與巴士車身合為一體！隨著九十年代香港政府禁止公共巴士再賣此產品廣告，這些廣告便成為歷史！在此忠告大家吸煙危害健康，又臭又貴，所以切勿吸煙！
祝願所有唔加人工的老細永遠唔會請倒為公司盡心盡力的員工！呢D野雙向的，唔加人工仲有咩理據要人收100做200俾你呢？？當你知道同一個職位其他新請番黎的人工高你一截，但做的野又少你一截，仲邊度會有心機？但又唔想 hea 做影響自己形象，但常想到太落力又得不到回報，要求加人工拎番應得的又話叫價太高俾唔倒，無非想壓價，打工仔苦況有邊個明白？D老細以前咪又係低做起，唔明點解會咁刻薄...
沒有留言:
張貼留言