大棠山道賞菊花(多圖)。紅葉季節又完結，今年的紅葉無想象中生得茂盛，雖然有些已經紅了但有唔少樹葉仍然係青黃色，但因為聖誕節前入左支Sigma 50-500mm 長鏡，所以諗住去碰下紅葉運，點知主角就變左菊花XD
恭喜發財，先代表 BHT 祝大家新年快樂、笑口常開、人人出入平安叫雞接福行大運，Wmb 亦祝各位身體健康。
下面相片全部用Sigma apo 50-500mm dg os hsm操刀，長鏡影相當然愉快，但最廣角端也有50mm，所以以中長鏡為主，廣角只能企遠達到較多景物入鏡！
向巴士站前方行走，有一個因應近年這裡私家車增加而設的停車場，泊車盛惠80大元，一小時也是80大元，十分鐘也是80大元！講到尾就係搶錢！間接又係D人係唔係都渣車搞到周圍塞車，又要泊車，咪形成呢D咁貴的收費囉... 就算坐fd 車夾錢都夾到傻！
發現沿路種了波斯菊，當然不及外國的壯觀，但登山賞紅葉前可欣賞菊花！
手上重兩公斤的Sigma apo 50-500mm dg os hsm 好處係有微距，最近對焦距離0.5米，係人多車多的環境派上用場！不過可惜光圈唔夠大，zoom到二百幾mm已經跌到F6.3！
170mm / F5.6 / 1/200s / iso200
170mm / F5.6 / 1/200s / iso200
95mm / F5 / 1/400s / iso400
95mm / F5 / 1/320s / iso400
170mm / F5.6 / 1/400s / iso400
140mm / F5.6 / 1/400s / iso400
140mm / F5.6 / 1/400s / iso400
210mm / F6 / 1/400s / iso400
170mm / F5.6 / 1/500s / iso400
140mm / F5.6 / 1/400s / iso400。蜜蜂真係好難捕，因為不停移動，要收細光圈令景深變深先可以對焦得中...間接需要開高iso 或減慢快門先夠光，不過小弟志在影個情景，蜜蜂out focus 就尤得佢！
170mm / F5.6 / 1/400s / iso400
210mm / F6 / 1/400s / iso400
290mm / F6.3 / 1/400s / iso400
290mm / F6.3 / 1/250s / iso400
遊人紛紛自拍呃like
170mm / F5.6 / 1/320s / iso400
140mm / F5.6 / 1/320s / iso400
95mm / F5 / 1/320s / iso400
順帶一提，此處不能採摘花朵，各位有自拍呃like習慣的朋友請注意！！
賞紅葉當然要了解大棠紅葉的特色：楓香。大棠紅葉的主角名為楓香(Liquidambar formosana)，是一種高可達30米、樹姿幽雅的原生落葉喬木。葉的顏色隨季節而轉變：春夏的翠綠色於秋冬時漸變為黃色與紅色的(秋色)。在香港較冷且日夜溫差大的地區葉色較紅。楓香的花期為3至6月而木質的球狀果實在冬季成熟，懸於枝上，甚具特色！
樹葉通常呈綠色，是因為細胞內含有葉綠素。其實葉的細胞亦同時含有呈花色的胡蘿蔔素及紅色的花色素苷。在寒冷的天氣楓香樹葉內的葉綠素會分解，使葉內的黃色及紅色色素呈現出來！
楓香跟一般認知上的楓葉例如加拿大國旗上的楓葉其實是不同的植物，在植物的分類學上楓香屬於金縷梅科，而多種著名的楓葉則是屬於槭樹科。
沿路向紅葉所在地出發，行走K66的一部新投入服務的富豪前衛到站，無數人湧進大棠山道... 現場也有差佬指揮交通！
人多，小弟也擔心鏡頭被人碰撞！因此也需提防陌生人接近！
有人租用巴士作遊覽用途，你看每逢紅葉季節旅遊業是那樣興旺...
來到登上燒烤場的樓梯，全部都係人，小弟根本無法前行！單是禮讓這些莫名奇妙而出現的人群下山已等了幾分鐘...
呢位人兄out focus 喎... 搞咩呀
燒烤場大約位處海拔100米，如果能見度高，可遠望35公里遠的景物，不過紅葉出現在冬季，冬季受大陸吹來的污染物影響，空氣質素差幾乎連深圳都望唔倒！
隱約的深圳... 這座未能確定是否長富中心
元朗
深圳京基一百，曾經是深圳最高建築物，樓高441米
這座較容易看見的是深圳賽格廣場，樓高292米
平安金融中心，樓高600米
東海國際公寓，分別樓高300及255米，聽聞是全亞洲最高的公寓！
丫髻山，海拔121米
腳下的小屋，小得像模型一樣
離開燒烤場，繼續上山，人流仍然是十分多！
對面山路都擠滿人！
這兒的路旁往年都有不錯的紅葉生長，但這次竟然碎落得很，沒什麼紅葉好看...
垃圾清理車
大帽山，海拔957米
只有少量紅葉分佈在兩邊
左轉是最多紅葉的位置
仍有不少樹葉未變紅，可能與今年冬天氣溫太高有關...
過去曾經走到小斜坡上近距離欣賞紅葉，但近年人數已經超越負荷，已經圍了欄杆禁止進入，呢一切都係而家莫名奇妙出現又亂摘紅葉的人害成，終日想自拍呃like，好啦害到其他人都無得走近，人數過多亦引致每逢紅假大棠的交通都塞得恐怖！
500mm / F6.3 / 1/125s / iso400
這邊紅葉尚算豐富
另一邊的紅葉仍然是青色
來到最多紅葉的涼亭位置，人數竟比紅葉多... 涼亭早已被遊人霸佔，就連行入去都感到困難，還記起幾年前在這裡有影模型環節，現在相信已無可能係咁多人的情況下做倒呢個環節了！
呢位行家正在尋找不同角度...
對住面前似紅又唔係好理想的紅葉，毫無觸覺... 50mm 取景其實有困難，因為唔能夠將最多紅葉包圍入鏡，但又唔夠近去突出主題，唉，真係要求高手指教一下！
240mm / F6 / 1/160s / iso800
這日天陰，近攝紅葉已經上到iso800... 紅葉又會被風吹得搖晃，增加近攝困難...
用綠色的背後突出紅葉的風采...
50mm 低炒，因為50mm 等效焦距已經有75mm，略有不夠廣角的感覺！
四方八面的樹枝，在楓的季節讓遊人欣賞
紅葉少人太多，係失望的同時，幸好日落前陽光突然出現，令通紅的紅葉再增添一份美感！大家都紛紛爭取時間拍攝最佳的角度，但面對人多環境擠迫，又怕走進其他人自拍呃like的範圍，要尋找最佳角度實在非常困難！
500mm / F6.3 / 1/200s / iso400
不同方向尋找紅葉群
陽光照下，出現少少藍天，這時的紅葉是最美的，夕陽無限好，卻是近黃昏，太陽又快要下山了... 黃昏，會諗起陳奕迅的夕陽無限好 及 羅文的黃昏。
500mm / F32 / 1/4000s / iso100
太陽直徑是地球的110倍，體積比地球大一千三百萬倍，地球上用500mm(等效750mm)影太陽也顯得十分細小，因為太陽距離地球有一億五千萬公里，如果交換位置從太陽影番地球，相信地球細到只有幾格像素...
仰望樹枝網絡縱橫交錯
太陽下山，天色變暗，沿大欖自然教育徑前進，仍有不少紅葉可以觀賞
今年冬天氣溫高，引致紅葉轉色時間不一，有些已轉紅但有些仍然青黃，但有些早已葉落，所以難以判斷眼前的紅葉是否已經係最茂盛的時候，出發前一星期網上的照片所見都不太茂盛
楓香樹果實
唔少葉都穿左
一路見呢兩個行家影左唔少靚相，但從來唔會教人影... 唉將D秘技收收埋埋！
50mm 唔能夠將兩邊的景物入鏡，唯有影一處紅葉多的作主體，但用F4.5 影出黎好似成張都唔係好清咁...
光線不足，支鏡對焦開始困難
有人拎左My Tony 推出的1:76 ? 救護車，我見人影我又影幾張
確實係幾高興近年My Tony 出香港車，不過如果統一以1:76 或一款車做多一個比例例如1:43 就最好，因為可以同巴模放埋一齊，而且早排BC 亦出過幾款唔錯的1:76 貨車，有心出一定可以出得好，之不過My Tony 的車售價太高，所以個人偏愛BC的出品多少少，但最衰BC 又唔係出得多，無乜選擇...
紅葉群亂攝
時候不早，陽光已經消失，遊人開始減少，所以自己又好珍惜無乜人的場面又想影多陣... 但iso 已經上到好高，快門速度不停減慢已經出現手震，再影落去質素都唔會好，所以決定回程！
95mm / F5 / 1/25s / iso1600
紅葉介紹的展示板
日落後，一彎新月亦緊隨太陽下山
元朗夜色
趕快回到巴士站，幸還有最後一班K66，大棠山道賞菊花之旅完結。
聽聞部門會cut 字軌... 呢D又係一D無形壓力... 你話又點會無下屬唔憎老細先得假，以前好期待出糧日，但而家反而平常心，出糧又姐係要交租，真係.................................................！黎緊想買Sigma 17-50mm F2.8，不過水貨價都近2K，負擔非常重！2017年需要減少採購，最好官方車加到598，可以索性無視！
近日坐九巴回程八達通拍卡聲音變番do 一聲，早前慣左回程聽dodo兩聲... 原來於5/11 至31/1 的九巴即日回程八折票價優惠已經完結，要俾番原價了，車資開支實在係太大！這項優惠係因為過去九巴的盈利已經係高於某個回報率，所以要回贈番俾市民，其實加左咁多次價，油價已經回落多時，巴士公司亦進行過路線重組，坦白講真係應該減價，就算巴士公司在商言商以利益為大前題，係賺咁多的情況下都應該提供更長期的優惠，今次回程八折無錯係吸引但維持唔夠3個月，條件亦限制多多包括同一條線而非任何路線，都好明顯係表面上俾優惠實際用盡方法減少乘客使用優惠的機會... 同港鐵果D乜鬼拍卡減兩蚊(有D減得一蚊)部機擺埋晒D陰濕位等D人唔知有部機有咩分別先！
以281A為例，全程$7.8，回程享八折為$6.2(2008年前票價$6.5)，我當係熱狗價了，加一程天星小輪下層票價$2，全程$8.2，可由中環番廣源，就算315行88R 都寧願坐船+281A啦，實在係合理價錢！！！不過全程要近兩小時，交通時間比世界貿易中心被飛機撞擊至倒塌全程更長，其實係用時間換車錢... 姐係無賺過，作為乘客永遠都係輸果一方！
最近坐voith 281A 橙蛋好舒服好正！voith 富豪車好正...可惜橙蛋係好坐，但1:76模型卡士就出得好差了，Toy1的橙蛋初步望落就唔太差，而家新車喜愛排行榜改為voith AVBWU橙蛋-->voith 4波ATENU-->5波ATENU-->AVBWU舊蛋，不過間唔中如果有ADS 行下就最好啦...
沒有留言:
張貼留言