BHTXWmb: 1/43 Mercedes-Benz Sprinter 香港警察衝鋒隊警車(AM6736) / 1/43 BMW R900RT 電單車(多圖)

1:43 Mercedes-Benz Sprinter 518CDI

今次分享下微影My Tony 的出品: 1:43 差佬車(平治警車及寶馬電單車)。話説日前轉折地買左一部1:43 Mercedes-Benz Sprinter Hong Kong Police Emergency Unit (EU)香港警察衝鋒隊警車, 起初覺得幾靚, 始終細個有少少鐘意平治警車, 真係以為本土情懷應該支持下, 點知一拆盒就搞到我一肚火! Tony 呢間野真係好不知所謂! (下面會講講)

1:43 警車類

因市面上無合適的1:43 車胎售賣, 日前於淘寶入了200 個1:43 車胎, 作道路背景之用, 大約兩三毫子一粒, 200個幾十蚊有交易, 當然200個都係不足以佈置模型上的一段路... 原來批發一粒類似size 車胎只係$0.01-0.02左右... 根本d 野就好平... 但出面d 模型鋪至少賣幾十蚊4個, 雖然成個車輪加條軸及包裝成本相對高, 但索價確實令我買唔落, 尤其我只把車胎用作場景物件, 如果係模型鋪買三幾百個車胎, 隨時要成千蚊, 根本唔値...

因無單一車胎選擇, 唯有自行拆開外胎, 中間部份食之無味, 棄之可惜...

其實200 個擺晒出黎並唔係太多, 唯有毎層放少一個以節省成本... 另外一直想搵d 細少少的1:43車胎, 希望同時通用在1:76 場景, 在1:43 環境時它是一個小型車車胎; 在1:76 環境時它是一個大型車車胎, 但一直找不到有售...

N 年前Corgi 出過1:43 Benz 310 警車, 有1:43 差佬、路障配件隨盒附送, 警車車尾度門可以打開, 無記錯賣299

Tony 出的1:43 Benz Sprinter 警車賣550, 車門不能打開都無乜大不了, 因為就算車門可以打開, 關節(較位)都一定好粗! 再睇下有咩跟? 一反轉盒底, 見倒三粒疑似1:76 雪糕筒... 即刻無明火起! 心諗你無_野呀? 我買1:43 車, 你俾1:76 配件我托柒咩, 無病呀? 得三個雪糕筒一個死差佬都唔跟仲要錯scale, 嘩仲好意思同人講自己著重模型質素然後賣d 野鬼死咁貴?! 其實賣既只係玩具, 成日大肆宣傳自己點重視本土情懷, 點專重香港特色, 簡直就係不知所謂, 我呸!

然後拆左架車黎, 見倒出事了... 前軸正常但尾軸離晒地, 決定拆車望下究竟乜_野事, 反轉車底塊膠原來有1-2mm 的膠的凸起左, 磨番平之後好番少少, 但都係比前軸離地, 唉My Tony 品質都幾差, 其實拆開個底見倒成架車設計、結構好簡單... 一部咁既車斷估成本連包装都未必駛百五蚊人仔, 憑乜賣到550 呢... 咁既貨色賣299-350 就合理既... 所以都難怪網上有人鬧Steve Ng 吳_俊(吳凱_)係奸商, 東方玩具眞係無改錯名, 名乎其實做"玩具"! 好心做d 野唔掂就米鬼咁高調話自己點點點啦... 講就講自己著重模型質素, 到d 野出黎百屌成材, 就話d 産品其實只係玩具, 大家唔洗咁認真, 真係人不笑犬都叫! 奉勸呢d 奸商做生意拎番少少良心出黎, 咩本土情懷, 香港特色, 不知所謂, 我呸! 東方玩具, 我呸! My Tony, 我呸!

至於My Tony 還有幾款1:43 Benz Sprinter 警用車輛有售, 不過因為我買第一架車已經中左伏, 對My Tony、東方玩具呢d 垃圾玩具商非常唔滿意, 所以唔會再買其他同款警車了... 反而想買既係1:43 Hiace 豐田海獅警車, 不過問過話賣晒, 乜咁搶手!?!? 抄人模既Hiace 都賣晒, 可想而知賺幾多...

講完對My Tony 的不滿, post 番模型照先, 某程度上我係十分歡迎有唔同種類的1:43 車模, 至少My Tony d 野係差但架Hiace 警車我都仍然想入一部~

某日Wmb 賽車場上舉行Wmb巡迴駕駛, 由於過往發生過惡意撞車事件, 黑暗車手時常故意推撞別人車尾導致失控而引起很多不必要的意外, 所以特別安排一架平治警車在旁standby!

2008年警務處逐步更換使用了逾6年以上的前一批衝鋒車, 引入當時最新型號的梅賽德斯-平治斯賓特Mercedes-Benz Sprinter 518CDI, 除了馬力更大外, 車廠也根據警務處要求而作出特別設計, 使警車車廂較同款車輛更寬敞。據説警務處是特意在2008年夏季奧林匹克運動會香港區火炬接力舉行時安排新衝鋒車服役, 把新警車的形象在全球現場直播時得以宣揚。

架警車遠睇係ok 既~ 但QC 真係地獄級... 因為個包膠係最外層, 根本無得check 架車叧一面, 所以中伏係無可避免...

隨盒跟的三粒1:76 雪糕筒..., 或者話係1:43 的迷你雪糕筒... 係Need For Speed Shift2 遊戲中的確見過類似size 的迷你雪糕筒, 但本人仍認為呢三粒雪糕筒係1:76!!! 因為My Tony 叧外有出紙盒裝1:43 警用路障物件, 當中就有真正1:43 size 雪糕筒... 所以唔明點解警車送d 咁既配件... 賣咁貴直投應該送1:43 路牌、雪糕筒及警察乙名啦... 如果買一部警車, 額外再買警用路障, 再加埋1:43 人仔(差佬), 索價成八舊水, 事實証明Tony d 野係貴得離譜... 根本唔値咁既價錢!

唔信？某日遇到交通警係路邊放雪糕筒，影埋1:1 雪糕筒及真警車，係龍係鳳，係龍係蟲一目了然！

雪糕筒同車輪的高度，一目了然吧...

的確無話錯Tony 的... 吳生，觀眾不是白痴啊...

説到警用車輛, 不可缺少的1:43 BMW 寶馬R900RT

但呢間野d QC真係幾差...

紙盒車仔開盒, 往往都要擔心會中幾大伏...

2010年, 當時大部份大型警察電單車已經使用近10年, 故此警務處於同年向寶馬引入了235輛R900RT 電單車以逐步取代本田及寶馬R850RT, 每輛R900RT 價值近17萬港元, 新電單車重量比較舊電單車輕型, 油缸容量大了4%, 動力系統更強勁及節省燃油, 最高時速高逹240km/h。此外車尾藍色指示燈燈桿亦加長1/3, 方便道路使用者識別。

首批新電單車於同年11月運抵香港, 於2011年完成全面更新。2011年1月, 警務處香港警察總部舉行儀式, 宣布寶馬R900RT 正式投入服務, 使用中的寶馬R850RT 則會退役。新電單車車身採用巴騰堡格紋設計, 以及採取發光二極管警號燈, 比以的高識程度更高! 新電單車的警號裝置亦比較響亮, 在裝備上, 新電單車的風擋玻璃透過空氣動力學原理, 能夠加強行車穩定性而且可以自行調較。此外, 新電單車備有車速偵測功能, 方便警員執行職務及舉證用途。

最近看電視劇都見過的寶馬R900RT 香港消防處急救醫療電單車

香港消防處於1982年試用救護電單車, 初時只有兩輛電單車駐紮在摩理臣山救護站。1986年，消防處認為試驗成果滿意, 便於1987年增購七輛電單車, 分別駐守沙田、梨木樹、長沙灣、馬頭涌及摩利臣山救護站, 另有一輛駐守上環消防局。1988年消防處檢討後認為計劃理想, 故此於1989年增編至15輛救護電單車投入使用。

消防處的急救醫療電單車適用於交通擠塞、路面狹窄或救護車輛因各種原因受阻而未能於召達時間到場而岀動。每一輛急救醫療電單車都配備有急救醫療器材, 由一名受過嚴格訓練的急救醫療助理在現場執行任務。

現時消防處擁有36輛救護電單車, 採用的救護電單車型號有本田ST1300P 及寶馬R900RT。