1:76 ADL E500MMC Facelift 12.8M・西九龍中心Goodgril Toy Bus(速龍小隊特別版巴士模型) | BHTXWmb

這次分享近期推出的1:76 林祥焜 X 西九龍中心 城巴Dennis E50D/E500 MMC Facelift 12.8M 速龍小隊特別版巴士模型

差點忘記：8月8日是熊大生日, 熊大生日快樂, 希望Line friends 推出更多熊大膠公仔攞設

8月13日是Steven Lee先生生日, 祝Steven Lee先生生日快樂

祝Steven Lee 先生巴模火車模買滿屋, 少講膠論！

2014年, 本港四間專營巴士公司均先後訂購12.8米的Dennis E500 MMC 量產版本, MMC(Major Model Change)代表它是Enviro500 的改良後繼版, 而專為香港而設的新款第二代車身E500 Facelift 在2015年9月尾面世, 主要修改了頭幅及尾幅設計。

新巴城巴在2013-2018年間引入了超過一千部Dennis E500 MMC(城巴佔當中660部), 雖然數量上不及九巴及龍運同期所引入的一半, 但新巴城巴除了擁有12米和12.8米的E500 MMC外, 更有引進九巴/龍運車隊中沒有的11.3米版本!

城巴車隊中的E500 MMC 12.8米數量分佈如下:
車隊編號: 6300-6588, 共248部(6500-6588 專門行走北大嶼山"E"路線)
6800-6843, 豪華版共44部(城巴機場快線"A"路線)

一向很少買城巴模型, E500 MMC更加係一架都無買過, 不過想有西九龍中心廣告模型好耐, 而且近期比較鐘意12.8米, 有巨無霸的感覺, 今次第一次出西九廣, 又有藉口買城巴~!

模型主角TW9885 / 6304, 2016年1月投入服務

車型: Alexander Dennis E50D/E500 MMC Facelift 12.8M

載客量: 上層63、下層35、企位49, 共147人

引擎: Cummins ISL8.9e5340B

波箱: ZF Ecolife 6AP1700B

這麼特別的廣告模型, 一定是非常少的限量(只有300部), 2019年6月由NS/Toy1推出, 只可惜模型推出時, 真車廣告已落畫... 現在TW9885 是新版西九廣!

講起呢架西九龍中心城巴, 行967期間曾經見過呢架車在身旁經過, 不過想拎手機出黎的時候, 架車已經有一段距離, 所以都係無影過...

車頂也有圖案, 不過是一樣的

Wmb 車長在賽道上擺位, 保証在場人士可以500mm(等效750mm)焦距拍攝!

12.8 米車身面積係大少少, 圖案又唔會太迫

上年GameOver HK 介紹過呢部西九龍中心巴士會出模型, 但當時真車係未上廣告的, 而且初版是一部Dennis E500 MMC 12米, 並不是今日推出的E500 MMC Facelift 12.8米~ 咁唔知林祥焜先生自己又有無儲番一架模型呢?

車上的黄色與盒上的黄色有些少出入...

紙盒上的圖案及林祥焜先生簽名字樣

實不相瞞, 1:76 上的簽名字樣真係細到睇唔倒, 就算用相機微距放大都係得一堆白色, 如果1:43 會比較理想, 期待E500MMC facelift 12.8米會出1:43, 話晒都係近年巴士載客需求上的一個突破, 而且又被巴士公司大量引用, 非常有代表性! 更期待日後香港會有13.7米!!

還有Goodgril Toy Bus証書

廣告模型係幾吸引既，但都是要提一提就係，Toy1 盒底個3粒螺絲真係好難拆同上番入盒，影完相要收番架車，真係搞到一肚氣，希望黃生認真諗諗呢個問題，其實Toy1 出的所有車一直都有取車/收車不方便的問題，不過你班狗驚得罪你唔敢反映，你出成點你班狗都照單全收，所以黃生你可能唔知原來好多人都想你D車加番塊吸膠係車頂......!

至於為何説是速龍小隊特別版, 原因其實係模型商的一個錯漏, 就是車門方向印漏了真車的車隊編號:6304, 模型正式發售後他們才發現這個問題(似由買家指出), 後來NS 提供代上水貼的售後服務, 但小弟選擇取回水貼日後才自行貼上, 因此模型成為極少數門位無編號的版本~

速龍小隊(又稱特別戰術小隊)在6月12日金鐘示威行動期間(可能不單止是12/6)全部被發現身上沒有警員編號, 他們在沒有出示警員身份証明下行動, 被市民質疑是冒充警察, 除了速龍小隊, 也有為數不少的警員身上沒有委任証件或在市民要求下拒絶出示証件, 相信可能是臨時警員(臨時演員), 所以極少數門位無編號的TW9885/6304 巴士模型成為了速龍特別版, 收藏價値更高!

加送眞車照片: (照片由Steven Lee先生攝)

鳴謝Steven Lee 先生提供城巴TW9885 照片! 以前要問人借圖用係好難, 成個BHT係得JS兄肯慷慨提供照片, 其他例如人像王等等多以"要搵搵"或者係"好呀轉頭俾你呀", 結果全無下文... 這次大膽向Steven Lee 先生提出借圖並會在這裹分享, 結果他一口氣便答應了, 實在要向Steven Lee 致敬! 

期待會有其他西九龍中心廣告推出模型, 及期待城巴 Facelift 12.8M 城巴初期復古色推出!!! 最好行埋182, 88R~

最後加送西九龍中心Goodgril Toy Bus 速龍小隊特別版巴士模型的開盒片段，並反映了模型拆螺絲困難的實況！

之後會上傳更多特別版巴士模型的片段, 不要忘記訂閲"BHT X Wmb"youtube channel https://www.youtube.com/channel/UCtm60y_TXMBJ5Ye_awFW4rg/playlists?view_as=subscriber, 及因為家中越來越多巴士模型, 會頻密拍照並在這個blog 裏分享, 平均毎週更新, 所以不要忘記定期瀏覽 http://eh4005.blogspot.com 啊~



8月7日晚，大批市民聚集太空館觀星，激光槍齊射向太空館外牆，估唔到仲播番激光中，呢首歌突然又大熱起來，因此當晚立刻便上傳了激光中的兩個版本，其中激光中94 YEAH 版相信比較少人聽，但相對原版，激光中94 YEAH 版比較狂野！

激光中是廣東歌的經典，它用押韻的歌詞及較快的節奏唱出，開創了廣東歌Rap風格及快歌的新時代，而九十年代樂壇競爭十分激烈，激光中94 YEAH 版也反映了羅文積極多變的專業精神。

羅文 - 激光中(原版) 00:03
羅文 - 激光中 94 YEAH  03:36