1:43 CocaCola 大眾T1 模型車終於在去年...(上個月)到手, 一直都好想買1:43 大眾巴士, 但市面上十分缺乏這款車的1:43 模型... 難得找到架可口可樂車, 可以加入Wmb 1:43 車隊了!
先回顧一下最近少入~
今天全是坑, 近期的入手都以Line 為主~ Wmb 超人、海陸空、太空都有坑... 而家又落埋熊大坑... 坑, 無處不在!
OREO Brown 熊大錢箱連四包細oreo, 盛惠$57.9
不過始終都是for 粗用, 罐身qc 都幾差下, 好多花、油出界...
開盒片段已上傳到BHTXWmb youtube channel, 不要忘記按like 及訂閲啊~
空氣淨化器, 平入, 盛惠$110
不看背面都可以當係擺設, 始終官方推出的, 面部上色不會出界
永橙推出熊大叢林系列造形擺設
奇趣新春85折入手的1:43 AE86 頭文字D版本, 之前見到都想買, 但正價偏貴, 85折還好...
還有Line friends 熊大/布朗熊門塞, 開盒片段已上傳到BHTXWmb youtube channel, 不要忘記按like 及訂閲啊~
本來我想扔掉個紙盒, 但又印左d 圖案, 搞到想儲起... 住公屋無位擺係一大問題...
但我會當它是玩具擺件, 一般都不會使用, 以免撞花!
今次就玩呢架1:43 大眾T1 巴士, 都唔知算唔算係巴士, 似一架客貨車多d, 但以前上過淘寶, 見同款車係叫大眾巴士...
又有些人叫它做休旅車/露營車, 旅行自駕真寫意~ 或稱大眾面包車, 因外型似面包, 自己都好想買一架, 車廂可擺貨, 用途廣範, 又不會太巨型, 駕駛方便, 有些似現在的Hiace(由大眾T3開始外型像早期的Toyota Hiace), 但T1呢款當然美觀得多!
1950年3月, 大眾T1正式於德國生産, 它有圓胖的車身外型
在早期的設計中曾考慮使用單塊曲面擋風玻璃, 但受制於當時的製造成本不得不放棄該方案；同樣, 前排車窗也因成本問題而使用了推拉式。車内的塑料部件之少也是對成本的妥協, 在那些年代金屬加工的費用比塑料低得多, 所以儀表板都是由金屬製成, 與車身連在一起。
1967年, 大眾T1的生産數量已超過一百九十萬架, 直到1975年, 大眾T1正式停産, 總數未知!
最初Kombi 版本指的是多了中後側窗户及容易拆座椅的客貨兩用車。
這架比單獨一架來得特別, 因為後面有個大雪櫃, 相信用來載可樂的~
其實呢款車最經典的顏色應該係上米下紅, 類似九巴復古色, 車頭就大大個銀色VW logo~
但這架CocaCola 車頭就是CocaCola logo
布朗熊嘆世界十分囂張, 想把布朗熊扔進雪櫃!!
這架車模是去年9月訂貨, 本來話10月到貨但整整下我去完日本番黎都未有, 12月才到貨, 在此之前, 發現原來80T 都有賣1:43 CocaCola VW, 而且平幾十蚊...而且車尾是不同的, 原來80T 有1:43 可樂車... 真係無人留意到... 好彩呢期無乜巴模買, 鐵都繼續無限期delay, 又可以考慮買多架可樂車!! 順便俾個理由幫襯下數字店啦唉, 眼見網絡店及My Tony 掘起, 數字店依然不思進取, 繼續舊模出車再加價, 應該出的型號遲遲唔出, 出過的同款車就無限翻出, 舊酒新瓶炒冷飯, 即使新車再受歡迎都無人會無限買的, 只會越來越少人支持, 特價又只係為左清蟹貨, 再咁落去幾年後都唔知仲有無80T...
沒有留言:
張貼留言