前排比較忙碌, 1:43 勝利二型一直未拿出把玩, 直到最近紅燈籠色及中巴勝利二型相繼預訂, 決定馬上拍攝開箱片及為模型拍照~
轉眼已踏入2020年, 2020年第一個post 就是1:43 勝利二型, 祝新一年是勝利的一年, 各位車模收藏家新一年有更多1:43 模型入手, 創建更多的1:43 車隊！
模型片段日前已上傳到BHTXWmb Youtube channel, 馬上按like 及訂閲吧!
在萬呼億喚之下, 1:43 九巴利蘭勝利二型巴士模型終於在08/2019推出... 大家已經等了兩年半...
前排post 過1:76 冷氣勝利二型, 這次終於到這架1:43 勝利二型, 看看是否慢功出細貨!
很高興終於有生産商肯做1:43 熱狗!
小時候外出後回家, 可以選乘49X或83K線, 最記得我自己鐘意勝利二型的車頭, 但偏偏先到站的49X 是十二米巨龍(3N), 那時小弟對3N的平坦頭幅完全沒有好感, 堅持等候83K 勝利二型到站才上車... 而且83K 線是途經牛皮沙, 會先衝上一段斜路再衝落一段1:10 斜路, 坐非空調巴士途經這段路是非常刺激, 教人印象深刻...
希望生產商可以考慮再出膠牌版本1:43 勝利二型, 例如83K, 83X, 86 等等沙田區路線...!!!!
雖然上網都可以找到勝利二型的資料, 但模型的外盒一句介紹説話都無, 但毎一面都印有微影Logo, 表現化到呢... 假設大家係完全唔知情的情況下很難理解這款車有什麼可愛之處, 所以先簡單重温利蘭勝利二型的背景/資料:
利蘭勝利二型(Leyland Victory Mk2)是英國利蘭車廠於1978-1981年間生產的雙層巴士, 是佳牌勝利J型(Guy Victory J)的後繼產品, 其亞歷山大車身是針對香港道路環境而設計, 也是香港本土獨有的車款! 據記載, 利蘭車廠一共為香港生產了716 輛勝利二型。
七十年代香港人口持續增長, 巴士公司積極增購新款巴士以應付需求, 但因英國在六十年代末起全面推行"一人控制"模式, 當時英國政府為巴士廠商提供補貼, 令生產商都放棄了前置引擎巴士的生產線, 改為發展適合一人控制模式的後置引擎巴士。
面對人口增長及海底隧道通車的交通需求, 也受制於當時專利巴士公司只可購買英國巴士, 中巴及九巴先後從英國購入屬於第一代後置引擎的珍寶雙層巴士, 並仿效英國, 在香港推行一人控制模式。不過香港山多平地少, 尤其在七十年代開始發展新市鎮及發展港島東區及南區, 當時來往市區及這些新發展區的巴士路線很多都需要攀山越嶺, 巴士公司比較認為前置引擎巴士在爬坡能力方面較為理想, 前置引擎始終是比較可靠的選擇。所以巴士公司一方面引進二手前置引擎巴士的同時, 亦要求英國巴士生產商為香港再提供一款前置引擎得來又可作一人控制模式及高載客量的雙層巴士, 在這個背景之下, 出現了勝利二型的基本概念。1976年九巴試用了4輛佳牌勝利J型樣版車後, 促成了勝利二型的誕生!
同一時期, 英國丹尼士車廠亦向九巴提供了4輛丹尼士祖比倫(喝采型)給九巴試用! 這4輛巴士設計概念雖然跟勝利J型非常相似, 但採用了馬力更大的吉拿6LXB 引擎並附有Voith DIWA 851全自動變速波箱, 更附有減速器, 而且擁有較高的載客量, 完全符合九巴要求, 九巴試用後感到十分滿意, 於是便向丹尼士車廠一口氣訂購了50輛祖比倫(其中一部為空調試驗車), 並配上亞歷山大專為香港道路環境而設計的車身。
九巴購買丹尼士祖比倫的舉動令利蘭車廠感到壓力! 利蘭為保在香港市場的佔有率, 決定依照"勝利J型"的設計加以改良, 並採用了跟丹尼士祖比倫一樣的機械配搭及亞歷山大KB型車身, 新車命名為"利蘭勝利二型・第二系列"。九巴馬上把原先兩輛"勝利J型"連同最後一批共150輛珍寶巴士的訂單改為購買勝利二型!
首輛勝利二型於1978年出廠, 1979年5月投入服務, 直至2000年, 香港最後一輛勝利二型退役。
其實1:43 又未至於好似網上d 人講話大到無位擺... 如果有1:24 勝利二型, 我更加會買! (如果可以好似DMS 咁出唔同巴士公司就更正!!)
先看看包裝盒外觀~
最外面的紙皮箱原來只能容納一架1:43, 開頭以為一個紙皮箱可以放三幾架1:43...
紙盒内裏有透明膠盒, 不過膠盒做到好細, 車身近乎緊貼膠盒, 如果前後左右各做番多1cm 距離會順眼好多, 真心講句, 車價由之前公佈的950 加到1250, 個膠盒做到咁令人感覺有些小家...
如果你話個盒做得細係想省位, 我就一定唔同意, 因為可以睇下微影的B15, B16 街景個盒, 正正是紙盒超大但内裏物件細小... 那裏省位? 吳生思維又有誰明白?
4A, 1956年11月投入服務, 並在1960年全線以雙層巴士行走。
1996年7月28日, 路線4A 取消服務, 取消前並無空調巴士行走! 常用車型為利蘭勝利二型及丹尼士祖比倫!
最初, 生産商"微影"發佈這部1:43 勝利二型時, 説模型全車車窗及太平門窗可以開, 後來聽聞最初因為抄模搞到架車四不像, 改模、換廠做, 要做埋活動窗又話成本太高, 最後加價之餘全部車窗及太平門都無做開關... 呢部車起碼有一年半載的生産期係白費的! 同時大家在等待模型面世期間劣評如潮, 不少人在玩具節上詢問吳生, 話你個模係咪跌左落海? 吳生只有回避説"我們都有好多其他車會出"
加送幾張車門打開照片:
1:76 司機位門始終因為比例細所以相對做得好厚, 微影呢部司機位門同門頂的蓋位厚度完全係1:76 放大出黎, 所以一樣存在車門太厚情況, 令車身闊度隨時超過2.5米...
要重點對比一下真車車頭車尾的照片, 個模做得好定唔好, 馬上一目了然!
這架是停放在青衣車廠內的勝利二型, 從前方側面觀看巴士上層車頭, 可以見到突出的部份, 側面第一個窗中間的骨位到車頭前端一直保持相同高度, 直至臨到達懸崖前一刻才明顯彎向下傾斜
但模型從側面第一個窗中間的骨位開始, 向前方已經是緩緩傾斜下去, 引致車頂似被壓扁左一樣, 拿好明顯生產商無認真觀察過真車的特徵, 修改過咁多次都無認真改善過, 改完大家都唔知其實改左d 乜？！
勝利二型車尾一向俾我漲卜卜/圓潤的感覺, 從側面可見上層尾窗其實是非常傾斜, 模型上層尾窗尚算有傾斜效果, 但真車從上層尾窗向下延伸, 過了骨位, 車身仍然保持少少傾斜, 未至於過了骨位後就馬上直落!
模型相同位置, 過了骨位後就馬上直落, 失去了真車車尾漲卜卜的感覺, 或者話車尾圓潤的感覺做得唔夠明顯, 拿好明顯生產商無認真觀察過真車的特徵, 修改過咁多次都無認真改善過, 改完大家都唔知其實改左d 乜？！所以其實我一直覺得上層車頭及車尾個頂係做得唔似！
由生產商在2019年初說不再修改模具, 進入量產一刻開始, 一眾喜愛勝利二型的朋友的心碎了... 一個未成熟的模去做1:43 出來的效果... 那一刻是失望的！
不過要讚的係, 自己無諗過佢會做埋車身的鍋釘, 大大話話一架兩軸車都有幾百粒釘, 全部有做到出黎, 當然佢d 鍋釘都唔係跟足G36 身上的分佈的, 呢樣野我已經對過真車了, 但望落係幾靚!
車身有微微凸出的釘位絕對要讚的, 其實肯做無話做唔到囉, 你睇人地LB 1:64 Lamborghini 模型都做倒飛釘效果啦, 不過一年前做1:13 遙控巴士的SP, 部車做到咁大但都係無鍋釘係車身, 收人萬六蚊一架但都唔係像真度上面落多d 誠意, 你叫人點買呀, 最後基於眾多原因, 最看得上眼的1:13 坦克蘭我都無買到...(曾經有落訂的衝動！)
再看看車内的告示貼紙, 以Sigma APO 50-500mm 最大微距盡量顯示...(某程度上手機拍攝更輕鬆, 不過當下堅持用番相機影!)
37454466
司機位
其實車門底個較位係控制車門的開關(玩具原理), 但底下露出的手握好礙眼, 所以我自己油番黑個手握, 諗住擺出黎順眼少少, 但如果影相背景太光, 黑色手柄又好難睇... 另外車門膠片太厚, 車門打開會反彈(摺唔埋), 所以有些模型商會為左像真, 索性唔做開關, 同時節省成本...
車内價錢牌顯示$1.20, 翻査資料, 4A 曾在1989年1月29日至1990年3月17日期間收$1.2 全程票價
個人覺得車廂座倚做得太斜, 微影出的1:43 小巴都有呢個問題... 有時係模型店睇車時都聽倒有人講呢個問題, 可惜咁耐以來都無改善過...
1976年九巴試用過佳牌勝利J型後, 促成了勝利二型的誕生! 首輛勝利二型於1978年出廠, 1979年投入服務... 唔知生産一架真勝利二型耐d 定還是My Tony 生産一架1:43 勝利二型模型耐d 呢...
個人覺得微影好鐘意將做車的文化功勞歸於自己, 例如之前出1:110 盒仔玩具車, 出左幾部廣告玩具就話開創廣告巴士模型新時代... 這部1:43 勝利二型又話係開創1:43 巴士模型新世代... 其實1:43 巴士模型鬼係你開創呀... 80T 2015年都出過1:43 E500MMC 啦... 如果你講日本巴士, 人地2017年都已經有好精細的1:43 ISUZU 單層巴士...
除非之後微影大量推出1:43 香港巴士模型, 咁我就唔反對其"開創"一字, 始終1:43 而家都係少數, 我都好想有多d 1:43 巴士模型面世, 包括S3BL 吉蘭、坦克蘭!
不得不提最初, 微影描述模型除了4A外會跟多6套路線, 但到了推出前夕, 竟然更改描述得番3套路線, 呢樣野我個人認為My Tony 係違反了商品説明條例, 欺騙了大眾/消費者, 儘管3年前用850蚊訂左車的少數人獲得6套路線牌, 都唔應該之後又改産品描述, 除非當初一早列明"附送品只限訂購的客人"
此外, 這部1:43 勝利二型推出前, 又有貼文話因為産品遲推出, 所以補償俾當初有落訂金的顧客, 他們訂的勝利二型毎部附送一個1:43 司機模型, 相關貼文隨即引起很大迴響, 有人重新張貼出3年前poster 上的産品介紹, 証明本來司機模型都是隨巴士模型附送, 而非因遲推出而補償俾顧客的禮品, 同樣地所有不是當初有落訂金的顧客, 這些本來是産品附送的司機模型全部沒有... My Tony 的確是違反了商品説明條例!
現在, 模型附送的路線有33A、70、110 (其實加埋4A有4條線, 都ok 既, 大家都只係不滿My Tony 成日講好多野去合理化自己做衰左既野...)
70 我就留待紅燈籠色到手先再一次過影, 仲要影埋1:76 平治70... 順便祝大家聖誕新年快樂
以上講左咁多關於呢部"做模型仲做得耐過做真車的"1:43 利蘭勝利二型, 整體講我覺得中規中舉, 可以接受, 模型不完美, 有改善空間! 唔知大家睇完又對呢架車有咩評語呢? 歡迎發表一下
很多當年中小學著迷的熱狗車型, 到了今時今日, 如果它們仍然在世的話, 都己是三四十歳高齡, 就好似坦克蘭, 以前覺得康偈車比較新, 但第一架坦克蘭係1989年11月投入服務, 至今都足足三十年, 時間奔流, 毎一款有幸被製作成模型的車型, 都非常珍貴... 十分期待S3BL 早日推出1:43!!!
G36 相信是坊間現時唯一一部可以用尺度車身的1:1勝利二型...
My Tony 經常強調這架勝利二型是由真實1:1 勝利二型(G36)身上採集數據而製作, 並周不時發佈他們用尺度車身的工作照片証明他們是有搜集資料
不過, 不少人(佔99%)都表示My Tony 呢部勝利二型外型似足Hachette/IXO 在2016年3月出的一部1:43 中巴勝利二型, 事實上如果有睇兩年幾之前My Tony 發表的勝利二型樣本, 成架車直情同Hachette/IXO 的1:43 中巴係一模一樣...! 而My Tony 自己都承認模具開發初時是以這架現成産品作藍本! (即間接承認他們是抄模?)
這是他們當年的描述: "為了開發這款1/43比例的勝利二型巴士, Tiny將會做七套全新模具... 在開發初期由於未知能否拿到九巴的授權, 所以剛開始時是以現成的1:43中巴勝利二型為藍本"！
沒有留言:
張貼留言