BHTXWmb: 日本之旅(多圖): 窮遊光之國 Day6

繼續回顧窮小弟的遊光之國日本之旅 Day6 - 大阪OSAKA

Day6 主要遊覽了日本橋、梅田一帶

這天早餐去了FamilyMart 買麵包同紙盒裝牛奶coffee... 又盛惠了幾百円...

坦白講, 酒店唔包早餐又唔想花太多時間用餐的話, 粗粗地FamilyMart 係最佳選擇, 以天滿橋一帶為例, 一條街有一間, 十字路口隨時可見斜對面又有另一間, 非常方便, 亦見不少上班一族購買早餐~

不過紙包飲品飲完要等到有圾垃筒先可以掉...(周圍都極少圾垃筒！)

同行另一條友話要幫朋友買咩日本限定品, 這次搭地鐵前往恵美須町駅, 步行前往, 順便睇下附近有咩超人玩具~

Google map 上無寫呢條街街名, 有人稱這條是御宅街

咩日本限定品十點才開賣, 在這裹逗留了一會, 其實樓上賣的產品類型有點兒...唔太岩我... 個人比較喜歡特撮片, 但行過見唔少粉絲都睇得津津樂道

小倉唯, 話說我有個fb fd 好鐘意小倉唯, 鐘意到想同佢結婚咁濟, 有諗過買俾佢做手信, 不過佢可能已經買左！

外牆都非常繽紛

看見一個殘舊的富士招牌！諗起以前菲林盒就是這樣的...

間中會見到有扭蛋機, 不過超人唔係佔好多...(不過肯定多過香港！)

力斯、黑暗札基、佳亞、希卡利！各400円, 約HKD$28.5

抽了2粒, 仍未開封... 但之後再行模型店見倒直投有間現貨都係400円(但唔齊款)... 咁直接買仲好？

艾斯、迪加、阿鄉、阿古魯發光扭蛋, 呢度每隻500円, 約HKD$36, 香港扭一隻都要50起, 現貨一隻過百都有...食水深到呢！

這樣多扭蛋機, 算是難得一見！至少香港唔見有！

樓上有一間火車模型運轉場, 上去望過下~

呢粒油庫係日本都算好經典, 以前超人片成日有油庫被炸毀！

之前去過位於荔枝角樓上的一間鐵路運轉場所, 當時見倒個模型成兩張台咁大, 覺得好西利, 不過日本呢個景更加大, 而且一邊是1:87, 另一邊是1:150/160~

無意中發現另一間門口放左個等身大超人迪加出黎!!

下面仲有價錢牌添, 一個盛惠598000円, 約HKD$43000...

買就不了, 合照一張算, 本來想做番迪加打鬥的post 合照, 不過周圍有其他人行過, 費事人地見倒, 嘩有個傻仔扮超人呀...

其實迪加我自己唔係特別鐘意, 可能覺得佢打鬥方面實力一般, 如果有力斯就正！！！

店內也有超人迪加poster

力斯！

超人迪加

牆上有超人畫, 太靚了, 忍唔住影低！黑色呢個係超人銀河入面出場, 用黑暗火花變成的邪惡超人, 開頭打到銀河死死下... 完全無還擊之力！後來銀河反敗為勝(劇情往往是這樣, 不過場面都好精彩~)

睇下youtube 搵唔搵得番有關片段先...

呀搵到一段有呢個超人出場的片段, 就是這個！

離開這店, 再近攝近張, 係香港好難會有咁大個超人做招牌, 畢竟香港都無乜賣超人的鋪頭, 有既都只係得好少超人野, 而且上次幾年前希慎廣場個展覽擺出黎個迪加其實做得好假, 似玩具多, 但今次見呢個就做得相當似真超人！

另一間可以夾薯條

話說, 來日本前, 一直好想買番套超人力斯的DVD, N年前網上有人賣過, 但覺得好貴所以無買, 因為一套有幾隻, 加加埋埋要幾百蚊... 當時心諗係電視睇過費事買啦, 但而家搵已經搵唔番！這日終於搵倒有間有賣特撮片的店, 見到有力斯, 但佢個包裝好怪, 得第一隻DVD封面(正常成套片集有幾隻), 而佢個價錢就要11000円, 即是HKD$790...

嘩好貴, 心諗無理由一隻DVD 要成八舊水？！咁買一套咪破產？！這時多得同行另一條友用比較流利的英文問店員, 佢即場打開個包裝, 原來入面係成套黎, DVD的封面都齊全, 只是無盒... 但現今很難再搵倒全新有盒的超人力斯DVD了, 所以決定買左佢！

另外搵倒另一隻力斯DVD, 後面劇照係第37集, 但片長係成個鐘, 應該係特別版, 盛惠500円, 決定入埋... 因為儘管以前無乜留意DVD/儲DVD, 因為以前上網都有些途徑可以dl, 但確實乜見過香港有得賣(可能曾經有)

Total 500+11000円, 再加埋稅盛惠11550円(無得扣稅...), 折合港幣$831... 超貴...

除左力斯, 當然還有其他超人DVD, 全部都11000円... 點解日本買碟咁貴？！奇怪如果想人支持正版, 唔係應該平d先係? 太貴唔係容易令人支持翻版咩？

力斯係小弟當年一套印象好深刻的超人, 每次戰鬥的環境都係充滿黑暗氣氛, 也算是陪伴了小弟一段短暫的中學時期。所以貴, 都想買番套收藏, 反正今次日本之旅都無乜買野, 來到第六日都要洗下錢, 否則手頭上八萬円用唔晒(我d fd 去親日本都帶十幾二十萬円)！除此之外, 力斯好多相關物品包括模型都極之罕有！

所以我其實算係超窮遊^^ 無人窮得過我了！