窮遊光之國
這次回顧一下小弟11月中遊覽日本京都-大阪的旅程 Day1
Day1 簡單地說, 上午花費了在關西前往京都, 下午主要是遊覽清水寺-祇園方面
上圖, 超人力斯 Ultraman Nexus
光之國是日本科幻特撮"鹹蛋超人"的誕生地, 而日本正是科幻特撮片的始創地, 因此光之國就即是日本
實不相瞞小弟是第一次去日本京都/大阪, 作為初次觀光, 沒有試過搭錯車, 我認為都算是不錯的了! 千奇不要問點解唔去埋邊度邊度?
這次也是小弟第一次坐凌晨機出發, 就獻給了香港航空... 但都聽說過香港航空財困已久, 有可能面臨倒閉...(未知是否第一次搭港航就係最後一次呢？)
那麼我就長話短說, 而家進入機場客運大樓都要查登機証、護照、身份証，都幾煩...
過了離境關卡, 乘無人駕駛列車到候機區域
11月頭就佈置聖誕? 好似早了些...可能今年氣氛較淡, 對聖誕沒什麼感覺...
原來位於機場離境禁區上層, 有間LINE FRIENDS主題餐廳 BITE & BITE, 即是只有登機前才會找到這間店!
Sally 畫到成隻蛋咁, 又幾特別喎~
Cute! 快些夾死熊大佢!
喂 望過黎啦！
候機大堂
我的候機區是214, 不過就上線線去了213, 見有部大機係度... 完全未意識去錯aera...
空中巴士A330
醒起其實我係坐細機A320... 下面這架才是...
FF乘坐ANA 747 pkmon客機前往日本
真係想搭下747, 希望有機會睇下中華航空有無747 飛香港至台灣...
前往登機橋, 第一次深夜上機, 興奮~
座位正正是發動機旁邊(以後仲有無機會坐香港航空呢? 聽講7/12是死線!)
空中巴士細機以3+3 座位佈局
飛機緩慢進入南面跑道07R 起飛
原來凌晨細機無正式飛機餐, 只有一盒小食同一杯果汁... 小食包括薯條、蛋糕仔、雞蛋仔同密封水一杯
凌晨時份, 看著月亮西落, 在貼近地平線位置漸漸變成金黃色
手頭上用的Nikon 18-200mm 本身是二手鏡, 我就來忍受不了它反應遲鈍、防震失靈、變焦環膠面鬆脫、成像差勁... 今次遠征之旅更出現1xx mm 附近無法zoom in / zoom out 的問題, 疑似入面有物件鬆脫卡著, 估計都就黎打柴... 最愚蠢係自己無行日本的camera 鋪... 回想日本買鏡應該平過香港...
(上圖及下圖)這個大島的地形我曾經懷疑是台灣北部, 加上飛行時間估計都應該到達台灣附近, 不過細機倚背無屏幕顯示飛機當時位置, 故無從判斷...
iso6400
後來我再上google map 看台北範圍地圖, 確定相中位置是桃園! 中間較光亮的區域是桃園國際機場!
這張桃園夜景就珍貴了, 事關除以上問題, 最令我接受不了這支鏡的是在夜間M mode 手動對焦是廢的, 用了M mode 仍然要經自動對焦準確識別主體才可按快門鍵, 否則如何按快門都無反應... 我已用盡方法先對焦飛機內的小小燈光再移去窗外景物, 這樣對焦雖然不太準確但至少可以影到一張似樣的相, 如此惡劣的拍照條件相信以手機拍照會更輕鬆!
在近乎全黑的機艙, 終於看到了外面的星星非常明亮, 第一個感覺真的不相信, 還懷疑自己睇錯, 從來未見過如此光亮的星雲, 細心看, 成千上萬...(回程時有拍照)
飛了三小時又睡不著, 終於看見東方的如晨光
正在通過東半球晨昏線, 大氣層漸漸透光
開始望見大片陸地, 就知飛機已到達日本九洲上空了, 光之國之旅馬上展開!!!
冒煙中的鹿兒島櫻島火山
昭和火口
"如晨光"照進機艙, 但我在左邊無論如何都看不見太陽
宮崎市的畢直海岸
到達日本四國上空
日鐵礦場, 地初以為是瀑布
土佐市
高知市
高知空港
德島市
淡路島
連接四國及淡路島的大鳴門橋, 著名的鳴門漩渦就在這裹發生!
降落關西空港馬上便看見全日空ANA, 是呢這是日本, 當然有ANA吧！
加送香港航空A320 於香港起飛, 降落關西空港的片段
不過段片我自己錄得唔好, 因為夜晚起飛時太暗, 較光了一級曝光, 日出後忘記了調低一級曝光, 所以上片後半段曝光over 左...
最重要一點, 記得訂閱"BHT X Wmb"
飛機下降急速, 落機後耳仔疼痛, 腦海一片空白, 不知方向, 跟隨前面人群乘坐無人駕駛列車到入境區
日本時間07:21, 前往入境
乘無人駕駛列車前往入境大樓
牆上還有空中女王-波音747的肖像
入境超多人, 花了至少一個鐘...(有不少香港人去日本, 也有不少是大陸人... 唔係愛國咩? 又咁積極去日本消費既??)
在日本的第一餐早餐, ??家(食其家)牛肉飯, 480円(約HKD$35), 算抵食, 要用自助售賣機選餐出票, 完全不需要講日文, 懂俾錢懂取餐便可... 還聽聞這間日後可能會在香港開分店, 這次也可當作是小弟先到日本試食, 之後可在香港再比較!
第一班由關西空港前往京都的JR 列車為日本時間08:46, 隔30分鐘才一班, 但入境大排長龍, 吃完早餐已趕不切0846 這班, 本來打算坐09:16
已事先買了JR 四天乘車票, 盛惠6600円, 目前已加價至6800円(約HKD$490, 平均計起一日要$123)... 基本上個個去過日本的都話日本搭車好貴, 巴士、火車搭一個站至少要港幣十幾蚊! 京都大阪特急班次需要再補660?票價(後來才知)!
但換實體車票的過程並不順利, 在換票櫃位排了很久然後說要前往JR 專門櫃位辦理才行, 然後去了入閘對面的JR 櫃位排隊, 但一樣大排長龍, 打晒蛇餅, 排到櫃位面前竟然又說不是在這裏處理, 原來只要在外面的自助售票機掃QR code 便會打印車票... 此時已是09:45, 模模下入閘都已經過了0946, 送車尾, 又要等10:16 班次...
Kansai Airport Express HARUKA 特快列車由關西空港前往京都, 需要大約80分鐘車程
有樣野幾欣賞日本鐵路系統的, 他們的職員會主動詢間你想去那裏, 還帶你到適當的候車月台, 因同一月台太多其他班次, 如不留神隨時睇錯行錯路, 有人指示就放心得多~
大阪環狀線
京阪鐵路網, 比香港的密集得多...
開1016 的HARUKA 來了, 是Hello Kitty 列車! 聽聞只有三架, 坐中也算幸運??
車上有些Hello Kitty 圖案, 不過再特別的圖案也不敵睡意, 訓了一會~ 其實如果有Ultraman 主題列車就更好, 隨時要買埋模型...
一系列鈴聲播出, 大約11:35, 到達京都~
中巴銀豪色JR ?
終於看見在模型世界很常見的貨櫃(下圖)
第一間入住的酒店就位於京都站附近, 相當方便~
暫存行李後, 已經是中午12點, 京都第一天就這樣過了一半...
一出車站第一條馬路就看見京都巴士! 還希望影到多些三菱呢~.~ 以前香港(九巴)都曾經引入過少量Mitsubishi Fuso MK117J 及MK217J, 不過可惜數年前已全部退役...
香港巴士早在1921年於九龍地區出現; 京都也早在1928年開始有巴士行走! 京都巴士的型號, 除了一隻最似以前香港見過的三菱MK217 之外, 其他我都唔識分...因為車咀同車尾都非常相似!
京都車站外 京都塔
京都站上面的商場相當大
吃完早餐還未餓, 午飯都沒吃就出發往清水寺一帶! 其實七日來說, 有六日都無正式花一個鐘坐低食lunch, 一來可以講早餐份量充足, 午餐我在街邊買少食便可, 二來其實沒有太多時間花在食lunch 身上!
JR 線沒有覆蓋清水寺一帶, 所以試搭巴士前往, 順便體驗一下~ (有少少似番大陸搭公汽~.~)
一程巴士票價要230円, 約HKD$16.5... 好貴... 不論一個站還是十個站, 一律230円!
當時手上勉強才找到230円, 但原來車上可以"唱錢", 拿一萬円紙幣上車都不怕無得找! 這點對乘客來說方便得多, 不似香港巴士不設找續, 欠幾毫子又說短付車資犯法, 多付車資又蝕俾巴士公司...
太多人, 企位都迫到心口貼住前面背脊, 但見大家都好合作企入車箱中間(過份合作), 我也被迫進車廂中間...(香港企到咁上下滿都唔會再同你迫入去, 話之你上唔倒車)
清水道下車
沿路會看見不少以紅葉為主題的poster
在京都大街過馬路非常有秩序, 馬路兩邊都有人員指揮, 無得衝燈^^
另外, 很多路口均有指示牌指示清水寺方向, 完全唔怕唔識路
五条坂
沿斜路而上, 行4-500米左右
前面說普通話的(假貨!)
來到清水寺大門下, 回頭望路途, 步了很遠~
四周紅葉不算十分密集, 未至於是大片紅海, 但有少部份非常紅, 看上去也是非常搶眼~
清水寺池
仍然有部份楓葉未轉紅, 紅晒的話就正...(攝影技術有限, 不懂拍照)
回望京都, 剛才出發位置
16/11-1/12 夜晚開放... 影夜景一流, 不過16/11 小弟都不在京都了...
仁王門
清水寺地圖(我這次只接觸到1/3)
這群位置比較隱蔽的紅葉看上去似乎是我自己見過最紅的, 幸好位置隱蔽無人, 方便小弟換Nikon 55-300 盡情拍照!!
剛好陽光在背後照射, 樹葉通紅透亮, 這位置似是專為影紅葉而設, 不過因為較低位置被涼亭陰影遮蓋, 影人就不太適合~
雖然紅葉數量不多, 但已經可以用不同焦距影到飽, 不過相機第二舊電已經就快無電(第一舊電早已無電, 都不明為何用電量會這麼多), 被迫收手...
前行是收費區域, 其實整個範圍非常大, 大門附近通往後山的小路都封了(因是通向收費區內), 本來諗住沿這些小路行入少少...
知否知否, 應是紅多綠少...
附近兩座外面無人的建築第一眼看上去以為模型!!
沿松原通商店街可通往清水道大馬路... 但多人到插針插唔入, 顛的...
第一次見綠色雪糕筒!!
又返回仁王門, 合照的人從沒減少...
有人話著得鮮艷的多是大陸人、假貨來的...
這些比較樸素的才是本地人...
第二舊電都玩完... 証明去旅行一日兩舊電係好勉強... 除非唔係點影相, 否則如果開屏幕拍片, 三、四舊電都唔掂...
相機同紅米d 顏色係有一定程度的差異...
同行有另一條友, 但唔識影相, 用相機唔識對焦、講埋點影都錯水、錯高低、開埋連拍都唔長按影多張, 影一張相我企係度十幾秒都未影倒(唔知係眼殘定手殘)... 實在是無名火起, 激氣到d垃圾相當面delete 左...! 然後索性手機影一張算...
當面話又唔敢太重語氣, 但難得黎一次無可能唔合照... 起碼都有張正常相, 到了第三日終於要反問一句, 如果我幫你咁樣影, 你收唔收貨? 對方都無聲出...
事實証明緊要關頭, 識影相是很重要!!
大谷本廟門前都有些紅葉, 不過都不及清水寺的吸引, 所以望一望就走了
來到京都的Day1 無食到lunch, 中午放低行李便走出來, 竟然唔覺肚餓~
超好食的炸和牛薯餅, 外面香脆, 內裏鬆化, 入口即軟, 一件盛惠300円, 本來想食多件, 但一件圍番港幣要$22, 都幾貴... 能與此一決高下的, 我只想到麥當勞薯餅, 但麥當勞薯餅始終低成本野而且又細塊, 和牛完勝!!
沿清水道北行到了祇園 西樓門
事後睇番網上d 人介紹, 原來行松原通、三年坂、二年坂、一年坂去八坂
神社好似多d 野睇...
順便又沿四條通前往花見小路通
花見小路通
多x謝大陸人往日霸道, 現時花見小路已禁止拍照, 不過仍有不少大陸人拍照, 小弟也冒險影一張(這張比較敏感, 沒有上傳到FB, 只在這blog分享), 其實現時花見小路已沒什麼特別好看, 只可以欣賞兩旁的建築, 而且此路也是車道, ?邊都有人員指揮, 人又多推住上, 無得慢行...
未到5點, 開始感覺日落, 地面都開始暗, 相機又無晒電, 所以打算馬上回酒店叉一叉電再出來, 竟然無三菱巴士... 搭番206 ISUZU...
206 班次密, 但班班滿客, 唔通京都巴士知道我大駕光臨？派架空車載我？好在有位坐~
接著塞車, 累到訓著(因飛機上睡得不多), 番到酒店接近天黑了...
原來巴士回程是下車才付錢, 中門上車前門下車, 司機會向每一個乘客講類似多謝乘搭的語句, 非常有禮貌, 你睇九巴個d? 落車落慢d都關門丁丁聲迫你行快d... 態度差天共地! 咁當然我都見過日本巴士司機見有人追車都照開車既~
馬上到京都站索取京都旅遊圖, 含景點簡介, 再拿回酒店閱讀
APA酒店第一座
現在先找地方吃晚餐
因為酒店近京都站, 外面又有地下食店街, 晚餐自然都係附近搵, 至於吃什麼就豐儉由人, 我去Seven 仔食飯團一樣無問題, 其實日本便利店飯團好好食的!! 香港都食唔倒...
地鐵站密集得不懂看...
巨型聖誕樹, 比香港更有氣氛
這條樓梯真壯觀, 大可以約仇家在上面看風景, 然後協助他一躍而下^.^ 爽！
來自四十萬公里的合照(18mm/等效27mm 影景確實不夠廣角...)
京都站商場有十一層, 位於9/F的鐵路模型店已關門, 唯有next day 再去望下...
現在打算要找個地方吃拉麵
10/F 拉麵街 全部自助點餐
盛惠1490円, 約HKD$107, 超飽!!! 有飯又有麵, 好抵!! 加少少辣胡椒, 味道層次再提升! 我相信去完日本我褲頭會加一吋...
為方便消化, 到空中走廊觀景台觀光...
空中走廊燈光非常暗, 正好方便欣賞夜景
京都塔
巴士總站
京都十字路口, 終於見到斜行斑馬線, 根據畢氏定理, 行斜線係最快! 香港都應該學下...
天台花園, 燈光搞到有d 似模型...
還有一台巨型的京都站lego 模型
這位置是剛才擺放巨型聖誕樹及長樓梯的位置
巴士總站, 做埋架三菱巴士停站就正!!
黃色Lego, Yellow Oject
烏丸通
由於凌晨在飛機上睡眠不足, Day1 日本時間晚上十一點就馬上睡著了, 即香港時間十點, 我諗我都有好耐無咁早訓...
另外, 是次窮遊日本之旅我本人只帶了8萬円, 同行另一條友經常話唔夠可以借俾你架, 不停引人洗錢, 真心損友+仆街黎!!! 但條友自己買左區區幾千円野就即刻話無錢了唔買了... 得啖笑!!!
Day1 主要學習乘搭JR及京都巴士, 遊覽清水寺-祇園、京都站
Day2 將會遊覽的地點包括有稻荷山、宇治、夜探梅小路
沒有留言:
張貼留言