BHTXWmb: 日本之旅(多圖): 窮遊光之國 Day5

繼續回顧窮遊光之國日本之旅 Day5 - 大阪OSAKA

Day5 主要遊覽了大阪城、道頓堀心齋橋一帶

Day4 夜探大阪城後, 由於四周漆黑一片, day5 早上決定再前往

大手前

昨天是從南面進入, 這次沿西外濠北行前往

原來大阪城公園很多部份都有時間限制, 不是任何區域都可自由進出!

如以濠溝劃分, 簡單地看大阪城由內到外, 已有三個區域, 要行晒每個角落, 至少花大半日...

這次從京橋口進入, 左邊是北外濠

這堆石値得一看, 京橋口枡形肥後石(google map上的名稱)

它毎一塊的切割口都不一致, 但全部砌起來形成一座公整的外觀, 無法目測這些裂痕是否後天出現

草地旁邊有一塊石碑, 上面寫上中日國交正常化40週年紀念, 2012年9月

不知為何, 覺得這塊石寫得好有誠意, 上面是寫中日, 中國日本, 以中國行先, 日本行後, 通常自己地方都會説是日中, 正如中國會説中日、美國就會是美中/美日~

内濠

三天lunch 10000円, 二天dinner 12000円, um... 呢個收費相信會是非常好的招待！等我發大達再來的時候考慮體驗一下^.^

仰望天守閣

觀光船, 其實坐一次都幾貴下...1500円... 服務時間只為10:00-16:50, 日本日照時間短, 連觀光時間都相對少...

這次由北面的極樂橋進入

沿路而上

原來這個角度就是昨晩看過的, 周圍太黑仲以為無路行...

這位置因為行過了, 因此嘗試從另一邊前往

Crystal Tower(右)

當時相機那張相應該是下圖

黃葉

這邊幾乎是完全無人, 因為本來遠看似乎無路通往, 但行到轉角位就發現其實都有一條寬闊的路, 當我行了過來, 隨後的人又跟著上來... 同行另一位人兄話因為我似大佬所以d人跟住... 心諗, 唔識佢地喎, 我又唔靚仔唔型仔, 你身光頸靚, 我周身點睇都似窮撚一名, 邊忽似大佬呢!

居高臨下內濠

這時陸續看見有大量學生、遊客進入大阪城, 看來早到的確有著數, 至少影相唔需要等人行開！

這邊葉色相當豐富, 似乎我搵到的路線都比較少人行, 例如梅小路公園的紅葉, 小徑幾乎完全無人, 紅葉任欣賞, 只是時間較緊迫才沒有逗留太久；這邊是大阪城, 周圍都係遊客, 竟然都有一處是完全無人, 感覺有些奇怪... 不過無人對影相黎講都好既^.^

呢度都有抹茶食品賣, 不過真係幾貴... 一杯抹茶要600円, 大約HKD$43... 遊客錢真係好賺!

來到第6日, 呢位人兄大慨知道我會想點影之後, d 相都開始隱陣, 不過行程已近尾陞, 之前幾日有好多合照都無得再影過了！其實最保守的影法咪就係個人見全身、座大阪城見全貌, 唔明有幾難？？咁簡單都講到口水乾先明？至於影過最standard 的合照之後, 再有更好的角度就再補, 那些什麼打斜影呀、個人巨大到可以扶住座建築物呀, 唔識影就唔好同我搞咁多野, 四平八隱已經好好...

ANA ATR72???

真的！好彩早來, 稍為遲少少已經有大量遊客湧入大阪城... 與剛才大阪城內那些無人行的路, 有很大對比...

內濠

內濠南面已沒有水

觀光船駛到這裹就要調頭

觀光車

雖然無登上天守閣, 但這次大阪之旅都是難忘的, 分別在日間及晚間都近距離欣賞過這座世界聞名的建築~

東外濠外也算是一片紅海

但網上d人影大阪城就天守閣樓下已經有好多紅葉, 但現場看幾乎無的... 都已是11月中, 還未到紅葉季節？！

欄杆上的雀仔裝飾得好靚~

喂！前面位男學生可唔可以唔好咁過份！

無ND 鏡係手, 咩絲帶水流, 唔玩咁多野了

好耐無見過咁大的遊樂場, 香港已經越黎越少

回望大阪城(觀景台d人多到...)

一路南行, 到了大阪城另一邊的森之宮站, 打算前往別人說去大阪一定要去的之齋橋、道頓堀方面

唔知係咪心理影響, 日本食麵包都好似好食d... 總共盛惠990円... 約HKD$71

來到大阪, 決定不購買乘車券, 因為在京都的4日都係每程買飛仲平, 這次乘大阪環狀線就是在大阪買飛搭的第一程車！

Osaka loop line

香港可能稱為循環線

到了JR 難波

三菱FUSO

呢座車廠有些似微影出既車廠膠件玩具...

60 友愛？

遠處有一部三菱巴士

無意中發現金龍拉麵, 其實是這樣的, 有些人食過話中伏, 叫我試下, 有些人話唔錯, 所以我見佢一碗唔算大, 決定試食一碗！

盛惠600円, 大約HKD$43...

有胡椒粉、凍水可供使用, 落少少胡椒粉, 我覺得碗麵都唔差喎, 但就有少少似煮即食麵的感覺~

之後發現內街都有金龍拉麵店, 但面向馬路這間是站立的, 無凳座！

道頓堀

很多人都會在這條河邊打卡, 這時遇到一個外國遊客, 互相幫對方影合照... 佢部Nikon 機係高級好多... 一影落去就知!

終於看見一蘭拉麵店, 雖然已吃了金龍, 但無損再食一蘭的雅興！

驚安之殿堂

牆身都有摩天輪燈飾

無意中看到一台扭蛋機, 太陽系著名星體, 馬上扭左我幾千円...(200円一個)

本來, 扭到了地球、月球就收手的...

似乎在日本街上常見的田螺車都是兩軸

卡樂B 日本店, 食番杯薯條先~

整薯條個店員係後生女黎, 但有點黑面, 裝薯條落個杯仲要好唔情願咁抽番2條出黎, 遊客得罪你呀? 俾多2條我都得掛... 又盛惠310円, 約HKD$22.3...

不過新鮮炸出黎係好好食既...

我最後因為手頭上有左幾個星球, 忍唔住再去抽埋木星、火星, 不停抽不停重覆, 最後關頭終於抽倒木星同火星！而八大行星入面, 還欠海王星未抽倒, 十分可惜!!!! 不過因為已經洗左好多錢, 最想要個幾粒到手就算了... 希望有機會, 抽埋海王星吧!

扭蛋扭到身水身汗, 緊張刺激, 忘記拍片...

少見的藍色雪糕筒

街道上空的線路交叉, 形成美麗畫面！

找到一路上比較少見的影碟鋪, 不過無我想要的特撮片, 而18+的部份也是開揚的, 可以隨便看~

心齋橋商店街北起船廠, 南接道頓堀, 長達600米... 單是來回行一次已經超過一公里

火車模型常見的貨櫃

亦善用天橋底空間, 規劃有道！

不過基本上唔係有野買, 商店街都可以速行, 因為好多都係賣類似的野

地上的渠蓋是大阪城圖案, 京都、宇治就紅葉, 日本連渠蓋都有心思過人, 地上都係無垃圾的, 有時中途買左野飲, 個杯真係要放自己背包, 番酒店才掉...

本町往梅田, 這程因為距離短, 只需180円, 不過都已經係HKD$13... 其實都好貴...

這個站感覺不錯, 平台下面就是路軌

因為日本鐵路與月台無好似香港黨鐵咁樣的落地式幕門(最近有些站的玻璃幕門仲加裝埋木板), 你會感到與火車的距離好近, 似不小心行出一步就會被車撞倒, 所以現在回顧番日本之旅的相, 每次有影到火車到站的相都令我諗起歷史上所謂第一部恐怖片... 拿不介意再share多次

(相傳歴史上第一部恐怖片就只是影著一列火車進站, 本來並不是恐怖片, 但由於當時所有人都未看過這種影片, 當火車從遠至近駛至, 所有觀眾都誤以為真有一架火車衝過來會撞死他們, 嚇得所有人落荒而逃, 互相推撞引致全場人士東歪西仆... 這就是歴史上第一部恐怖片!)

去到梅田, 同行另一條友有物品需購, 但在詢問處查詢後才知梅田有兩個著名的小景點都無開！分別係下圖所見的摩天輪及遠些少有高層觀景台的一幢Umeda Sky Building...

但一場來到, 當地職員介紹了一個免費但高度只有十幾層的天台觀景台, 叫做有些少美景可以影下, 由於日本秋冬好早日落, 馬上決定前往！

一座叫LUCUA 的商場, 上到11/F, 可以再上多一層到觀景台

行出來果然有不錯的景色!

這邊可以觀景的角度很少...免費的是這樣的了...

不過原來可以上更高, 賞試向天空之農園方向登上

這位置大約是14/F 高, 比起下面天台視野較為廣闊

這方向遠望, 可見飛機降落關西空港

這範圍不準進入(開放時間已過), 所以拍過照就算了

日光減弱迅速, 人肉防震再強, 都難有清晰相片了...

決定搭番去道頓堀食一蘭, 順便欣賞埋道頓堀夜景

KATE

晚飯時間, 一蘭都打晒蛇餅...

這間是上二樓的

除了填紙選擇湯、麵, 還要用自助售賣機付款(開頭上黎完全唔醒起要用自助售賣機購票, 到進場時才忙於下單, 有些狼狽...因為香港食過一蘭係全部寫紙!)

自閉位(香港店都一樣)

加麵底

還有季節限定的甜品, 嘩無得唔食啦！

超正, 同行另一條友見我食緊, 馬上加單購買...

總結呢餐, 食左980、130、490、210、390円, total 2200円, 約為HKD$158.5...

平時唔係成日食, 但一般自己都係食110-120左右, 呢餐日本一蘭算係好豪的了！

樓上進食台一排好似有5-6個自閉位, 一齊入黎的其他人已經食完走晒, 証明我個人比較慢食... 或者話, 享受正宗一蘭拉麵, 慢食有道！

食完拉麵, 月亮已經出來了

又黎到之齋橋, 讓我又想起扭蛋...

另一間金龍拉麵

意志力抵抗扭蛋機後, 準備返回森之宮站

呢個站個名都幾長...

森之宮站出站, 回到大阪城公園

這日過了月圓, 但月亮仍維持比較圓的時刻, 天晴無雲, 終於有望影大阪城夜色+月球了!!

原來這晚大阪城是藍色的！！！又要再來多次夜探大阪城！

大阪城一到夜晚就人影都唔見多隻, 可能當地人會覺得大阪城日日都有, 所以唔會專登去望, 而遊客更加唔會夜晚去, 因為無得上天守閣同埋周圍黑暗影唔倒相, 而我純粹因為酒店近大阪城, 回酒店可以選擇經大阪城前往, 同時食飽左又當行多d 消耗下... 其實幾日以黎每日都行左至少有十公里以上, 頭兩日體力較充足所以夜晚唔覺好累, 但day4 開始夜晚已經feel 倒對腳好累...