1:76 九巴87週年紀念版模型・富豪前衞歐六12米 Volvo B8L Wright Gemini 3(多圖)

四月時, 九巴為一部富豪前衞歐六12米披上87週年紀念廣告, 紀念九龍巴士公司於1933年4月13日正式成立, 並推出限量版模型, 這次分享一下~

與87年前相比, 香港的交通工具轉變得好快, 單是近8年, 熱狗、白板(非低地台)、金巴(低地台)及紅巴都已經變化得極度迅速, 我仍然很懷念熱狗的風采, 不接受全冷得太快...。其實早於1921年已經有單層巴士在九龍半島提供服務, 明年(2021年)就是一百週年了, 宇宙中沒有一樣東西是永恆不變, 經久不衰, 有一盤生意能經營了一個世紀實在不易! (九巴成日加價係可恥但的確有令人佩服的地方)

今次主角是去年投入服務, 有玻璃梯之稱的Volvo B8L Wright Gemini 3, 車牌為WH5413 / V6B104, 不過全車貼了廣告, 代表玻璃梯不再是玻璃梯了!

模型方面, 這架已是官方第6架推出的1:76 Volvo B8L 模型, 不過全廣來説就係第一架, 加上是推出沙田區路線287X, 所以在Wmb開源策略下都破例用優惠價入了一部~

模型限量830部, 11/05/2020 至10/06/2020 期間發售

可能近期因武漢肺炎影响, 加上警暴從未停止, 香港前景一片黑暗, 所以87週年廣告設計色彩相對繽紛, 都有些歡樂的感覺~

真正的87, 是當年來往瀝源及大角咀的87

呢架野令我諗起以前SH1334 的九巴屎忽仔(上圖), 當年架SH1334 仲出過1:43, 其實個人都有d 想呢架87 th 出1:43, 仲可以為1:43 系列展開B8L 廣告車隊, 既然1334 都係九巴自家廣告, 出架B8L 有何不可? 不過好可能因為1:43 1334 銷情麻麻, 呢架野唔敢做1:43, 其次真車個廣告都唔會捱好耐, 與其等80T 出1:43 version, 真車個廣告都可能甩左, 咁樣出1:43 好似無意思... 咁姐係唯有等1:43 的B8L 紅巴版本算...

熱狗幾時都係最襯香港景...

87與87, 沒有舊87 那有新87

武漢病毒疫情下, 乘搭熱狗是利多於弊, 你同意嗎?

富豪前衞 vs 丹尼士多明尼達

今次用photoImpact 改正番d 白平衡都花了不少時間, 自己習慣影相用Auto WB, 因為反正入電腦都要縮相同執光暗, 習慣同時修正埋白平衡, 但呢部車同背景都各自精彩, Auto WB 經常以為色温偏高所以自己轉低色温, 影出黎d 相都有唔同程度偏橙, 要後期修正, 由於程度不一, 毎張調整力度都不同, 不能用其中一張的設定套用至全部! (更重要一點就係crop 圖是要將主體左右裁番正, 主體維持中間位, 呢歩一定係遂張搞)

如果B8L Wright Gemini 3 九巴有金色版, 模型又多個選擇, 不過我當然喜歡蛋多d... 所以Wright Gemini 3 剛面世時, 極不希望香港會用...

加送九十年代時的500mm(等效750mm)多明尼達 瀝源 87

雖然呢架車披上87週年時上掛287X(貪有87數字), 但事際好似行得三幾日287X就轉左行170, 與上年86週年一樣話就話掛86, 但行得三幾日86 就轉左行84M, 之後仲調埋上北區從此無再見過, 真係唔洗影! 有時真係唔知九巴用邊度諗野, 85週年又唔掛85, 84週年又唔掛84M, 83週年又唔掛83K/83X, 再數到80週年, 成批復古掛晒2號線, 但又唔安排再上掛80號線, 其實批復古可以上耐d, 行得個兩三個月就落鬼晒... 出年睇個款會出88, 後年出89~

補番模型開箱片段:

不要忘記按 like 及 訂閱 啊~

今次就粗略分享模型相而已, 因為真車無影過, 所以期待呢架野行多d 281A、49X、85A、82X、83K、86、83X、82K