偷油塔海獅大集結1。本文多圖多字 為免死機, 建議大家速按上一頁離開~
這次分享手頭上珍貴的1:43 Toyota Hiace 豐田(偷油塔)海獅客貨車模型, 可能有d 車大家已經見過我post, 因為有些個別在早前分享過, 同埋市面上都確實會見過佢地！最意想不到的是首個1:43 廣告車隊竟然唔係巴士身上而係海獅身上!
海獅隊長Sunny説, Wmb 終於擁有1:43 海獅車隊了, 這個海獅坑相當大!! 看來以後改痛車都用海獅好了, 1:43 巴模太貴... (心照, 有數得計, 一架1:43 巴模要至少7xx(未計改裝費), 而且又無全白色選擇, 一架白色Hiace 先係1xx, 整埋水貼最多咪多百幾蚊...)
***曾向生産商反映希望推出1:43 全白色版本E50D, 可是對方竟然回覆説他們從來無做過1:43 E50D 巴士模型... 要我自己向巴士公司反映, 所以, 靠數字店一方? 還是認真講句, 算狗數吧!***
對於生産商推搪講無做過E50D 模型, 實在是滿腦疑問和非常失望, 也開始打消用1:43 巴模自行改痛車的想法...(一黎成本高二黎無選擇)
***曾向生産商反映希望推出1:43 全白色版本E50D, 可是對方竟然回覆説他們從來無做過1:43 E50D 巴士模型... 要我自己向巴士公司反映, 所以, 靠數字店一方? 還是認真講句, 算狗數吧!***
對於生産商推搪講無做過E50D 模型, 實在是滿腦疑問和非常失望, 也開始打消用1:43 巴模自行改痛車的想法...(一黎成本高二黎無選擇)
先講講個人對Hiace 的印象, 無可否認N年自己對Toyota 的印象麻麻, 但自從幾年前因工作所需, 開始有多些機會坐到Hiace 客貨Van, 後來仲需要跟埋車, 高峰時期除了大嶼山, 幾乎坐Hiace 遊云全香港, 只是那些年做project 的日子真不易捱, 真是苦工血涙史, 坐Hiace 當係遊車河的想法是要讓自己好過些, 而且這機會並不是常有。
幾年前best choose 出過幾款1:76 Hiace 模型, 在稱讚很少有模型商肯做1:76 貨車的同時, 原來1:43 方面已經出了N個款式, 模型商包括有Kyosho(京商)、J collection、Wit's 及後來的My Tony(微影)。而早幾年因市面未推出1:43 香港巴士, 所以自己都未有刻意收集1:43 車模, 但去年開始陸續出了幾款1:43 香港巴士, 所以可見1:43 世界也越來越多元化, 終於決定收集1:43 Hiace!
唔只咁少既, 仲有幾架無擺出黎, 小弟追呢批Hiace 其實都係出左一段時間, 有師兄直言早兩年都仲有好多貨, 而家好多都搵唔番, 後追樣樣難, 真係講得好貼切, 正如我追番AE86 頭文字D咁, 簡直係搵到有些心灰, 遇倒有好L貴的又唔想買, 幾時買心頭好都變得咁慘架？？！！
近來個個巴模post 都8787/V6B/B8L, 小弟上次也分享了kmb 87th 模型, 今次也先分享87 Hiace 2008(2008 NASCAR Driver Akinori Ogata Limited Edition)
這架稱得上是Kyosho 絶版車模, 全世界限量只有500部
經典H200系偷油塔海獅客貨車, 日本車手尾形明紀(Akinori Ogata) 征戰美國納斯卡大奬賽限定版, 以尾形明紀的原本偷油塔佳美納斯卡賽車塗裝為靈感, 把精華搬到海獅上, 獨特慨念版塗裝及輪轂也更換成具有納斯卡賽車風格的運動式樣, 模型是美國納斯卡賽事官方認証品, 相信毎一架都極級珍貴!
誇越時空, 87
Wmb第一部1/43 海獅是兩年前入手的香港郵政Mail Delivery Van (這架在早前的郵政車模型分享過)
J collection、Kyosho 都是用這個模出Hiace 的, 微影出香港hiace 都係用J collction 個模出, 所以呢個模的不顯眼錯處, 會在微影出的香港車身上全部見倒...
車身不足之處有兩個, 第一個係半封窗位無做凹凸, 第二個係兩邊車門窗框頂位無做水擋
買了第一部1/43 海獅之後不久, 發現我在Need For Speed 14、15 常用的Lamborghini Reventon / Roadster 有1:43 模型, 才有動力想花精神落1/43 上面! 有一次係現時點見到一部Kyosho 的1/43 全白色Hiace, 只賣128, qc 有少少欠佳(相信係平的代價), 猶豫左好耐, 終於有一次決定買的時候, 發覺架車已經俾人買左...心諗俾我知道邊個搶左, 條友一定仆硬街!
至於正式展開海獅車隊, 是一次在旋轉拍賣上看見一部很平的微影(下稱My Tony)二手白色Hiace, 馬上出價及聯絡賣家交收, 可惜原來已經hold 給其他人了, 幸好對方願意賣另一架Hiace 給我, 這架就是GOGO Van, 成為第二部Wmb 1/43 海獅!
剛好這位賣家做了業主, 準備裝修, 有意放售家中模型, 給我無意中發現J collection 出過的DHL、UPS, 雖然這兩架是無紙盒二手車, 但市面上都較罕見, 通通轉投Wmb Transport Department! 就是這樣, 手頭上第1-4架1:43 海獅都是有拉花的!!
有了第一架Gogo van, 又入了另一架GOGO Van 的客製版"槍彈辯駁V3 大家的自相殘殺新學期", 這架廣告都幾靚而且沒有在市面上公開發售!(這兩架都在早前的Gogo Van 模型分享過)
都係個句, 如果有Ultraman 香港宣傳活動可以整幾部廣告Hiace 再出埋1/43 模型就正!
之後是J collection 的DHL、UPS Van。始終係display 過, DHL 車頭有甩油... 露出深灰色金屬色, 唯有自己用橙色+黄色熒光筆油番甩油位, 絶對不完美, 至少簡單遠睇唔會太礙眼...
我自己好少見DHL hiace, 不過上次俾微影呃左去天悦廣場就係外面見倒一架! 實不相瞞我第一眼望仲以為係惠康車, 但惠康車就應該係紅底
後來又發現J collction 有出過DHL hiace 的半封窗版, 都係市面難尋... 我個人比較鐘意全封窗呢架, 因為其實呢個模内籠尤其尾部做得好求其, 分隔座位同載貨區個網係無做到(雖然唔細心睇唔多覺), 呢樣我有d 跌眼鏡, 因為bc 1:76 咁細架都有做, 1:43 咁大架竟然無做... 全封窗索性可以唔洗理内籠!
全封窗版車尾密龍, 車頂無裝反射鏡
話説早排發現原來網上有人改圖將DHL 改成DLLM, 改到好鬼似! 如果有人惡搞下出或改DLLM hiace 同飛機模型都幾正, 一定買硬! 除左DLLM 另外仲有FuckEx! 好那正!!
我就黎都要改番架DLLM 專車, 以示對市面上很多方面的不滿！
沒有暴徒 只有暴政！
另一架速遞Van UPS
下面兩架(海關同懲教)都係微影出品, 別無他選, 大部份香港車都係微影出...仲要加左唔少價...
海關句口號幾正, 護法守關專業承擔, 不過都相當硬銷!
白雪雪一架車咁就280... VIP 都要252... 微影d 車真係幾貴! 已經一模多用, 仲賣咁貴...真係CLS!!! DLLM!!! FuckEx!!!
懲教隻色幾靚, 至少靚過警車~
車窗鐵網印上去, 遠睇幾靚, 因車窗本身暗, 唔太覺印上去好求其, 但始終無立體感, 近睇有些奇怪, 印格仔上膠件做唔倒個鐵網係連住車身的效果(因真車鐵網其實裝係車身)
當日場面, 完全入唔倒去！
同場發現眼鏡廠Ultraman Nexus 超人力斯大膠
因為當日其實都好無奈, lunch 前話派完籌, 無籌的唔洗再排, 局住食完飯再去睇下仲有咩淨, 去左附近一間老麥食麥炸雞, 呢間算係最平, 麥炸雞$30/2件, 因為小弟中環上班, 周圍食野都好貴, 食開麥炸雞係要>$36/2件... 行遠少少先有機會有$34/2件...
經過四出搜攞, 終於找到一架無盒的白頂警車, 本來打算將警察二字油黑, 以切合黑警的作風及退役警車的樣貌, 但警車Hiace 真係好難搵, 原來單計白頂都出過兩個版本! 咁我又真係唔明, 大家把口咁憎差佬, 乜唔係應該罷買警車? 就算之前買左, 而家都應該賤價放番出黎啦, 點解d 警車仍然咁受歡迎??
一個月前又係經過現時點, 發現JUST 拉花的Kyosho 海獅, 盒裂特價130... 因為唔係最想要的封窗版, 所以自己又再猶豫, 這次決定下次回來仍在的話, 呢130 我當疫情下做點善事, 最後成功入手...
呢部JUST 係Kyosho 京商出的JUST 40週年紀念版 Maintenance Van
呢部JUST 係Kyosho 京商出的JUST 40週年紀念版 Maintenance Van
狂風掃落葉片片 漫天風雪幾多天 寒冬已漸漸遠去 未見故夢重現
羅文 - 故夢歌詞
疫情漸漸緩和 未見政府醒覺，仍然係做埋晒d 激起民怨的行為, 鄭月娥呢個人同呢班垃圾班底真係唔可以睇小！林鄭日日做壞事 整死香港話咁易！
JUST隻藍色幾靚, 有d 似中巴~ 如果係上米下藍就正~
正當考慮係咪要入番d 大size 的樹木做場景, 以Hiace 為例, 影過JUST 呢部就發覺1:87 的樹都可以派上用場, 因為慣用500mm(等效750mm), 長焦高炒下遠景的樹都出晒界, 只有低炒或1:43 大車才需要擺放大樹!
但有個不太好的就是細樹樹幹太幼, 這樣影出來在out focus 視覺下, 背景的樹無粗大樹幹, 會有些奇怪...
唉又這樣説, 小弟資源有限, 模型景很難與真實景比較, 毎次擺放均需將就角度, 不似得一個永久靜態景架車任擺, 無論如何都是假的, 要買高像真樹木, 成本實在太高, 一棵模型樹要成幾十蚊, 買得三幾棵樹倒不如多買架車...
其次, 較大樹木模型的樹葉草粉一般都不茂盛, 可能成本問題, 引致需要放置更多樹木模型在背景才會有密集效果, 佔用很多空間, 1:43 更甚, 成本又更高, 簡單而言要影靚相實在不易! 別看小毎一個場景...
最後出場的是近年形象非常差的香港警察警車Hiace, 警車Hiace實在難買, 但正如上面所講, 大家把口咁憎差佬, 點解d 警車仍然咁受歡迎??
這次終於找到1/43 機場特黑警Hiace!! 因為機場特黑警原故, 專登用機場跑道做番今次背景~
其實近年TVB d 黑警電視劇題材已經無乜新意, 來來去去都係黑警黑警, 臥底臥底, 黑社會有差佬, 警隊高層係大黑警, 但721 同831 黑暗事件可能反映電視劇情節係真... 警黑互相勾結, 警隊高層係黑社會, 不足為奇!
不過這裹只打算分享模型, 不談黑警...
先收集的是白頂2012版, 話説這架是二手淨車, 尚算保存良好, 加上市面難尋, 所以決定無盒照要...
真的AM6520 車頭有白底紅字T NTS 牌, 但唔知咩原因模型無做
機場特黑Hiace 就出AM6871, 即係同bc 的1:76 一樣~
其實好想J collection 呢個模出埋全橙黄色版
至於1:43 消防車, 為宣傳防火訊息, 其實不少消防hiace 都有貼上圖案, bc 1:76 就有出過F803, 但1:43 微影只推出過F816 一部, 明顯都係省成本, 只出全紅色而唔出廣告版, 有少少失望! 這可能顯得消防hiace 更珍藏~
大頭
腸
紅色hiace 令我諗起日本的郵政車, 閑魚見過有, 但成4XX人仔一架, 好貴... 睇黎下次去日本要認真搵搵呢批日本的hiace 先得, 但實不相瞞, 京都大阪好似無乜見倒hiace 既... 好似香港出現率仲高！
香港d 差佬車真係唔靚, 顏色配搭係差d, 澳門藍色hiace 靚絶, 最近才知原來微影用J collection 個模做過一次澳門差佬車, 好想買番, 但比香港差佬車更罕有, 市面難尋, 如果有人有意放售, 不妨告知! 非常感激!
也製作了機場特黑警hiace 影片, 並專程自家改編了機場特警主題曲"血涙的磨練"為新歌機場特黑"黑暗的試煉", 下面誠意呈獻"黑暗的試煉"歌詞(講明先, 歌詞呢家野無分對錯, 不喜勿插)
也製作了機場特黑警hiace 影片, 並專程自家改編了機場特警主題曲"血涙的磨練"為新歌機場特黑"黑暗的試煉", 下面誠意呈獻"黑暗的試煉"歌詞(講明先, 歌詞呢家野無分對錯, 不喜勿插)
機場特黑"黑暗的試煉" 機場特警主題曲歌詞再編成(自家改)
抬頭望上天 懷內殺意漸熾熱
仇恨卻未完 一生一世 存在每種場面
回頭望昨天 遺法與理想重疊
何用怕面前 幾多宗毆鬥
前面懸崖亦要 完成目標
每日考驗 每日打鬥 黑暗的磨練
才能成全著黑暗路線 才能形象破滅
含淚幹掉市民殺盡了 從沒去想有他人知
我雙手全部鮮血 用兩手來維繫黑暗信念
尋回自信心 明白你我若對峙
遺憾我可以 一槍Kill你 然後海面浮現
回頭望那天 仇恨世界心狂熱
如若怕目前 怎麼可挑戰
前面懸崖亦要 完成目標
每遇衝突 依法毆鬥 黑暗心重現
從來無明白天理重要 才能維持惡念
含淚殺盡市民幹掉了 從沒有想要他人知
我交出全部心跳 從前事全忘掉先叫正義
每遇衝突 依法處決 黑暗的試煉
從來無忘掉黑暗路線 才良民全殺滅
全力化做惡徒破壞了 從沒有想過他人知
我出生全為黑暗 用半生來成就這個信 念
加送機場特黑背景的郵政hiace
今次就分享住呢12架先, 其餘的下次再繼續~
沒有留言:
張貼留言