這次分享最近三間模型/玩具商出品的黃色道路維修工程車(因車上有箭咀燈示意後車方向，又有箭咀車之稱)~
分享之前，先回顧一下近期少入先~
自從被大幅減人工及被削減所有福利之後，現在買車相當克制，就連最近280一部官方特價車都完全忽視，間公司真係好仆街囉！不過對於1:43 丹拿A，有特價就真係要入手，所以早前的V Walk 期間限定店，600一部丹拿A，忍唔住入晒3部！加送當日路過的影片：https://www.youtube.com/watch?v=n_ABwdVQvw8
再度有極少量貨的1:43 Hiace 差佬車及爆炸糖開往大埔的紅色小巴
另外有售價比想象中平的微影非官方新巴E400MMC，出3條線，只買2條線，本來只買1條線就算，見優惠價唔洗300一架，都真係N年無試過咁平，所以俾面買多架收藏~
後追一部1:50 bc 的利蘭貨車，另外有N年無出過模型的312 中巴利蘭TC1，之前小多加到658一架，今次賣番598，都算係正常番少少但都係太貴，所以無論過去幾咁支持312都好今次都只買一架！仲有Toy1 近期推出的中巴VA 中期批次，3個版本我只買一架691！
重量級入手當然是1:43 丹拿A，等特價等左好耐，決定掃晒3架！
其實今次丹拿A特價都幾陰濕，因為張特價紙貼係2號線身上，但其實原來3架都有特價~
結果第二日專登再去多次V Walk，入埋烏咀狗，烏咀狗係3架入面最值得買的，事關烏咀狗始終係初代雙層巴士的第一款，所以我本人認為烏咀狗一定係要優先買的！無奈之前一直都企硬990，而家600 真係開源都要入！
今次Pop-up 的紙袋及98新線宣傳品
最後有9月初訂的永橙Line friends 旅行系列玩具，終於到貨！照舊這套玩具開盒都會拍片，歡迎訂閱youtube頻道：BHT X Wmb
多位有買呢套玩具的人士都抽唔中隱藏版熊大，即管看看這盒有無隱藏版，最好就是其中一隻Cony 變為隱藏版，因本人比較喜歡熊大同莎莉，兔大真係麻麻想要...
五十鈴(Isuzu Motors Ltd)是日本的一間汽車製造廠，主要生產出巴士及貨車等商用車，1942年，日野車廠從Diesel Motor Industry分拆出來，Diesel Motor Industry於1949年改名為五十鈴。曾幾何時，聽說要買車識買一定買皇牌五十鈴，現在市面上大多數中型貨車及工程貨車都是五十鈴的。
首先是微影My Tony 箭咀車玩具開訂，然後Toy1也推出了一架模型水準的箭咀車，最後bc 這架期待已久的箭咀車模型也推出發售！
很久以前，best choose(簡稱bc)曾經出過一架1:76 道路維修工程車，最近同一款的全黃色都終於推出了，忍唔住馬上入番架~
先來微影的箭咀車，微影出的係順源的箭咀車，雖然成架車偏向似玩具(其實微影做的1:76 都係似玩具)，但吸引之處係呢架車有水馬、欄杆送(欄杆仲要企唔穩！)，價錢又唔算貴，所以買一架玩...
有水馬當堂唔同晒，真係成個工地咁~ 水馬上都有順源的標誌，但微影架車車頭真係差左d...
然後是Toy1 的箭咀車，Toy1 的箭咀車無水馬、欄杆送，而且售價真係貴，正價賣149... 有2塊告示牌送，但呢架定位係一架模型，所以唔少人都會將微影箭咀車送的水馬欄杆放上Toy1的箭咀車上，感覺一流~
Toy1 箭咀車前輪可轉向~
最後當然是我本人期待已久的bc 箭咀車，以前bc出過一架藍色頭的，今次出埋黃色頭，據說當年呢兩架本來係一齊出，但黃色頭呢架一拖就拖到而家先出...
bc箭咀車就無任何配件送，但模型有透明硬膠盒，呢樣野我本人幾欣賞，其餘兩間都無膠盒的！同樣，將微影箭咀車送的水馬欄杆放係bc 箭咀車度，當堂升呢，黑軸本身都型過人~
bc箭咀車車尾板可拉下，方便搬運物資上落！希望呢款可以出埋1:50版本...!!!
黃藍大戰！
我個人比較喜歡Isuzu 舊頭多d...
Toy1 vs My Tony
三間生產商做的箭咀車車尾燈都是印上去的...
其實一直都唔覺得工程黃色有咩特別，但當上係雷文頓身上時，一切都變得無可替代！
仍然期待有模型商會出1:43 Toyota Hiace 黃色/白色工程車！
加送以上三款箭咀車的開箱片，話說blogger 轉左新版之後，share youtube 片的link 電腦睇係ok，但手機會無左，所以新版面真係好唔掂，唯有轉貼連結：
沒有留言:
張貼留言