來到牛年，這次本來想分享1:18 URUS，不過開箱同拍照需時，而去年收集的一批Toyota Hiace亦拍照已久未曾分享，因此牛年首發改為分享海獅隊長Sunny的1/43偷油塔海獅大集結(3)，這次大集結有主角Redbull 紅牛海獅，希望今年各位可以戰勝疫情，好似牛一樣全年充滿活力~
車模是一種藝術品，BHTXWmb 祝各位新一年身壯力健，模型收藏家荷包常滿、才可以模型常滿、笑口常開，過去一、兩年，當權者施政失當，社會環境轉變以致天怒人怨，確實需要多些正能量去彌補生活上的不如意，這次偷油塔海獅大集結(3)將分享手上最後一堆海獅模型，包括不同拉花模型。
這部J collection by Kyosho自家拉花的當然是必要的收藏品，因為其實大部份1/43 Hiace 都是出自J collection同Kyosho，甚至微影早幾年出香港版hiace，其實都係用J collection個模出，所以大家手上儲倒咁多唔同拉花顏色的hiace，真要多謝J collection呢~
先送上J collection主題Toyota Hiace開盒片段：
陸續會有更多汽車模型分享片段會上傳到BHTXWmb，不要忘記訂閱同埋俾個like啦~
至於J collection拉花hiace，其實係有二個版本，一個版本就是今次post的紅色白色，加好多個J collection圖案，另一個版本就是一個大的J collection logo，不過該版本市面難尋，入倒一架J collection拉花已經收住貨先了... 其實有唔少hiace拉花都有二個版本，例如Gogo van、DHL、UPS、Marlboro、JR 等等
Redbull 紅牛能量飲品，牛年當然分享一些有牛的野，除了牛年生肖巴士(無買)，還有蘭博基尼URUS(買了但未影)
紅牛呢架車的線條配搭得好正，車身銀、藍、黑同紅令我諗起超人力斯入面其中一位黑暗超人浮士德(Dark Faust)！
與浮士德身上的顏色十分近似(這個純粹是自己腦海諗起的)，無記錯的浮士德是鹹蛋超人史上第一位黑色眼睛的壞超人，與雙眼發光的超人形成180度對比，一直好奇，黑色眼睛是太陽眼鏡嗎？無論如何外面望都是全黑色，入面望出黎唔知係點呢...
但浮士德最後亦都唔係被超人力斯消滅，而是被怪獸消滅！2004年的超人片劇情上有咁既水準，已經係好利害的！一講鹹蛋超人又可以扯到好遠，講番Hiace模型先~
之前仲想話買番罐Redbull 黎同架車影相，不過因為自己唔識影相，覺得就算買一罐Redbull番黎都唔知點影，影完都無人欣賞，所以不如唔好浪費呢16蚊去買，就咁影架車就算了！
UPS，這次發現原來UPS有"有車牌"版本，我比較想入埋DHL的半封窗版，可惜市面難尋！
深灰色金屬灰無封窗版
UN聯合國，一講UN就諗起281A批UN牌橙蛋...
1:43 場地物資
澳門的士版，其實呢架係的士定係貨van呢
如果係上米下藍或者上米下紅就正了，其實香港車都可以扮下的士狗喎，上銀下紅、上銀下綠或上銀下藍，應該幾吸引！
賽道安全車hiace
大家都是日本車、大家都是Toyota，不忘與AE86合照
還有忠誠勇毅香港警察hiace，真不知為何香港差佬車hiace模型炒到貴幾倍，乜差佬車咁受歡迎既咩?? 定一話微影要留貨俾差佬所以搞到市面上無乜貨呢？這部與早前分享的另外兩架差佬hiace唔同，白色頂燈和車尾黃紅間線為主要分別，另外車尾亦無見倒都唔開胃的紅底白字警察，改為不太起眼的藍字~
但其實佢出黑鈴會型d...
怪就怪微影只著重出香港警察，都唔知係咪藍店黎！而我當然純粹是為了收集hiace而買，而微影出的交通警hiace我都無買，站在我的角度睇，自己唔係做政府工，好似買政府部門的車無乜意義，但呢架警車畢竟也是極罕有的，曾經炒到750蚊一架...
另外其實都有好多香港車hiace可以出1/43但微影仍然未出，唔知有無打算出呢，例如黃色工程車hiace、白色黃頂hiace、有廣告圖案的消防hiace(任何仁)、九巴、新巴、城巴hiace等等
AE86(左)
還有早前share 的紅白綠白拉花我都覺得配搭得好靚，忍唔住post多次呢兩架，如果出埋金白就正，我亦唔介意有其他草商拉花~
小弟手頭上的hiace 都是大路款式，部份甚為珍貴，而還有一些更罕見的拉花亦無從入手，例如見過有些post 賣日本車，一set 5架不散賣，平均每架要500蚊，但如果當中有兩三架本身已經有，缺少的部份實在無從入手！第一 少人放，第二 賣得貴！
手頭上所有1/43 hiace 模型經已分享完，期待日後有一些新入手，先再開番個偷油塔海獅大集結(4)吧！重溫過去小弟分享的Toyota Hiace 1/43模型：
1:43 Toyata Hiace 郵趣廊香港郵政車小聚會：
微影1/43 Hiace GOGO VAN 槍彈辯駁V3 大家的自相殘殺新學期：
偷油塔海獅大集結(1)・Toyota Hiace Van・海獅隊長Sunny的1/43龐大車隊：
偷油塔海獅大集結(2)・Toyota Hiace Van・海獅隊長Sunny的龐大車隊：
1/76-1/43 Bc & Kyosho Wmb海獅隊長Sunny的紅白綠拉花特別版車隊：
沒有留言:
張貼留言