BHTXWmb: BHTXWmb 新春開運夜景閒攝

這次分享新春開運遊河夜景閒攝~

新春香港開運大還迴遊，山頂為世界聞名的景點，不知不覺對上一次在山頂影夜景都已經是幾年前了

山頂獅子亭/明仁亭，大約位於400米高，可見的景觀雖然不及凌霄閣，但凌霄閣天台唔知幾時開始要收費，而家疫情影響嚴重，開工不足引致收入大幅下降，實在無能力俾錢觀景，所以都係免費區域欣賞為佳...

現任財政司上任就即刻財赤，政府高官做唔倒野仲搞埋個武廢落黎，疫情持續了一年，市民財政負擔重，就算年度赤字有2500億，庫房都仲有超過9000億，是過去十幾年香港人努力的成果，這時理應舒解民困，同舟共濟，發揮獅子山下香港精神！就算再派錢，政府都是絕對承擔得起有餘，但現在最需要援助的時候竟然話減派糖，真係令人跌晒眼鏡！赤字都只証明現任財政司做唔倒野！真係想知如果薯片叔叔仲在位既話，會係點... 係啦，起多D大白象、永續疫情、整多幾條角安法，好快可以整死所有本地商家，再全面引入大陸商家來港，淘空香港庫房指日可待！

話說PK公司又要迫人做檢測証明無野先俾番工，又係星期5 收工先同人講，星期一早上就要交report，姐係迫你星期6要用私人時間去做，而家多左唔同行業既人要做，網上預約好多都full booking，迫你walk in 排你一兩個鐘，人地話做高層堅離地原來係真的，離地離到一個點，好心就早兩三日通知d 員工等人地有多d時間安排啦，仆街最遲一刻先講，想人星期一番工無report又乘撚機迫人放假放到有為止，手法真係好低樁！開工利是無一封都算，大家知你班膠層WFH 乘撚機避年啦，而且12月開始的檢測費用一直遲遲唔俾番，聽日都3月，每次240累積將近一千蚊，真係好仆街，貼錢打工，仲要時不時迫放無薪假，都唔知d高層搞乜...

今日仲驚左我幾個鐘，話說因為公司又迫人做檢測証明無事先俾番工啦，尋朝就被迫仆去做，話做完的24小時內收倒sms，但我去到中午都未收倒(之前係早上好早就收倒)，但問左好多人都話已經收到，不禁地開始諗會唔會係個電話號碼錯所以收唔到呢，不停回憶明明自己對過資料無錯的，然後上網搵有關呢個檢測的常見問題，見倒寫住呈陰性的人會在24小時內收到報告，呈陽性的會另外由衛生署通知... 心諗死啦，唔通中左招？你知而家中招都幾尷尬，因為一人中招，全座需檢測，日後見面都必然受歧視眼光，可能面阻阻，呢d都係林鄭分化市民既手段之一，仲隨時要供埋接觸過咩人啦(因為呢排都接觸過好多人，不論攝影界、車模界)、迫裝安心出軌啦等等，搞到我午飯都食得唔安樂，然後下午終於收到sms，但又遇到另一個問題就係收唔倒送回的驗証碼，最仆街係佢有個技術支援電話但辦公時間只去到下午2點，足足等左2個鐘先至有驗証碼send倒過黎，結果是陰性，先至鬆一口氣... 應該都係呢排人多，先會遲左出結果姐~

老實講，唔係驚自己死，我死唔影響人無所謂呀，而係主要驚政府既政策，家人要強檢強隔、全幢要強檢，隨時日後突擊封村，製造出黎的恐怖同分化人心先係最驚...

希望新一年人人身體健康，真係人無事先做倒世界冠軍，俾你位高權重身家千萬，中武廢死L左又有咩意義？...