青山大膽行(上)

青山大膽行，是次貼文將有詳盡紀錄及多圖~ 

這次是初次登上青山最高點，感覺較大東山有少少不同！先提及一些資料，一些常識書說青山是新界西面最高的山，此話我想只對一半，如果係計新界最西方的一點，青山一定不是最高，因為彌勒山及鳳凰山比青山更加靠近西邊邊界，分別高海拔751米及934米！除非將大嶼山當作西南方或離島論。

青山係香港三座最尖的險峰之一，排行第三，不過是最高的一座！搭巴士經屯門公路西行到屯門公路轉車站就會看見，或在空氣清新的日子從維港西看也能看見，一直高聳入雲。青山攻頂的難度約為五星之中的四星，不過今次正式行到上山頂，發覺原來唔係咁難行，反而難度為三星的獅子山似乎更加險峻，不過如果行青山遇上超大風，一樣令人站立不穩心驚膽怯。

今次都係跟最大眾的路線上山，取易不取難。早上吃了出前一丁便出發，乘巴士到屯門西鐵站下車上山~ 話說等66M 等左超過20分鐘都無車... 不過呢程車收4蚊就算啦... 

從屯門公路轉車站看見的青山

屯興路望向青山~

直指天際的山徑！上次行青山就在這裡折返的。

沿杯渡路西行，到青雲輕鐵站

然後經過楊小坑錦簇花園，上山前可在這裡休息一會，因為即將登上的是香港三尖的最高者！我自己都帶唔夠水，低估左上山的難度！

我一直覺得青山有D角度同大老山好似樣，又係一座尖山隔離較平坦，小學仲以為常識書用錯左大老山幅相話係青山添... 同埋因為自己住沙田，覺得梗係大老山高D啦，好似巴閉D咁！但事實歸事實，大老山高海拔577米；青山高海拔583米！必須接受一山比一山高的道理！

上圖為大老山，下圖為青山。

一幅七十年代的青山圖片可見杯渡路去到青山山腳~ 相信即是楊小坑錦簇花園附近，上山前不忘影番幅山腳望上山頂的角度。

青山寺、直指天際的石屎路、山頂都係會到的地方，呢一刻都未知自己上唔上倒頂...

呢張見倒山頂有人係D石度影緊相！

出發前，在花園休息一下，順便等候未到的參加者。

花草亂snap 及一粒螢光物體

一位隊友影緊座塔，我影佢影座塔，後面的專家再影我影佢影緊座塔~

時候不早，便沿楊青路前進，中途有幾隻狗在互相打情罵悄~ 不亂吠的狗其實都OK的！

右轉青山寺徑，開始是明顯的斜路！開始有少少吃力！不過呢條路今次是第2次行，已經有經驗同心理準備，應付得來~

仙人掌??

青山寺徑間中有車上落，斜度也大，初段路邊的狗會吠人。這段為保留體力，不宜行得太急。不過天氣良好的日子，遊人漁灌而來，氣氛不錯耶。

雖然斜路漫長，不過都有一些平地可小休回氣。

到了青山寺的大門，斜路似乎感覺輕微平坦一些。

好搞笑，隔離的師兄扮貓叫，隻貓就轉身過來，影倒佢個樣^^ 

自拍一張

這裡約是海拔150米，景色還是一般。沿路上山開始是梯級為主。

皇珠路

難得今次行山搵倒2年前的培正同學~ 影番張相啦~

走到青山亭，不過周圍被樹阻檔風景，只能作短暫休息，唯一好處是微風吹來很舒適陰涼。呢日在這裡會合兩名參加者。

過了青山亭不久，有一分岔路！緊記是右轉上山！左邊路聞說曾經有怪獸出現，2名青年由此路進入後沒有再出來...XD。後來又發生塌樹，無法前進！

前方又一個涼亭，不過呢日被一班青年霸佔，所以短暫停留便起行，這裡開始梯級都較斜，又是體力挑戰的時候！我們發現多數山徑都有人寫著CY pk等字句。

沿梯級而上，梯級較斜，體力消耗迅速，而中途會經過一座電塔，有少量空間休息一會，不過是否接收輻射就不得而知，所以不宜久留。

另一塊告示牌有CY pk等字句^^

向上似是永無止境的梯級... 這時已經流晒汗。登山人士應有心理準備由於青山山勢陡峭，斜路將會是越上越斜！

這日能見度不太好，天水圍城也不清晰。

田景村的機械人頭有唔同色之分，真有心思！

點解唔成個頭用紅色？？

良景村的白色機械人頭~

沿路上山，發現一條蚯蚓在石屎上觳觫... 專家說是缺水，最後都係出手的番佢落草堆... 希望救倒你一命啦？

沿路走到較開揚的位置，這裡約海拔280米高，望向市中心。

這段梯級好長，斜度也很大，經過前段的洗禮，體力開始下降... 不過睇番地圖的距離，這裡到山頂已過了一半。

不知名的花~

咖啡灣

行山要中能見度高... 都唔易...

呢段路好斜，幾乎是垂直向上... 不過不是梯級而是斜路，約處於海拔300米高。

看見九巴屯門廠！都要講番句反對九巴加價！

港鐵大樓！都要講番句反對港鐵加價！

E400

九巴屯門南廠

大東山，海拔869米。大東山平日搭車都見係俾雲遮住...

城巴巴士廠

隱約看見汲水門大橋！我想行山必須有基本地理概念以便觀賞建築物，大橋的右上方有一片微微反光的白色物體，這是30公里遠的灣仔會展中心！

屯門大會堂

九徑山，海拔507米

青山灣。現在的青山灣比起七十年代時，大小經已是真實與模型之別！

767 ?

來到隔離有座發射站的建築物，上一次行青山因為趕不及日落，大約在這裡回程，雖然沿途有告示話此段路難行，只宜有經驗人士前往，不過同行5人全部未上過青山上半部分，都算無經驗啦？

九巴巴士廠

途經一個膠樽存放站

這裡開始以上的路幾乎全是梯級！而且上落坡度非常大！但經過前半段的大斜，體力已經不在最佳狀態。現在大約是海拔330米。

兆康苑，隔離似乎有地盤又想起樓?? 真係遲D 周圍都係樓... 密度太高...

紅色頭部裝置

尾隨亦有其他行山人士上上落落，這個角度可見山坡斜度很大，需量力而為。

一輛空調巴士沿皇珠路，相信是收車

龍逸村睇番google map 所見都仲未起，應該是新起！

望番後面，都有不少遊人前往

沿路的闊度都比想象中闊，對於新手非常重要，不會因為太窄叉錯腳！但周圍都是畢直的懸崖，影相需小心！

這裡較高，看見的屯門廠的可視範圍又多了

行下停下，因為風景越黎越正~ 現在大約是海拔370米。

橙色頭部裝置

我們上山前的楊小坑錦簇花園。

呢2粒餅電係配水庫，近河田村。睇番地圖，輕鐵站的河田站同配水庫有一段距離，我諗同當年填海有關~

來到大約海拔375米，係之字形山路中間有個觀景台。

來張合照~

萬物被我聲勢震 大地盡任我令浮沉 江山一朝歸於我有 應使日月低首^^(羅文-魔影迷離歌詞)

咖啡灣

黃金海岸

虎地配水庫

藍地石礦場，成個基地咁。見倒有好多田螺車泊左係度！

屯門公路。屯公起埋晒D 隔音屏似乎是多此一舉，搞到周圍路唔似路... 破壞環境！

屯門全景

兆康，有一輛熱狗67M！

大欖角

早上搭66M 係轉車站影過青山，而家影番過去大欖角及轉車站。

大約海拔410米，行到去呢段只有繩索作圍欄的路段，路面的石頭有些不整齊位置，建議小心前進！同時下臨百丈懸崖！需非常小心！

剛才經過的山路，在高處幾乎是直望落底...

那座早前經過的發射站...

遠望圓頭山一帶

左邊百丈懸崖，跳下去粉碎紅利！而家草生得高左就無咁驚，同埋好彩呢段路比想象中闊而且不是相當大風，我一直靠右邊前進，否則一定被大風吹落山！

有無印象呢條路是前面形容斜得像直指天際? 而家上面望落去幾乎像是平坦... 因為上面的山勢更畢直！(下圖)

圓頭山，海拔375米。後面可見深圳大陸，污染的空氣就是從那裡吹來，害得我們沒有清新空氣！

遠看維港。在大約海拔420米，天朗氣清的日子可望見方圓72公里內景物！這日的能見度只有3X公里，只得一半... 

遠看荃灣

走到海拔480米，沿路的梯級相當高，身材矮小的我需要手腳並用才誇過部分石級！但比起大東山的黃龍坑奪命徑，青山的明顯較易^^ 但仍然會花費體力。沿路右轉，是一條超長梯級，通往近山頂的韓陵片石亭

更高位置看屯門南廠，一架架像1:150 大小...

767?

龍珠島

右上方可見華景山莊? 睇唔清唯有靠估

E50D

此路通往涼亭！漫長的梯級斜度相當大，有些梯級好高，非常消耗體力，部分還要手腳並用，否則不易登上！因為帶唔夠水，沿途都係渴一兩口就住黎用，這時已經開始有輕微頭暈現象，體力消耗迅速... 需要吸大口氣穩定一下！心諗個涼亭去左邊呀? 

努力中... 只知行行行不要停...

這段梯級上到海拔530米位置，見倒涼亭係前面！可以形容終於捱到涼亭了，想即刻衝入去！正後方是大帽山，海拔957米。山頂經常被雲遮掩！

涼亭原來擠滿行山人士，好不容易才找到個位，不過個位俾太陽曬住，都無法子... 必需吃點食物休息。由上青山寺徑上山到涼亭花了2小時。

涼亭有桌有凳，當然是欣賞模型的好機會~ 城巴機場巴士A11 E50D 

我當然出動熱狗啦^^ 來屯門行最高的山，出動來往屯門至深水的59A 康龍最適合了~ 

大家都係丹尼士巴士，聽聞康水龍當年行屯公的表演好勁，滿座上斜仍然維持3波速度！可惜我未搭過，康水龍十多年前已經退晒，無法與E50D/E400 一起並肩服務市民...

模擬在總站用短鏡影車的效果...

312 的綠窗我一直覺得唔夠綠...

  

這時一對夫婦問，模型係山度影有咩唔同？沒有答案... 同埋不停話熱狗好熱... 

影完模型，大家都準備上山頂！青山大膽行(上)完。

復活節4天假期，感覺上只得1天一樣，係香港人被迫生活於上班日子多而放假日子少的環境導致出現這種感覺？

小聚會

一星期又完了，這個星期繼續過海，繼續早上就時間坐方大同果部 Music Bus！係workshop 周不時都彈D order 出黎，明明個list 無的又突然加 job，加上頭幾日做野好唔順利，好黑仔。打個比喻就連飲紙包飲品都要遇到無飲管或去廁所全部都清潔緊一樣。有時成個下午整整下又過左但都未搞晒，又OT 收場，我的精神實在消耗得好西利...！

碌facebook 見倒之前間學校D 老師 post 好多相，醒起而家係基順學校35 週年，一時興起，來一個順利路線小聚會~  42 號布牌3N 早排出左，心諗，又出3N，仲要同一個車身，所以無視左佢，本來上星期就偷少少時間影312 的3N 42，見呢幾日做野唔多順利，真係要擺D順利線出黎影下先得！！！或者同環境經歷有關，個人對於觀塘/四順區的路線較有親切感。


模型背景：九巴在1982-1986年引入191部丹尼士巨龍12米雙層巴士，車隊編號為3N。每部3N載客量可超過150人，其中3N4-3N191 使用都普車身(共188部)，而3N191 (DM3103) 在1986年11月投入服務，是車隊中最後一部3N。可惜在2003年開學後便退役！

部42 係朋友放俾我，之前自己係順利打工，一直想搵部42 熱狗好耐！部車2010年出，果陣無乜留意312 D車，而家實物拎上手，覺得312 出呢批3N 真係good job！

批12米熱狗退役果陣自己都未開始影車，而家模仿係順利總站影42的角度^^

另一隻順利熱狗-619~ 九十年代，九巴多使用丹尼士巨龍十一米及冷氣巴士行619，應該中巴當時仲係全熱狗班次添~

順利71 便利店對開的619 42 合照~

午飯時間，42 隔離的車坑通常俾29M 用左泊食飯車，但呢日俾ME8933 用左^^

2013年，619 ME8933 上蛇年廣告的時候，呀應該話ME8933 掛619果陣，隔離的42 已經退步為全線空調巴士！12米巨龍DM3103 亦退左十年... 一張現實無可能的合照，由模型實現出來！

行埋去影車尾~ 唔係講笑，架3N 車尾好似真車！同密龍比較，車底個泵把無咁粗，密龍反而太粗... 

模仿在順利總站電話亭角度影619+42 ~ 

加送，ME8933 619 真車照~

九巴熱狗退役差不多2年了，非空調巴士的高載客量與及優良的行車表現絕對不易被取代，即使是80年代產物，都有勝人一籌的一面！之不過都要明白佢地的公司係九巴而唔係Wmb，係年年加價、以利益為大前題之下，用冷氣車收番貴D車費增加收入，20年前已經出現，加上專利巴士車齡限制等等白痴政策，令不少到退役仍然松柏的車始終要被拆毀！常說環保但所做的卻背道而馳，Wmb 對這種行為強烈譴責！所以係務求收貴D車費的環境之下，熱狗始終成為犧牲品！良心企業越黎越少，真是有點可惜！

完~ 

方大同

人生中總有第一架金巴巴士模型！雖說AVBWU、ATE 都係金巴，不過自己入的都係廣告車，而非金色版！ATSE 85X 模型日前推出，其餘果D 咩3N 42、101、1A 果D 好明顯無車出搵車翻出，十二米巨龍除312 以外唔想再開多條line 俾自己... 所以已經無視了。85X 本來都係想忍手唔入，最後都因為ATSE 係新車黎講自己幾鐘意的款式，加上沙田區路線，算啦豪用298 入左1部！

85X 睇左4架，QC 好壞唔多講，近年巴模QC好壞大家都有眼見！好似最近執番D盒蛋入番盒，十幾年前的盒蛋雖然光澤方面唔夠似真，但就好少話會油出界... 有都係接受範圍內，但近年貴左唔少的盒蛋反而隻隻都油出界咁濟，QC 下降已經迫使自己的要求急降去接受...！而我如果唔計上網bid 番黎的ASU，呢架ATSE 係本人真正第一架去門市入手的金巴！

呢個星期過海都係倚賴天星小輪，所以要犧牲少少睡覺時間早起身搭281A 出九龍再轉乘。好難有得早上同夜晚都坐中同一部車~ NoShow Music Bus 給我的感覺幾好，忽然想佢整多D music bus 係街度行^^

某日，早上7:30 分走左架281A 送尾，搭左呢架粉紅色的後車，結果追倒前車^^

用AVBWU / AVW 做NoShow Music Bus 好正，好舒服~！上層的揚聲器相信是經過特別的設計? 281A 閒閒地由尖沙咀返廣源要成個鐘，所以坐方大同呢部車好容易會中毒，尤其重覆播放... 聽到中毒...

呢2個星期，打左3次邊爐，話說上次有個同事last day，lunch 幾條友去觀塘APM 附近打邊爐，$98 限時一小時由入座起計時，lunch 黎講我好少會食咁貴，注定呢一小時是狼吞唬嚥^^ 就係呢碟自製的辣椒醬油搞到回味無窮！打邊爐要辣椒係常識黎架啦！

狂點肥牛亦都係例牌動作啦！

一個鐘狼吞唬嚥係就係太急，對消化唔係咁好，不過難得盡興，臨尾都要整多杯雪糕！呢間野幾好，所有野任食，又有水餃，不錯~

爆炸的魚樸~ 原來要篤穿先放得落鍋... 証明平時少打邊爐！


除左買模型之外，書亦都係一樣非常值得收藏起來的東西，本人都係一個非常喜愛拿一本實物在手的讀者黎而不是倚賴電子。如果出番多D近代的光之巨人書藉，我諗我應該會買鬼晒番黎... 

紙杯紙碟 | 好不容易做的Engineer

尋日星期6，著便服的感覺特別輕鬆，又剛好出奇地比較輕鬆。遲到的遲到，早到的玩手機~ 忽然有D 唏噓呵，還記得第一次星期6 返去，望出窗外係濛濛黃黃的景色，而昨日的景色一樣黃黃濛濛，好似無變過！我諗最大分別應該係之前郵輪碼頭未完成，而家見已經完成左。

今日都係唔知想寫乜... 

熱烈歡迎Wmb KYD 第3車廠啟用^^~ 預期有效舒緩第1、2 廠過份飽滿情況~ 第3廠原本是放雜物，暫時調一調位，至於舊note 舊書如何處理，仍然是一項難題！可惜存倉並唔可行，我唯有向獨自引進水塘的目標進發！

last 一個星期6 長週，影番幾張風景留念... 我的奮鬥路上曾到此一遊~ 

平日又人多又忙碌，根本無時間望出窗外，今日認真地望多幾眼~ 

裕民坊至飛鵝山，山腳係順利村，之前試過由順利行落觀塘，可謂遍地足印~

前觀塘月華街已經變左一幢樓，寶達上面住宅亦都開始起緊，望落去D屋密質質，給人沒有一寸私人空間！

六十年代，觀塘裕民坊同開源道一片開揚，仲望倒海景!! 沒有地鐵，感覺上反樸歸真~

今日的同一個位，除左迴旋處個形狀無變，其他都唔同左！呀，仲有間消防局，位置無變過。

一早都話3月尾係趕唔切完個project，而家黎到最後一個week 了~ 一眾手足都對一個week 後的去向感到灰心... 搞到我都有D 壓力... 而近日大家的話題都大慨係圍繞這個。有時話，員工就好似紙杯紙碟一樣，被使用完便棄掉一樣，毫無保障！我做左唔算耐，所以覺得時間過得好快，但咩人都見過，麻煩到嘔的有、態度差過隻狗的有、無理指責的又有！羅文有首歌叫龍虎雙霸天，第一句歌詞係：人比冰雪更冷 溫暖的心竟熱似碳。形容我呢半年的經歷都相當貼切，至於遇過nice 的直投切埋水果俾我食，所以看盡百態！我地唔係helpdesk，但好多時做埋helpdesk 果份... 而家做緊果層樓D人以為我地係岩岩黎做，但其實佢地係最後一批黎，因為太麻煩所以最後先做呢層... 雖然係度做野多數都係靠自己，識果D 扮晒野高高逗逗，無人教無人盛，但落手落腳做的果班人總有互相幫助的時候，因為大家都明白大家的處景都係一樣，我認為落手落腳做的人係最大功勞的，仿佛有些少少獅子山下、同舟之情。

講到紙杯紙碟，碼頭工人事件已經反映左出黎。他們其實只是爭取應有的權益，project 近尾陞，近日陸續收到掛牌車將會甩牌消息，亦都已經有手足收到解顧通知，仲要慘到要簽名確認被解顧... 如果係我的話我會覺得好難受！D公司真係好差囉大佬，做到咁lun 絕都有... 你叫人點樣有心機同你做埋落去呀真係...！見倒大家由初來報到不計較OT，到上頭被迫超出極限地追數而企硬立場不OT，lunch time 成為各位手足發洩的珍貴時間，到現在，我難得仲保持住肯OT的心態同你做，好似看透好多事！有時我想做慢D，唔好咁快完，繼續有工開呀！但只能說句各位日後有機會做老細，千奇唔好當員工係紙杯紙碟！懂得飲水思源，如非有員工血拼何來今日興盛？ 我地一team 人加加埋埋差不多20人，不同年齡、不同工作經驗、不同智識層面，但都係充當紙餐具的角色，下場都只有一個... 一 week 後大家各散東西，呢 team 人包括小弟在內，絕對值得驕傲！

1980、1981 年，Wmb 為車隊一架新型號雙層巴士髹上狗巴試驗空調巴士的車身色彩，到1984年初，Wmb 綜合兩款色彩，自家設計出一種同樣帶有平行及斜線線條的塗裝，並將過去所用的啡色、黃色改為橙色，淺白色的底色改為用米黃色，破舊立新！

1984年中，Wmb 應來年1984年十大中文金曲頒獎典禮之邀請派車接送，便打算為巴士髹上這款新色彩提供接送服務，並打算義務掛上大會banner 希望收得宣傳效果。那時Wmb 向狗巴展示了其設計圖，以向外界顯示Wmb 的色彩與時並進，雖然車隊數量極少但從不落後！誰料，1984年7月，狗巴竟然用了同樣的車身色彩塗在一輛2軸雙層巴士身上！Wmb 表示不滿，但狗巴使用這種色彩的時候，Wmb 還未動工塗裝，一時間無法証明狗巴抄襲Wmb 設計。當時Wmb 員工士氣跌到谷底，話說設計車身塗裝期間，工人連日加班，繪出的110份設計圖都不被使用，事件發生後Wmb 出現離職潮！Wmb 亦擔心離職的員工會將其設計賣給其他公司從中獲利，事件使Wmb 日後的車身塗裝多由高層親力親為。(以上故事如有雷同實屬巧合)