BHTXWmb: 探訪HKTGEC Auntie Nora | 已退役城巴一哥前HK1931(多圖)

本文的照片全部由Nikon D3200 18-55mm /55-300mm 拍攝

最近電視播一拍即愛個MV 時畫面cut 左周圍四邊... 歌詞應該都cut 晒... 所以上youtube 睇番原本畫面係點。聽完中左毒，幾正，重複聽了N次... 同埋尾部分似係主要show 靚樣多過似MV...

二月下旬少入~

先有英國寄來的炸彈一件！

眼鏡廠超人力斯、迪加大膠四隻！

1:76 樹木一小袋！

大約六至七年前行油麻地現時點見倒呢隻邪惡迪加自己忍唔住望好多眼，唔多唔少因為size 大的超人有條件做得迫真，但迫真的下下都賣成千蚊。呢款大膠大約一尺高，擺係十厘米高的扭蛋隔離那種氣勢就出晒黎。自己玩左光之巨人玩具咁耐，可以話咁多年以來做得似樣的超人膠製品係極少，深入調查一下才知道隻大膠係眼鏡廠出品(唔知係咪同BANDAI有關)。雖然大膠的精細度、質感、眼睛透明度其實仲有改善空間，但至少身形樣貌比例準確，較鐘意造型真實的我每次經過都會望下隻大膠！

當時一隻邪惡迪加大膠索價160蚊，當時買一隻尚算精細的食玩還不超過60蚊... 大膠最後都無買到！估唔到近日發現有超人力斯大膠後，跌入了大膠深淵了...

雖然QC 普遍好評，但銀色油好薄常有甩油情況，搞到要自己買銀油筆補油，但補上的銀油在非反光角度時有深淺色的分別...

補油後唔細心睇都可以話唔覺的... 但大膠的造型真係好奇怪，可能自己玩慣食玩，覺得食玩的姿勢比較自然。大膠姿勢一係就大動作，一係就無乜動作... 由於大膠size 大，太大動作開合佔用空間也較多，所以當初都諗左好耐最後無買~~

自從829 BHTXWmb 最強之戰一別後，一直希望再影HK1931，今次趁AIA友邦歐陸嘉年華閉幕前最後一日，始終要入場探一探佢，因為嘉年華完左之後部車是否繼續保留都未知，故此就算人多影唔倒相都要去望下！

早上從窗外看見的嘉年華盛大場面，成個場都係填海得來，但望來望去都唔見HK1931...

平平地食個lunch 然後去探HK1931！入場前見到平時都好少見的 TV5387 / 5663 E50D 假人力車！話係假人力車係因為車身只係油左人力車的顏色，但並不是開逢巴士...

如果個女人行開D 就唔洗咁大頭...

與開逢巴士對比

幻想如果... carz 出E50D 人力車的話，我諗我都會科水... M1 的話就當然慳番~

免費入場！呢個係影HK1931 的好機會！！負責統籌製作友邦歐陸嘉年華的有關部門於2015年11月在城巴公開投標中投得Nora，可惜Nora 雖然被留下來但被拆去引擎原因是受到政府強行淘汰歐盟前期的商用車所影響，令本來極切合嘉年華歐陸主題的Nora 只能停泊在場內，不得行駛！因此只是作展覽欣賞、貨倉用途！(節錄)

這些機動遊戲小弟實在不敢玩，諗起死神來了其中一集...

車牌HK1931 被換上HKTGEC

車頭的介紹板，顏色設計成HK1931 車身，仲印埋車身的骨位上去~

國際金融中心與HK1931 合照，可惜人群都係源源不絕...

車頭仲留有當日遊河的AEC 貼紙！

車內的座位部分被拆出，可惜佢又圍住個場唔俾人入。

獨立的司機位不知幾正！

HK1931 車內仍有HK1931字樣

車箱改成前後座，幾有趣~

由於人流太多，根本上無可能等倒無人入鏡的時刻，所以梯位其實可以再企後少少，但為左減少入鏡人數，被迫不斷削減焦距... 而車身上每一個細小的特徵在現時街上所見的冷氣巴士上都是再找不到了！

懷疑是遊河當日的AEC 仿古貼紙...

近看塊HKTGEC 應該係釘係HK1931 上面...

HK1931 配英倫街頭真係一絕，如果HK1931 可以載入場人士於場內慢速行走，效果更佳！

現場影HK1931 難度相當高，全部用M 模式，以前HS 用A 模式對焦主體再移動鏡頭取所需畫面，對焦後即使主體在移離畫面的中心點快門也不變；但D3200 以相同方法影相就不奏效，快門受背景光度影響隨時大幅度調節例如巴黎鐵塔後面是天空，對焦在巴黎鐵塔時快門1/400，當畫面移動將鐵塔置於畫面下方，天空的比例在畫面中增加了，快門會自動調整到超過1/1600，影出黎非常黑暗... 因此被迫用M 模式，每一張都是現場判斷快門速度...

探訪完Nora 之後，都唔知幾時再見倒呢部車了... 在我心目中其實HK1931 的價值等同4691，HK1931 本來係應該保留下來甚至拒絕換車，繼續提供租賃服務！

剛離開碼頭的小輪與遠處的郵輪大小對比

其實話天星小輪無廁所呢個講法唔係完全正確的！

平面圖上面有答案，估下邊隻船有廁所？

有時很討厭這些大廈，每逢多人出入，上落高層要轉升降機浪費不少時間，同等巴士一樣咁耐！都痴尻線的！

時常濛查查的維河，叫D 狗官唔好開私家車，出入搭多D巴士、地鐵同百姓迫下啦，環保呀嘛，成日坐私家車搞到空氣污染又塞車，如果真係世界末日的話，CY 都係有份加速呢一日來臨的！

到尖沙咀了，由於用M 模式關系，剛才日光充足快門調節得較快，但一時間走到陰暗環境就變得這樣黑暗，M 模式確實不利急攝！

加送尖碼路過劣攝：

當年無線中午播惡作劇之吻，林依晨是主角，但始終都係無法愛上林依晨！

用左長炮DC 影相十年，而家先轉部入門單反坦白講浪費左唔少青春，唔少舊車都退晒役影唔番！用慣長炮DC 轉用要換鏡的單反覺得好煩，好唔方便。如果街上急攝的話，係一定錯過好多最佳捕捉時機，因此說千金散盡去轉機雖然質素上升，然而功能卻下降！加上耗電量大對攝影都是一大打擊...！由於過往使用數碼相機時往往因為雜訊太多，高iso 質素實在太差，所以以下一些在七百萬象素大小及高iso 設定下的測試，比起稱低雜訊的DC 效果當然更好。

iso 6400。第一張是沒有經過雜訊控制；第二張是經相機內置雜訊控制，下圖是上圖的局部放大：

以下2張是巴士模型的包裝盒，盒上有模型的介紹字句，巴模收藏家望見這些紙盒相信不會陌生，在iso6400 下的情況：

第一張是沒有經過雜訊控制；第二張是經相機內置雜訊控制，下圖是局部放大：

以下遠攝照片，在F5.6 / 300mm (135格式焦距：450mm)之下的視野：

iso200，下圖是局部放大：

以下為 iso6400 及局部放大畫面：

以下為18-55mm 的F5.6 / 55mm(135格式焦距大約78mm) iso6400 及局部放大：

以下是F5.6 / 300mm (135格式焦距：450mm) iso6400 夜景及局部放大：

以下一幅十年前的鐵路圖，iso6400 下的文字：

iso6400 陳年貼紙上的文字：

iso6400 維他奶上的水點：

iso 200至12800 之下維他奶盒上的文字：

iso 100至12800 之下路牌上的文字(九格之中右下角是HS25 iso3200 時情況)：

以下是iso12800 之下紙幣上的字元、紋理，也同時懷念GA1570、GL258 熱狗：

18-55mm 無防震，室內光線不足仍然要靠人肉防震頂上...

iso3200 器皿之下的火焰，雖然是iso3200 / 55mm / F5.6，但M 模式用1/30快門都有個別一些手震，所以無防震確實一大挑戰因為不是任何地方都可靠欄減震，但為保質素堅持不上iso 6400：

以下2張是Fujifilm HS25 iso1600 / F3.6 下的情況：

以下是Nikon D3200 iso1600 / F4.8 下的情況：

防震又無、又無微距功能，室內相張張手震！怎會一下子變得一無所有... 由於購買機鏡電已動用了Wmb 大量可用資金，在暫時不能再花費金錢的處境之下，唯一補救方法係設定高像素拍攝，然後電腦再剪裁，可解決一些近拍對不到焦的障礙，但高解像相片每張佔用的空間非常大，對硬碟的需求也大大提高，長遠說其實又是錢才可解決得到... 以下是最大近攝效果：