BHTXWmb: 最後・金亮利蘭・奥林比安・熱狗風采

最後 ‧ 利蘭 ‧ 熱狗 ‧ GZ1998

本港最後幾部熱狗提早消失主要係在政府實施淘汰歐盟四型以前的柴油車及換車資助計劃的影響下，巴士公司紛紛將較為舊的車輛提早退役，直接引致不少極具保留價值的包括城巴勝利二型、AEC開逢巴士、藍戰士中華巴士(中巴)、大巴士多明尼達、禿鷹及所有九巴、城巴利蘭奧林比安型均在 2015年間消失於世上，佢地亦都係市面上最後幾部的非空調巴士！2016年，雖然唔接受最後一部熱狗都要離開，但事實終歸事實，始終要接受最後一部熱狗 GZ1998 絕跡香港......

近期廣告盲目宣傳香港空氣好左，但係咪真係呢？唔否認換走舊車係有幫助的，但效益方面就有保留... 雖然路邊監測站的數據可以反映路邊空氣廢氣狀況，但直接少少空氣質素可以從能見度反映，能見度高代表空氣良好，相反能見度低亦代表空氣混沌，空氣質素差，所以有時落完雨空氣特別好，那些日子的能見度相對較高。雖然早兩三個月有幾次能見度極低係因為颱風影響，但無颱風的日子能見度都唔係太滿意，每日搭船過海的話就會好清楚從維港 / 維河望過去青山真正清晰(肉眼可見青山表面的石面)的日子加埋都無一個月，所以香港空氣係受大陸影響，單以片段入面的講法其實似係盲宣政府政策恰當 / 有成效而多於反映出事實。

低能見度時，維河望向觀塘幾乎像消失一樣！

低能見度的日子，中環只能望向西九龍！政府政策係咪做錯左？空氣污染係同大陸有關，就算有一日全港所有汽車、渡輪停駛，空氣就100分了嗎？強行銷毀所有古董車原來根本無幫助，呢個代價真係大了，換車資助仲要求一定要拆毀車輛，連保留古董車的機會都抹殺埋！唔明點解政府做野咁愚蠢，資助舊車換副新引擎咪搞掂！

中秋過左半個月，而家終於感覺到秋涼了，今年仲有無機會好似一月中果幾日咁凍到零度呢？

多得專家協助，幾部美國航空同聯合航空的1:400 機終於在日前從半個地球咁遠來到了，雖然運費同架機差唔多，個盒又殘左少少，但而家要搵番美國航空同聯合航空的舊色機已經唔易，至少淘寶都未必有！

呢部係聯合航空767(N612UA)，但個賣家無做好保護措施，黎到的時候全部爛鬼晒！激死！

經典聯合航空麥道DC-10 貨機！模型全球生產120部，極少有！拎上手好重，真係令人愛不釋手！

亦有全日空最後一部退役的747客機及美國航空767客機(N334AA)。日本比國泰更早淘汰747客機，睇黎認識747 得太遲了，始終以前望上天見倒747 係特別高興...

747 飛機都係小弟最初認識的機型，機身前半部雙層的設計亦都係747的最大特色，距離幾遠都分得出！

踏入九十年代，香港旅遊業越見蓬勃，不少旅遊公司從英國購入易手巴士改裝成開頂設計，以接待世界各國遊客(包括內地遊客)飽覽香港城市風光。

配用亞歷山大RL 型矮車身的GZ1998 是原屬英國倫敦首都城巴Capital Citybus旗下，於1989年起服役的利蘭奧林比安型兩軸巴士。1996年百勝旅運購入了此車並在英國完成改裝工序後才付運抵港服役。至2014年百勝利蘭易手至金亮香港旅運，繼續租予旅行社作定期觀光之用。平日在九龍彌敦道沿線偶爾也能看見GZ1998的縱影，看見藍白色、車身充滿香港景點圖案以及上層開頂並帶著響亮康明斯引擎聲音的便知是它了。自從2012年九巴提早將其營運的巴士路線全空調化後，在街上看見非空調巴士已經賣少見少。而更可惜的是2012年後，使用吉拿引擎的巴士不論開蓬巴士還是訓練巴士也陸續退下火線。故時至2016年，GZ1998已經是碩果僅存、香港唯一一部領牌行走的兩軸雙層非空調巴士。

受政府強行淘汰歐盟四期以前的商用車影響，最後都要向GZ1998 講再見！實在難以接受失當及錯誤的政策令不少懷舊風味在本港相繼消失！