終於要再見747客機了！仍然希望有延遲退役的可能！
月尾少入~
不經不覺，到九月下旬 Wmb Transport Department 已管理30部1:400, 1:200 飛機，仍有少量在運送途中，Wmb 亦宣佈呢批機到手後會暫停採購，以休息生息！
先有早前托fd 特價入手的高達紅彗星，諗番，高達巴士都出左年幾，終於入埋紅彗星，無記錯紅彗星版本初時係只給Short2gather會員購買，套裝並沒有紅彗星的出現，因此一度出現炒價...！其次入手是於9月27日公開發售的亞比安巴士模型，今次80T的做法真係要鬧！留起所有200 俾自己人仲要唔俾九友價，實在太過份，以後可以用無貨為理由逐步加價... 真係唔屌唔得！最後都係過海搵CS 用九友價入左部200！巴士專門店，我呸！
特意影低係CS 買亞比安的收據！上面列明收費，以向80T 的售賣手法及削減九友成員應有的購物優惠表示不滿！
雖然不滿80T 今次的經營手法，買賣欠公允！不過都係要再去80T買多本747 書，無辦法，得80T有售。今次RJ team 出的再見空中女王以回顧國泰747客機為主，其實如果內容係充實的話，賣168可以接受，但資料欠詳盡，上維基仲實際，而且我唔係太鐘意佢D圖扮晒大張咁橫誇2頁，中間位夾左入去根本睇唔晒全相...
聯合航空747、757
其次聯合航空747同757終於到手！好正！拎上好重手！同埋聯合航空隻色真係好型，成架戰鬥機咁！其實本來唔想入1:200 757，但因為911事件入面聯合93號班機係757-200，加上市面1:400 的聯合航空757-200 客機極罕見，又見價錢合理所以迫住入架1:200...
最後當然係1:400 機場地圖，唉，個筒太細，地圖邊位本身已經有損毀！唉激死人！D人入包裝果時可唔可以小心D 架... 妖！其實好想用九巴牌布果種質地去印模型地圖的texture，一黎牌布可以因應地勢而彎曲同埋唔會反光(真實地面好少反光)，如果下下用硬板做地基，除非家中有三千尺空間，否則牌布的形式用幾多出幾多係最好！而且質地耐用唔會好似紙咁玩兩下就爛晒！
最近youtube 無啦啦推介我D 二級片，我諗如果香港自己出品，就會變左唔同層次，香港果D 俾我感覺係賣弄色情先加入類似畫面，為左呃收視而做！但人地做出黎完全係好正常的內容！唔知點解係有呢個分別！
唉今個月終於可以高過巴士司機！加上暫時唔會再捐咁多$俾航空公司，但交租又係頭都大，上個月交完無幾耐，而家咁快又到十月又要交，真係做埋租奴... 出糧自己都未食餐好又捐錢交租，呢個世界就係咁衰，淨係識加租，都唔知死千幾蚊出黎交租係幾慘，咩娛樂都無，出去食飯仲要就住就住點最平餐，不過自己經歷過呢D苦況先會識得慳錢，呢個係事實。
就好似某個星期日一班人出去食飯，本來有人話請我，呀見條友咁好人又請我食飯又請遊車河，我自願俾番廿蚊當油費啦，但埋單時對方竟然玩失憶無回事，當堂O咀呢個人做戲好得！結果都係俾番錢，坦白講真係想屌佢，但想屌佢果下諗深一層又唔怪得晒呢條友，因為人的本性一定係為自己利益著想先，正如我當日心諗如果加左人工會請晒成班人食飯，但都係心諗無講出口，到左今日當然唔想請啦，呢個係人的本性自己都係咁，所以佢的確唔係奉旨要請我，幫人買車拎成堆車咁重都係當初自己自願(自己拎黎衰)，求有回報又真係好難的。呢件事原意其實係對方話請我我先心甘情願俾廿蚊當油費，點知最後飯就無請，油錢我又俾埋，其他人一蚊都唔洗出，對我好唔公平囉！講出黎可能有人話我小器記仇，廿蚊你都記住？但呢度我主場同埋當時真係唔高興！模型無賺人錢仲拎咁重仲蝕本俾人，條友開頭仲無話載我架，大佬我俾左錢你都留番個位俾我好應該姐，我要求好過份咩？係我最後開聲條友先俾我上車的，嘩真係受盡奚落！所以有時自己一個都係一種福氣，起碼唔洗受人咁多氣先，果晚遊車河好彩陳生坐我隔離有水吹，唔係我諗我坐車尾喊出黎，一D 都唔高興！以後再要出席BHT 的"高消費"活動，要認真考慮！寫完出黎當無事發生！唔想記住呢D本來咁少事但偏偏睇唔開就係一件慘事的事。
2015年10月30日下午，Wmb 發出盈利警告，至今已經11個月！都唔明盈警點樣可以持續一年咁勁... 究竟當中出現咩問題？可能係戰線開得太多，年初又玩埋大膠，之前又俾個姓蒲的仆街呃左幾千蚊，暑假又叉埋隻腳入航空界，之後又機緣巧合買車交租百劫不復，最近出的發光超人扭蛋都想入，不過咁的環境又受到多重夾擊，實在已經無額外消費能力了... 成日都覺得自己好努力去儲一舊錢想做乜做物，但始終都係能力有限！其實做人已經唔貪心，唔追潮流科技，只求腳踏實地，只想鐘意的野可以入到手就夠，點解都咁難？
最近搭車唔坐得上層，你可能覺得痴線，但係我的處境黎講，明明架車開得果40km/h，但我坐係車入面成日驚住架車會衝落山，40km/h 好似100km/h 咁，跟住前車行明明就算好慢，都會突然驚會唔收油撞上去，究竟我發生咩事，壓力太大引致精神緊張？！我覺得都市人生活真係壓力太大，容易緊張憂慮搞到身心唔健康都唔出奇！大約十年前，朝早番學會坐九巴86熱狗，往美孚方向當去到石硤尾消防局司機會踩實油落斜，果段路程坐係車入面係好驚，捉實扶手都係想架車即刻停低，先可以呼吸正常，如果隔離有位女士我驚我渣埋人地個波都平伏唔倒，但奇就奇在有時D車開到90 km/h 我都覺得慢的... 解釋唔倒！唔想咁快就有毛病！
由於土地供應不足，Wmb 的國際機場(We are Model airBus)第一期面積暫定是二十三萬平方米，並於日前啟用！
就好似某個星期日一班人出去食飯，本來有人話請我，呀見條友咁好人又請我食飯又請遊車河，我自願俾番廿蚊當油費啦，但埋單時對方竟然玩失憶無回事，當堂O咀呢個人做戲好得！結果都係俾番錢，坦白講真係想屌佢，但想屌佢果下諗深一層又唔怪得晒呢條友，因為人的本性一定係為自己利益著想先，正如我當日心諗如果加左人工會請晒成班人食飯，但都係心諗無講出口，到左今日當然唔想請啦，呢個係人的本性自己都係咁，所以佢的確唔係奉旨要請我，幫人買車拎成堆車咁重都係當初自己自願(自己拎黎衰)，求有回報又真係好難的。呢件事原意其實係對方話請我我先心甘情願俾廿蚊當油費，點知最後飯就無請，油錢我又俾埋，其他人一蚊都唔洗出，對我好唔公平囉！講出黎可能有人話我小器記仇，廿蚊你都記住？但呢度我主場同埋當時真係唔高興！模型無賺人錢仲拎咁重仲蝕本俾人，條友開頭仲無話載我架，大佬我俾左錢你都留番個位俾我好應該姐，我要求好過份咩？係我最後開聲條友先俾我上車的，嘩真係受盡奚落！所以有時自己一個都係一種福氣，起碼唔洗受人咁多氣先，果晚遊車河好彩陳生坐我隔離有水吹，唔係我諗我坐車尾喊出黎，一D 都唔高興！以後再要出席BHT 的"高消費"活動，要認真考慮！寫完出黎當無事發生！唔想記住呢D本來咁少事但偏偏睇唔開就係一件慘事的事。
2015年10月30日下午，Wmb 發出盈利警告，至今已經11個月！都唔明盈警點樣可以持續一年咁勁... 究竟當中出現咩問題？可能係戰線開得太多，年初又玩埋大膠，之前又俾個姓蒲的仆街呃左幾千蚊，暑假又叉埋隻腳入航空界，之後又機緣巧合買車交租百劫不復，最近出的發光超人扭蛋都想入，不過咁的環境又受到多重夾擊，實在已經無額外消費能力了... 成日都覺得自己好努力去儲一舊錢想做乜做物，但始終都係能力有限！其實做人已經唔貪心，唔追潮流科技，只求腳踏實地，只想鐘意的野可以入到手就夠，點解都咁難？
最近搭車唔坐得上層，你可能覺得痴線，但係我的處境黎講，明明架車開得果40km/h，但我坐係車入面成日驚住架車會衝落山，40km/h 好似100km/h 咁，跟住前車行明明就算好慢，都會突然驚會唔收油撞上去，究竟我發生咩事，壓力太大引致精神緊張？！我覺得都市人生活真係壓力太大，容易緊張憂慮搞到身心唔健康都唔出奇！大約十年前，朝早番學會坐九巴86熱狗，往美孚方向當去到石硤尾消防局司機會踩實油落斜，果段路程坐係車入面係好驚，捉實扶手都係想架車即刻停低，先可以呼吸正常，如果隔離有位女士我驚我渣埋人地個波都平伏唔倒，但奇就奇在有時D車開到90 km/h 我都覺得慢的... 解釋唔倒！唔想咁快就有毛病！
由於土地供應不足，Wmb 的國際機場(We are Model airBus)第一期面積暫定是二十三萬平方米，並於日前啟用！
啟用日，Wmb國際機場特別招待波音767進場試用，飛機行走大致暢順。
美國航空American Airlines波音767-300客機
記得我以前串極American 都記唔倒，原來Am+eric(主席)+an 就係... 唉不得不認自己廢柴！
記得我以前串極American 都記唔倒，原來Am+eric(主席)+an 就係... 唉不得不認自己廢柴！
聯合航空United Airlines波音767-300 客機~
另一部聯合航空767-222客機準備進入跑道，註冊編號N612UA~
它是聯合航空175號班機！
2001年9月11日美國東岸時間早上8:14分，聯合航空175號班機由波士頓洛根國際機場起飛，飛往洛杉磯國際機場，原定是早上8:00起飛，但因跑道受阻而延遲起飛！
大約早上8:44分，175號班機被恐怖份子騎劫！8:53分飛機曾爬升至33500尺(10210米)高空，但由8:53至9:03分之間飛機持續急速下降並在接近8:58分(撞向South Tower 前的5分鐘)全速飛往紐約。8:57分，飛機在高度28500尺(8687米)繼續急速下降，雷達錄得飛機曾以每分鐘接近3000米的速度下降，即每秒急降大約50米！
據紀錄175號班機在撞向South Tower 前幾乎撞到達美航空2315號班機，175號班機與2315號班機最近距離只有60米(只是一個機體多少少的距離)
雷達最後探測到175號班機的時間是9:02:40a.m.，當時175班機高度是1000尺並正以極速飛行，亦即是撞上南座前一刻。175號班機在撞上南座前最後12秒的飛行狀況：
-12 Altitude高度：2119尺(646.0米) / Speed 速度：527mph(848km/h)
-11 Altitude高度：1967尺(599.7米) / Speed 速度：---
-10 Altitude高度：1830尺(557.8米) / Speed 速度：---
-09 Altitude高度：1710尺(521.3米) / Speed 速度：---
-08 Altitude高度：1605尺(489.3米) / Speed 速度：---
-07 Altitude高度：1485尺(452.7米) / Speed 速度：624mph(1004km/h)
-06 Altitude高度：1375尺(419.1米) / Speed 速度：---
-05 Altitude高度：1283尺(391.2米) / Speed 速度：---
-04 Altitude高度：1202尺(366.4米) / Speed 速度：---
-03 Altitude高度：1125尺(343.0米) / Speed 速度：---
-02 Altitude高度：1056尺(322.2米) / Speed 速度：---
-01 Altitude高度：1007尺(307.1米) / Speed 速度：581mph(935km/h)
-00 Altitude高度：985尺(300.3米) / Speed 速度：590mph(950km/h)
由於當日另一架波音767客機-美國航空11號班機(N334AA)於8:46分撞上了世界貿易中心北座，因此已有超過40個鏡頭捕捉到聯合航空175號班機(N612UA)撞上世界貿易中心南座的過程，因此youtube有影片說是圓形物體撞樓的講法實在太過免強。如果當日175號班機沒有延遲起飛，有機會與美航11號班機相同時間撞上世貿！
騎劫聯合航空175號班機的恐怖份子技術不容忽視，僅撞中南樓的東部區域，如果飛機在撞機前的十秒鐘沒有全速左轉，以當時超過九百公里的極速基本上要描準只有64米闊的大廈是相當困難！
全日空波音767-300 PKmon~
全日空波音767-300F貨機~
全日空波音767-300 及747-400 鯨魚機~
不少得代表香港的國泰航空747客機~
不少得代表香港的國泰航空747客機~
全日空全數747客機已於2014年退役，現在國泰航空亦宣佈其機隊的747客機於2016年10月1日完成最後一程後退役...
試用時間到，飛機陸續離開機場，一輛聯合航空767 客機正跑道上發脾氣，不願離開。
機體排隊駛離機場，形成"塞車"場面。
地圖係淘寶貨，我自己覺得好正，雖然草地位畫得麻麻，但我都明如果要完全滿足自己唯有自己畫圖，我有無咁多時間、條件做倒呢？係無的。今次用Nikon 的55-300mm，由於無近對焦功能，距離要一米以上，要zoom到超過200mm 先包到一架1:400 飛機的大細，由於鏡頭係200mm以上有黑角問題，所以幾乎張張相都係被黑角包抄，換鏡一事實不容再拖！
以下一則票價調整事項：因應近月由Toy1 生產的新巴城巴士模型售價唔聲唔聲加價由428加至438，在票價自動加減機制下，Wmb票價亦有相同幅度的調整，即時生效：
加幅是2.34%！
調整後，短途$6.2，長途$8.6！是次調整是自2014年12月以來第15次因物價變動而調整！可見市面物價加價頻密！
沒有留言:
張貼留言