國泰747客機今年退役，最後飛越維河高空的747 B-HUJ 又因為飛得太高而望唔清楚，所以決定去一去赤鱲角近距離感受一下空中女王的風采！就因為747機身前半部雙層的設計，曾幾何時望上天空就只懂分別747... 其他什麼777、767、空中巴士呢D大客機反而差不多形狀完全唔識分。加上自己第一架飛機玩具係全日空的747客機，自此每次747飛來都感到十分興奮，四引擎傳來的引擎聲有人會覺得是噪音，但今年傳來幾個747的壞消息，包括波音宣佈停止生產747、747之父去世及十月初國泰航空747客機全數退役... 都不禁地使人懷念747！
8/10 國泰747客機飛維河的照片：http://eh4005.blogspot.hk/2016/10/1979-2016.html
網上找來一段747之父Joe Sutter與747的片段
原來同巴士一樣，機體退役後只會停泊在機場一段相當短的時間，之後就會飛往飛機墓場支解。但本身都唔知退役飛機泊邊，因此要欣賞空中女王的最後風采其實要碰運氣，幸好有高人見倒有女王泊係機場西面。適逢過去的一些週末都很忙碌，包括巴士廠活動、荃灣道路安全等等都無空出席... 想影GD605但去唔倒非常可惜！
乘S52 到HAECO下車，已看見2部退役空中女王。這裡也是遊河的理想地方，因為可以影埋飛機從北跑道07L降落。
其中一部747比較近馬路，佢係B-HKT，"印象中"是10月1日的747最後航班從羽田返港。前面的係聯合航空波音737，比747細一倍以上~
比較有特色的係飛龍logo，但變左ASA world city^^
遠少少有另一部747，佢係B-HUJ，就是10月8日飛越維河上空那一部！
沿南環路可見估計總開支達一千五百億的港珠澳大白象，9月發放新聞說橋面已經建成，但原來取巧報導係講緊主體橋那部份(即是兩個人工島之間的橋面)並非整個相關橋面...
秋冬能見度大多日子受大陸污染影響，只能隱約看見主體橋
機場外有2道鐵網，影飛機真正是困難重重！
747廣闊的翼展
只能隔住鐵網靜靜地欣賞 B-HKT及B-HUJ
城巴S52 - PR8372 / 8204
四軸田螺
遠看Elephant人工島，總不相信完成度有50%！不過整體與上次行山時所見係起得多左好多的...
整個海都被大白象破壞了...
747 上層的線條令成架機都感覺活潑起來
呢一刻，呢部1:1 模型在我手上了~
用長鏡影機身才發覺機身的弧度唔係想象中咁平面！
747獨有昂首的姿態
聯合航空737-800客機N39297。好懷念聯合航空隻灰+深藍塗裝，因為911事件先發覺當年聯合航空隻色咁cool...
擁有一部真的交通公具實在相當興奮！無條燈柱就好了...
多麼遠 那麼近，想一手把1:1模型拿出來，飛機反正都拆毀，不如俾左我啦...
跟住諗諗下又行番轉頭影多幾張機頭相... 最後一次見國泰747客機了！上層駕駛室好高，感覺有D似以前望老虎頭車尾個窗一樣！
機頭形狀有少少似鵝蛋，真係咩角度睇都靚的！
機頭隻鑊
起落架，亦都係模型最難做得準確的地方因為好多支架都好幼細
每隻翼雙引擎亦都係747的特點，見遠處有一部國泰747貨機
隔住咁多鐵網，想影清楚都唔得！一時要影廣角，一時zoom近機身，不停換鏡都幾唔方便，但因為有D角度要現場行過先發現所以好難預先計劃定影完廣角再影長鏡，總有D位換左長鏡先突然諗起想影多張廣角之類！
南環路近07L降落(北跑道)，不過呢日天陰而且比較暗，影飛機好似唔係幾靚，不過試下影！結果全部都係超級劣作，不喜勿插！
China Airlines 中華航空 / 空中巴士Airbus A330-300
Korean Air 大韓航空 / Boeing波音777-300ER。大韓航空隻藍色感覺幾靚~
少少分享，不喜勿插，如果影07L arrival 想影機身側面多D的話，可以離開HAECO 遠少少，同時亦可以係飛機接近時影埋大頭角度，但因為離開HAECO 越遠，離北跑道的距離相對遙遠，焦距需求大大增加！400mm是最低要求！但影機體側面的話因飛機已經飛近，影大客機黎講250mm還可以... 當然細飛機例如737、A320呢類用400mm 仍然唔夠！
Cathay Pacific Cargo 國泰航空 / Boeing波音747-800
Garuda Indonesia 加魯達印尼航空 / 空中巴士Airbus A330-200
HongKong Airlines 香港航空 / 空中巴士Airbus A320
降落在女王上的Hawker 400？
Hong Kong Dragon Airlines 港龍航空 / 空中巴士Airbus A320
Cathay Pacific 國泰航空 / Boeing波音777-300
Swiss International Airlines 瑞士國際航空 / Boeing波音777-300 ER
旅遊巴停泊的後面有一個少空地，是最接近07L arrival 位置，可看見飛機由遠至近，這裡用300mm 大致上夠用(當然有400mm更靈活)，但缺點係無山做背景，天陰時全部相變成灰色背景！另外因為越近降落位置有建築物阻擋，所以有柱阻的機會，當飛機飛過建築物角度可能已經太窄頭！
China Airlines 中華航空 / 空中巴士Airbus A340-300。已買少見少的四引擎客機...
Hong Kong Dragon Airlines 港龍航空 / 空中巴士Airbus A330-300。港龍航空將於11月後改名為國泰港龍航空，紅色龍圖案及港龍航空字樣相信會被取代！
回看南環路旁的空中女王及737！
Nepal Airlines 尼泊爾航空 / 空中巴士Airbus A320
新logo？Cathay Pacific 國泰航空 / 空中巴士Airbus A330-300
Hong Kong Dragon Airlines 港龍航空 / 空中巴士Airbus A321
Fedex 聯邦快遞 / Boeing波音777-FS2
HongKong Airlines 香港航空 / 空中巴士Airbus A330-200
女王與另外二部國泰飛機
China Eastern 中國東方航空 / Boeing 波音737-700
British Airways 英國航空 / Boeing 波音777-300 ER
Virgin Atlantic Airways 維珍航空 / Boeing波音787-9
FT1168。每次見倒FT牌第一印象就係ADS...
空中女王與丹尼士十二米巴士
世界上最暢銷的飛機：737及航空界最出名的飛機：747，此刻同時在手中！不知不覺，時間已經不早，傳來一陣好勁的引擎聲，原來係空中女王！同熱狗一樣越黎越少的747，今後要好好珍惜747 在眼前出現的機會了！
Qantas 澳洲航空 / Boeing波音747-400
Thai Airways 泰國航空 / 空中巴士Airbus A330-300
無意中發現前面好多魚！
空中女王 vs 空中女王
Emirates 阿聯酋航空 / 空中巴士Airbus A380。相比起747，雖然A380體積更大，但外型卻不及747 咁美麗！
American Airlines 美國航空 / Boeing波音777-300ER。好懷念以前美國航空的反光面塗裝，因為911事件先發覺隻鏡面色咁型！
ShangHai Airlines 上海航空 / 空中巴士Airbus A330-300
HKexpress 香港快運航空 / Airbus 空中巴士A320
07L(北跑道)的降落比較密，而07R(南跑道)的降落就幾乎一小時才一架，但由於空地位置靠近07L，故此與07R的距離相對遙遠，如果影飛機降落，焦距需要400-500mm
Lufthansa Cargo 漢莎航空 / McDonnell Douglas 麥克唐納-道格拉斯MD-11
HKexpress 香港快運航空 / Airbus 空中巴士A320
SilkWay West Airlines 絲綢之路航空？/ Boeing波音747-800
一輛波音777-200正準備在07R降落，不過有一輛客機亦打算轉入跑道起飛，似乎未有剎車跡象，此時目測777減到最慢速度，後來起飛的客機剎停，777 順利降落，由於天色已暗，iso3200 1/80 都炒相！
基本上影飛機降落全程唔洗換鏡，因為架架都300mm！望住B-HKT 入夜，即將面臨拆毀命運，忽然好想擁抱下架飛機並且希望時間停下來... 到左今日，國泰747客機已經全部離開香港，可惜同埋不滿的係JC wings 都仲未出倒 B-HUJ,B-HKT的1:400, 1:200 模型！大佬真機都已經拆左，模型都未出，要等到幾時呀！幾個月前都知國泰747客機退役，要出應該早D出... 同巴模一樣永遠真車退左拆埋都未出倒模型，真係失敗！
坐S52番歸，中途再見倒一部747貨機，用新logo，立刻急攝一張！
黎緊好多野要買，包括希望買倒的DM、BL、XF同埋747 last flight 1:400+1:200等等、今個雙11 好彩唔係買左好多野，否則實破產~
由5/11 至31/1 期間，一日內乘九巴相同組合路線回程可享八折優惠！但通宵巴士點計？另外以281A為例，並不屬於什麼組合，所謂組合定義相當模糊，281A與281B、281X、87D 理論上係同一組，卻榜上無名，故281A只能與281A 做回程優惠。
而家坐281A都係鐘意坐E50D/E500 MMC/ATENU~ 但想坐281A 早上訓番陣都唔係咁易，因為有好多小朋友搭，佢地坐附近一人一句吱吱喳喳實在無法入睡！同時發現有唔少中學生俾$7.8坐落愉翠苑、第一城... 有時D人追唔倒281A 就上49X，俾$9.1，嘩乜而家D學生 / 屋企咁有米既？好心D家長就教佢地行路落去啦，都係行20分鐘，其實唔慢得過等車再搭車好多姐，仲有好多選擇例如82X、83K、85A都平過281A、49X，下下走281A就上49X 九巴都幾好賺，幾個站就9.1！想當年83K全冷得早，俾$3.7 票價坐埋D咩富豪車真係覺得好貴... 放學走左83K唔想等太耐，有86 雖然試過照俾$4.7 但已經覺得係極限，最衰果時未掌握86、82M熱狗時間...
國泰最後一部747客機已於11月16日早上8時55分起飛離開香港，所有國泰航空747客機已經成為歷史！作為半個747飛機愛好者，僅以本文作為紀念。
沒有留言:
張貼留言