城門水塘針山行(多圖)
第一次行針山，路面比想象中理想但疲倦程度比想象中大，上山多數係行梯級唔會因為太斜太光滑而仆下，但仍然需要相當大的體力才可，對於新手的小弟黎講絕對係大桃戰，在山腰看見尾段的大斜路更加係靠意志力才能完成，上到山頂輕一口氣，對世事又看透了一點！
城門水塘及針山位於荃灣與沙田之間, 針山高海拔532米(舊時地圖標示534米), 針山又名尖山，因其尖削的外型而得名。是次我們選擇經城門水塘沿路上針山, 因為對上一次行城門水塘已是七年前有多, 而且針山難度又達3.5-4星, 一直敢望而不敢攀登, 因此今次一氣苛成攻頂!!
一.)由荃灣地鐵站近兆和街可乘搭小巴82 到達城門水塘, 收費$5.2。二.)在梨木樹和宜合道步行到城門道, 沿路行上山亦可到達城門水塘82小巴站。個人建議第二個方案, 既可節省車費又可當作熱身, 迎戰針山!!
呢次城門水塘針山行用Nikon 18-200mm F3.5-5.6... 所以質素就唔好期望了...
大約10:45，從梨木樹出發
城門道竟可看見紅葉!!
現在每逢假日新界都迫滿自駕人士, 實在令真正行山的人感到難受!
由梨木樹村行了十多分鐘, 大約11點到達城門水塘82小巴站, 這裏可選擇北行或南行
馬騮隨處搶食... 小弟膽小, 不敢靠近肌餓的猴子
遊客與猴子合照
遊客趁遠處一隻猴子走近，又與猴子合照
沿城門道走到水塘岸邊, 景色優美
仰望城門之巔針山
望向主壩, Nikon 18-200mm的質素係140mm 後明顯下降, 只有中央淸晰及有黑角, 嚴格黎講105mm 後係應該換鏡...
微風吹過, 心曠神怡
釣魚翁
還有少量芒草可欣賞
上城門水塘
又唔知邊個咁神心的作品...
回望如心廣場，樓高318米
燒烤場, 城門戰地遺跡徑簡介
冬季雨水少, 水塘水面較低
一路上, 遊客健步如飛
四周高大的樹木
行了45分鐘，到了城門水塘主壩，本來以為可以欣賞主壩寧靜的環境, 點知人流不絕... 十分懷念從前可以在沒有陌生人的主壩上漫行...
城門水塘始建於1923年，在1936年落成, 也是香港首個開闢作郊遊及設置燒烤設施的地區, 所以行城門水塘主壩, 感受到一種大自然與歷史建築的融洽
峽谷上看獅子山(海拔495米)
仰望香港之巔大帽山(海拔957米)
菠蘿壩
人全部都是人
漠視他人, 從主壩向下走
現在已佈滿野草, 不過微風吹過, 野草擺動又的確幾舒服~ 慢慢欣賞, 需要快才快, 為行而行趕住行走, 真係咩樂趣都無...
上城門水塘鐵橋, 為一級歷史建築, 建造於1935年-1937年
上城門水塘水掣房, 為一級歷史建築, 建造於1935年-1937年
上城門水塘鐘形溢流口(水碗), 為一級歷史建築, 建造於1935年-1937年
小學常識科老師說...
小學常識科老師說這個裝置是在雨天把雨水儲起, 乾涸時便有足夠水用, 心想這東西這麼細, 能儲多少水呀?? 後來便知這東西實際是用來去水而非儲水, 當水塘水位高企, 多餘水量會流入這個叫溢流口的東西, 溢流口從上面看是一個無底洞, 因為管道一直連接到水塘 / 堤壩底部隨時深達一百米, 再連接到引水道把水排走, 所以水塘大多不會發生滿溢情況! 不過城門水塘分上下, 上城門水塘的鐘形溢流口可把水排到下城門水塘, 也有儲水功效!
鐘形溢流口上面的橋樑外面道門是上鎖，不能進入！
鐘形溢流口
個人對這些神秘洞洞很好奇, 單係望住個洞已經可以望幾分鐘! 會對洞有幻想，究竟有幾深？下面咩環境？落左去上唔上得番黎？通去那個出口？還是沒有出口？除非航拍機如果唔係無可能望倒下面係咩環境...
非雨季時，水塘水面低，不少人享受釣魚樂，但雨季時水面會高到達鐘形溢流口
水掣房及鐵橋
看完城門水塘數個歷史建築, 開始向針山出發!! 因為第一次上針山，都未知自己行唔行倒，所以預留較多時間在針山部分，所以城門水塘部分只係略略經過，有機會一定要再行下！
12:20分左右，開始上針山，一離開水塘已經是一大段斜路...
我帶了"地道"綠茶上山，補給用，但因為開始上山都未夠十分鐘，我已經無氣，所以需要減輕負重，請遊客飲野係一個唔錯方法，既可減輕重量又可以請人飲野！講下姐，邊係咁衰為左自己先！都想象唔倒如果拎住支50-500mm 會點... 唔可以係遊客面前行得咁慢添假！
斜路不段，看來高估了自己能力，前面幾個遊人本來係後面既，佢地行得快！
回望城門水塘
上上上！
回望大壩，仍然好多人...
上上上！只知斜路無止境，山頂會有好風景，已不知自己上了多少千級樓梯了。由於針山中途沒有退出點，所以當踏上上山的第一級樓梯就一定要行到上山頂，除非沿回頭路折返，但我不要做這麼丟假的事！
來到一小段路較為平坦，立刻輕鬆起來！回望後面的大帽山！
是日能見度低, 只隱約看見環球貿易廣場(樓高484米)
路邊的雜草像鐵線
獅子山下相遇上
上斜消耗體力相當大, 已想放棄... 但互相支持, 堅持下去~!
最破壞環境就係呢D屏風樓! 對基層市民黎講不實用也不美觀, 當初做規劃時唔用腦, 私樓根本唔應該起咁多! 回想數十年前, 這裹仍是沙田海...
水泉澳整個山坡變為十八座住宅
文化博物館
城河東沙田圍
新田圍
分隔了沙田和西貢的水牛山及黃牛山(海拔606 / 604米)
漫長斜路, 我無力了!
華景山莊
環球貿易廣場
大圍, 顯徑
大圍, 美田
旺角朗豪坊, 遠處是尖沙咀即將建成的香港洲際酒店
九龍群山(大老山至飛鵝山)
峰迴路轉, 終於看見針山主峰, 離山頂已不遠!! 看到目標實在太好了, 代表距離不遠不再行無盡的斜路, 鬥志回來了。
別開心得太早, 登頂前仍有很長的斜路要上, 看上山的人那麼渺小!!
在針山邊緣回望獅子山
沙田第一城
城河東
文化博物館~ 好記得以前去文禮路望見針山覺得座山好大, 終於上面望番落黎...
回頭望路途步了很遠, 跌過多少次也絶無言, 聽到了嘲笑心裡沒困倦
被遊客拋離
上上上
上上上
來到登頂前最後一段奪命斜, 能否一氣苛成?
草山, 黃竹洋
其實這裹已到達海拔450米, 還好, 有一少段平路可以回氣, 然後先要下降至430米, 再爬升足足一百米高才到達針山山頂, 體力已餘下不多了... 但沒可能停下來...
回望沙田
嘩! 還在停頓之際, 遊客己經披荊斬棘決定前往!
千級樓梯已在眼前, 體力已餘下不多, 在最後階段中途再無平坦空地, 不要停只要上, 實在是大挑戰!
大約1:20p.m. Start!
是誰那麼恆心成條路都寫滿...
大帽山
荃灣, 冬天的能見度實在太差!
下城門水塘
俯視上城門水塘
回望後路, 已經氣力不繼, 要停下休息!!
港島也只是穩約可見
每逢冬天, 香港都受大陸吹來的污染空氣影响, 空氣質素相當差, 行山可能吸廢氣多於新鮮空氣, 而家咁多人為行而行, 又係咪真係要人行佢又行跟風呢??!!
大帽山
回望後路, 針山山坡陡峭
城門水塘
1:45分，拼命上上上, 終於到達針山山頂!! 山頂的遊人也相當多呢...
終於到達針山山頂, 海拔532米(舊時地圖標示534米)
我已行到無力... 真係好大挑戰... 雖然針山五百幾米唔係特別高, 但九成以上係梯級, 氣力消耗不容忽視, 有梯級還好起碼不會因為太斜而路滑, 以前驚最尾段係光頭路!
遊客對於成功登上針山表示:輕鬆
針山, 小學生時認為它是全港最尖的山, 而且位於沙田以西, 黃昏時受背光影响山體常呈黑色, 天空的雲層令人以為這個山以前一定係火山! 所以曾經係美勞畫作中畫過一座形狀似針山的火山, 針山三個小峰都噴黑煙
黃昏時的針山
荃灣
昂船洲大橋
飛鵝山(海拔602米)
九龍半島
廣源邨, 帝堡城(題外話小瀝源, 石門已經起緊樓, 遲下城門河望去廣源邨又會被樓遮蓋!)
城河東, 濱景花園
大圍
城門隧道公路
瀝源邨
馬鞍山
大水坑
牛押山, 馬鞍山, 大金鐘(分別高海拔677、702、536米)
馬鞍山, 大金鐘, 水牛山, 大老山, 飛鵝山
沙田第一城, 而家沙田第一城改左叫置富第一城... 心諗第一城就第一城啦置咩富呀... 扮高級，搞到D野貴晒，米又係D人自己受番...
這個高地是534米??
大圍, 美林, 美田
大圍及城門隧道公路, 平時搭49X 入隧道前總會望向針山, 因為這位置是最近針山, 可以看見最宏偉的針山!
廣康及水牛山, 黃牛山
水牛山, 大老山, 飛鵝山, 獅子山
草山, 黃竹洋(海拔647米)
下針山的山路, 針山山坡陡峭, 下降斜度也很大!
遊客表示無難度
獅子山, 筆架山(海拔495、460米)
下山後, 目的地就是廣源
回頭望走過的梯級, 原來行左咁多樓梯，就算歲月要令你獨嘗辛酸失落, 但每想起我便會走過...
回望針山
城門隧道公路
一部大韓航空747-8B5 在頭上飛過。747-8 長76.3米，是目前世界上最長的民航機體！機身至機翼的完美比例比A380確實係順眼好多，A380 成個大肥佬咁，咩角度睇都樣樣衰衰咁...
空中巴士A380，A380長73米。200mm之下黑角非常嚴重！
飛機在北面跑道降落前會經過針山上空，雖然與飛機距離近，不過只能看見飛機底部，一隻隻飛機同埋引擎聲漸近漸遠，感覺很舒服！
空中巴士A340，近年不少航空公司減少使用4引擎客機改為使用載客能力相約的兩引擎客機，甚至縮細座位闊度從而強行每行多加一個座位以增加載客量去填補747 客機退役由777頂上的差距，極力降低成本，雖然國際油價明明已經比2008年時低好多，話4引擎客機係食油怪獸呢點似乎完全將成本歸究落飛機身上，賺錢果時隻字不提？現在4引擎客機包括A340、747都成為利益當前下的犧牲品！現在見倒A340、747 真係要好好影低佢地...
離開針山主峰, 路徑相對平坦而且大多以落斜為主。回望針山可見其南北面斜度都相當大。
遠望黃竹洋, 針山可前往黃竹洋, 再經草山到大帽山, 但地勢比針山更高, 路程更遠, 體力有相當需求!!
路徑平坦, 蔚藍天空, 左右樹木翠綠, 陽光充沛氣温適中, 沒有人多擠塞, 心擴神怡~~
大自然在心中感受
在一個分岔路往沙田方向下山, 沿路有樹蔭, 也有些開揚位可看到沙田的景色。呢個時候有一男一女迎面朝針山方向上山，這裡上針山山頂一般速度都最少45分鐘，慢些一小時，因為早日落關係發生了一段小插曲，女的這時最後決定不上山，與男的因而發生一點吵架，最搞笑係我地無理佢繼續落山，仲互相扮佢地哎交~
大老山
以前亦都覺得水牛山係最高的, 也覺得是一座火山~ 但小學時成日都問老師, 廣源後面這座是什麼山?? 從來沒有人答倒我, 最後都係搵地圖先知......
沿路下山, 這個不知是否給下山人士看...
回望針山, 熟悉的針山外型出來了, 不知不覺行左好遠, 雙腿發麻
馬鞍山主峰(海拔702米)
沿路下山, 有一處有木搭成凳有秋遷, 忍不住要休息一會
瀝源邨, 城門河
萬佛寺
進入道風山路, 又再遇到4005, 立刻舉機... 快門也趕不切調較, 云云人海, 相遇不易!
峰迴路轉, 沿排頭村到達沙田火車站, 由梨木樹起行到達沙田火車站共行了21696步, 我就應該多少少, 針山行挑戰成功!! 呢個時候食麥當勞補充體力係常識^^"
今個星期開始留意樓下49X、86 有無非低地台班次，反正放工都要搭車番屋企，選搭ADS 都係明智之選，所以呢兩條線最好日日有非低地台班次，仲有82K呀，甩乜鬼ADS姐，掛到JC3075退先轉車啦好心你，白痴既成日做埋D多餘野！
