總共服務了香港有三十五年的丹尼士巨龍雙層巴士, 預計最後一批在2017年中全部退役!直至2017年3月只餘下43部仍然服役!
八十年代初香港引入十二米雙層巴士以應付人口増長對路面交通工具的需求, 九巴向丹尼士車廠購入191部丹尼士巨龍十二米非空調雙層巴士(3N)並於1982年陸續投入服務, 此款車更設有兩扇下車車門以便乘客下車從而減少因大量乘客積聚使上車的人無法登車, 增加了不必要的停站時間, 其實這設計在三十五年後的今日仍然相當受用!! 後來因應市面上不是所有路面都能容納十二米長的車輛行走，亦購入370部丹尼士巨龍非空調十一米版本(S3N)並於1986年底至1994年中投入服務!
1988年九巴購入第一架雙層冷氣巴士AL1 / DX2347 時開始在有冷氣的巴士車身外髹上以白色為主的顏色，外貌白雪雪給人一種簇新感覺；而以米黃為主的熱狗色在1995年後因無再有熱狗投入服務而在2012年消失；在1997年購入第一架低地台雙層冷氣巴士ATR1 / HJ2127時開始在設有低地台巴士車身外髹上香檳金色，給人一種新紀元感覺，因此丹尼士巨龍九點九米成為最後一批白色的冷馬！由於丹尼士巨龍型當初是丹尼士車廠専為九龍巴士公司而生產, 因而以巨龍(Dennis Dragon)命名。三十五年來見証香港蜕變, 人口増長, 經濟起飛(但基層市民依然水深火熱)的丹尼士巨龍預計2017年中全部退役, 其中非空調版本(S3N)已於2012年或以前全部退役, 十二米訓練巴士亦在2013年被冷氣巴士取代, 空調十一米版本(AD)已在2015年全部退役, 訓練巴士亦因為政府強制淘汰歐盟四型以前的柴油車而提早消失!! 空調十二米版本(3AD)亦已於2016年全部退役, 踏入2017年九巴車隊中只餘下少量九點九米短身版本巨龍在市面上行走, 也是九巴車隊中最後一批非低地台(白板)客車!!
在沙田廠一角的已退役丹尼士巨龍九點九米HY9798 / ADS190
尚未退役的JC2418 / ADS205
在車廠的下一層並肩停泊的ADS、膠牌ATS。最後的白板預計2017年7月初全部退役，即是不足4個月後便要say goodbye！而膠牌的金巴預計在2018年2月初全部退役...
廠頂亦有幾輛已退役的Dennis Trident！曾幾何時，金色的巴士有排都未退役啦，卻不知不覺歲月如歌，呢批膠牌金巴已經到左18年，要離開我們了！心入面你們永遠未退役！！！自從83X當年甩GN7875上JE1006，漸漸感受到三波高轉的狂野！唔再抗拒坐膠牌Trident！後來82X 甩左批3AV上左幾架膠牌Trident，一樣咁爽！
HZ8377 / ATR110
HY5110 / ATR80
HY8573 / ATR85。突然諗起facebook九巴專頁話都普Trident 因為右邊車身入油位似洗衣機中間部份所以都普Trident有洗衣機的稱號，究竟係真定假？以我所知有D都普Trident 入油位唔係圓形既...
退役AVBWU^^
HY5275/ATR81、HY5639/ATR82... 原來ATR80-85 一齊死
HH2032 / 前AV242
HC1932 / 前AA60。因政府淘汰歐盟四型以前的柴油商業車，據說目前屬於歐盟二型的HC1932 在1997年3月登記，被歸納為歐盟一型，需於今年行車証到期時退役；而其餘所有富豪奧林比安訓練巴士亦需於2017年底前全部退役...
某日路過月輪街，一批龍運巴士新車等待出牌，另外有部KATE同ADS，毫不猶疑劣照數張！
現在街上已經廣範使用的ATENU，相對隔離最後一批非低地台的ADS卻進入退役的最後階段... 實而不華的舊車始終最好！
呢批ADS 平時十分少搭得中，2017年暑假亦會全部退役，非常可惜！
十年長炮回憶，十年前呢度泊左一批退役的坦克蘭，而家泊左一批準備服役的新車，感覺公共汽車的演變實在太快，如果拎番當年批坦克出黎行，其實真係一點也不失禮！D車係咪真係咁快就要退呢...
十年後，這裡泊了一批新龍運Dennis E50D
龍運巴士隻白色加橙色配搭已經由1998年睇到而家近廿年，最初見倒龍運巴士的黑色白色加橙色新色感覺好浮誇，同埋個logo 真係好似山寨九巴個日日退步logo 咁... 都係覺得舊色好好多，去得機場的巴士車身點可以無飛機圖案呢？
如果自己有地，整個好似月輪街廠但可以細少少咁既停車場，平時無事D車泊入去有蓋遮頭位置，要影相先駛出露天位，定期舉行懷舊車集會，真係一流... 好過近年搞的巴士大集會，越黎越少熱狗，年年都係得DS1 合作上出席... 今年九巴都唔出車聽聞... 以前巴士大集會最吸引我的係因為有保留車同埋巴士公司都會派一兩部就黎退既車參加，可惜參加收費不菲，小弟實在無力捐款... 而家保留車得番一架，意義去了那裡？？發現世事很多往往與本身原意越走越遠！自己有能力租地一定有一番作為，不過無錢無地，夢想等於幻想！打工仔早出晚歸日做夜做假期又唔夠，仲可以做倒D咩先，有地都俾發展商起埋曬D 天價私樓，其實政府每年有幾百億盈餘、庫房高達近六千億儲備，係咪好應該幫助下年青人呢？成日話年青人係社會未來棟樑但做出黎的野唔多對現呢句說話，起碼唔係庫房水浸就走去起成千億成千億造價的大白象，到頭來搞到社會矛盾、民不聊生... 對下屆特首如果係鄭既，不敢抱太大期望，曾的或有少少希望...
話說最近Toy1出左紅色LM5，但會員要有600分再加400大元先可以選購一部！所以小弟呢D一向好少去網絡店買車的人就兩字緣慳... LM5一出，炒風隨即出現，無紅色LM，咪有唯玩住早前bc出的紅色DL先囉，都係中巴姐...
間中在KFC 小聚會，價錢比出面食放題平，又可以交流最近少入，是不錯的選擇！
下面影左堆相，睇下呢個模係各位熱狗迷眼中又值唔值得買呢？
中巴LM5，會員需要600分才可以加400大元購買，100蚊才一分，夠600分是需要消費6000蚊以上... 小弟自問窮L一名，實在無力捐款... 唯有將希望擺係buzes model co. 身上... 希望buzes model co. 的老虎模可以還我多年來想要一部似樣的利蘭一個心願... 同時亦唔希望D模型賣得咁貴... 因為實在無力捐款...
沒有留言:
張貼留言