全日空的1:200 737展開左我的1:200 合金飛機坑!
落全日空飛機坑可以話係命運要我咁做，細個第一架飛機玩具就係全日空747, 編號JA8094, 早排搵過原來JA8094 官方係有1:200模型, 不過係膠機，基於全日空747 JA8094係人生第一架客機玩具, 甚具意義又好想追番... 可惜價格海鮮, 同時亦缺乏渠道入手... 當年架JA8094玩具賣35蚊, 個紙盒一早已失縱但機體仍然存在! 除非自己好鐘意同埋有二千尺空間儲存機材, 否則盡量唔玩1:200 因為一黎貴二黎真係空間有限... 計過，要有二千尺要起碼打通8個11米乘2.5 米的貨櫃...
一向想以1:400 為主但737, A320 呢類機1:400實在太細，一架1:400 737-200長度只有7.6cm, 所以1:200 的仔細度會比1:400 優勝，而且以全日空737客機為例，1:400 價錢比較海鮮，甚至某些737機型貴過1:200...就係咁入左第一架1:200合金飛機模型!!亦都打開左落坑之門!!亦都因為737細小的機體，停泊在巨型客機前總有種可愛感覺!!
737與747的對比
737是一款應付中短程航線的機型，共生產了9種型號，737-200 誕生自737-100。1965年4月，波音宣布獲得聯合航空的40架訂單，聯合航空希望飛機能夠稍長一點，因此波音決定把機身延長1.93米(長30.53米)，成為737-200型。
737-200長30.53米，總高度11.2米，機身闊3.76米，翼展28.35米，而737-200 Adv(Advanced先進型)性能上改良自737-200。737的銷情初時未如理想，波音轉而向歐美以外尚未決定購買何種短程客機的航空公司推銷，在這個背景下開發了先進型的737-200。波音對737-200作出一系列改進，包括改用推力較高的引擎、引入自動煞車、能載更多燃料使續航距離更遠，這些新設計成為737-200 Adv，首個客戶為全日空，網上資料指首架737-200先進型(737-281Adv)於1971年5月中投入服務，但根據飛機登錄資料紀錄顯示1970年6月已有737-200先進型加入全日空，其餘幾部737-200先進型則於1971-1979年間投入服務。
波音737機艙寬有3.54米，一排六個座位的佈置也是737的優勝之處，當時它的對手道格拉斯一排只夠容納五個座位！737最終成為民航界史上最暢銷的客機，共有訂單超過一萬三千架，737主要競爭對手是1988年推出的空中巴士A320。
JA8453(737-281先進型)服役年份：1979-2000
07/1979-09/1992(ANA全日空)、09/1992-09/2000(ANK日空航空)
聯合航空737-200與全日空737-281 Adv
737-200Adv 與767-300
737-200Adv 與空中女王747-400
波音737的競爭對手A320 是空中巴士A320系列的其中一款，事實上也有航空公司把旗下的737退役更換為A320系列，這個中短程窄體商用兩引擎客機系列成員包括A318、A319、A320、A321及商務客機ACJ，A320系列飛機採用通用設計，主要分別是長度不同，是空中巴士最暢銷的產品。A320於1988年推出，是第一款使用數位電傳操縱系統的商用飛機。截至2016年9月，整個A320系列共交付了超過7200架，當中有4320架是A320。
如果按照數據，因為A320系列較遲投入市場，平均銷情其實比波音737更佳，一些低成本航空公司享受到空中巴士提供的優惠，在更新機隊時均採用A320。A320-200長37.57米，總高度11.76米(機身高度4.14米)，機身闊3.95米，翼展34.1米，與737一樣使用一排六個(3+3)座位配置，體積與A320-100相同，不同的是翼尖上的小翼和增大了油箱使巡航距離增加。
自己對空中巴士A320系列的興趣坦白講逺不及波音737，手頭上呢部A320係因為ANK日空航空而入... 算係同ANA有少少唔同~
Air Nippon日空航空是All Nippon Airways全日空的子公司，原為成立於1974年的日本近距離航空，在1987年被全日空集團收購，同時更用現名直至2012年4月1日併入全日空後停止營運。
JA8390(A320-211)服役年份：1991-2013
11/1991-06/1993(ANA全日空)、06/1993-08/2004(ANK日空航空)、08/2004-11/2013(ANA全日空)
機場新控制系統失靈, 導致一架客機與貨機迎面相撞, 體積較小的A320被撞至機首方向逆轉! 幸機上無人受傷！
波音767的設計最初定位是一種比波音747略小型的廣體跨洲際航線客機, 767擁有三種長度的機身(767-200、767-300、767-400)及三種增加航程機型(767-200ER、767-300ER、767-400ER)。第一架波音767由聯合航空在1982年開始使用, 初期主要飛行美國國內航線，體現出安全可靠的兩引擎性能。1983年全日空引入波音767 來往本洲至四國航線, 在1985年波音767成為了首架獲得跨洋飛行許可的兩引擎客機，此後多用於進行不間斷的中長途洲際航線。在1990年代波音767成為了最常見的跨大西洋航線客機, 767最受歡迎的是767-300ER 。
767-300長54.9米，機身高5.41米，闊5.03米，翼展47.57米。淨重約86公噸, 總負重約158.7公噸。2011年第1000架767出廠交付給全日空, 這架767-300ER標誌着767系列成為繼747後第二個銷量上千的廣體客機。
平時見A380雙層係高過747，但如果用747同767比，747確實高好多！
全日空復古塗裝, 上年特價入手~
拿, 米話我時常彈市面D野物價貴又成品差, 手頭上呢個1:200 機場係之前AM度買, AM呢間野開post 總係有好大篇幅話自己製作用心, 但官圖無限好, 出到黎幅圖偏色嚴重, 唔知係咪咩RGB,CMYK問題, 你有無見過跑道係藍色假?? 就算我將堆相轉埋懷舊都見到條跑道偏色嚴重, 衰係衰在AM呢間野出左幾個佈局唔錯既1:400 / 1:200 機場地圖, 但偏色嚴重你叫我點買先?
原本幅圖係咁既
與767-300與737-200Adv
黑色特色機鼻
JA602A(767-381)服役年份：1998-2016
01/1998-07/2016(ANA全日空)、07/2016-----(AIR DO)
767-300與空中女王747-400
話說最近有位姓李的行家買 1:200中華航空767-200舊色，我之前都心郁郁想買，因為767-200係767系列黎講自己最鐘意的！而家1516緊，因為驚會忍唔住會買埋1:200 中華航空747-SP 舊色，74S同767咁經典，但呢度兩架閒閒地千幾銀，出模型果D人係咪諗過總有人會因買第一架而買第二架？！意志力少一點好容易跌落圈套！
1978年全日空引入波音747客機來往東京至札幌及福岡的航線, 由於747及767能夠跨洋 / 洲際飛行, 加上載客量高(747可載超過400人、767可載300人), 可接載更多乘客往來更逺地方, 1986年全日空開始發展國際航線，包括開辦東京至關島的客運航線、來往洛杉磯及華盛頓航線亦相繼於當年年尾開辦, 全日空亦與美國航空達成協議，開辦美國往成田的航線。往後數年全日空逐漸擴展其國際線服務包括開辦往北京、大連、香港、悉尼的航線及往歐洲的航線。
遲下要搵D白油油番平灰色交界位先得，好彩係白色比較易修補，唔明BBOX 出模型QC點解咁差，小翼上面個藍色ANA logo 又唔對位又油出界... 同卡士工場D劣質出品有得揮喎...
BBOX 747 舊模機翼條坑好粗，不過全日空原色1:200 747 真係好難搵，官方出果D 已經搵唔倒，搵倒都好貴，而且因為官方係膠機，無做天線；合金機又只得BBOX 2013年出的呢架中文字版空日空747，入左呢架之後再搵都好似搵唔倒了... 可能係當時店內最後一架...
2008年國際油價創新高, 不少航空公司認為四引擎客機營運成本高, 加上747客機也有些少機齡, 因此日本的航空公司加快淘汰747客機, 完全沒有意料到日本航空竟在2010年把所有747客機提早退役。2014年全日空亦把所有747客機退役... 儘管近年國際油價大幅回落, 但在航空公司喜歡把成本歸究在飛機身上的處境下, 四引擎客機仍然是營運成本較高的一群, 加上747客機也有些少機齡, 難以扭轉被淘汰的命運... 2016年波音宣佈停止生產747, 真希望747不要消失!!
呢架BBOX 1:200 全日空(漢字版)合金機係手頭上咁多架1:200之中最海鮮的一部! 2013年尾出, 手頭上呢部坦白講QC 好差, 但可惜係last 一部, 係搵唔倒另一部全日空/ANA 1:200 747之前都會keep 住先...
空中女王747-400與737-200Adv
JA8096(747-481)服役年份：不詳
737, 767, 747，大中小，呢三款波音機黎講係我最鐘意的三款！
其實兩架1:200 747、767正經泊位既話已經霸左全張桌面的空間... 買多幾架既話點掂？要合符可持續發展都係玩番1:400算了... 當現實環境條件同想象之中相差太遠而無法實現理想的時候，人只能回到頹廢模式重新思考一次！除非你有錢買二千尺基本size單位，否則請你頹廢下去！
黎緊越黎越多野要入手，其實如果講話想買的機，全日空都重有架1:200 747 PKMON 全廣想買，因為價錢其實只係我呢架原色747的一半... 主要係考慮到BBOX的質素參差同埋無位擺，其實好多時話無位呢D形容詞對我黎講都唔係問題黎！實際係... D屋企人會覺得你又買死物番屋企無用、浪費金錢，其實我自己覺得值咪得囉，洗咩同你交代咁多先？下下話無位而唔買，遲下個價升左先決定買又售馨要食炒價果時，就諗到每月蒸發千幾蚊租地擺貨意義何在？不過今後應以1:200為主定1:400為主呢？莫非要將1:200 機1:400化?
九巴於5-6月提供九五折優惠，但只限八達通，睇fb D人刷鞋仔既留言真係笑左，話而家樣樣加價，九巴反而減價，感動到流淚！笑左！賺得多回贈番少少俾你就流淚？咁08年之後九巴都繼續加過幾次價，同埋十蚊以上車費的即日回程價惠都cut左；反觀新巴城巴08年之後無加價亦都曾經提供過乘車優惠，咁你D眼淚應該一早乾左啦？白痴真係白痴！
沒有留言:
張貼留言