再見 黃泥頭<-->火炭的82K 白板時代

對82K 唔講得話好有感情，因我不時常乘搭呢條線，卻因為82K 七年前搬左上黃泥頭而視了82K成為廣康區的一份子。上星期九巴將沙田廠的最後數部丹尼士巨龍九點九米提早退役，82K成為目前廣康區白板服役時光最短的路線... 一句提早退役，扼殺我乘坐晚年ADS既機會，九巴真係狗巴！

每年到5月8日，都回顧一次2012年5月8日發生的大事，當日的經歷真係難忘！熱狗雖然離我們遠去，但永遠不會忘記以前坐熱狗的回憶，心中有熱狗，即使市面上無熱狗開出，仍然覺得呢批車從來未退役，仍然希望有一日可以再坐熱狗周圍去... 

保留一架真熱狗的心係咪就係呢一日種左係心入面呢？

唉睇番果日D相... HS25 質素其實真係幾差... 真係想重演一次5月8號，再影多一次...

先回顧一下最近少入~

主要係威龍N年前出的1:400飛機

搵左好耐的聯合航空777、747！

一年來的絕版1:400美國航空、聯合航空

焦點入手係呢架1:400 太空穿梭機！呢排無咩巴士買，手痕搵倒架絕版太空穿梭機... 其實以前細個都好鐘意太空穿梭機，尤其係橙啡色果個燃料缸，究竟升空後橙啡色燃料缸會跌左去邊？

1:400 燃料缸相當重手！長度目測有一架767咁長！不過模型油得淺色左，真正果個係啡色少少... 好可惜而家要買番Dragon Wings 的機好多已經絕晒版搵唔番，有都好貴... 今個月還是努力OT 啦...

5月1日最低工資上調至34.5，兩年一次調整2蚊坦白講係連通脹都追唔上，更莫講話係加人工，而市面亦有唔少食肆指最低工資令他們成本上升，要加價！真係賺果時隻字不提，成本上升就即刻加你價，以熟食中心為例，5月1日前後有唔少食肆乘機加價，上環其中一間加幅最過份，之前一個餐蛋麵加底$30 無飲品，而家相同叫法就加到$36無飲品！不少凍飲由加$2 變為$3，通通都比通脹 / 最低工資調整的幅度大好多！坦白講呢D咁既食肆根本係搵藉口加價，將自己成本全部轉價顧客，唔通凍飲加多一蚊真係因為冰貴左50%咩？傻既！

再見82K的白板時代

本來82K 七年前係打算取消，但我個人實在唔希望D巴士路線客量一低就話取消，究竟當初開線係為左咩呢？有次見倒議員貼單張提出修改82K 總站去石門，就大膽咁聯絡果位議員，希望將82K途經廣源或以廣康區作總站再來回途經石門(其實未來可能有需要因為石門起緊樓，人口增加或者對巴士需求上升)，以廣康區作總站是因為廣康區一直都沒有受惠於區內鐵路的通車反而因鐵路通車後與部分巴士走線重疊而受削減巴士班次之苦，廣康區巴士票價亦比其他長度相約的為高！搬82K上廣康區確實不保證由低客量變成高客量，但可以縮短全程距離對下調票價也有幫助！反正廣康區都係靠巴士出入為主(其實未來可能更有需要因為小瀝源起緊樓，人口增加或者對巴士需求上升)... 2010年11月6日，82K 改為黃泥頭作總站，削減一部車並加入空調巴士行走，黃泥頭又再有熱狗出現了！可惜2011年3月，86 秘密全冷，以更換掛牌車的方式將86最後一部熱狗GK2508 改由冷氣巴士行走，直至數月後才出通告正式全冷... 騙徒手法層出不窮！2011年9月11日，82K亦全冷，成為沙田區最後一條加冷及全冷的路線。

隨著九巴將沙田區的最後數部丹尼士巨龍九點九米提早退役，82K 的白板時光也被迫提早劃上句號！

你也是白板？？FZ7116 / S3N328

HC892 / AD324

搭左咁多年281A，坐中ADS 係得兩次咁大把！一次坐上層、一次坐下層！如果7月前再有ADS 特見，入廿蚊我都願！

HC2145 / AD351

廣源巴士總站從前的白板時代，以前有AL時，G牌AD、AV、3AV 呢D車真係唔想搭，可惜廣康區無AL 做掛牌... 而家ADS面臨全面退役，卻懷念49X、82X 曾經都是以白板為主... 

GD1673 / AV3

GU9338 / ADS140

GS5055 / ADS48

GS6405 / ADS38

5月8日...

HS9627 / 3AD161。唔記得呢架係咪特見，有段時期82K係有一架3AD 掛牌但唔係成日見倒...

仆街小巴佬，車到先開車！

霧燈龍 HY8581 / ADS188

司機唔合作，唔肯泊番係個站牌隔離...

呢個司機又係PK，企係度吹水，阻住晒！因為呢單知得太遲，梯位咁就無左！

JA8776 / ADS196

紙牌82K! 都係膠牌車最好玩

JC3075 / ADS219，最後一部掛82K的ADS，但數月前神秘甩牌... 

 JC3987 / ADS225。攝於退役前最後一次行走82K... 當日下午因太繁忙都唔記得再影！JC3987上層的雙扶手與其他同期ADS 有所不同！最後一次坐沙廠ADS係5月4日280X，感受一次青沙公路之旅... 沙田廠將JC牌提早超過一個月退役，JD牌黎講更加提早超過兩個月退役，實在太過份！九巴使用資源咁唔環保，實在是反面教材！以前熱狗都係提早成個月退，有咩資格話自己係一間環保既車廠呀？！

希望ADS作為最後非低地台巴士，會有告別廣告同埋出多一次模型！唉卡士工場的S3N開龍、密龍、AD、3AD 已經敗北，可唔可以做番一次好好睇睇，唔好要人地俾幾百蚊屌足一百次先得假，淨係識加價，質素唔改善，買家都唔係傻架，你出D乜人地有眼見...

82K 因為2011年提早全冷，冷氣巴士始終無熱狗咁吸引，所以一直影得唔多... 再見82K的白板時代 2010-2017！