BHTXWmb: 1:76 E500MMC GUNDAM 機動戰士高達系列巴士模型

原來都有一段時間無share 巴士模型，草稿有好幾個巴模post 未發佈，有些已經係超過2年前...😊

***本文有粗口，清泉人士可按上一頁離開。話說，上個月有個之前被人炒左的女同事無啦啦wtspp我，話佢手上有張用左一次的港鐵都會票，話可以用400蚊(原價435)賣俾我，同埋話佢而家無再需要用，唔想擺到夠期浪費。咁我都有問清楚佢係幾時買，同埋因為而家有交津回贈，變左雖然我用400同佢買表面上平了35，但又會少左33%的回贈，咁佢都表示該都會票未登記落八達通度，咁我就信左佢...

交收個時其實我都有d唔滿意，先前講話荔景等，點知臨時又話有個fd 搵佢要就佢個fd改荃灣站，心諗，來回咁搭法我又無左半個鐘...(我返東九方向)，咁呢樣都係小事黎...

我用400蚊同佢買左張都會票，因為本身用開這張仲有幾程，所以用完之後先開始用佢賣俾我那張，點知出事... 原來得番30程... 我用第一程之後就得番餘下29程，心諗屌你，呃尻我？又話搭左一程，收我400蚊，而家實際得30程？！即刻同佢講番，你已經用左10程喎，條友仲扮晒野話下，無可能架喎，係咪你同本身用緊那張調轉左呀？我即刻O咀，你咁都得？

呢張都會票我當然都有登記落自己八達通，但未完，到一個月後...

亦即是剛過去的16號，如常拍卡拎交通津貼，點知一拍卡，就只有三十幾蚊回贈，呢三十幾蚊係我平日搭巴士累積超過200蚊之後的33%回贈黎，咁我的435都會票的回贈呢？？

即係條友賣俾我之前自己已經登記左交津，呃尻我話未登記，嘩，佢435買番黎，搭撚左10程，仲用400蚊賣俾我，自己仲拎撚埋435x33% = $143.6！(佢肯定本身搭車已經過200蚊，所以呢435係直接有33%回贈) 即是收番400+143.6=543.6，另外仲免費搭撚左10程，奸到仆街，而我就400蚊買得30程仲要無埋143.6回贈，真係蝕到仆街！

唔單止咁，之前我仲俾過唔少主題樂園入場券佢，其實價值已經唔止一千蚊，佢仲曾經話請食飯，最後連一餐吉野家/麥當勞都無請過，一直以黎淨係識搵人著數，又大話連篇，拎呢個做檔箭牌拎果個做檔箭牌，我終於知道佢點解做得幾個月上頭就決定炒佢，當日佢係被即時解僱執野走的，因為個人唔老實，無句真信唔過，念在大家曾經一場同事，共事時亦曾經相處愉快唔開名亦唔爆電話，但睇清楚呢個人原來係個賤人，再問有無入場券我都唔會理佢了！本身俾fd都唔撚夠俾！

除左交津無左百幾蚊之外，一千蚊消費券都拎唔倒，又要等7月中，呢個消費券計劃真心痴撚線！***

2015年暑假，銅鑼灣舉行「GUNDAM docks at Hong Kong II」展覽，九巴有5部巴士披上了不同角色的機動戰士宣傳廣告，並由RoadShow 推出了一系列1:76 GUNDAM 巴士模型，而且率先在當年暑假期間的動漫電玩節場内發售，後來才知整個高達系列巴士模型款式超過十款，而我就只購買了大紙盒珍藏套裝及一架Short2gather 會員限量版，儲齊了基本5部！

無記錯的話當年的動漫電玩節係首次有賣巴士模型的...之後書展、乜展物展都多左賣巴士物品~

當年的套裝一套有4架模型，有鐵盒套裝及紙盒套裝，主要是包裝上有分別，鐵盒裝有連專屬鋁盒透明展示箱，包含的4架巴士模型是一樣的，紙盒套裝限量1300套，鐵盒套裝限量800套！當中80套被預留供Short2gether會員購買。雖然收藏價值高，但售價亦相當昂貴，當時紙盒裝一套賣$2200，平均要550一架，比起當時九友價買九巴車318-348一架貴得多...

紙盒包裝精美，我記得當時係80T購買時都嚇左一跳，嘩，好大盒！個店員仲話佢自己都無位擺！😆

後來因為賣得太貴，即使是廣受歡迎的高達主題也無法扭轉銷情欠佳的事實，之後係2015年聖誕節就有一系列的大減價出現，而後來80T 紙盒套裝亦曾減價到千二蚊，當時80T 店員吹到千二蚊無得再平架啦咁，就買了一套，點知原來買貴左，真係低處未算低，再後來80T VIP 420蚊就買倒一套紙盒裝套裝，平均$105一架... 心諗有無搞錯，我用千二蚊買竟然其實貴左近4倍... 呢次特價真心係痴線，亦引起唔少人不滿，肯等真係幾平都有，坦白講當初定價就唔應該咁貴，個個都係中途減少少價時買左，之後無人買仲減到半賣半送，一架廣告車仲平過買白色版... 後來80T 因為清左唔少貨，個價開始升番...

講到當時特價咁平，點解唔買多套，真係仲平過白色版，用黎改車改路線絕對抵玩，但因為外盒體積真係好大，4架模型同個盒的size 仲相差一段距離，其實屋企又真係無乜位擺(住公屋的你明啦，唔係二千尺)，所以手頭上僅有的紙盒我早已入倉為安了...

當年的GUNDAM巴士主角分別為機動戰士高達RX-78-2、渣古、獨角獸和紅彗星，實不相瞞自己不是高達迷，所以詳細的角色小弟都不懂分辨，不過能夠融入巴士模型當中，都是充滿本土特色的，對我來說呢套模型其實係值得收藏的。(有可能高達迷唔鐘意巴士所以高達主題巴士模型相對少人買XD)

車牌：TE3319 編號：ATENU409

車牌：TF5838 編號：ATENU450

TF5838 之後亦都上過妖怪手錶廣告，但無再出模型

車牌：TC4852 編號：ATENU365

紅彗星的單層巴士模型，只有套裝版本內才出現的，這部當年並無單一售賣

車牌：RG4538 編號：AVC51

當時屬荔枝角廠時行走203C線，近年被調往沙田廠，唔知幾時之前換埋橙色電子牌... 有次見倒行82K嚇了一跳... 曾經的高達巴士...

單層巴士車尾窗部份真車係有商場的標誌，但模型因為唔關商場事所以變成紅色空白

另外一部紅彗星的雙層巴士，是限量800部，在整個系列中的特別版，亦無出現在套裝之內的。當年Roadshow為呢系列模型賣廣告時仲搵左兩個女主持做cosplay~ 有80部供Short2gether會員購買，其餘的當時也只限網上認購，後來好彩在Short2gether 停業時買到...

重溫當年的廣告

當時未興1:110,1:120巴士，如果而家再出，我諗應該係出1:110 多過1:76...

車牌：TG2303 編號：ATENU469

除了以巴士為主的套裝，當年還推出了香港情景的系列，包括RX-78-2銅鑼灣情景、獨角獸高達尖沙咀情景。情景以外還有一些Q版巴士玩具車，高達系列巴士的對象可以話係不同年齡層都有，甚至唔鐘意巴士的買家仲可以選擇藍牙耳機、藍牙揚聲器、外置充電器等產品，這堆收藏品至今仍稱得上是一個相當大的陣容！有次80T做優惠時送了一個高達藍牙揚聲器，至今都未拆出使用... 一直收埋在一二角...

紅彗星特別版和套裝限定版

2013年，香港引入E500MMC並廣泛使用，現在幾乎任何路線都可見E500MMC的縱影，而頭批MMC即是2015年Facelift 出現之前的批次，係我認為行車表現最好的，事關近年紅巴的MMC Facelift 真係俾我感覺無乜力水，起步都力不從心，偶然搭番金色舊頭(舊車身)的MMC，判若兩車！高轉肯俾地板油感覺推住背去，上暗斜一定keep倒速度，所以舊頭的MMC 成為目前最想坐到的巴士款式之一！

而當年相關的巴士模型外型真係有唔少不足之處，最先是Carz的模具，車頭檔風玻璃上層兩邊起晒角，完全唔似真車，亦都有車身發脹的谷模問題。而後來Toy1 的模具雖然車頭望落無咁尖，但就有A柱太粗同內籠座位太厚的問題... 所以當年關於E500MMC的巴士模型我都無主力購買，多數係有特價或者出中鐘意的路線先至會俾面購買...