期待已久的Ultraman Gaia 超人佳亞(蓋亞奧特曼)英雄勇像終於到手! 連同上年推出的SV形, 超人佳亞的三種形態都已經有勇像, 成為首個英雄勇像齊形態的角色!!
畢竟佳亞形態唔多, 齊套都是值得高興的！
首先, 有人發現今次佳亞個盒無左TDG25th個字...
最初睇佳亞勇像的官圖, 覺得胸部的摺曲太離譜, 如果用eye level 望, 金色V字形底部會有摺疊, 但如果低炒就唔覺的, 馬上開盒拍照看過究竟！
這次出的是Gaia V1及V2, 心口顏色不同, 姿勢一樣(同一個模/一模兩用)
上次分享過真‧超人(左)，今次當然是佳亞V1(中)及V2(右)
先獻上開箱片段：
超人佳亞V1形態
V1形態是佳亞最初時的樣貌, 胸口是紅色的, 好有初初睇超人佳亞的那種懷舊感覺！當時佳亞的戰鬥力十分弱，後來大家都十分期待阿古魯出場！
英雄勇像舊角色的造型都是稲上信行設計, 承傳盒蛋的風格, 外觀輪廓、身形比例還原度高！
上面提到胸部金色邊的V字位置, 低炒清楚看見摺曲面, 所以如果水平望, 金色線會感覺斷開了...
手套上的摺紋都有做, 堅正！
決戰之日！
兩位超人出現重大分歧, 演變成對決！藤宮博也(阿古魯)主張放棄人類才可保護地球；高山我夢(佳亞)認為人類根本就可以與地球和平共存
你認為呢？
高山我夢覺得如果地球的本意是要放棄人類, 當初他就不會得到超人佳亞的力量了！他認為藤宮博也消滅人類的想法是錯的！
大戰並沒有分出勝負, 但彼此釋放的能量被根源破壞招來體吸收並激活, 這時藤宮覺悟自己引起的這場戰鬥原來是行錯了, 他乾脆地把大海的力量(阿古魯)交給我夢...
佳亞取得阿古魯的力量後, 胸部金色V字區域變成黑色, 代表是吸收了阿古魯的能量, 成為V2形態！
從那時起V2形態永久取代了V1, V1不再出現, 因此全紅色的佳亞也成為消失了的形態, 所以唔少人買番V1英雄勇像時都覺得有種初初睇超人佳亞的感覺！
V2上色真係比V1差, 好多出界, 油面更加係唔少人指出的問題之一
經過觀察, 油面主要係今次頭部銀色上色太薄, 在燈光下顯透了內部的膠件, 內部膠件反光時, 外面望就會覺得塊面令立立好似好油咁~
佳亞的姿勢同當年HDM盒蛋的都係90%相似, 但今次手指就做番分開, 而且手指上的一節節都有做到出來, 並無hea出！只係身體上色就真係差少少...
SV形態, 是佳亞完全解放出阿古魯力量後的樣貌, 兩側的藍色代表了是阿古魯的大海力量
佳亞V2只是胸前改成黑色, 所以BANDAI眼鏡廠為了省成本, 用同一個模出...
據說超人佳亞原案是設定阿古魯在片集中期消失後以後不再出現, 但因為觀眾對阿古魯的喜愛令其人氣高企, 配合後期登場的怪獸比前期的更強勁, 最後令藤宮博也這角色被保留, 並向阿古魯復活的方向發展！
藤宮再次得到阿古魯的力量後, 直接提升到V2形態, 永久取代V1形態, 隨著藤宮心態上的轉變, 胸部也被設計成近似佳亞的金色V字形, 可惜以為HD/HDM盒蛋無出過阿古魯V1, 勇像會否肯出阿古魯V1真是一個謎...
超人佳亞片集後期, 從前對立的阿古魯和佳亞化敵為友, 合作共戰！
個人恩怨在地球的意志面前不算是什麼...
當年盒蛋心口摺曲位無咁誇張的...佳亞勇像呢個位置我覺得唔太靚！
另外本身好擔心腰間的摺曲位會上色出界, 實物上色的確係有些不足及凌亂, 但好在都勉強接受倒！
SV形態反而唔覺, 因為身材大隻好多, 佳亞的好瘦, 條腰幼過迪加~
V2的只能和V2的合照, 因為V1/V2並不是共同存在！
佳亞超人的力量究竟提升了多少？
佳亞V1 = 佳亞
佳亞V2 = 佳亞+阿古魯
佳亞SV = 佳亞+阿古魯
阿古魯V1 = 阿古魯
阿古魯V2 = 阿古魯多少少
舞台劇的阿古魯SV = 阿古魯多少少+佳亞+阿古魯
前前後後, 2個超人變成5個超人？
Gaia -- 誕生於地球的超人
地球表面整個生物圈構成一個自我調節的整體, 在生命與環境的相互作用之下, 使地球適合生命持續生存和發展。
超人佳亞, 一套全新世界觀的科幻超人片集, 期待明年會有25th致敬作品!!! 去年特利加敗北, 今年戴卡應該會好d... 明年如果有類似佳亞的片集, 大家一定有好大期望~!
有人話佳亞做矮左, 可能大約真係細左0.5mm, 睇相其實應該佳亞高少少...
尚欠Agul V1及SV形態, 希望眼鏡廠會考慮出... 相信係大家的心聲！
佳亞SV夜色版岩岩又係日前取貨, 遲下有機會再分享一下~ 真估唔到佳亞成為首個英雄勇像齊形態的角色!!
下半尾等埋X、帝拿、邪迪、Zero、Orb、澤塔、紅迪再一次過盤點一下這兩年手上收集的超人勇像~
沒有留言:
張貼留言