這次分享另一個英雄勇像：真‧超人 Shin Ultraman (新奧特曼)
實不相瞞，今次呢隻真超人勇像已經等了超過一年，因為係上年3、4月咁上下時間預訂的...
Shin Ultraman (新奧特曼)電影剛剛於今個月中上映，據講套戲早在2019年已經完成拍攝，而今次真超人是用了更大量的CG後製完成動作，所以後期製作需時比由真人穿著皮套衣服扮演超人的更多，但剛好又受到疫情影響，令電影後期製作進度嚴重受阻，因此原預計去年年初上映的真超人最終延期至今年5月13日才在日本地區上映，所以英雄勇像也終於在電影上映後正式推出!!
曾經以為有關部門(史上最神秘的部門)漏了我的真超人勇像訂單...
直到近期電影上畫，才想到可能係要等電影上映後才推出，不能偷跑...
而5月推出的超人佳亞也趕及上週推出，所以我一次過去拎貨，分開拎車費貴，因為早前家中裝修，已補貼了大筆錢，消費券又太垃圾，連一部相機都唔夠，加上社交措施放寬，多左出去食飯，另外近期幾套大片(唔計獨行俠)都已經入場睇晒，洗費進而上升，所以近期都比較窮...
未計仲要整大比例模型，實在消費背後心中流淚！
5月交津重回200蚊以上開始補貼1/3，回贈上限500蚊！
先分享開箱片段
講番真超人勇像先，就算是初代超人的簡單線條配搭，仍然都係有景品一向在的QC問題，就是上色參差，造型方面都是按電影中的姿勢設計，但拿起手有些似舊時軟膠玩具的感覺。
真超人算係一套向初代超人致敬的劇場版，主角真超人外形似Ultraman(超人吉田)，據說吉田的造型設計是經過修改，而最原始的設計就是這個真超人的樣貌，所以稱之為真超人，真正超人的意思，當時找來的皮套演員體形是比較高瘦，而當初超人的設計心口是無能量燈的，到後來認為超人應該按量人性化才加上能量燈，當能量不足或受傷時，紅燈便會閃爍以示警告
這些都是六十年代的構思，有能量燈的設計一直沿用至今！設計超人的人簡直是偶像！
真超人很大程度上重現超人最初的設計，而當時皮套演員的手指長，勇像亦還原了手指長的特徵！
初代超人對峙時姿勢是彎腰的，真超人的站姿亦注重這個特點！
真超人是用電腦特技模擬超人動作，而不是由真人穿著超人皮套扮演超人，所以真超人背後並無開口拉鏈位！同時亦無皮套質感，包括衣服摺曲部份，所以真超人起初看上去很不像超人...
大家亦關注勇像的比例問題，因為之前特利加無原無故做大左成個碼，所以大家都擔心新出的勇像都會有錯比例的情況。除了敗北的特利加，真超人勇像的確比其他角色高，但這個要考慮到角色的官方設定，真超人設定的高度是60米，瘦削的身形使真超人顯得更高，比起佳亞、迪加都高，所以真超人彎腰站立的高度都比他們高少少！
當然，片中的超人無論如何都覺得起碼有100米... 因為其實和大自然的一座山相比，60米都是十分渺小... 但為了顯出超人的巨大，唔跟比足比例都係可以理解的。
今次銀色反光效果幾好，感覺英雄勇像用的銀色都係比較光亮，值得欣賞！
神態算係好似，其實建議眼鏡廠出埋昭和時期的超人例如：吉田、奸吉、阿鄉、七號、太郎、艾斯、飛虎、尼奧、80、佐菲、之父、之母等等！其實以前都有盒蛋，基本上勇像的造型都係盒蛋放大，所以要出應該唔難，出的話一定買！
雖然呢堆超人唔係自己年代，但為了向鹹超致敬，個人認為呢堆初代超人唔可以缺少的！
今年已是鹹蛋超人56週年，去年是55週年上畫的電影足足遲了超過一年，一個經典系列可以長做長有，每套片集都要有新元素/創新，經久不衰，真是不容易的，盼望疫情完結，大家可以享受生活...
期待英雄勇像推出更多超人角色，希望呢個系列長出長有，以往好多系列出出下未齊就斷尾...
最後分享一下近期少入~
適逢早前特價，有1:43 龍運新色彩玻璃梯12.8 E500MMC Facelift、1:76 89D 玻璃梯(89週年應該都係出89D，但廣告design唔合心水，應該唔買，所以寧願追番MMC 89D，其實自己都係鐘意MMC多過妖后！)
另外有Tomytec的貴價1:64蘭博基尼康塔什及25th版(被推落坑之一)
1:64 泊車區，我個人覺得最大問題係泊車位太近邊緣，完全無出血位，這會令擴充板圖有難度
JMG 1:64人仔
今年是鐵達尼號處女航110週年，入了當年(1997)電影的限量書刊，另外都想買番隻1:400鐵達尼號砌下，由於鐵達尼比較大，1:400是極限了... 上次分享的是1:700
J Fox 1:200 747-400 全日空漢字版
同機型2016年曾經買過一架，但某司機駕駛訓練巴士時急剎掉地斷翼而亡，地球又公轉了幾圈，又再入番... 一切原於當年新機場啟用後，沙田上空常見全日空747飛過，自此一直希望有飛機模型~
JC 1:200 A340-600
講起慚愧，1:400好多年前買左，仲打算開post分享，但原來一直在草稿未發怖... 而家1:200都出埋，遲下有時間既話一次過post...
1:76 細冠環保巴士X42C、38，首次改精細版，出埋綠牌橙牌~
沒有留言:
張貼留言