近期交通閒攝及近期少入

先回顧一下近期少入~

1:43 頭文字D AE86 黑窗及透明窗~
原來有分跳燈同非跳燈版, 真係買死人喎！

UN及日本道路安全車及從半個地球外運到手中的1:43 J collection 自家拉花Toyoya Hiace~

至於期待多年的中巴金屬Dennis Dart、Toy1 1:76 ISUZU 道路工程車則未到手, 到手後再影~

至於下面這部1:24 Routemaster 金巴, 就係小弟2018年4月在NS 付了全訂, 但原來NS 無幫我落單, 最近才發現有關模型SunStar 係上年7月已推出... 於是馬上向NS 査詢, 幸好NS 也馬上落番order, 日前已領取到手~

因為1:24 太大架, 呢架應該係我最後一架1:24 模型了... 同埋無錢買了...

疫情期間，兩架波音747 大型運輸機曾經來往香港運送物資，3/5早上，捕捉到第二架747 運輸機抵達香港前飛過沙田上空的一刻！

不過, 因為太陽光太撐眼, 一直望唔倒架飛機已經係水牛山上面出現左，直到我開始聽倒引擎聲才心諗不妙，架飛機應該已經好近，再向上望下，已經見倒架飛機位於45度仰角，高速前進，馬上舉機！

頭頂是影不倒的，因為我是從後樓梯影出去，頭頂被天花板阻檔，所以走到另一邊，不過角度很局限，只能純紀錄一下

點知睇番相，先發覺自己對焦對唔準，因為較早前大背光時自動對焦信唔過，改用手動對焦對山頂，點知都係濛左，無論如何，總算親眼看見呢架非常特別的747 飛過上空一刻！

期後JC Wings 更推出747 運輸機1:200合金模型，1516想買，但始終太貴，日後有機會有緣才入手吧...

呢兩個星期番夜更，1600-2400，無食飯時間，搞掂早d 走食d 野就算，純粹覺得番了9-6/10-7 咁耐，體驗一下夜更都ok的，至少可以知道自己適唔適應倒！全因6月頭竟然被通知遭解僱(突然話cut 字軌)，要我做到7月頭就離開！坦白講無啦啦俾人炒連續幾晚訓唔著，雖然話"有機會"調我去第二度，但其實同重新再in 無分別因為我都要再見工既，亦無人保證一定有工俾我，尤其呢排失業率咁高，其他公司的自然流失率一定低，無工開下場都係放no pay，以前都試過啦... 間中都會諗，點解係炒我呢？自問都算盡責，夜晚好多時都搞到遲走，但原來盡責無用既，到頭來要炒你就炒你，只係通知你被炒，一個月後都係請你離開！最難接受係平時自己team d人表面上有講有笑，點知都係現現實實，最大粒個幾個真係連半句關心的說話都無，好似尤得你死，死遠d咁，真係人情冷暖、人走茶涼呢d 說話唔係老作，係真係存在係每一處！反而d user (阿姐)就完全唔同，知道我要走/俾裁員，都會主動話約食飯，至少都會講些說話安慰下，都令我覺得舒服些！不過經過爭取後，面家暫時調左去另一team 做住先，雖然都知做唔長但總好過失業，原本字軌係做到8/7，但佢知我"轉會"就已經拿拿林cut 左個字軌，心諗洗撚唔洗呀，幫你做撚左咁多野你好似送走溫神咁樣，你呢d 人邊值得人尊重，表面上你職位高，你話乜人地咪話好囉，但人地唔係真心服你呢！因為你唔係用道理去講服人~！

有樣野都幾好笑，其實3月中舊老細退休，新老細接手，最近先知原來佢的做法，係其他人眼中都唔係幾滿意，劣評如潮，例如屌人遲到，自己又遲到！姐係唔係我覺得佢衰，連其他人都睇得出^^。有諗過疊埋心水考個車牌渣巴士算，反正做IT 都唔係我專長黎，而且呢行好難識女仔，呢個係鐵一般事實！影相整片擺上網目前又只能當興趣玩玩，因為一直以黎自己無投放更多資源係呢方面，刀是有但不鋒利，是有些迷茫！而家都唔諗咁多，等疫情過左環境好些再算，其實裁員就一d 都唔出奇，只係太突然，同埋佢始終無講炒我的真正原因，只強調唔關我做野做得好唔好事，不過我就唔太信會隨機抽囉，所以我認為有d野佢係睇我唔順眼，就正如其實我都睇佢唔順眼一樣，不過佢有能力炒我，我無能力炒佢(唔計自己唔撈個種炒)。但佢堅持cut 邊個係無一個標準叫我唔好亂估，所以成件事都幾奇怪。正因為字軌被cut，所以以後 OT job 都一定大幅減少(雖然我叫佢地有野do 都希望預埋我，對方雖然話OK，但你都知人就係現實，講到錢仲更加真實，有野do都自己do啦，仲會預你咩)，收入下降，Wmb 需要重啟開源方案，減少買野係方案之一！政府個一萬蚊其實真係唔算多，之前仲諗住會買模型、相機，但當知道隨時會失業時，呢一萬蚊真係唔敢洗... 洗一萬好易，儲一萬好難，好彩Wmb一直都知道唔會有一份工係永遠有得你賺，總有一日無得撈，所以平時有OT job 我都多數參與，就係咁解，靠底薪真係唔掂...

人生如此...

疫情後再有Volvo B8L 新巴士投入服務, 主要是沙田區~

WT5724 V6B145

WT5814 V6B146

ADL E500MMC Facelift(左) 與Volvo B8L Wright Gemini 3(右)

加送近期沙廠唯一埃及妖后行走廣康線

83S

總覺得呢架車配金色會好睇d...

86

不知不覺, 廣源邨越來越多紅巴, 反正都已全冷, 當然紅巴較佳~ 綠蛋AVBWU? 不好了... 其實如果疫情持續, 多人home office, ATE、AVBWU綠蛋隨時有提早退役的空間!

281A

82X

WM9053 V6B139

第三代Wright 車身與後面的第二代Wright 車身比較, 渾圓的蛋形狀變了起角...

這款最面熟的蛋形已在香港出現了十六年, 都算是很長時間了

WF2739 V6B59

8/6 等281A 出九龍激撚死, 本身有部281A 係總站, 鮑家財揸(全281A最碌), 人龍已近站尾, 當時未有第二架281A, 鮑家財大安旨意係人龍面前私牌落第一城, 兩分鐘後一部49X 到站(49X order 281A, 但明顯遲大到!), 司機慢條司理落車行去站長室, 此時一部Volvo B8L 281A到站, 合乎情理地, 49X order 既281A (別無他選地乘搭)上客(開車時間已是下一班車, 乘客等足3班車), Volvo B8L 也在49X order 既281A 開出後私落沙田第一城, 較早前鮑家財是私落第一城中心, 當廣源開的281A 駛至第一城中心便遇上剛離開的鮑家財281A, 前後車到達沙田第一城再遇上本來在後面私走的B8L 281A, 就這樣, 廣源等足3班車, 第一城奇蹟出現3架281A! 鮑家財習慣碌車, 跟住B8L 尾, 49X order 既281A 就飛沙田第一城站, 不過不久被B8L 爬頭, 在太子之後更被B8L 完全放到不見尾燈! 就係咁, 原本應該係後車的B8L 仲快過前兩班車, 而神早私牌落第一城的鮑家財281A 仲慢過後面兩架(49X order及B8L), 好彩無搭鮑家財281A, 否則激到當場吐血!

上星期起有大約20架龍運巴士借調行走九巴市區路線, 其中一輛E500MMC 12米被調派行走2號, 車身原有的LWB龍運logo 被移除, 包括飛機圖案、Airbus、通天巴士等等, 並貼上了KMB 字樣, 初時有些E500 被換上"九"字kmb logo, 但後來又改回無"九"字的logo, 十分罕見~

手上的短鏡焦距有限, 入站梯zoom 盡, 但為左錄影片, 55-300又太長, 派不上用場...天涯是最好的！越黎越覺得拍片期間可以影高解像相的功能好重要, 不過舊機無呢個功能... 擺片上youtube 點擊率原來仲高過放相上fb... 所以如果想多人睇, 放上youtube 會比較好... 而家部機開mon拍片用電量超大, 幾分鐘已經食左大半電, d電開始虧, 但我又諗緊部機都開始舊, 好多功能滿足唔倒, 其實都應該要轉機, 一轉機d電池全部要換, 而家再買舊機電池又係咪明智之選呢...

橙色電子牌要慢快門先影倒, 停係度還好, 行緊都幾難影

龍運E500MMC 遇上同型號的九巴E500MMC

LWB logo被移除, 換上了KMB logo

車尾還有撕走Airbus、通天巴士字樣的痕漬

龍運巴士駛入尖碼, 機會難逢! 加送短片:

黎緊會按量分享番熱狗、白板時代影片, 記得按like 及訂閲"BHTXWmb"吧~

MOVA Globe 光動能自轉地球儀・GAIA蓋亞(神奇的光之永動機) | BHTXWmb

光之永動機不是夢! 這次分享一款從來未見過的永動機, 是小弟早前收集的一個神奇地球儀!

其實這個"從來未見過的"地球儀, 我看見它的售價時, 也吃了一驚... 它相當於一部1:24 Routemaster 的價錢, 但對於天文迷來説, 他們外出用膳寧願不加$3 叫凍飲都要買起地球!

要説到一年前, 這個地球儀是小弟一年前購買的, 不過因為太忙所以一直未分享出來! 開始覺得一直以來有少少錯怪80T 點解好多時d車做左但遲遲唔出, 原來自己都一樣, 好多片同相已經拍了, 但未能馬上出post...

説的就是美國品牌的MOVA 光動能自轉地球儀!

N年前, 小學課室内的地球儀都是以顯示地域資料為主, 但顧名思議, MOVA 地球儀是以可轉動作為賣點!

原來Mova 的光動能自轉地球儀已經面世了十幾年, 2008年已有人上傳相關影片上youtube, 但可能因為售價太昂貴或産量極少, 我覺得市面上很難找到他們的産品(可能因為一般人不會用太貴的價錢去買地球儀), 又或者這類地球儀對象是進階/資深玩家, 所以很多有收集星球儀的普通人都説未見過...

從來未見過地球儀有User Manual, Mova 地球儀就是有User Manual 的...

"據説", Move 地球儀是一位叫Bill French 的人兄發明, 他經過了多年研究(聲稱四十年)並應用了七大專利技術: 低耗太陽能驅動技術、低摩擦自轉馬達技術、液體輔助光學投影技術、零氣泡液體灌裝技術、精密微體積光學液體懸浮技術、3D球體印刷成型技術、成品精密封裝技術...

這個地球儀不需要連接電源, 只要有光, 它就是一個永動機(永久自轉)...

嘩, 唔講都唔知一個地球儀都可以包含這麼多的技術...

在球體的中心, 感光元件和馬達為它提供源源不絶的動力, 垂直的中軸可以保證球體保持正確的軸向, 而夾在地圖(球體)與透明外殼中間有一層厚約5mm的特殊透明油性液體, 能夠保證球體可以順利轉動, 不會撞向透明外殼, 真的不可思議!

所以其實地圖應是印在内球體表面, 内球體與外殼是兩個球體來的, 内球體的直徑大約只有10cm, 它與外殼實際上保持著6-7mm 距離, 但無論你從什麼角度、距離或光照條件去看, 都會覺得内球體和外殼是緊貼的, 就像兩者之間並無架空位, 這樣也同時解決了内球體偏離中心位而做成偏左偏右現象, 因為即使内球體偏到外殼的任何一方, 外面看上去它由始至終都是緊貼的! 那些光學投影技術都算利害啊!

忽然明白, 這個地球的確不是隨便在書店用百多二百元就買到的那種普通貨色... 或是從前在大陸用十多元就買到的貼圖式地球儀, 我並不是説它們做得差, 而是貼圖式地球儀本身存在很大手工問題, 因為立體球形和平面紙張並不可能完美緊貼, 始終都會有些區域的地圖被摺疊, 即是話海岸線有些位不連接(這也是進階玩家十分介意的地方, 都未計繪圖時海岸線被簡化了)

而且球體邊縁影像並無明顯模糊, 也沒有放大縮小或變形, 這才是神奇之處! 在光線充足下, 地球儀自轉一週只需28秒(網上介紹寫30秒)

不過我也發現在光線不足的環境, 地球儀自轉變得時快時慢, 甚至是毎運轉到某些位就特別慢, 這可能是球面地圖的深淺色引致透光度不一所致, 透光度不足引致影响光動能表現, 這個可以理解的, 基本上室内光管是無問題的~

無論怎樣把玩這個地球儀, 在光能及地磁的相互作用下, 它都可以保持水平地持續的轉動! (但有人説這個設定是錯的, 因為地球自轉軸傾角是23.5度, 她應該是打斜擺放!)

除了地球, 還有精心設計的承托支架, 坦白説其實只是三支支柱, 但承托的效果很好, 也十分穩陣, 感覺是以最少的接觸點做出來, 可以避免支架遮蓋地球的外貌, 這個設計絶對是値得加分。

大家還記得去年的大規模山火嗎, 單是1月到9月, 有地球之肺之稱的阿馬遜山林大火, 就有超過三億噸二氧化碳釋放到大氣層, 澳洲山火更加情況加劇, 本來估計地球至少要300年才可以自我修復! 因本來阿馬遜可吸收全球30%由外界産生的二氧化碳, 但這次大火不單止増加了二氧化碳, 還令雨林回收二氧化碳的功能大減, 會加劇全球增温!

不過武漢肺炎卻為地球生態帶來無比的好消息, 話説武漢肺炎爆發至今, 全球的人類活動大幅減少, 包括會排放二氧化碳的工業行為, 此消彼長, 這意味着大氣中的温室氣體累積在疫情下放緩! 如果從地球的角度看, 或許要多謝武漢肺炎, 祖國太偉大了=.=!

現在真的要欣賞一下這麼美麗的地球! 這次又要出動Wmb 航天科技慨念衛星協助捕捉地球照片

據記載, 人類所熟悉的第一張看見全個地球的照片是1972年阿波羅17號拍攝, 那照片清楚拍攝到非洲...

而據説真正第一張地球照片是1946年一支載有相機的火箭升空後拍攝, 不過由於與地球距離接近, 該照片並沒有看見全個地球...

以下是Wmb 航天科技慨念衛星在距離地球大約四十五萬公里遠時以50-500mm焦距所看見的地球:

50mm(等效75)

75mm(等效110)

100mm(等效150)

200mm(等效300)

300mm(等效450)

400mm(等效600)

500mm(等效750)

俯視北極圏

不從太空視角看地球, 不會察覺太陽系這粒藍色彈珠是多美麗...

Mova 自轉地球儀有三個size, 第一種是直徑4.5吋(約11.5cm)、第二種是直徑6吋(約15.2cm)、第二種是直徑8吋(約20.3cm), 不過6吋的售價是4.5吋的一倍以上, 8吋的售價是4.5吋的4倍以上...!!! 所以基於售價高這個最大因素, 我選了一個4.5吋的就算了, 其實有些心郁郁想入一個6吋, 因為地圖整體比較大, 印在球形表面線條會相對仔細, 可惜售價始終超過了一個double, 而且又不是大很多, 實在買不下...

日後有時間的話再合照一下Mova 11.5cm地球、AstroReality 6cm火星及3cm月球, 它們恰好形成相同比例, 在同一場景中顯得相當壯觀！

加送MOVA Globe光動能自轉地球儀開盒片段:

早前收録了舊天氣報告世界天氣環節音樂, 是當年天氣報告使用的部份, 我用了Mova 地球作背景, 播放時發覺與當年電視片中地球轉速是一樣的, 真巧妙~

與別不同的地球儀:
一般普通的地球儀要用支架做承托以展示地球的地軸傾斜, 此舉要在球體兩端各自穿開一個洞讓球體放在支架上, 而支架的美觀度一般很低, 還有就是地球儀手工參差, 例如半球接合後赤道圖案唔對位、球形兩端開口不在正中間等等, 最後拿上手始終無擁用一個地球既感覺...

Mova 有很多版本的地球儀, 最像真的一定是無字的衛星雲圖版本, 用了真實的衛星影像, 一般普通的地球儀要顯示不同國家、城市、海域及時區等資料, 不同國家還要以不同顏色劃分, 所以表面花哩碌, 而這個Mova 地球則是呈現地球外觀為主, 由於無需要在版圖上畫分國界、時區及印上地方名所以可以保留最接近真實的地球樣貌, 相對顯得真實, 至少整個地球儀是實心的, 把玩上手有天下運之掌上的奇妙感覺!

Mova 地球儀底部(南極洲)地圖上印有其商標字樣(為了宣傳自己的産品, 這個是可理解的...)

對這地球儀的觀感:
確實很神奇, 從來未見過這樣的地球儀! 回顧小時候很難得才有機會在課室小息時間把玩地球儀, 還未看清楚陸地和海洋又説小息時間完畢, Mova 這個光動能自轉地球基本上滿足了我一直希望有一個無支架及無穿洞的地球, 及使用真實衛星影像呈現的地球, 不過局限的是如果我要看清楚南半球, 我必需舉起地球儀才可, 拍照也十分困難(這情況與絶大多數插支架的地球儀一樣, 要看南半球都是要仰望的...!)

其實不止地球儀, MOVA 還有推出相同size 的火星儀、月球儀、木星儀等等, 不過木星儀看上去其實有些不妥, 因為木星其實不是一個完美球形, 而是一個扁圓形... 但站在星球儀來説, 經已是十分精美的。