BHTXWmb: 偷油塔海獅大集結(2)・Toyota Hiace Van・海獅隊長Sunny的龐大車隊今天全是坑(多圖)

這次繼續分享海獅隊長Sunny的1:43 Toyota Hiace偷油塔海獅龐大車隊~

上次本來想post 市面上最常見的黑白銀藍，但數數下上次都post左12架車，自己睇番個post都覺得太長了，所以分開post，現在繼續~

先來白色海獅, 幾年前微影推出, 微影hiace個模都係用J collection 個模, 這款尾箱半封窗版是市面上最常見的款式之一!

還有銀灰色版, 銀灰色是當年bc 出1:76 Hiace 時無出過的, 一直極度希望會出, 但一直都無出, 所以唯有追番微影出的1:43 版本, 不過而家追, 呢批車市面上已賣得七七八八, 難免要食少少炒價入...個人越黎越鐘意呢個size, 精美小巧, 一隻手掌一架車, 拍照或把玩同樣精彩! 不過1:43 車模如果玩情景, 會無1:64 咁方便, 始終佔地大, 市面也缺乏43 的車模情景... 至於1:18, 直情可以擺在真實馬路上拍照!

確然微影話自己做車, 上色用漆色卡對照, 但真車望落去係淺白少少...

J collection 個模半封窗版封窗位並非與車身連體, 應該係膠件上油, 所以無做到封窗位的凹凸坑位, 但封窗板上的凹凸坑位在這版本真車係有的!

而唯一一款可以視為無錯模的半封窗版就係黑色, 因為有部份真車的封窗位其實是類似一塊不透明的黑色玻璃窗, 所以沒有凹凸坑位, 模型可以當係這款... 模型無做錯, 作為車主的我, 會覺得舒服少少...

手上黑色呢架原來缺少車尾水勃, 唉微影做車d 質量真係好差, 最後自己用索帶剪番一條長形出黎油番黑, 望上去已經非常似!

另一架白色海獅是N年前J collection出, 這款尾箱是全封窗版, 由於封窗位與車身是一體化, 終於做番封窗板上的凹凸坑!!

封窗板上做番條凹坑, 成架當堂醒目有神! 小弟也正考慮買多幾架全封窗版, 因為廣闊的白色空間適合貼上自家圖案, 就好似密龍車尾咁, 面積特大, 痛車圖案設計更方便! 與其買一架全白E50D 改, 倒不如用全白Hiace 改... 再者上次向有關廠商反映希望可以推出1:43 全白E50D時, "它們"竟然話自己無生産過呢款車...(其實全白E50D只不過是糖妹廣告的除去廣告版...)

由此可見香港巴士模型如果靠陳生、郭生, 就只有死路一條... 有時真係覺得Martin Wong 先有心做車, 的確有唔少款式只有toy1 肯做... 等80T 一定永遠唔會有... 這也是鐵一般事實!

但好可惜J collection 這款白色海獅有起泡問題, 成批都係...

白色海獅又真係幾型

白銀黑, 手頭上仲有架Kyosho出的dark blue深藍海獅~

暗藍色郁鬱光環出場

這款是無封窗版本, 但車窗是茶黑色, 微影都曾經出過深藍海獅, 是半封窗版, 與這架不同, 不過很久之前已售罄, 一直未能入手... 比起白色、銀色同黑色, 深藍呢架更罕見...

鋼管倒後鏡真係型到爆

其實微影都可以出埋黄色工程車, 另外郵政hiace 都仲有隻白綠色可以出... 如果出埋駕駛學校就正... 當然1:76 都做倒開尾門的時候, 1:43 無得開都會覺得有少少失望, 呢個模本身唔差, 期望可以改改模做番尾門打開, 加番座位後面塊網就正, 咁可以做番d 搬貨情景!

Sunny的淨色海獅車隊

不少得Kyosho 出的JR東日本及西日本客貨車, 是無封窗版本, 不過Kyosho hiace 車箱都係無做客貨分隔網, 但唔肯定無封窗版分隔網是否已拆除...

其實我自己都鐘意鐵路的, 人生總有一兩輛JR模型, 估唔到自己第一/二架JR模型, 竟然是偷油塔海獅! 其實Toyota 香港叫豐田, 大陸有d地方叫偷油塔, 偷油塔即Toyota...

JR東日本客貨車

JR西日本客貨車

兩部Hiace 司機位上面都有做天線, 如果藍字JR呢架好似綠色那架油藍間就更加靚!

講到日本車, Kyosho、J collection 出過不少hiace 是日本有特色的拉花, 好似下面呢部YOKOHAMA 真係幾正, HanYu有唔少香港見唔倒的二手款式, 價錢仲比Taobao平少少, 但我自己就無acc 所以買唔倒, YOKOHAMA 呢部都係Carousell一間模型店清貨時發現, 其實對方本身都唔知仲有呢部存在, 都是我多口問, 對方才找到, 但紙盒已殘舊, 這地歩我已不理qc好壞, 入了先算!

呢部同樣係全封窗版, 上埋拉花好正!!

YOKOHAMA Matsuzakaya 橫濱松坂屋?

試想想呢個拉花上係吉蘭度, 真係正!!!

加送偷油塔AE86, 都係由京商出, 但AE86拎上手又無官方影咁靚... 有少少似1:64放大, 同埋感覺架AE86好細架!

對住批hiace 模型, N 年前曾經諗過將來自己會買hiace 自駕, 感覺威風, 可惜到頭來一事無成...

呢批偷油塔海獅, 小弟無時間一一拍拆盒片, 所以影相算, 一年前的3/8, 是85罷工的前一個星期六, 非常深刻九龍彌敦道有大遊行, 巴士北行被困死佐敦, 回家足足花了三小時多, 5/8 BHT X Wmb剛剛到達400訂閲, 轉眼過了一年, 很高興現在已超過900訂閲, 從來唔貪心, 目標只是1000訂閲, 可以的話當然是超越Tony Gaming HK, Tony Gaming HK早已超過1100訂閲, 一條超人佳亞打柒超人迪加的game片, 竟然超過150萬點擊, 對於一個唔出名的channel 黎講, 是驚人成就! 超越Tony Gaming HK是BHT X Wmb 的目標, 正所謂有競爭才有進歩, 就像NFS hot pursuit 入面的競速紀録一樣, 互相打破對方紀録, 互相進歩~!

現在1000訂閲開始近了, 當然都不能驕傲, 因為當中都有一些訂閲係叫fd 幫手, 當然都知道有些人俾面訂閲後又cancel番, 這個我也不能免強! 而因應樓下近期開始有玻璃梯紅巴出現, 最近幾個月也開始上傳少少相關巴士影片到BHT X Wmb, 但一架巴士靜止停泊時, 影相就易, 録片就有難度, 拍片最忌手震、鏡頭搖恍或無camera movement, 所以小弟録片時盡量使用這些元素, 手頭上的入門單反拍片無自動對焦、手機無光學變焦都是已知的局限, 不似DV cam咁方便, 唯有盡量避免, 幸好大部份巴士影片都有喜出望外的收視率, 除了新車吸引力大之外, 証明一些容易運用的鏡頭是有用的, 不能呆呆地用一種鏡頭影車, 尤其小弟的影片並無加入人聲描述, 也無字幕功能, 鏡頭運用更加重要了!

歡迎繼續支持，讚好及訂閱：
https://www.youtube.com/channel/UCtm60y_TXMBJ5Ye_awFW4rg/playlists?view_as=subscriber

上次的偷油塔海獅模型大集結分享：
偷油塔海獅大集結(1)・Toyota Hiace Van・海獅隊長Sunny的龐大車隊今天全是坑(多圖)
https://eh4005.blogspot.com/2020/05/1toyota-hiace-vansunny143.html

最後分享近期少入~

有微影My Tony的城巴E400、龍運B8L新落地版、中巴Dennis Dart 套裝及早前Toy1出的箭咀工程車