銀河唯一的秘密，天際最強人物！好耐都無買鹹蛋超人的玩具了，這次分享近期炒風劇烈的一款精美玩具，就係 BANPRESTO 眼鏡廠出品的英雄勇像景品，適逢今年是 Ultraman Tiga 超人迪加於日本播出的 25th 紀念，因為英雄勇像做得比較神似，令小弟再度收集番鹹超，重拾多年前追盒蛋的鬥志及期待更多角色推出勇像的心情！ 一講超人，隨時可打千字文！建議速按上一頁離開！
先分享玩具的開箱：
https://youtu.be/LT9vW8qHFtQ
VIDEO
未來如果有更多鹹超英雄勇像推出，都會拍攝開箱片，不要忘記訂閱BHTXWmb啊！
英雄勇像上年第一款出的鹹蛋超人係超人迪加(Ultraman Tiga)的兩種形態： 複合形態 及閃耀形態，當時售價其實只是$100，但自己因為無預訂的原故，後來用了一倍的炒價才追回來…！當然現在一隻已經不只這一倍價了…！當初因為缺少圖片又無產品詳細資料，雖然唔貴但都想等實物再決定，後來都遲左有成4個月先出貨，整整下自己都無左回事，到網上有人討論時，市面經已賣晒現炒價…
馬上分享今次主角：Ultraman Tiga
英雄 勇像系列出迪加作為第一款鹹超，唔多唔少一定與迪加在鹹超史上有重要地位有關，迪加當 年 是鹹蛋超人30th的紀念作品，於1996年(平成8年)在日本播出，香港則是1998年才播出，不經不覺，今年是播出的25週年了。
不少人認為超人身上的不同色彩是為了推出玩具時吸引人購買而設計。不過站在故事設定而言，形態轉換也可以是有原因或有必要的，在超人迪加的劇場版就有提到正義的朋友”迪加”本來其實是黑暗的，全身銀黑色是三千萬年前的真實樣貌！現在迪加身上的紅紫金銀四種色，是迪加吸收了遠古時期和他一起毀滅星球的另外三個黑暗巨人：卡蜜拉(金色)、達拉姆(紅色)、希特拉(紫色)的黑暗力量，以及迪加本身的黑暗力量所轉化而成的光之形態！
率先登場的係複合型，也是最常見的迪加形態。也令我小時候出現錯覺，以為這是迪加的原本顏色…
Ultraman Tiga 高度：53米、 體重：44000噸
英雄勇像的超人迪加造型一流，姿勢跟番片集中亮相的一模一樣，身形比例亦跟得好足，唔會好似 X-plus 咁樣出現大頭仔情況，又唔會好似眼鏡廠當年出大膠咁樣 d 姿勢做得唔似，同埋呢個 size /高度可以話係幾好玩，一來細位例如皮套曲摺位清楚呈現，二來唔會大到要用分體模去做，至少身體主體係一 件模，手部才是分體！
Size 方 面 雖然比 當年X-plus的size 細 ， 但 十幾年前一隻X-plus 鹹超賣緊 超過 600 蚊 ， 基於無錢原故 每次經過 現時點都只能 望下，而家 X-plus 雖然有埋發光版，但售價隻隻都過千， 所以 英雄勇像 的 性 價 比真係好高 ！
英雄勇像唯一不足之處就係上色真係差 d，出現出界或者 面部 上色不足等問題，始終100 蚊 呢個售價又很難要求太高， 但真心講句，個模咁靚，上色差真係浪費左成個設計，寧願賣 貴dd ，上色做番 水 準 仲好 ？
我 本 人 對BANDAI 既野無乜信心， 就算當年 BANDAI 出鹹超頭像d上色都係好參差，或者當年有玩 HD/HDM 盒蛋的話，可能會覺得 英雄勇像 係盒蛋的放大 版 ， 盒蛋幾十蚊一隻，放大少少賣百涼蚊又真係差不多！ 但盒蛋本身個模做得似，就算放大 少 少 都無 問題，反而覺得早就應該放大黎做…
如送夜晚場景：
雖然造型係跟番片入面黎做，但我感覺上勇像的迪加身型係瘦少少，可能想突出番迪加的靚仔形象，條腰幼到有少少魔鬼，無肚腩，簡直係大家追求的身材！
頭部的銀色上色好薄，眼睛周圍係透到面具入面的膠件出黎，所以影相都花左唔少功夫，諗住自己用銀色筆油番厚少少，但補色始終反起光上黎見倒有分別，所以盡量透過就角度，捕捉面部反光比較靚仔的angle！其實遠睇係ok既，始終係100蚊的水準，今時今日要100蚊買倒一隻神似的玩具真係唔易的！上色有少少問題都當無問題了！
其實噴油噴得薄可以慳倒幾多油？銀色油好貴？認真，BANDAI上番靚d色，取得好評不是更重要嗎？
低炒，身上的皮套曲摺紋的確好正！
面具後面的凹位都做得好正！
同一個姿勢的還有閃耀型/黃金迪加， 一模多用係而家好多模型商的做法， 加 上 超人又的確 唔 同色 可 以相同姿勢~.~
無 論 係 以 前 的HD/HDM 盒 蛋 ， 同 現 在 的 勇 像 ， 外衣 都 是 焦 點 ， 畫 量 呈現出戲服 皮 套 應有的質感及花紋，當中手肘、腰間更如實加入皺褶，忠實還原特攝片原來味道，較其他被過份平滑的超人玩具要像真得多 ！ 跟 住 落 黎 要 分 享 的 係 金 色 版 的 閃耀型 迪 加 ， 在 統 一 顏 色 下 可 以 更 集 中 欣 賞 到 勇 像 身 上 的 部 位 ！
有 玩 開 鹹超的應該記得 多年前HDM創絕的劇場版”大決戰！超人八兄弟”盒蛋有一個黃金色版，這是戲入面其中一幕八兄弟都變成 黃金 光芒的狀態。今次勇像都出 迪加 黃金色真係令我好似時光倒流，反老還童，回憶起這一幕經典畫面！
今次勇像的金色比起當年盒蛋的金色，出黎的效果有好大進步，例如當年 HDM 迪加的金色其實可以話係黃色黎；勇像的金色明顯做番偏橙紅色，燈光照射時表面反光質感一流 ！
起初看見眼部同心口能量燈油了白色，覺得無左透明件的吸引之處，望落有些失真，但在強光之下拍照後，才發覺油白色的效果同發光的狀態非常配合！ 因片集中，超人的眼都已經是白色！
呢隻金色版，需要分開兩個場合去欣賞，第一：一般情況下，如在一般情況下，因為閃耀型用了半透明膠，有透光感覺，但亦因為太通透，入面的膠件都現晒形，面部的外觀 看 起 來 亦有影響， 會覺得在通透感和美觀上 兩者之間沒有完美，畢竟是100蚊的景品，比起當年HDM，今次呢隻質感已經相當唔錯！
第二：拍照 情況下，如在拍照 情況下，情況就有所不同，因為四方八面的燈光射在半透明膠 身 上 ， 燈光夠均勻的話， 通透 效 果 反 而增 加 了 本身識發光的感覺，拍照出來效果相當美觀！
頭部背面的皮套呈現得相當仔細，另外手臂與身體的接合空隙相當幼細，感覺上上色版係粗糙好多...
其實發光迪加理論上應該係由複合型演變出來， 所以金色底下其實應該 隱約可見 紫、紅、銀三色，但如果有上底色再噴金色，就會無左半透明膠的通透感覺， 因此 所有野都係二選一，沒完美！
都係個句，其實個模做得靚，用半透明膠定一話用實色膠都無咩所謂，個模似就已經完勝，而英雄勇像完全繼承了當年的 HD、HDM 盒蛋 造型 神緒，細細隻已難做到 咁神似 ，無論造型輪廓、身型比例、姿勢，都得到玩家很高評價，真心希望呢個系列可以長出長有，出番晒過往咁多款超人，歐布打後個 d 因為自己已經無追 黎睇 ，所以唔出 我都覺得 無所謂！
今次影閃耀型迪加，都花了不少功夫，因為要隻公仔每一面平均受光係好難，戲入面的超人發光係電腦效果，但影相盡量唔希望太多後製。攝影器材、資源不足情況下，影出黎的感覺同想象中仍有一段距離… 燈光多角度照射，背景亦會被照亮或有陰影投射，中間值拉高時背景陰影雜亂會較明顯，需要後製將背景調番暗，情況與之前影星球模型 的做法 一樣！
之前可能會覺得買原色就夠，但現在實在覺得閃耀版本係不可缺少！發光型態係光之巨人的特色，作為英雄勇像的第一隻特別色，又點可以錯過！
第三、四款即是最新推出的超人迪加爆裂型同天空型！
爆裂型最大特點當然係迪加的黑暗元素，頭同心口的線條都係深灰及黑色
話說，上年英雄勇像的迪加複合型而家已經炒貴左幾倍，難得而家爆裂型同複合型的賣相差不多，其實我本人建議買唔倒複合型的朋友仔可以考慮收藏爆裂型，因為顏色相差少少唔值得要食多一倍炒價去追！同埋我本人都幾鐘意爆裂型個深灰色面具，反光質感好有金屬 feel！但係我觀察到唔同網友開箱都出現上色問題，主要都係厚薄問題，正因為唔係一般銀色，補油有難度！所以最好希望 BANDAI 生生性性，上色唔好有問題！
馬上出場的係超人迪加爆裂型！
型！
眼睛雖然是透明，但膠面都有做埋鹹蛋蛋殼的波浪凹凸特徵，所以燈光照射時，可見有波浪立體感！
手套都做得好似，有拉扯紋理，不是光滑了事！
眼睛球面的立體感好吸引！
英勇未變質！
最後是天空型，天空型最大特點當然係紫色，如果回顧鹹蛋超人的歷史，超人迪加天空形態係第一個紫色為主的超人！其實迪加當年都開創了不少新元素，都令鹹超的人氣推到高峰，而去到超人力斯，更有不少的模式被打破，對我來說，迪加至梅比斯呢10年，係鹹超史上最吸引的時代！
但我發現今次迪加天空型的紫色明顯深色左，尤其在光管底下近乎有少少似阿古魯的藍色，呢樣係較為明顯的失真之處！
前景的巴士站係80T出品的1:76，其實1:110可能會好d，因為計番比例，超人大約係1:300，用1:76 景物會顯得車站太大，擺前景還可以，加上手頭上只有1:76，所以影住先~
唔知大家有無發覺，天空型迪加額頭上的水晶位，勇像的天空型迪加水晶係深色的，但複合型同爆裂型都係淺色，而我睇番真超人迪加的圖片，咁多個形態水晶位都係淺色的，點解勇像天空型粒水晶會變左深色？有無迪加迷知道係咪曾經出現過深色水晶的狀態？
(網圖)
適逢今次迪加天空型同爆裂型我都各買了2隻，本來只有1隻，但實物到手後出面個價慢慢升，貨越黎越少所以想儲多隻爆裂型，但一對買會平少少，所以我專登事先問好一名李姓男子，打算我儲爆裂型，李姓男子要天空型，點知最後該名李姓男子反口唔要，佢寧願自己出去用更貴的價錢及更貴的運費高追同一樣的貨品，咁我只能尤得佢，這種人以後很難再合作，所以我就順手將手上第二隻天空型的額頭水晶油番銀色~
油番靚仔之後，粒水晶係特定角度下都會有比較深色的感覺~
呢張無疑係模擬而家用緊的Nikon D3200廢左自動對焦時經常出現的情況，就係手動對焦好多時都會對錯焦...
天空型同天空做場景一流，但好奇當年點解會做紫色而唔係淺藍色呢？
遲d可能搵隻迪加油成全銀色，應該會型爆！
唔知會唔會出埋超人迪加其餘三種型態呢？分別係黑暗型、龍捲型及力量型，黑暗型及力量型都係經典，希望會出埋啦！如果出英雄勇像 Ultraman Nexus 超人力斯就真係不得了！肯定每隻色見一隻買一隻，每個買十隻八隻都有之，史上戰鬥意志最強的光之巨人與及史上黑暗勢力最深不可測的闇之巨人！期望佳亞之後會出力斯！黎緊 6-7 月應該會出 Ultraman 同 Ultraman Gaia SV type，希望早 d 出倒貨，不過千其唔好因為趕出貨而搞到 QC 差… 始終呢個系列的包裝一般係無得 check 貨，買家其實要承擔買中次貨的風險！
另外，圓谷今年已展開製作一套以超人迪加作藍本的新世代迪加，個名叫Ultraman Trigger，將成為超人迪加的姊姊篇，但圓谷表示壓力大，因為超人迪加一直人氣高企，新作能否可以與迪加相題並論呢？
VIDEO
騙徒呂中舜、陳志杰
https://youtu.be/1zhmozDrkME
沒有留言:
張貼留言