挑戰日落山SUNSET PEAK (下篇)。本文多圖~
其實，小弟行山經驗尚淺，在當日體力不是最佳狀態之下行大東山實在係玩命遊戲，走畢黃龍坑奪命徑已經係一大壯舉！本來以為最難行的路已經行完，點知另一場玩命遊戲即將展開！(後續)
越近農曆新年，時刻都會想望下屋企自己收藏的生肖廣告模型... 是日少少執位，點知擺埋一齊更加發覺無龍年、蛇年，那種要齊套的意識又出番黎！姐係迫我要追番啦...
今個星期去CG，第一日去中環中心，試搭由愉翠苑開的982X 線，好多人坐，滿座！坐中城巴E500，架車超慢，平路加速仲慢過吉都... 3頭蘭滿座都快過佢... 但982X 走線幾快，過左大圍就上尖山、西九、西隧。保守地搭7:50 班車，8:20 已到中環街市... 跟住無聊地行左上中環中心大堂，發覺中環中心面積都好細下，都唔知有無世界貿易中心的1/3咁大... 隔離唔夠一步路就係D舊樓。咬住9蚊包然後hea到9點左右先開工...
第2日長沙灣，果度D人幾nice，但真係黑仔！早上搭86 又遇到碌車王(又係上次搭左成65分鐘先碌到去石硤尾果位碌王)。不過今次好D，65分鐘碌倒去元洲商場... 然後換機D機又壞機，仲要無時間食飯喎！自己D新機本新有問題，仲要俾人插話整壞D機，真係on8！
第3日馬頭圍，諗住訓多一分鐘就多一分鐘同埋85A 落車又行得遠，所以唔搭85A 行去搭85X，點知等左4班先上倒... 83X都睇住走左3班！唉85X 85S 咁多人搭但班次如此疏落，都係要令人唔滿意... 8:40 先上倒車... 呢日就係自己寧願早D走而無正式食飯時間！收工後的時間始終係屬於自己，比較自由，食飯時間就成日要諗住陣間又有咩要做... 不過我犧牲食飯時間都只係早倒半個鐘走... 姐係食埋飯的話就應該要OT 近1小時...
第4日好運中心！！搭中HA7295-83K!! 超勁!! 其實係咪碌車王單看埋站殺那已略知一二！8:22分廣榕樓站上車，8:33分左右就去到新城市！果然無左班學生快勁多!! 同時對近年富豪的表現感到滿意，以前搭GX6858、GZ2909、GZ4079、GZ8642、GZ9025 呢幾架，架架都慢到嘔的！無35分鐘都去唔倒學校... 本編曾經嘗試行路都唔搭呢批車！其中GZ2909、GZ4079 行車途中不時有乘客大聲話架車好令慢呀！果段期間，小巴成為廣康區出市中心最受歡迎的工具... 所以每逢有巨龍、康豪、利蘭都不容錯過！
另一場玩命遊戲展開之前，講番係大東山石屋群開餐的情況先！師兄開火煲水的同時，除左拆定營多撈麵麵袋之餘，爭取時間影模型都係基本常識黎架啦~
一些易帶上山、價錢又比較上對我們這些非富有的人士來講負擔得起的像魚蛋、撈麵、能量食品之類，都離不開補給項目！先唔理食D咩，最難忘的係在山上面煮野食呢個體驗~~
呢個時間，Ultraman Legend 現身二東山！！莫非超人都想食野所以現身搶埋一份？
Ultraman Cosmos~
Ultraman Cosmos 超人高斯大合照~
每個食玩都有不同的姿勢，要影佢地都真係傷腦筋啦...
好似話呢個平台係間廁所的屋頂，難怪傳來隱隱臭味！不過D臭味其實係身後果間屋有人入左去解決而傳來...
時間已經到左下午二時半~ 超人高斯收隊準備攻上大東山山頂!!!
二東山~
開頭以為有一男一女係屋頂談心，點知原來2個都係男的！哎也乜搞埋D咁的野呀D人... 大佬在場有唔少遊人見倒架... 真係以為香港是我家就親親大自然咩...
繼續向上行！
蓮花山，海拔766米。
背向太陽的山峰呈黑色，看起來有點詭秘！
BHTXWmb 應該搵個位起番間爛屋？
貝澳~
老人山，約海拔300米。
背向太陽的山峰呈黑色，看起來有點詭秘！
遊人悠閒地坐著；我們卻趕著攻頂！
水塘
片地是啡色的草~
一個個綠色的像有路線地排列著...
山路分明唔係處處有，要在亂草之中行出路線並唔容易，隨時進入玩命遊戲！
二東山的石屋群~
這個山好似可以用手就觸模著一樣~ 二東山都過左，大東山主峰仲唔係即將征服？？
貝澳~
第一次行山咁辛苦，無唔影合照的理由！
途中仍經過幾間屋，又見倒屋頂一個雨水收集的方法！呢度咁高，你話D水係咪乾淨呀拿？
這裡有個路牌上面寫住左：伯公坳，右：南山，姐係算係一個退出點，之不過都就到山頂，諗黎都多餘！
與3位專家的另類合照，走過難行的路！
你睇下，3位專家又開始放甩我！趕時間還趕時間，都要顧下後面先得假...
遠攝遊人~
蓮花山766米、二東山749米。
遠攝遊人，後面隱約的建築物暫時未知係邊度黎... 其實能見度高的日子，大東山可以望倒九龍、港島及九龍群山包括獅子山、飛鵝山！不過呢日就連長洲都好似見唔倒... 有D失望！上網見人地D相影到勁遠...
被3位專家越放越遠...
D怪石呈黑色~ 有少少詭秘！
薄刀屻，海拔529米。
看見大東山山頂啦！！不過重有一段斜坡要上，體力開始支持唔住了...
鳳凰山，海拔934米。
一口氣，衝埋上呢段斜坡！成功征服海拔869米的日落山！牌上雖然寫是大東山，但英文是指日落山及圖案是日落時份！係咪因為大東山在香港西方，日落時太陽落在大東山上呢？如果係望向西面的畫面，姐係圖案中左果座可能是鳳凰山、右是大東山，但無理由鳳凰山畫得矮過大東山咁唔合理格... 定一話其實幅圖只是示意這裡可以睇倒日落炸，圖案中的山有可能係鳳凰山果2個山峰???
成功登頂，完成BHT 2013 年壯舉！不枉自己行得咁辛苦...
與東涌、機場合照~
1440mm，上山前經過的城巴廠，在山頂看起來不足模型大小... 下午陽光照落煙霞令到周圍都一片黃黃的，能見度相當低！
圖案中的山應該係鳳凰山黎！鳳凰山在大東山西面，日落時便會有這個畫面！
大佛
機場東面的大範圍填海面積...
石獅山、東涌灣。
1440mm！鳳凰山頂有幾個遊人！
係冬天，氣溫低於10度走上山氣溫會再低幾度！遇上大風的時候，寒風就像剎手一般！正所謂登山大寒中，不謂懼那風似刀！幸好當日的風唔算好凍，行地上來還有點熱，但一停下來就好快覺得凍！欣賞完風景後，時間已是三時半，又要趕落山了！一場玩命遊戲即將開始！
係離開大東山山頂之後，便沿滑稽的小路向西面前進！並沒有登頂時所見的山路分明，行了幾分鐘...
呢塊大石有點似一隻動物側面^^
當師兄繼續向前行，小弟開始懷疑前方是否有路，因為地勢開始陡峭，小弟體力亦下降，實在難以繼續...
向著西面還有一個山坡~ 專家一馬當先已經行先... 雖然已經說前面未必有路，但都聽唔倒！
過了山坡，開始是斜度達40度的大斜，你相信落山是經這條不是山路分明的路落嗎??
這段滑梯長約64米，斜度向下達40度，就算鞋底唔滑，山上的草葉都會令你仆個正著！本編還大膽不顧死活在拍照... 結果受地心吸力影響，全部一齊碌到落前方有石的位置！
石獅山，海拔338米。
這條滑梯並不是一滑就滑到底，部分路面仍可小心翼翼彎身靠後起前行，不過行兩步又再滑幾米、行兩步再滑幾米... 還要顧住相機，真是有點失措！
直至去到大石，面向鳳凰山，再向下望，根本是一個無底坡... 無路可行！雖說從這裡落東涌道是最短距離，但遠看大東山西面，是長數百米的死亡滑梯黎... 大家正在參演死亡遊戲！
本編不敢再步出多一步，有點像崖的斜坡加埋風吹過黎，本編隨時被吹落山... 所以都係唯有爬番上山頂... 若明天新聞說：數名青年遠足墮山 屍首仍未發現... (代表大家都唔死得)
這條才是人行的路！
滑落黎都咁嚇人，行番上去仲大獲... 體力亦越黎越少！
呢位師兄玩滑梯時跌了超人七號的變身器，真好彩行番上山頂又搵得番！點解唔變身？
花多10%力量，上番山頂，睇番D相呢班人好似唔知做乜9 咁ge...
沿途差點踩盡蟲窩！草面和地面又深，大半隻腳被草、樹枝包圍，還被鋒利的樹枝纏著雙腳，動彈不得！此時又再抽根，右邊抽完到左邊，進退兩難！無路的路真係怕怕，亂行跌死的係你自己！
時間是四時二十分，距離日落只有個多小時，就好似要係世貿倒塌前離開大廈一樣咁趕，但已經累到飛起了...
東涌道地盤~
鳳凰山，海拔934米。話說有一日幫人換機時見倒有位師兄的desktop wallpaper 係行山相，接著言談之間提到行大東山再落東涌道再上鳳凰山，看他一把年紀佢話行到抽左幾次根... 當時心諗係咪你年紀大頂唔順炸，但經過自己親身行一次大東山，單計上山路途已經出現晒抽根、流鼻水、咳、頭暈、肚痛現象！在此非常佩服呢位人兄可以行完大東山再行鳳凰山，好似話行左1日半... 夜行就米搞我啦，唔跌死算偷笑！
米以為上山吃力，落山應該輕鬆！落斜同樣辛苦，因為體力已經用得7788，廣告都有話啦，落斜雙腳承受體重4倍重量... 所以由大東山行落去東涌道對腳真係散得... 雖說東涌道伯公坳位於海拔300米位置...
斜路又斜又長，行到死！行極都未到山腳！大東山不如改為430米算啦...
師兄與鳳凰山的合照~
下午五時二十五分，終於落到伯公坳！落山原來只花一小時多左右^^！不過全身已經無晒力...
搭大嶼山巴士去番東涌再轉龍運巴士、83K 番屋企... 單是回程咁又俾左幾十蚊振興交通...
仲記得果日上到黃泥頭行番屋企，行左半個鐘... 返到屋企腳痛、心口痛、呼吸困難... 真係驚咩事呀，下一分鐘可能暈低...有諗過洗唔洗call 白車... 仲要第2日無得放假要返喎... 真係超大挑戰！行完大東山經過十二日，才回復本來狀態... 2013年12月29日！本編完成登上日落山壯舉！！！登頂時間是下午三時十五分！BHTXWmb 2013終極挑戰宣告成功！
沒有留言:
張貼留言