BHTXWmb: 100

癸巳蛇年就快完了，對上一個蛇年(12年前)才剛開始跳出玩具的局限去接觸交模，由$15的1:150玩具車仔跳去二百多元的1:76 /1:87交通模型... 當時買一架仲要好似唔見得光咁的，因為俾人知道就會狂插晒錢！隨時連一星期100蚊的食飯錢都無埋，餓死收場~ 玩模型呢方面的過程可以講係艱辛努力！而家趁今次蛇年完結前作一個小回顧，原來已入了超過一百部交模 XD^^" 唔係晒命，而係值得將背後的辛酸變為樂趣吧~ 由1:150 跳去1:76，$$ 相差相當大，十二年後再由1:76 跳去更大的模型，$$ 相差更更更大！

本月少入~ 密龍、BL 入唔入到都係未知之數，所以提早分享~

上星期去完CG，今個星期就去證券~ D老野由朝坐到收市，入貨、沽貨，幾鬼有錢！

本星期的遊記：星期一去元朗、星期二、三出旺角、星期四去番中環CG，回程搭中GZ4079 返屋企，重回當年搭TD 豪83K 的熟悉感覺!! 可惜全程上3波的次數只有1、2次... 星期5 去坑口，再搭地鐵交收！呢2個星期都算係小小港九遊... 2、3日增值一次八達通，連埋其他支出，一千蚊?? 一星期就用得完了！

鼓勵就業交通津貼已經不再是鼓勵就業！鼓勵就業的原意應該係體諒打工仔交通開支高；人工卻未達基本水平而鼓勵呢班人繼續就業而設！卻係失敗的政策下，已經變成乞丐救濟金！盡管工資/月入低過申請限額、盡管工作時間長過申請下限、盡管工作地區誇過居住本區、盡管是合符個人名義申請！這些也不再是申請條件！本編正式宣布鼓勵就業交通津貼計劃徹底敗北！都係學下人地澳門每年派錢好過啦，米鬼搞埋晒D 乜7津貼又要浪費行政開支養果班人啦！

趁著癸巳蛇年還有一星期才過去，馬年模型都已經入左，竟然蛇年仲未入?? 唔合理唔合理！返旺角果2日呢，lunch 時間總是要上一上去80T的展櫃望下部蛇蛋，哈！最後還是要入手^^。雖然蛇年仲未完，但蛇年九巴真車已經係2個月之前落左廣告，真係可惜！模型方面，九巴2013蛇年先後出左3架模型，而新城都各出兩款色彩，的確比往年豐富^^！其中RG9525 上蛇年廣告仲出埋模型係我比較意外的，不過RG9525 相信係歷年以來披上新年生肖日子最短的一部！呀唔係，最短的應該係LF3258 (生意發達)虎年先岩~~

RG9525曾經係2013 九巴傑出車長選舉時與當時最後一部熱狗EJ4474 同場展出！畢竟係屬自己生肖，所以近日都爭扎要入RG9525^^" 可惜的始終係加左價，都唔明RG9525 點解比當初PJ5187貴廿蚊的... 同埋QC反而比5187差...... 水貼又係貼到出晒界，品質監控、質素下降，苦的始終係買家... 或者推出已有一段時間，靚QC 俾人搶晒都不足為奇，炒家當道，又係苦左D 真正買家！數數自己儲起的巴模已經有超過100部~ 卻沒有時間將所有車show 晒出黎影番次大合照...

蛇年有3架車，連埋新城共5架，但代表作卻只有0張！日日是工作天要影車都難了！so僅獻上當日BCOY 數張作結。

蛇年，最值得懷念的不離是熱狗退役... 相信大家都不會忘記熱狗在過去九十年陪伴香港人成長的點滴了吧！雖然而家無晒熱狗坐，無得再為左搭熱狗而死等爛等，明明熱狗班次點解唔係黎熱狗呢？？又要驚收車又要驚私走又要驚冷代熱，熱狗已經成為生活的一部分，再獻上當日最後一部熱狗EJ4474 最後一次在傑出車長選擇時的風采~