上次講到的數字遊戲可以話係一種高超算術... 告假就以"實際工時"計算時薪再扣工資，超工就以月份總日數去計時薪... 結果A的超工是時薪X1.5的說法聽落就真動聽，實際黎講，A就像被數字遊戲欺騙，永遠是數字遊戲的輸家！
2013 最值得回憶的，始終係熱狗退役，雖然話九巴載客的熱狗係2012已經退晒，但仍然有幾輛珍貴的古董係2013年同大家講再見... 最印象深刻的都係EJ4474、ES2559、ES1970 呢3架！
唔計狗巴自己keep 果幾架古董，EJ4474 係狗巴最後一架熱狗訓練巴士... 雖然本來應該可以用到2013下半年，但就係4月BCOY之後無幾耐就退左...
城巴方面，最後2架十一米熱狗都退埋... 記得係暑假前，突然傳聞話CTB兩架開頂熱狗唔續牌，大家都好積極參與呢2架車的遊河活動... 結果ES2559 首先於7月底退役...
最後，連最後一架十一米熱狗ES1970都要退... 亦都係告別前中巴遺留落黎的熱狗了！因為ES2559 退之前的遊河無去影唔倒啦，暑假2次ES1970的遊河本編都抽空出席！
呢2架開頂計番出牌日期係年尾，照計應該年尾退先係... 至於行車証的確係8月前到期，我諗係當年中巴專營權係1998年8月屆滿的原故... 無論如何，好的車往往都提早退的... 非常可惜，最後一次坐ES1970 果陣部車的表現令我覺得其實80年代的熱狗到今時今日，仍然不被時代淘汰！唔知呢2架開頂下場如何呢？
熱狗退晒，如果可以保留其中一部的心態一定同買模型係兩回事了！買模型始終我有買人地都有買，而人地有買的我又無買... 但真車就唔同，尤其最後呢批熱車，分分鐘全球得番你呢架係咁特別... 難怪有人會認為買少幾架模型儲錢買真車XD！成本貴係好貴，但樂趣也相對高D，既然人一世時間唔多，做番D 自己認為值得的事也是正確的！自己知做緊乜就得啦~
新年前又係清理屋企的時候... 因應香港公屋面積細小！本編唯有將一批平日少露面的珍貴收藏搬入非空調倉庫... 今次有小弟收藏多時的雜誌同埋相簿、菲林底片... 仲有少少光之巨人食玩。
當年見倒80T 的相簿用巴士相做封面包住，覺得好靚，所以自己好比心機剪左D 相美化一下自己本相薄，但後來唔夠相用，第一本好靚，第2本又無貨，索性封上白紙為安... 而家隱約見倒白紙下面的巴士相仔... 就好似回到當時的經歷一樣... 都已經10年前了...
當年第一次用菲林相機去九巴傑出車長選舉(BCOY)，當時還有極少量的利蘭奧林比安九點六米兩軸熱狗呀!!! 今日，訓練學校連EJ4474 最後一部熱狗利蘭都無埋了... (相中日期係假的，千奇唔好信！我果陣仲未識影相！)
我都係想保存D野好D，慣左用袋包一包~ 才入箱為安...
當年還有一些小手工美化空白的相簿~ 其實D相係用傻瓜機影到出晒界食之無味但棄之浪費才諗到可以用留白的手法重現一部車的英姿出來~
當年DP、DR牌86K 熱狗... 真懷念... 雖然張相本身出晒界，但通通而家都影唔番了...
馬年生肖聽聞都係搵PJ5187同ME8933 出模型！忽然醒起RG9525 靜靜地落左廣告... 話說有2次過海經過尖碼，都見倒RG9525 私走，但n個星期前再見呢架車的時候，已經變左另一個廣告了...
蛇年都未完就換廣告賺錢，九巴咁的做法實在可恥，唔多專重中國的節日傳統同埋屬蛇的朋友！
異靈一生姐係2013，但呢個稱呼好似好恐怖！一年過去，末日後的2013年過得好快，而家諗番起聖誕節前的世界末日傳言，好似就係上個月的事黎... 但原來已經係2012年.... 現在就是2014了，因此應該回顧一下2013 ~
1月27日，BHT舉辦大棠紅葉欣賞之旅！
2月24日，BHT舉辦櫻花會豪傑！可惜櫻花已落下！
3月17日，九巴加價4.9%！
3月24日，14C、81M、88M取消！
3月28日，28A、224M取消！
3月29日，夢幻世界活動：超人梅比斯握手及拍照會！
4月12日，株式會社圓谷特技製作設立50週年！
4月13日，九巴80週年，並在沙田車廠天台舉行BCOY！同場還有九巴車隊內最後一部非空調訓練巴士EJ4474/S3BL398。
4月15日，苦肉計，由美國策劃的波士頓馬拉松爆炸事件如期發生！
4月30日，受日出康城居民的投訴影響，位於環保大道的九巴將軍澳車廠關閉！廠內的三部非空調貨倉及部分已退役非空調巴士相繼被拖走！
5月，橡皮鴨在維港展出，唯現場被大量強國人擠擁及破壞展品！
5月10日，新紐約世貿中心一號大樓(自由塔)封頂！自由塔的屋頂高度為1368尺，等同於已故雙塔的屋頂高度，加裝天線後將成為西半球第一高大樓！
5月22日，天文台發出久違了的黑色暴雨警告！
6月15日，九巴車隊內最後一部非空調訓練巴士前往新界拆車場拆卸！
6月23日，超級月亮出現！當日地月相距35萬公里，比一般日子約靠近5萬公里！
6月29日，BHT舉辦挑戰青山，但因時間不足需中途折返！
6月29日，港鐵加價2.7%！
7月，康寶萊產品加價，加幅遠高於通脹水平！
7月14日，泰景茶餐廳結業！
7月15日，九巴安排復古巴士行走來往尖沙咀碼頭至蘇屋的2號線！
8月13日，城巴最後一部前中巴的丹尼士十一米非空調開頂巴士ES1970/20退役！
8月23日，02軌車長最後一天服務。因路線迂迴，駕駛本線的司傅大多寧願轉線！
8月24日，70X、82M、248P取消！
9月11日，苦肉計，由美國幕後策劃的九一一事件12週年！人類致力維持和平的背後是否一直有人在發起戰爭？
9月16日，Wmb 為員工更換電腦，大額開支！
9月25日，伴你同行九巴巴士歷史展覽！
9月28日，66、263M取消！
9月30日，62R取消！
10月12日，219P取消！
10月15日，古董與新世代巴士在西九龍海旁舉行世紀會面展覽！
10月28日，61U取消！
11月29日，九巴申請加價4.3%，3月才加價4.9%，因此引起社會不滿！
11月30日，32B、692取消！
12月6日，80T 刊登九巴復古第二版訂購，隨後傳出九巴巴士模型將在2014年起大幅度加價及特價車加價超過一成！九巴瘋狂加價引起社會不滿！
12月15日，606P取消！
12月28日，85C取消！
12月29日，BHT舉辦終極挑戰！本編完成登上海拔869米的大東山壯舉！
到2014 回顧的時候，希望榜上見倒有唔少出車日子啦... 同埋分分鐘有幾行寫住狗巴某某車廠遭受恐怖襲擊、某某銀行寫字樓遭受炸彈襲擊！
沒有留言:
張貼留言