一則Wmb 內部消息：
因近月開支增加，原因未明，Wmb 調查隊無法提交導致成本上升原因的調查報告，即日起Wmb 發出盈利警告，希望各單位注意。
7月對學生來講，係多姿多采的暑假，但對上班人士黎講，卻是展開除左星期日之外就無其他紅假的旅途... 7月有書展、動漫展，近年內地遊客增加，每有這些大型活動，會場附近及周邊都擠得寸步難行，加上暑假開始，大量學生都唔洗番學，想話少D人入會場已經係發夢了，連平日都係咁多人！
今次7月書展本來都想去入番幾本交通書籍，睇下有無減價之類，事關這類書籍依平時所見都係售價偏高，如非相當著迷都不會購買。有人為了掃平貨，已經不理書展要同人迫，冒俾人撞的危險入場！而適逢近日模型入手大左，唯有控制開支亦加上假期不足，書展還是無緣掃貨！
淨計動漫展會場內本人的洗費為$35。入場非常刺激，同行幾位均沿左彎右曲的路進場，但必須採取的是爬前車策略！想像自己駕駛一輛汽車，前面車輛速度緩慢，路面又窄起上來，必須搵位置超車，否則連寶貴的時間也損失不少了。爭取時間多拍一張照片，才是入場的目的吧。
7月少入~ 主要係入最後熱狗同埋生肖車。
葵芳80T 搬鋪減價，想想80T 已經好耐無減過價，如非搬鋪清貨都難有特價活動，而網上報稱減價一開始，大量炒家爭相掃貨，短時間內展櫃貨品被掃空，這一方面反映80T 的減價可謂機會難逢，因為平時80T 只懂加價，不會減價，如非清貨實在難見特價、另一方面就反映現今巴模界炒家當道，掃貨更見瘋狂，其實一台模型係應該留俾收藏者，而非炒家... 不過圖中7月的入手並非購自80T。
2012年批熱狗模型包括官方號GK9063、GL258 同埋RJ開龍，仲有CTB 蛇年，都係想入好耐，但眼見越黎越難入手，迫住用近一手價錢入二手車，或因二手車，所以QC 較差，其中GK9063 及RJ 開龍QC差、車身有污漬、車身多處有深淺色補油及油出界等。反而GL258 除左車咀水貼唔對位之外，其餘都ok~
玩野作，GL258 賣$59.99！另一次入手就係近日的312 丹尼士巨龍12米，但又加左價，所以7月入左呢堆車，黎緊幾個月都要開源，甚至是放車維生...
聞說呢批3N 多左次貨！睇黎有關部門唔好再淨係掛住加價，要認真少少改善質量才可留住顧客。
蛇年入左城巴，忍唔住要即刻影相分享!!! 先貼九巴。
某日，W地區有巨大生物出現，光之巨人亦出現，將巨大生物制服！但由於大戰後現場留有巨大生物的有毒酸液，乾左的毒液至今仍未完全清理！當時逃生的人清楚憶述怪物噴出的有毒酸液是呈青綠色，而且射程很遠，只是一小點毒液落在地上可造成大範圍破壞！有毒酸液的破壞力很強，待在毒液上大多數硬物都可被侵蝕損壞，只有世界貿易中心的鋼材才可抵擋！所以翠綠的土地被這些有毒酸液腐至死土，所有山頭都呈現黑色... 日前，Wmb 安排下面幾部汽車駛入這個W地區。
隔左咁耐先入倒 PJ5187... 分分鐘其實出果陣去買可能QC 仲好，不過當時睇情報就講好多部車頭水貼貼得好差唔對位... PJ5187係咁、ME8933 仲差、RG9525 亦都無改善過... 而家就算再去買淨番的應該都係揀淨...
九記蛇年廣告出果陣我係不太喜歡，反而新城更令人耳目一新的就係兩隻唔同色，相當吸引！不過九記始終接觸最多，望望下又覺得其實個廣告設計又唔錯，下層的蛇皮好似將成部車都變成一條蛇的身體。係衰在模型求其用水貼影響左外觀...！後加上九記再將另一部RG9525 上埋蛇年廣告，連新城的新色彩令蛇年生肖係2013年好似多姿多采，好可惜，新城我完全無影過...
自己的生肖有5部模型出左，真係好想入晒佢... 其他生肖邊有5部咁多呀^^！其實都係自己生肖先會想買齊姐，其他生肖我都費事入咁多啦，馬年我都係入架AVBWU就算... 難道這都算大貪?? 但城巴蛇年真係較難入手... 而家還欠這部！
新記呢隻粉紅色真係好靚！但想講的係cars 呢個模已經出到谷晒模... 睇黎Cars 好應該檢討下！唔好成日掛住加價！
新城一向生肖巴的圖案都較可愛，顏色亦較九記簡單，各有各靚！其實巴士車身廣告係由邊D人設計？我又想參與埋一份....................................
新城生肖巴亦有吉祥字句，九記反而沒有！
Wmb 一輛雪糕車懷疑收油不及，幾乎撞向蛇年新巴！
個別去睇部雪糕車好細部，但原來放埋雙層巴士隔離就唔覺好細部~
雪糕車亦為在場拍照的車迷提供夏日甜品~ 富豪雪糕而家一杯要9蚊... 幾時又加左價?! 定一早已經9蚊左?！
Wmb 的車身色彩一向緊貼社會，先後已為三部巴士髹上經典廣告，延續熱狗廣告的傳說。
因近月開支增加，原因未明，Wmb 調查隊無法提交導致成本上升原因的調查報告，即日起Wmb 發出盈利警告，希望各單位注意。
黎緊一定要搵日能見度高的就立刻起行上大上托！因為山下已經起緊樓，再遲D成個景都會唔同晒！突然好有興趣想了解呢座連主峰都被剷走的石礦場山！上網搵唔倒石礦場動工前的大上托照片...
沒有留言:
張貼留言