為配合九巴巴士模型推出，Wmb 為車隊2部巴士的車身外髹上與模型相同的色彩，包括70年代丹拿E型及近年的香港飛龍~ 而飛龍圖案是參考2011年GA1614 GA6324 的廣告。
轉虧為盈，全靠每日捐錢乘搭九巴的市民(包括小弟)，才造就九巴2014年上半年錄得盈餘六千幾萬，其實我諗九巴一直都無虧損過，只不過係收益計算取巧而已。試想像超人失去必剎技就同普通人無分別，而超人失去活動能力就同廢人無分別，明白這個道理便可！如果可以我想向何X文(X達文)挑戰淋冰水！
有時，我的身份係皇置杰！
Wong Chi Kit，中文為皇置杰，與現任社會忽李署主席姓名相同！可是當我當上皇置杰時，我做事沒有感到特別順利。
本年度肉眼觀看可見最大的月亮在8月11日凌晨時分出現，有點可惜的係香港上空密雲，難以慢慢細嘗呢個百看不厭的波波。當日如果是凌晨時份在赤道地區觀看，月亮的大小還較8月10日晚在香港地區所見的大多3%！
不過小弟影完之後對番之前非超級月亮日子的相，個月亮都好似無特別大到... 說到底，宇宙澎脹得太快，所有星球都被這引力強行拉遠，使月亮現在每年以2吋的速度逃離地球，雖然2吋是微不足道的距離，然而卻証明了宇宙間星球之間的距離越來越遠，始終還是需要一支長鏡去抵銷月亮的逃跑！
上圖是2013年9月19日中秋節當晚的月亮。
好似無人會為左影一張高質素的月亮相而花費去買長鏡機，以下係小弟用自己文字形容的地月距離之關係：
地球直徑約12,760公里
月球直徑約3,475公里
地月距離約35.6萬至40.6萬公里，平均約38.1萬公里
單看地月距離已是上數十萬公里計，太空實在大得人類無法用自己的思維去想象，現在就把地球縮細到一粒只有1cm直徑的波子模型！
地球直徑由km變做cm=12,760 X 1000 X 100 = 1,276,000,000 cm
月球直徑由km變做cm=3,475 X 1000 X 100 = 347,500,000 cm
地月距離由km變做cm=381,000 X 1000 X 100 = 38,100,000,000 cm
若模型以1:1,276,000,000 scale計算，則：
地球是高1cm 的波子、月球是高0.3 cm的BB蛋。波子與BB蛋相距30cm遠！那麼從波子上看到的BB蛋是非常細小！而地月距離約35.6萬至40.6萬公里，相差達5萬公里，可推斷波子與BB蛋有時距離28cm，有時則距離32cm。
8月10晚多雲，不利觀月，由於月亮近距離反射太陽的光線到地球，夜空被月光照亮！月兒彎彎有一句歌詞我好鐘意：明月光 把心胸照亮。
雲層遮住月亮的一刻，把月亮的光芒都減弱，我用 iso 200 開1/125，有時好暗，而無雲時用1/250 都會爆光。
個人較喜歡月亮有少少爆光，這可突出月亮在夜空的光芒，有發光的感覺。
轉個話題，由於發覺空氣污染好似通脹咁越來越嚴重，從此小弟喜歡在能見度高時拍下窗外景物。當欣賞遠方的大東山時，無意中發覺觀塘近海有幢野起緊，4月份時照片。
6月尾，發覺維港景已經消失... 太平山完全被遮掩！
這張是3月份照片，當時郵輪碼頭還清楚可見！
往秀茂坪方向望，可見大上托。大上托山體廣闊，但中部已經有住宅興建中！看來去大上托行一次已經唔可以再拖，日後大上托全面發展，景觀就會完全唔同...
獅子山至飛鵝山。
高空望觀塘裕民坊，巴士總站隔離的建築物已拆去，新小巴站亦啟用。可惜紅色頂果D 係小巴，而唔係非空調巴士。
綠色圍板似乎是清拆範圍。
可見舊時觀塘月華街巴士站已經變成一幢無里頭的高聳建築：觀月樺峰... 裕民坊清拆前只係影過下巴士站景，甚少認真去行舊街小巷，舊時的裕民坊可謂相片欠奉(雖然網上大把)，唯有係高空影番幾張手機相分享出來。
已經離開左東亞病夫近一個月，上個月底去左另一間有上海字頭的公司做短暫上掛代一輛壞車，雖然又係有黨派對立，其實對於我呢D新人黎講係好事，因為大可以扮唔知兩邊都各取少悅~ 最後上星期上頭突然安排換字軌，調我去另一條線做掛牌，我短暫上掛的位置就由另一位新人代替，我同佢地講笑話呀一定係果個新人好熟手先會調過黎，我呢D 學得慢的人就俾人調走啦^^
令我開心的係他們反而對小弟呢2個半星期的表現大口稱讚，還說他們喜歡小弟的態度是過往的人身上沒有的！由於收到車務調動一日後生效，lunch 簡單地由中環搭去灣仔搞一個簡單歡送~ (其實應該一早plan 左，但知我last day 順便歡送埋) 唔識果D人以為下乜呢個唔係新同事咩? 做咩又唔做拿... 我話係呀俾人炒呀^^！
比東亞病夫，上海公司D人算係好了十倍！他們還說希望日後有機會安排我番去幫手，因此有點反省其實我因為短暫掛，本來好快都甩牌，心諗D工夫唔洗咁熟啦，所以難免有時會有點得過且過，沒有十分盡力！
日久見人心，一個早排合作過覺得無人地口中所講咁差的人，星期三、四終於給我看到醜陋的一面！完全是一個既小器又無理取鬧的人，恃住自己高級少少就扮忙遲到，其實係人都知佢遲到成性，只是人們給他面子，無係上頭面前講佢壞話！而且原來他出來社會做野咁多年，雖然表面上說話客氣，但全是金玉其外、像金像肉，因為他講說話的控制能力仍比小學雞差，什麼場合說什麼人話狗話還未學懂，以為自己高級過人就有佢講無人講，難怪之前同佢合作過的人全部對佢都是劣評如潮！看來這些人應該讀番幼稚園！最令我估唔倒的係，之前咁多次都係人地頂佢唔順要求離隊，而今次竟然係呢條友要求換人，所以小弟唔洗再受佢氣！人係你要求換走，我就睇下有無人頂得你順！想講做左咁多年野，處事方式無人能接受，又不反省檢討，俾你做到特首，有人服你就奇nun怪了！常說好工不如好同事又係無講錯，但遇唔遇倒就...... 像小弟一向運氣欠佳，難遇到好同事... 同埋你有本事要求換人只係你的權力包括，而非小弟工作問題，所以他實在令小弟感到羞恥！(呢間公司D leader 個個有問題！續牌？真係要諗諗，年中受左唔少無謂氣，如何補償我先！)
Wmb 的巴士塗裝一覽：
Wmb 資源唔多，要為車隊更換色彩是非常耗用人力物力，這裡向為付出的工作人員致敬！每一滴汗水都是保存舊巴士而落下！
沒有留言:
張貼留言