Wmb 新廠啟用

Wmb KYD 第四廠今天正式啟用。原預計是第4季才啟用的第四廠由於Wmb 近日購車數量較預期多，因此提早於今天使用，以(最大使用率)計算第四廠可停放的車輛數目將會是第二廠加第三廠的總和！

唔知幾時開始，放假幫模型搬位變成左一種樂趣！Wmb 指，第四廠的啟用，大大解決泊位不足問題，雖然解決泊位問題，但由於黎緊有些不知名車可能會殺出，下半年入車將以保守為主！

原先第四廠存放一批光之巨人盒蛋，及生肖巴模。

而原先放生肖巴模的位置則由一批新入手熱狗取代。

經Wmb 主任視察後，認為應先填滿廠房一邊空間會較節省空間。

由於Wmb 高層認為膠車的存放方法較鐵車難處理，所以改為將膠車密集式擺放，減少外來光線照射車身之餘也可更節省空間！


大半年前的光之巨人大戰爛左尾，希望黎緊有時間影埋佢~ 其實好有難度，如果係Ultra Act 就真係想點打就點打，動作靈活，對戰場面自然較刺激！但食玩畢竟姿態固定，加上推出的角色完全唔齊，所以難發揮構思...  

登場的光之巨人：

登場的黑暗巨人：

捕捉目標：

牛@111 尋日出左，但好失望，下午落CS 選購已經話無晒貨！難道呢個世界應該立刻末日才可消滅那些無良炒家同埋不良的商人!? 用低劣手段買倒貨咁又點？死後一樣帶不走！

九巴82C 線似乎將於8月中開辦，來往廣源至科學園，但小弟對呢條線唔多看好，事關收費為$7.3，比其他誇區線還要昂貴！另外，廣康區內最後一條以九龍塘做總站的82S 亦會取消！實在非常失望，重組巴士路線原來不是為了方便居民！而是為了讓巴士公司賺得更多... 去年才取消82M，現在連早上得幾班車的82S都要cut... 迫人搭貴車281A... 實在可恥！

放假時間真係好唔夠，放左2日點解好似無放過咁的？？？！！！Wmb 日前為車隊一輛雙層巴士髹上以反對加價為主題的廣告。由於眼見炒家當道、交通年年都加價，所以髹上廣告以示對現實的不滿！