好巴模獻給你 | 過海隧巴109

是次貼文多圖、文字。

落雨又凍又想做下毒nun？係屋企影模型最適合不過... 近日借來109 巴士站，所以影左幾張虛構109場景，是次貼文以109 巴模為主，獻給各位喜歡109的師兄，希望各位喜歡！見下文。

一則Wmb OMSI 新聞：
Wmb 正申請成為OMSI 票價自動加減機制成員，待有關部門審批，Wmb亦收集各方意見。票價自動加減機制是一項票價浮動化的做法，它是根據可加可減機制的票價變動作依據，自動向參與票價自動加減機制的成員作出相等百分比的改動。見文底。

過海都係認為搭船的票價較合理，所以109是一條對本人黎講需求較低、無乜感情的巴士路線~ 唯一深刻印象的係109 果兩架綠油油巴士叫做影過短鏡... N 年前去80T 有排經常聽見呢條線的大名，因為果陣出變色ATS-109，小弟亦幾乎想買番架... 當年有鐵路迷講呢架109 會大幅升值，呼籲本人購買... 不過最後都係因為個模唔掂，仿真度與票價難以接受/負擔去到80T 都係得個望字...

而家物價高脹，可惜過海巴士無非空調巴士選擇，中環地區一客炒麵外賣要$48，無野飲！都係迫人食番大9獲30蚊餐... 其實個30蚊炒飯有時好難食... D飯又硬又唔夠熱...

Post 相之前，都要對109有少少背景上的了解，以下是109 歷年加價紀錄：
1986年5月5日，過海線109開線，全程$2.5。由中巴及九巴聯營，來往何文田至中環。
1987年2月初，全程票價加價至$2.8，分段收費$1.2維持不變。
1989年1月，全程票價加價至$3.0，分段收費追加差價加至$1.5。(分段加幅比全程高！)
1990年3月中，加至$3.5，分段加至$1.8。
1991年3月底，大幅度加價至$4.5，分段加至$2.3。(加價近3成！)
1993年4月，加至$5.3，分段加至$2.7。
1994年4月初，加至$6.2，分段加至$3.1。
1996年3月3日，加至$6.8，分段加至$3.4。
1996年3月4日，九巴班次加入空調巴士，空調全程票價$8.3，分段$5。(分段收費空調巴士票價比熱狗價高出47%！)
1997年12月，熱狗加至$7.3；空調加至$8.9。分段熱狗加至$3.7；空調加至$5.4！(分段同樣是比熱狗票價高近一半水平！)
1999年??月，新巴班次部分改為空調巴士。
2000年??月，新巴班次全部改用空調巴士。
2008年6月，五巴聯合申請加價，109 票價增至$9.3！

雖然未了解當年$2.5 是否屬於昂貴，但誇區線票價與Wmb 巧合同是$2.5^^ (目前$2.6)
有一樣野可以作比較，目前109收$9.3；182收$16。
1989年109收$3.0；同年182 開線收$6.0，理論上而家109應該收$8.0先係，但未肯定是182 當年開線時收費太貴還是109歷年加價幅度太高使目前票價高過182的1/2水平！

去相！一架109 熱狗到場！將1:150 火車模型的景物放係1:76 巴士模型的場景之中，四周的環境會顯得好細，影起相上黎會覺得架車無位擺！

LV166 的司機門被示威人士借用，以作盾牌之用，以防警方再次使用暴力！點解次次聽新聞講警方是施放催淚彈，而唔係發放催淚彈、發射催淚彈、出動催淚彈?? 施放是什麼動作？

遇到警方幕後製做混亂事件，亦可以用垃圾筒做掩護，或藏入筒中！

這時，一架冷氣109 到場！一同場合，不同時代~ 

D人話見倒Carz AD1 就想象到第時出量產AD 的樣子，但點解會無視左 ADS 的存在？？ADS 個樣咪就係AD 黎囉，如果搵AD1果隻改模黎出AD，死得喎！淨係睇車尾，ADS 個模輪廓上勝過AD1 好多！大家都係Carz 的模，問題就係開龍個所謂新模根本係舊模的影子黎，所以錯模仍然不停延續落去；ADS 呢個先可以話係新模！所以全新模先係出路！

何文田巴士總站，這日變成只有山、草地同樹木？

如果109 有熱狗，當而家夏天，準備開架ADS，隔離的LV 係下一班，有無人會等多一班車搭熱狗呢?? 我就一定會！

丹尼士巨龍9.9米(ADS) vs 利蘭勝利二型9.5 米(LV)? 車尾可以見倒ADS 只係長多LV 少少咁多... 如果ADS係兩軸的話，懷舊味道一定好重，而且一定有唔少人追呢款車添~~ 兩架109都係近期入，一部係9月Best choose出，一部就係近日從其他廠方收購... 適逢又借倒109石屎巴士站，所以就影番幾張留念，唔知現實中呢2架車有無在同一場合出現過係109?? 睇真少少ADS有Noshow 時期睇怕當時新巴都無熱狗啦，何況中巴時期...！



近日有個趣聞，有user /有其他人踢爛左佢自己位部Win XP 電腦，要求換Win7... 有D好奇，踢爛部機咁勁...??果D係work station黎，小弟要一對手先抽得起部機，非常硬同重，照計佢應該踢爛自己隻鞋、腳部機都未爛的！



一則Wmb OMSI 新聞：
Wmb 正申請成為OMSI 票價自動加減機制成員，待有關部門審批，Wmb亦收集各方意見。以下一則票價自動加減機制解說：
票價自動加減機制，是一項票價浮動化的做法，它是根據可加可減機制的票價變動作依據，自動向參與票價自動加減機制的成員作出相等百分比的改動。

假設票價可加可減機制是以當前物價消費指數之升降、行內工資變動、盈利虧損等因素去決定票價的加減；票價自動加減機制則以可加可減機制出來的後果作基本參考。
而且票價自動加減機制不單只以可加可減機制出來的後果作參考，還比可加可減機制的元素更廣泛，當中包括各巴模售價水平。

票價可加可減機制當中有以物價上升作調整元素，因而被稱為有加無減機制，因為全世界多年來均處於通脹之中。如果可加可減機制被稱為有加無減機制，那麼票價自動加減機制可以說是一定加價機制。

影響票價自動加減機制的除了可加可減機制外，還將日常生活的其他物價如巴模售價的加減納入計數範圍，總之可加可減機制加幾多，在自動加減機制之下是同相幅度調整，而且沒有限制調整次數，假設Wmb 成為OMSI 票價自動加減機制成員，年中的預期票價(可以)有以下改動：
年中2月，模型價格 $348--->$368，加幅5.7 %，則2月Wmb 票價$2.1-->$2.2；$2.6-->$2.7
同年中5月，鐵路加價5.3%，則5月Wmb票價$2.2-->$2.3；$2.7-->$2.8
同年中6月，電車票價 $2.3--->$2.5，則6月Wmb票價$2.3-->$2.5；$2.8-->$3.0
同年中7月，巴士加價5%，則7月Wmb 票價$2.5-->2.6；$3.0-->$3.2(四捨五入法)
同年中8月，渡輪加價10%，則8月Wmb 票價$2.6-->2.9；$3.2-->$3.5
同年中10月，非官方模型價格 $488-->$528，加幅8.2 %，則10月Wmb 票價$2.9-->$3.1；$3.5-->$3.8
同年中11月，小巴加價10%，則11月Wmb 票價$3.1-->$3.4；$3.8-->$4.2(四捨五入法)
同年中12月，的士起標由$22加到$25，加幅14%，則12月Wmb 票價$3.4-->3.9；$4.2-->$4.8

這樣可以觀察到一年中票價可調整N次，總年票價調整幅度可以是相當大！同樣票價非加則減，自動加減機制亦作相同幅度下調票價。