官方終於出埋AD1，四款最經典的雙層空調樣版車，官方黎計叫做出齊晒。AD1 面面觀(後續)
以下一則Wmb 服務及調整票價事項：
Wmb 因私人理由決定停止在Bowdenham 區提供長達近三年的巴士服務，10月中已與當地運輸司達成共識，在檢討過去Bowdenham 區的服務之中，我們認為在這三年期間的負出是吃力不討好。Wmb 確實難以再堅持服務，故此在11月1日起對當地結束服務！日後一切事務再與Wmb 無關！
另外，根據與運輸司達成的共識，Wmb 正進行票價檢討，並穫得通過由11月1日起，Wmb 所有路線之票價作出全面調整，按許可調整幅度追溯至本年九巴的稱稱平均加幅，上調票價3.9%，加價後票價有以下改動。
為顧及社會上的有需要人士，二元及二元半的票價自2006年已經實施，而是次票價調整已顧及乘客的可承擔能力。區內線劃一票價$2.1；誇地區線劃一票價$2.6，日後Wmb 將密切留意控制成本，方便隨時調整票價，各位請留意！
AD1 1:76 模型面面觀~
小弟罕有地入左312 AD1，再入埋carz AD1，我諗carz toy 巨龍吸引倒我的地方就只有內籠的熱狗凳~ 其餘我就諗唔倒了~ 上討論區見買家對於carz 呢款十一米巨龍似乎劣評較多！如果問我，可以老實講開龍要鬧、密龍要鬧、中巴新巴城巴禿鷹要鬧、AD1 都要鬧！
某日透過背景塑造一個冰封的感覺以切合AD1 係空調巴士~ 晴朗藍天給我的感覺都幾好，幾乎影咩車都可用，用黎影白色車身的空調巴士更正~ 近日驚見312 部AD1 上層好似變形嚴重左... 有D擔心添，其實我都一直存放係少日光同埋膠盒內，照計膠料變質機會好細先係... 唉變形呢D野真係令人頭痛！
見倒網上有人講官方車出得差而唔買，又有人專為官方車護航，將缺點講成特色，其實任你點講，觀眾都是有眼睇，簡單黎講官方AD1 都係將錯模不斷延續落去的出品！不如將2部車一齊對比下~
312 AD1 係2011年3月出~ 正價428...
Carz AD1 係2014年10月出~ 正價348...
兩架泊埋一齊，出事出事... 右手邊Carz 果架好明顯肥左個碼... 而相片可能未必覺，實物睇312 AD1 比Carz果架黃左D，希望唔係因為擺到發黃啦...
Carz AD1 車尾出事啦... 轉彎位似乎太粗糙... 同埋Carz 果架好奇怪，引擎果兩塊蓋下面果塊有2個較位，反而上面果塊3個較位又唔見左的... 無論輪廓，整體還是312 優勝。
冷氣糟果度，如果就算有網格效果都是無效果的話，咁我影呢幾張對比就可以睇下有無效果了~
係反光情況下，312 個冷氣糟有網格視覺~ 當然唔多人專登留意呢D detail 細位~ 官方要節省生產成本都無佢辦法。
車頭方面，其實Carz 個模一直做少左都普巨龍的一條骨，以致出中巴ES 禿鷹時在牌箱太大的情況下顯得更失真！用312 隻巨龍比較就一清二楚~ 另外Carz 巨龍個牌箱外框幾乎完全平滑，非常失真！無論將就光線都難以突顯該立體...
熱狗凳又係好正的，呢點312 相對無得並論... 唯一一點內籠312 比官方優勝的係312 AD1 畫左冷氣機出風位，而官方係無的！還有一樣較少人理會的可能係官方車個殼好厚，以致很多座位向內擠迫，上層的行人通道幾乎消失！呢個問題在中巴DM 一樣發生，反而之前果D 開龍又唔太明顯...
最近個人燥左少少，對住D 十問八唔應的人問第二次已經想爆粗... 睇黎要控制一下先得！有時自己覺得忍得倒果D 人難頂的語氣、脾氣係自己修為上的進步、提升。就以星期5 晚為例，夜晚O到九點幾，又未食飯，其實都歸心似箭，雖然日間唔係任何時間都咁忙，有空閒時間，但條友仲要我mark 埋record 先好走，本來小弟堅持明天才跟進，因為物件原封不動，明天回來做都一樣，反正明天是星期6，D野都係我做番的。叫人做野態度差到... 幾乎就爆粗想即刻收工，句粗口其實已經上到口邊，但如果得我一個發脾氣的話一定理虧，陣間D 上層果D 一句屌埋黎話而家得你一個OT呀？的時候，分分鐘無言以對，最後都係被迫控制不滿的心情，死死氣做埋先走... 結果就十點先走倒... 好彩281A 生性，無碌車，40來分鐘尖沙咀到廣源！其實夜晚開快都係正常，平時漫長的281A 車程，遇上碌車王真係想落車的！餓到暈只諗起出前一丁豬骨湯+自製辣味！
話就話盡量將就，但有D 人唔係咁易溝通的，非工作方面最近遇到有個人我唔係好頂得佢順，就當係我造藝未夠，我認為也不必忍受一些擺明針對本人的行為，如果話你有壓力要體諒你咁我的壓力都唔細啦，邊個體諒我？所以無野好同佢講，唔會再理佢！
黎緊陸續影埋Carz 開龍、密龍，雖然呢個模我唔多like，不過呢個模可以出產唔少我喜歡的型號，加上最後熱狗除左S3V Buses 玩具模就係到Carz 開龍模，都驚緊呢個模可能會成為家中最多的模型出品！
沒有留言:
張貼留言