BHTXWmb: 1/76 中巴E蛇龍@九巴1A 之玩具閒攝

家中發現部分擺放近窗口的模型紙盒有退色現象！可能係夏天果陣西斜光線、熱力太強有關，雖然沒有被陽光直接照射而且亦有窗簾隔一隔加上D盒擺係呢個位只係得幾個月，都有陰陽退色現象，有需要再編排泊車位置！之前仲on99 想將D模型放係倉庫近窗口位每次進出都望倒D車以為好勁，如果真係咁擺真係一個月左右個盒就變白色了... 都係師兄講得岩~

想到光的粒子在太陽核心經過幾百萬年時間才能衝破太陽核心的超強引力走到50萬公里遠的太陽表面再射向地球！陽光實在太強，唔係令模型變形就係曬白個盒... 此刻又出現一些本來已解決的泊車煩惱，但否認模型太多，而是香港地方實在太細！

今個星期281A 班次不穩，早上廣源部分班次消失，乘客久候平時的兩班車... 呢個現象係佔領旺角的第一個星期已經諗緊日後係有機會出現，因為佔旺期間281A 客量較正常少左1/4 左右，以九巴的無良手法一定會偷少幾班車降低成本，但由於窩打老道繁忙時間塞車嚴重，加上沿路又每站必停，全程行車時間較正常更長！遇上碌車王的話，試過由總站搭接近個半鐘都只係去到油麻地，所以一旦開少幾架車變相脫班機會將提高更多！建議九巴還是按路線圖上的班次準時開車及訓練碌車王的正確駕駛態度以免過份浪費乘客寶貴時間！！！

柏林圍牆倒塌，見證民主力量。(網上圖片)

柏林圍牆倒下25年，當年東德人民無懼打壓，將圍牆推倒，團結就是力量！
二次大戰之後，德國與柏林被美、英、法、蘇分割成四個地區，蘇聯在東佔領區成立德意志民主共和國，美英法則在西佔領區成立德意志聯邦共和國，也就是我們稱的東德和西德。為了防止東德居民逃往西柏林，東德於1961年築起全長155公里的柏林圍牆，而柏林圍牆也是美蘇冷戰時期分割東西歐的鐵幕象徵。(網上資料)

鐵幕是相當恐怖，圍牆之間的空間稱為死亡地帶，但是任何鐵幕都無法阻檔人民心中認為要爭取的東西。柏林市長沃維萊特說，對人民25年前推倒圍牆感到激動，又說世上沒有任何人和事，可阻止對自由、民主的渴求。令我諗起而家香港的示威... 人民始終會勝利！

羅文- 柏林圍牆 (推出年份應該係1987) 柏林圍牆呢首歌同紋身的獵人的前奏都有一種威力... 唔識講...

https://www.youtube.com/watch?v=DzvNI3n2yTU

用牆圍住我心不會被封鎖！將圍牆同情火融合，真係一首好歌！不過柏林圍牆唔係出名之作...

以下是Carz Toy 的E蛇對比~

當年丹尼士巨龍同丹尼士禿鷹係同一個底盤上發展出黎，有資料更指出其實巨龍同禿鷹根本是一模一樣的產品，只是車身上兩者有少許分別，亦反映了當時中巴希望同九巴的巴士有不同之處，所以稱之為禿鷹Dennis Condor，九巴的則稱為巨龍Dennis Dragon。

今時今日，模型雖然都係有唔少失真的地方，但竟然有少少共通之處就係Carz 出九巴十一米巨龍同中巴十一米的禿鷹都係由同一個模組合發展出黎...

我一直想搵個爛泥石地黎影模型用，因為適合做外星景，不過唔識整又搵唔倒那裡有得大塊賣... 如果有師兄知不妨告知~

中巴DM 都係入住一架先，無乜錢同埋睇怕遲D仲有得出，Carz 習慣一模多用... 最好出多D，等D人唔去搶咁多，或者有靚價先入...

Carz D車好奇怪，車胎一高一低，凌空車胎問你死未，唔知係個軸模有問題定車胎有問題呢，不過少人留意無人講咁解，除非你話地下黑色影相咪無野囉，好似上面呢張就有D怪了。DM 車尾同AD1 車尾真係唔鬧唔得啦，個車俾求其到印上去都算，仲要錯size... 睇番1X年前Busex 果隻利蘭奧林比安同BC LV 車尾個車牌都已經有個形狀黎啦，今時今日出的車有乜理由仲差過N年前?? 整唔倒一係就俾張長闊size 準的車牌水貼/貼紙我自己搞... 樣樣細位D 比例都唔準想個模外觀唔怪就假囉... 中巴車仲要索價一部313/348...

前中巴禿鷹車尾~

如果中巴同九巴大家都係去尖沙咀碼頭就精彩了，幾樣最有歷史價值的交通都集結係度，包括天星碼頭、尖碼巴總、熱狗...

車尾對比~

引擎蓋果度又係on9的，下面果塊細板有整兩個較位個形狀，但上面大塊果塊引擎蓋應該有3隻較位就完全唔整，奇怪！點樣樣起模架大佬... 如果搵番N年前Jumpwell 果個11米巨龍出黎睇番同一個位，就會發現都係有相同問題，但舊模引擎蓋上面係分體模，你話Carz 係咪真係將舊模一體化左就算呀拿?? XD~