BHTXWmb: 再見264M 及 P&T 312 1:76 Albion Viking EVK55CL 單層客車模型小分享(1976-1992)

近日又有兩條巴士路線取消左，分別係89R同264M，住廣康區完全無留意原來第一城有條89R巴士線，係近年坐281A 多左，早上偶然見倒有89R 先發覺，再加上89R 平日繁忙得兩班車，所以搵番自己個照片庫發現係完全無影過！另外264M 因為地區偏遠，近幾年都完全無接觸到，只係N年前曾經係綠島影過幾張而已！其實唔好話89R 264M 唔係自己樓下，就算自己樓下的82M 82S 82C呢D 班次極少之餘平時又無咩特別，點會醒起要去影? 今次264M 89R 都係前幾日先知會取消，更加唔會影倒...！

JK1725

JK6080。諗起果陣係有傳言話膠牌都普部分會改電子牌所以見倒膠牌都普唯有都求其影左先，雖然並非屬實，但如果唔係呢D傳言我諗我對都普冷氣車無乜好感未必會晒菲林影...

LN5419。照片由朋友提供。

89R 照片欠奉，唯有post 幾張利蘭當係懷念一下呢條城巴線。自從火炭巴士廠被政府強行收回用作日後大興土木起樓之後，似乎要影城巴利蘭比以前難左好多，因為路線少左加上部分利蘭又提早退埋，以前多車果陣又無乜意識要影齊佢，現在又無學生時期咁自由可以走堂，要影車真係難上加難，難得放假往往都寧願留在家做鍵盤手，影車的動力減少，所以羅文講得好o岩，要持久keep住做一樣野的那團火一點也不容易！

FC6490。無路線的利蘭當佢係準備行89R 算。

FD8530。那夜凌晨，坐了飛出旺角的FD8530 感受過百時速(落斜)！！不過落斜再上斜好似有強勁壓力推我落地咁，好似玩灰熊山果D 落完斜再即刻上斜個人一時間挺唔起咁樣。通過隧道出口的收費站車長唔洗放油，有當年FA8930 坦克蘭出獅隧收費站的速度！俾我的話，我技術未得一定要減到under 10km/h 先過倒收費站條坑以免炒車或碰撞倒後鏡！！(OMSI 入面可以50km/h^^！)

隨年紀增長，又老左了... 更覺朋友的重要，不過坦白講我好少會打俾fd 傾計、問候(唔係粗口)，最近喜歡聽一些朋友之間互相關懷的歌，羅文這首"朋友你好嗎" 的關懷可謂非常周到~ 完全將自己對朋友的關懷講晒出黎~

https://www.youtube.com/watch?v=hW8mn-848CQ

人同人之間本來應該多關懷，少利用！現今情歌氾濫，這些真誠窩心交流的歌可以講係一點清泉！有什麼關懷好得過新找到的工作中，人對你夠好嗎? 好鐘意呢句，因為就算係fd，都未必會開口問！坦白講做野的環境有邊個唔pk，總有少少啦...！聽完兩個字：好歌！！！

等左N 年，九巴最後一款非空調單層客車：亞比安終於入倒手... 話說係2008年3月 312出左亞比安Albion Viking EVK55CL@ 51/64K 之後一直都想入一部，但無奈數量少，俾D炒家炒到天價... 上年九巴話80週年搞展覽，向公眾show 左D古董巴士包括九巴Albion Viking EVK55CL，就更加想買一部模型同真車影合照... 可惜網上價格仍然太高，無法出手... 直到早排終於再度推出！！雖然個展覽完左N 個月，唯有望於日後傑出車長選舉(BCOY)中同真車合照啦... 安慰咁講會唔會係生產商知道我話買唔倒而再出呢？XD

BCOY 上總會展出的亞比安Albion Viking EVK55CL，雖然自己未上過車，但亞比安Albion 呢款車同利蘭一樣在巴士發展上佔了重要席位！Albion 於1900年成立。早期主力生產私家車，後來改為研發商用車，據記載 Albion 於1914年開始生產巴士，主要是由貨車底盤上引伸出來。後來因應英國雙層巴士普及，亞比安車廠也曾生產雙層巴士，但沒有被引進入香港，到在1951年亞比安被英國利蘭車廠收購，成為利蘭的一份子。

Albion Viking EVK55CL (亞比安維京55型)，這批單層巴士是其中一批於1976年引入的傳統單層客車，主要服務新界鄉郊地區，亞比安維京55型是接替17及23型繼續行走一些偏遠地方且路面環境難容納雙層巴士的路線，包括51、64K。亞比安維京55型在行走崎嶇的山路表現理想，在荃錦公路坡道上即使滿載仍能縱容起步！亞比安維京55型的前門設於前車軸的前方，是方便當時取消售票員增設錢箱的所謂一人控制下的新措施，對九巴黎講對推動新界與市區路線全面實行所謂一人控制模式起了關鍵作用。全數與S3V一樣只有30部的Albion Viking EVK55CL 雖然性能表演理想，但除了被九巴自己保留的BM248 之外全部於1992年與世長辭，模型這部車牌BL5042，車隊編號L300，將亞比安55 的風采再現！

巴士被佔領！？邊D人咁無公得心呀，將D垃圾筒周圍放！D垃圾分分鐘倒晒出黎架！雖然話香港是我家，我佔領我屋企關你班差佬乜事姐...

今次模型較上一次亞比安，明顯改善的地方應該係車頭燈改番透明，同埋有人指車窗配置有改善。不過內籠都係用番舊模，個人認為單層巴士應該將內籠整番靚D，好似AA2 咁做番座位有扶手先係，另外同真車對比後發覺上落車門側無油到綠色！未知有否區分不同時期亞比安門位的顏色係咪有分別(見下圖車門傍邊應該是綠色)！總結買倒亞比安都係高興^^！